Geez Bank S.C

27/08/2025

ምዕባለታት!

ፕረዚደንት ባንኪ ኣንበሳ ንሰብ ዋና ባንኪ ግዕዝ "ኩሉ በዓል ብፅሒት ናብ ባንኪ ኣንበሳ ተፀንቢሩ ስለ ዘሎ እንኳዕ ደስ በለኩም" ዝብል መልእኽቲ ናብ ሕድሕድ በዓል ዋና ብሓፂር መልእኽቲ ሰዲዶም ኣለው።

ባንኪ ኣንበሳ ምስ ውሱናት ኣባላት መታሓባበርቲ ፈሪሱ ዘሎ ባንኪ ግዕዝ ብምዃን እቲ ብሕጊ ዝተደነገገ መሰል ሰብ ብፅሒት( ገንዘብ ምስ ወለዱ ንሕድሕድ ሰብ ብፅሒት ምምላስ) ንጎኒ ገዲፎም ቁፅሩ ዘይነዓቕ ኣታሊሎም፣ ገሊኡ ድማ ኣይንደልይን ገንዘብና ምስ ወለዱ መልሱልና ኣብ ዝብለሉ ጥራሕ ከይኾነስ ሃገራዊ ባንኪ እውን ገንዘብ ዓደግቲ ካብ ድልየቶም ወፃኢ ከይተቀሳቕሱ ኢሉዎም እናሃለወ ብኢደ ወነኖም ገንዘብ ፅጉም የዛውሩን ንሰብ ዋና ድማ የንገላትዑን ኣለው።

ብፍላይ ዝተፈለ ኢኮኖሚያዊ ፀገም ዘለኩምን ብዝኾነ መልክዑ ገንዘብኹም ክምለሰኩም እትደልዩ ዓደግቲ ልክዕ ኸምቶም ፈልልዮም ዝመለሱሎም 108 ሰባት ክምለሰልኹም ሕተቱ።

ሐዚ እውንዐደጊምና ደጋጊምና ነቲ በዓል ዋና ኣኪብኹም ወይ ብሚድያ እታ ሓቂን። ሕጋዊትን ኣካይዳ ኣፍልጡዎ።

15/07/2025

ብሚድያ መግለፂ ሃቡ!
=============

ሰብ ብፅሒት ባንኪ ግዕዝ
ገሊኡ ሓበረታ ስኢኑ፣
ገሊኡ ግጉይ ሓበረታ ተዋሂቡዎ፣
ገሊኡ ገንዘቡ ተመሊሱሉ፣
ገሊኡ ድማ ገንዘብኻ ናብ ኣንበሳ ተዛዊሩ እናተባህለን ካልኦት ሃልኪታትን እናጋጠሞ ይርከብ።

ካብዚ ተበጊስኹም ባንኪ ኣንበሳ ምስ ሃገራዊ ባንኪ ዝተፈራረምኹምዎ ውዕሊ ብሚድያ መግለፂ ክትህቡሉ ይግባእ።

ዝተወሃበኩም ሓደራ ግልፂ ብዘይምግባርኹም ሰብ ብፅሒት ይገጥሞም ዘሎ ምንግልታዕ ብዝኾነ መዐቀኒ ተቐባልነት የብሉን።

06/07/2025

መፍትሒ ግበሩሉ!
===================
እቲ ኣሚኑን ተረዲኡን ናብ ባንኪ ኣንበሳ ክዛወረሉ ዝፈረመ በዓል ዋና ይዛወረሉ ኣሉ፣ ሰናይ ድልየቱ ስለዝኾነ ፀገም ኣይፈጥርን፡

እቲ ፈፂመ ኣይፍርምን ገንዘበይ ይመለሰለይ ዝበለ ድማ ገንዘቡ ምምላስ ተጀሚሩ ኣሎ

እቲ ገንዘብኻ ዝምልሰልኻ የለን ፈርም ተባሂሉ ተታሊሉ ዝፈረመ በዓል ብፅሒት ግን ወግሐ ፀብሐ ይሓትት ኣሎ ሞ እንተስ ኣኪብኹም እንተስ ብሚድያ ወይ ድማ ካብ ሃገራዊ ባንኪ ዝተፃሕፈ ደብዳበ ሂብኹም እቲ ህዝቢ መፍትሒ ይርከብ።

ሰንፈላል ይኣኽሎ።

26/06/2025

ባንኪ ኣንበሳ ከምዚኦም ዝበሉ ብመታለሎን ንውልቀ ረብሓኦም ዝተታለሉ ሰብ ብፅሒት ክተድምፁዎም ንፅውዕ! ውዒሉ ሓዲሩ እቲ ሓቂን ሕጊን ግልፂ ስለዝወውን! ገንዘቡ ጅሆ ሒዝኻ ብዘይሰናይ ፍቓድ ዝዛወር ገንዘብ ክህሉ የብሉን። ምስ ሃገራዊ ባንኪ ወለኩም ስምምዕ እውን ነዚ ዝምልከት እዩ። መግለፂ ክትህቡ ድማ ይግባእ!

26/06/2025

ሃገራዊ ባንኪ ታይ ይሰርሕ ኣሎ?
ከይዲ ምምሳስ ብፅሒት ዝምልከት ካብ ሰብ ዋና ተደጋጋሚ ይቐርብ ኤሎ። ካብዚ ብምብጋስ እቲ ኸይዲ ዘለዎ ብርኪ ዝስዕቡ ምዃኖም ክትርድኡ ንሓትት።

ሃገራዊ ባንኪ ኢ/ያ "ሰብ ብፅሒት ሕድሕዶም ብሰናይ ፍቓዶም፣ ኣሚኖምን ሓቂ ተነጊሩዎምን ብዝመረፁዎ ገንዘቦም ክምለሰሎም/ክዛወረሎም ይሰርሕ ኣለኹ" ኢሉ። እዚ ድማ ኣብ ዝሓፀረ ግዘ ናብ ተግባር ክሰጋገር ምዃኑ ገሊፁ ኣሎ። እዚ ማለት ይመለልና ዝበሉ ክምለሰሎም ናብ ባንኪ ኣንበሳ ይዛወረልና ዝበሉ ድማ ብፍቓዶም ብፅሒቶም ንክዛወር እዩ። ከም ኣገላልፃ እቲ ባንኪ።

ሃገራዊ ባንኪ ኣብ ኩሎም ባንኪታት ዘሎ ገንዘብ ናብ ባንኪ ኣንበሳ ክዛወርን፣ ባንኪ ኣንበሳ ድማ ሰናይ ፍቓድ ሰብ ብፅሒት መሰረት ዝገበረ (ብልዑል ጥንቃቐን ሓላፊነትን) ገንዘብ ይመለሰለይ ዝበለ ገንዘቡ ክምለሰሉ፣ ኣብ ባንኪ ኣንበሳ ብፅሒት ክዕድግ ዝደለየ ድማ ዋንነት ወረቀት(ሰርቲፊኬት) ክወሃቦ ምስ ባንኪ ኣንበሳ ኣብ ምርድዳእ ከምዝተበፀሐ ገሊፁ ኣሎ።

ሃገራዊ ባንኪ ኢ/ያ ንምንታይ ኣብ ዕድጊት ዝፈፀሙሉ ባንኪ ገንዘቦም ዘይምለሰሎም? ዝብል ሕቶ ተሓቲቱ፣ መብዛሕቲኡ በዓል ብፅሒት ኣብ ባንኪ ኣንበሳ ዕድጊት ክፍፅም ድልየት ከምዘለዎ ብፊርማኡ ኣረጋጊፁ እየ፣ ብተወሳኺ ድማ ባንኪ ኣንበሳ ኣብ ትግራይ ዝበዘሐ ጨናፍር ስለዘለዎ ሰብ ብፅሒት ገንዘቦም ክምለሰሎም ይኹን ኣብኡ ዕድጊት ክፍፅሙ ዝቐለለ ምዃኑ ይገልፅ።

ሃገራዊ ባንኪ ኢ/ያ ብዝገለፆ መሰረት እቲ ገንዘብ ብዘይ ወለድ ከምዝምለስ እዩ ዝሰርሕ ዘሎ። እዚ ድማ ኣብ ንግዲ ሕጊ ኢ/ያ ዓንቀፅ 254(3) ዘሎ ግልፂ ድንጋገ ዝጠሓሰ ምዃኑ ንከዐርዮ ዝሃብናዮ ናይ ሕጊ ርኢቶ ከምዘይቕበሎ ገሊፁ ኣሎ።

ብኻሊ ወገን ሰብ ዋና ባንኪ ግእዝ ኣብ ሰለስተ ኸፊልኻ ምርኣይ ይከኣል
1) ባንኪ ኣብበሳ ዘቕረበሎም ፍሉይ ተረባሕነት ኣሚኖምን ተረዲኦምን ክዛወረሎም ብሰናይ ፍቓዶም ዝፈረሙ።
2) ብዝተሰሓሓተን ካብ ሓቂ ዝረሓቐን ሓበረታ ተነጊሩዎም ወይ ድማ ገንዘብኹም ክዝንግዕ እዩ፣ ከምሃገርኹም ፈርሙ ወዘተ ብዝብል ፊርማ ዘዕረፉን እቲ ሓቂ ምስፈለጡ ኣብ ጓሂን ዝርከቡ
3) ፈፂሞም እቲ ምዝዋር ዘይተቐበሉን ገንዘብና ይመለሰልና ዝብል ሕቶ ዝሓተቱን ዘይሓተቱን እዮም።

ኣብ መወዳእታ ሃገራዊ ባንኪ ካብ ሰናይ ፍቓድን ንሰብ ዋና ብምስሕሓትን ገንዘቦም ንዘይኣመኑሉ ዕላማ ከይውዕል ክከታተል ይግባእ።

09/06/2025

ጉዳይ ማሕበር ኣክስዮን ማይክሮ ፋይናንስ
ምድረ ግዕዝ!

ቅድሚ ባንኪ ግዕዝ ከይዲ መሸጣ ዕጫ ዝዛዘመት ማሕበር ኣክስዮን ማይክሮ ፋይናንስ ምድረ ግዕዝ ገንዘብ ካብ ዕፁው ሒሳብ ገንዘባ ምንቅስቓስ ሓዊሱ ማእለያ ዘይብሎም ዕንቅፋታት ገጢሙዋ ምስረታኣ ተኾሊፉ ሃለዋታ ጠፊኣ ብሰብ ዋናኣ ዝተረሰዐት ትካል እያ።

ድሕሪ ብዙሕ ላዕሊን ታሕን ሃገራዊ ባንኪ ኢትዮጵያ ማእለያ ዘይብሎም ግደፈታት ርእዩ ከምዘይረኣየ ገዲፉ፣ ጠንቂ ውድቀታ ዝገበሩ ኣካላት ዝፈፀሙዎ ጥፍኣታት ንምሽፋን ከምተተካእቲ ገይሮም ናብ ቦርዲ ኣባልነት ዝመዘዙዎም 2 ሕፁያት ውልቀ ሰባት ውድቂ ገይሩ፣ ሓደሽቲን ዝበዝሐ ብፅሒት ዘለዎም፣ ዝሓሸ ልምዲ መሪሕነትን ዘሐለዎም ከምኡ ድማ ብሰብ ዋና ዝተመረፁ 7 ውልቀ ሰባት ኣባላት ቦርዲ እናተመረሐት ስራሓ ክትጅምር ናይ ስራሕ ፍቓድ ረኺባ ኣላ።

ሃገራዊ ባንኪ ትኹረቱ ኣብ ዝተበደሉ ሰብ ዋና ገይሩ ሱር ዝሰደደ ፀገማ ፍልፍሉ ነፂሩ ፈጠርቲ ፀገም ካብ እንግደዓ ትካል ብምውራድ ፍቓድ ረኺባ ናብ ስራሕ ክትኣቱ ዝኸዶ ርሕቐት ዝነኣድ ኾይኑ ናብ ተሓታትነት ከምዝሰጋገር ድማ ኣየጠራጥርን።

ኣብ ባንኪ ግዕዝ ዘሎ ፀገምን ዕንይንይን ድማ መበገሲኡ ተረዲኡ ቅልጡፍ ስጉምቲ ብምውሳድ ዝፀነሐ መሪሕነት በቲኑ ገንዘብ ህዝቢ በቲ ሕጊ መሰረት ክምለስ ዝሕግዙ በዓል ሓደራ መታሓባበሪ ኮሚቴ ሰይሙ መፍትሒ ክገብረሉ ሙሉእ ሓላፊነት ኣለዎ።

12/05/2025

መዘኻኸሪ!

ገንዘብና ምስ ወለዱ ኣብ ዝሓፀረ ግዘ ክነምልስ ዝብሉ ሰብ ብፅሒት ን1:30 ብZoom ንምርኻብ ዝተሰናድአ መድረኽ 1 ሰዓት ይተርፎ ኣሎ።

Zoom is the leader in modern enterprise cloud communications.

12/05/2025

ሓበረታ!

ብመሰረት ዝቐረበ ሕቶ ህልዊ ኹነታት ትካልና ዝጥምት ሓፂር ፃንሒት ክነካይድ ንሎሚ ሶኒ ምሽት ሰዓት 1:30 መደብ ተታሒዙ ስለዘሎ በቲ ኣብ ታሕቲ ዘሎ Zoom ኣድራሻ ክትሳተፉ ብኽብሪ ንዕድም!

11/05/2025

ገንዘብና ምስ ወለዱ ክምለሰልና ንሃገራዊ ባንኪ ክንሓትት እዚ ተዘይሰሚሩ ድማ ብቤት ፍርዲ ኣብ ሓፂር ግዘ ገንዘብና ክነምልስ ኢና ዝብሉ ዓደግቲ ዕጫ ዝኸፈትዎ ናይ ዋትስኣፕ ኣዳራሽ ኣብ ውሽጢ 24 ሰዓት 370 ሰብ በፂሖም ኣለው። ሰብ ዋና ንዕሰሉ ድማ ይብሉ ኣለው።

WhatsApp Group Invite

11/05/2025

"ገንዘብና ምስ ወለዱ ኣብዝሓፀረ ግዘ ይመለሰልና"

ዝብሉ ዓደግቲ ዕጫ ዝፈጠሩዎ ናይ ዋትስኣፕ ውዳበ 250 ሰብ በፂሖም ኣለው። ሕቶ ዘለኩም ወገናት ድማ ነታ ሊንክ ነኺእኹም ተፀንበሩና ይብሉ ኣለው።

WhatsApp Group Invite