25/04/2026
ውድ ደንበኛችን
የኢትዮጵያ ብሔራዊ ባንክ ደንበኞች የባንክ ሒሳብ ቁጥራቸውን ከፋይዳ ቁጥራቸው ጋር ለማስተሳሰር ያስቀመጠው የጊዜ ገደብ መራዘሙን አስታውቋል፡፡
በዚህም የማጠናቀቂያ የጊዜ ገደብ በከተሞች ስርጭት እንደሚከተለው ይሆናል:-
1. እስከ ግንቦት 6 ቀን 2018 ዓ.ም (May14, 2026): - በሐረሪ ክልል እና በሚከተሉት 26 ዋና ዋና ከተሞች ማለትም :-
አዲስ አበባ፣ ድሬዳዋ፣ ባህር ዳር ፣ጎንደር ፣ደሴ ፣ደብረ ብርሃን፣ ኮምቦልቻ፣ ሀዋሳ፣ አርባ ምንጭ፣ ወላይታ ሶዶ፣ሆሳዕና፣ ወራቤ፣ ቡታጅራ፣ ወልቂጤ፣ ሸገር፣ ጅማ፣ አዳማ ፣ሻሸመኔ፣ ቢሾፍቱ፣ባቱ፣አምቦ፣ መቐለ፣ አክሱም፣ ዓዲግራት፣ ጋምቤላ እና አሶሳ የሚገኙ ደንበኞች የፋይዳ ቁጥራቸውን አስተሳስረው ማጠናቀቅ ይገባቸዋል፡፡
2. በተቀሩት የሀገሪቱ ክፍሎች የሚገኙ ደንበኞች እስከ ሰኔ 30 ቀን 2018 ዓ.ም (July 7, 2026) ፡ - ድረስ ሂሳባቸውን ከፋይዳ ቁጥር (ብሔራዊ መታወቂያ) ጋር ማስተሳሰር እና ማጠናቀቅ ይገባቸዋል፡፡
3. የዲፕሎማቲክ ማህበረሰብን እና በውጭ ሀገር የሚኖሩ ነዋሪዎችን ይህ የጊዜ ገደብ የማይመለከት ሲሆን በውጭ ሀገር የሚገኙ የሂሳብ ባለቤቶች አስፈላጊውን መረጃ በአካል ወይም በህጋዊ ወኪሎቻቸው አማካኝነት ለባንኮች ማቅረብና ማረጋገጥ ይኖርባቸዋል፡፡
ስለዚህ እርስዎም በተቀሩት አጭር የማራዘሚያ ቀናት ወደሚቀርብዎ የወጋገን ባንክ ቅርንጫፍ በመሄድ ወይም በኦንላይን ይህን ሊንክ በመጠቀም https://fayda.wegagenbanksc.com.et/harmonization አልያም በወጋገን ሞባይል መተግበሪያ “others” የሚለውን መርጠው “Fayda” የሚለውን በመጫን እና መመሪያውን በመከተል የፋይዳ ዲጂታል መታወቂያ ተለዋጭ ቁጥርዎን ከሂሳብዎ ጋር እንዲያስተሳስሩ በአክብሮት እንጠይቃለን፡፡
በተቀመጠው የጊዜ ገደብ ውስጥ አካውንታቸው የማያስተሳሰሩ ደንበኞች በብሔራዊ ባንክ መመሪያ መሠረት ሒሳባቸው የሚዘጋ ወይም እንዳይንቀሳቀስ የሚደረግ መሆኑን እናሳውቃለን፡፡
