http://www.promote-ethiopia.com/

Debre Berhan International Investment & Finance Expo2024, Addis Ababa, Debre Birhan (2026)

24/05/2023

በኢትዮጵያ አየር መንገድ ከቀረጥ ነጻ የሚሸጡ የቆዳና ቆዳ ውጤቶች አበረታች ውጤት እያስመዘገቡ ነው - አቶ መላኩ አለበል

አዲስ አበባ፣ ግንቦት 16፣ 2015 (ኤፍ ቢ ሲ) በኢትዮጵያ አየር መንገድ የሽያጭ ማዕከል ከቀረጥ ነጻ የሚሸጡ የቆዳና ቆዳ ውጤቶች አበረታች ውጤት እያመጡ መሆኑን የኢንዱስትሪ ሚኒስትሩ መላኩ አለበል ገለጹ፡፡

አቶ መላኩ አለበል ከአየር መንገዱ ዋና ስራ አስፈጻሚ መስፍን ጣሰው ጋር በአየር መንገዱ ከቀረጥ ነጻ የቆዳና ቆዳ ውጤቶች የሽያጭ ማዕከል እንቅስቀሴ እና የቀጣይ አቅጣጫዎች ላይ ተወያይተዋል፡፡

በውይይታቸውም ÷ በቆዳና ቆዳ ውጤቶች የቀረጥ ነፃ የሽያጭ ማዕከል አፈጻጸም፣ የቆዳና ምርቶችን ከማስተዋወቅ፣ የምርት ጥራትና ተደራሽነትን ከማስፋፋት፣ ከውጪ ወደሀገር ውስጥ የሚገቡ ምርቶችን በሀገር ውስጥ ምርቶች መተካት በሚቻልበትና የውጭ ምንዛሬ የገቢ መጠን ማሳደግ ላይ መክረዋል፡፡

የቆዳና ቆዳ ውጤቶች የቀረጥ ነጻ የንግድ ማዕከል ወደ ስራ ከገባ ጀምሮ በምርት ጥራት፣ በገቢ እድገት፣ የመዳረሻ ገበያ ከማሰደግ እና ለዜጎች ተጨማሪ የስራ እድልን በመፍጠር ረገድ አስተዋጽኦ እንዳለውና አበረታች ውጤት እያመጣ መሆኑን አቶ መላኩ ገልጸዋል፡፡

እንደ ሀገር የቆዳ ኢንዱስትሪው ከተጋረጠበት አደጋ ለመታደግ ከተሰሩ ስራዎች አንዱ የሆነው የሽያጭ ማዕከሉ ወደ እንቅስቃሴ ከገባበት ጊዜ አንስቶ በተቋም ደረጃ እስፈላጊውን ድጋፍ እየተደረገለት መሆኑንም ጠቅሰዋል፡፡

የታየውን አበረታች ውጤት ተከትሎም ከሚመለከታቸው አካላት ጋር በመነጋገር በዘርፉ ለተሰማሩ አነስተኛና መካከለኛ አምራቾች ተጨማሪ የማምረቻ ቦታዎች የማመቻቸት ስራ መሰራቱንም አንስተዋል፡፡

ከቆዳናቆዳ ውጤቶች በተጨማሪም ሌሎች የሀገር ውስጥ የኢንዱስትሪ ምርቶችን በዓለም አቀፍ ገበያ እንዲገቡ የማድረግ ስራ ለመስራት ከአየር መንገዱ ጋር ከስምምነት መድረሳቸውን የሚኒስቴሩ መረጃ ያመላክታል፡፡

22/05/2023

ከኢትዮጵያ ልማት ባንክ ብድር ወስደው በሁሉም የሀገራችን አካባቢዎች ሃብት መፍጠር የቻሉ ኢንቨስተሮች ይገኛሉ፡፡ በመሆኑም በጥያቄያችሁ መሰረት የስኬታማ ሰዎችን የስራና የህይወት ልምድ አጋርተናል፡፡ መልካም ንባብ፡፡

ከአንድ ብርቱ….

በወረታ ከተማ በአነስተኛ የቢዝነስ መስክ ላይ በመሰማራት በህይወታቸው ያጋጠማቸውን ጉድለት ለመሙላት እረፍት የለሽ እንቅስቃሴ የሚያደርጉ ወጣቶች ናቸው፡፡ የተለመደ ስራቸውን በመከወን ላይ ሳሉ በ2010 ዓ.ም የኢትዮጵያ ልማት ባንክ የጎንደር ዲስትሪክት ወረታ ቅርንጫፍ በከተማዋ ለሚገኙ ነዋሪዎች አንድ ዜና ይዞ ብቅ አለ፡፡

በተለያየ የስራ መስክ ላይ ተሰማርተው የሚገኙ ነገር ግን በፋይናንስ እጥረት ስራቸውን ማሳደግ ያልቻሉ ተሰባስበው ለስራ መነሻ የሚሆናቸውን ገንዘብ በማፈላለግ የኢትዮጵያ ልማት ባንክ የሊዝ ፋይናንስ የብድር አገልግሎት ተጠቃሚ እንዲሆኑ የሚጋብዝ መልካም ዜናን ሰሙ፡፡

ይህን የሰሙት አምስቱ ወጣቶች በጋራ ሆነው እንደ አንድ ለመስራትና ከተሰማሩበት የስራ መስክ ከፍ ወዳለው የቢዝነስ አማራጭ ለመሰማራት በማቀድ ወደ ልማት ባንክ አመሩ፡፡ ደርበውና መንግስቱ የድንጋይና ጠጠር ማምረት ኃላፊነቱ የተወሰነ የግል ማህበር በዚህ መንገድ ተመሰረተ፡፡ ከእኛ የሚገባውን ሁሉ አሟልተን በመሄዳችን የኢትዮጵያ ልማት ባንክን አገልግሎት መጠቀም ችለናል ይላል የማህበሩ ሰብሳቢ አቶ ደርበው ሙላት፡፡

ደርበውና መንግስቱ የድንጋይና ጠጠር ማምረት ኃላፊነቱ የተወሰነ የግል ማህበር አባላት አምስት ሆነው የየራሳቸውን ስራ በመተው በጋራ ሆነው የትልቅ ድርጅት ባለቤት የመሆን ፍላጎታቸውን ልማት ባንክ አሟልቶላቸው ዛሬ በወረታ ከተማ የትልቅ ጠጠር ማምረቻ ባለቤት መሆን ችለዋል፡፡

ባንኩ በሊዝ ፋይናንስ የብድር አገልግሎት የጠጠር ማምራቻ ማሽኑን አቅርቦላቸዋል፡፡ እነዚህ ባለራዕዮች የተሻለ ስራ መስራት እንችላለን በሚል የስራ መነሳሳት የገቡበት ስራ ዛሬ የግል ሕይወታቸውን ከመቀየር አልፎ ድርጅታቸውን ማሳደግ እንደቻሉ የማህበሩ ሰብሳቢ ተናግሯል፡፡ ጤናማ የሆነ የብድር አመላለስ ውስጥ እንደሆነ የተናገረው ሰብሳቢው የብድር አመላለሳችን ወቅታዊ ችግር ቢገጥም እንኳን የባንኩን ብድር ከመመለስ ወደኋላ አንልም ሲል አክሏል፡፡

አንድ ሰው ብቻውን ማድረግ ወይም ማሳካት የማይችለውን ሰብሰብ ብሎ እንደኛ ማድረግ ይችላል፡፡ እኛ በግላችን ስራ የነበረን ሰዎች ብንሆንም እያንዳንዳችን በተናጥል ማድረግ የማንችለውን ሰብሰብ ብለን አቅም በመፍጠር ተጠቃሚ መሆን ችለናል ብሏል የማህበሩ ሰብሳቢ፡፡
የነበረባችውን የፋይናንስ ችግር በመፍታት ህብረታቸውን ወደ ውጤት ከቀየረው የኢትዮጵያ ልማት ባንክ ጋር በሌላ ስኬት ለመምጣት ዝግጅታችንን አጠናቀናል ይላሉ፡፡

በቀጣይም እንደ እነ ደርበውና ጓደኞቹ ሁሉ የኢትዮጵያ ልማት ባንክ ስራ ጀምረው ስራቸውን ማሳደግ ለሚሹ፣ ወደ ቢዝነስ ለመግባት እቅድ ያላቸውን ሁሉ የኢትዮጵያ ልማት ባንክ አስተማማኝ አጋር በመሆን የድርሻውን ለመወጣት ዝግጁ ነው፡፡

የኢትዮጵያ ልማት ባንክ
የልማት አጋርዎ!

20/05/2023

የሲደማ ክልል ኢንቨስትመንት ፎረም በሐዋሳ ከተማ እየተካሄደ ነው

የሲደማ ክልል ኢንቨስትመንት ፎረም "ኢንቨስትመንት ለሀገር ዕድገት እና ብልጽግና" በሚል መሪ ሐሳብ ለመጀመሪያ ጊዜ በሐዋሳ ከተማ እየተካሄደ ይገኛል።

ፎረሙ የክልሉን ኢንቨስትመንት አማራጮችን ማስታዋወቅን እና በዘርፉ መሬት ወስደው በተለያዩ የአፈጻጸም ደረጃዎች የሚገኙትን ባለሀብቶች ለማነሳሳት ታሳቢ ያደረገ መሆኑ ተገልጿል።

በፎረሙ ላይ የተገኙት የሲደማ ክልል ርዕሰ መስተዳደር አቶ ደስታ ሌዳሞ ባደረጉት ንግግር፣ ለዕድገት መሠረት የሆነውን የመሬት ሀብት መረጃ አያያዝ ማዘመን እና በተገቢው ማስተዳደር ይገባል ብለዋል።

የክልሉ መንግሥት በዘርፉ የነበሩ ችግሮችን ለመፍታት ባለፉት ዓመታት ባደረገው ጥናት እና ግምገማ ክፍታቶቹን በተገቢው መለየቱንም ጠቁመዋል።

በፎረሙ ላይ የሚደረሰውን ውሳኔ ተከትሎም መሬት ወስደው በውሉ መሠረት ማልማት ካልቻሉ ባለሀብቶች መሬቱን በማስመለስ ለአልሚ ባለሀብቶች ወደ መስጠት እንደሚገባም ርዕሰ መስተዳድሩ አረጋግጠዋል።

በአንፃሩ በተሰማሩበት የኢንቨስትመንት መስኮች የሥራ ዕድሎችን ከመፍጠር ጀምሮ ፈጣን ውጤት እያስመዘገቡ ያሉ ባለሀብቶችን አመስግነዋል።

የክልሉ ንግድ እና ኢንዱስትሪ ቢሮ ኃላፊ አቶ አሻግሬ ጀምበሬ በበኩላቸው፣ በክልሉ ያሉ ምቹ የመልማት አቅሞች ለኢንቨስትመንቱ መስፋፋት አዎንታዊ ድርሻ አላቸው ብለዋል።

በክልሉ የሚገኙ ኢንቨስትመንቶች በጥሩ አፈጻጸም ደረጀ ላይ የሚገኙ እንዳሉ ሁላ በርካታ ድጋፍ የሚሹ ፕሮጀክቶች እንዳሉም አስታውቀዋል።

በፎረሙ ላይ የሚተላለፉ ውሳኔዎች ለፕሮጀክቶቹ እንደየአፈጻጸም ደረጃቸው የመፍትሔ አማራጭ ይዞ ይመጣል የሚል እምነት እንዳላቸውም አስታውቀዋል ሲል ዴሬቴድ ዘግቧል።

20/05/2023

ለተከታታይ 5 ቀናት ሲካሄድ የነበረው 8ኛው የቴክኖሎጂ፣ ክህሎት፣ ጥናትና ምርምር ውድድር ተጠናቀቀ ።

ደብረ ብርሐን፤ ግንቦት 11 ቀን 2015 ዓ.ም ( ሰሸዞመኮ ) በአማራ ክልል አዘጋጅነት ከግንቦት 6 ጀምሮ በአሰልጣኞች፣ሰልጣኞችና ኢንተርፕራይዞች መካከል ሲካሄድ የቆየው 8ኛው ክልላዊ የቴክኖሎጂ፣ ክህሎት፣ ጥናት ምርምር ውድድር ተጠናቋል ።

ውድድሩ በ18 የሞያ መስኮች በአሰልጣኞች፣ ሰልጣኞችና አንቀሳቃሾች መካከል የተካሄደ መሆኑን የገለፁት; የክልሉ ስራና ስልጠና ቢሮ ምክትል ቢሮ ኃላፊ አቶ አማረ አለሙ በውድድሩ 39 ኢንተርፕራዞች ምርታቸውን አስተዋውቀዋል ፡፡

በውድድሩ በ23 የቴክኒክና ሞያ ኮሌጆች ጥናትና ምርምር የተካሄደ ሲሆን፤ 18 ተወዳዳሪዎች እንደነበሩም ገልጸዋል፡፡ በዘርፉ ያሉ 4 ችግሮችንም ለይተናል ብለዋል፡፡

በማጠቃለያ መርሐ ግብሩ ላይ አማራ ክልል ስራና ስልጠና ቢሮ ኃላፊ አቶ አረጋ ከበደ፤ እንደገለፁት፤ ውድድሩ ከዚህ የተሻለ ለመስራት ግንዛቤ የወሰድንበት ነበር ፡፡ በዘርፉ ማነቆ ያልናቸውን ጉዳዮች ላይ ከባለድርሻ አካላት ጋር የመከርንበት መድረክ ነበር ብለዋል

በአንቀሳቃሽና በኢንተርፕራይዞች የምንሰራው ስራ ለተጠቃሚው ማህበረሰብ ራሳችን ያስተዋወቅንበት፣ ወደፊት ስለምንሰራቸውም ስራዎች ከህዝብ አስተያየት የተቀበልንበትና ልምድ የወሰድንበት ነበር በማትም ገልፀዋል፡፡

በየኮሌጆች የተገኙ ልምዶች ሊሻሻሉና ትምህርት የሚወሰድባቸው መሆናቸውን እንዲሁም በዘርፉ የህግ ማሻሻያ ማድረግ የሚገባንን ጉዳዮችም ያየንበት ነበርም ብለዋል፡፡

በአጠቃላይ ውድድሮች አሸናፊ ለነበሩ ኮሌጆችና ተወዳዳሪዎች የዋንጫና ሰርተፍኬት ሽልማት ተሰጥቷል ፡፡ በዚህም መሰረት በአጠቃላይ ውድድሮች 1ኛ የወጣው ደብረ ብርሃን ፖሊ ቴክኒክ ኮሌጅ ሲሆን ኮምቦልቻና ባህር ዳር ፖሊቴክኒክ ኮሌጆች 2ኛና 3ኛ ደረጃን አግኝተዋል

19/05/2023

የኢትዮጵያ ልማት ባንክ አነስተኛና መካከለኛ ኢንተርፕራይዞች ለአገራችን ከሚሰጡት የላቀ ፋይዳ በመነሳት ያሉባቸውን ተግዳሮቶች ለመቅረፍ የሚያስችል ስራ እየሰራ ይገኛል፡፡ ኢንተርፕራይዞቼ ሊያጋጥሟቸው የሚችሉ የቴክኖሎጂ ችግሮችን በመቅረፍ እና የማሽነሪ አቅርቦት ከነድጋፉ በማዘጋጀት፣ የክህሎት ክፍተታቸውን መሙላት የሚያስችል ስልጠና በመስጠት እና በተለይ በአምራች ኢንዱስትሪ ላይ ተሳትፏቸውን እንዲያሳድጉ በማገዝ በኩል ተጨባጭ ስራዎችን እየሰራ ይገኛል፡፡

በአራተኛ ዙር የአነስተኛና መካከለኛ ኢንተርፕራይዞች ስልጠና ላይ ስራ ፈላጊው ወደስራ ሊገባ የሚችልበትን ቀላል እና አዋጭ መላ በማቅረብ የብዙዎቻችሁን ቀልብ የያዘው አባ መላ በስልጠና ወቅት ያቀረባቸውን የስራ አማራጮች በድጋሚ እንድናጋራችሁ በማህበራዊ ሚዲያ ገጻቻችን ላይ ጠይቃችኋል፡፡ በመሆኑም በአባ መላ የቀረቡ የስራ አማራጮች (መላ) ቀላልና ተነባቢ በሆነ መልኩ እንዲህ አጋርተናል፡፡

የኢትዮጵያ ልማት ባንክ
የልማት አጋርዎ!

18/05/2023

በቡሬ ከተማ የሚገኘው ፊቤላ የዘይት ፋብሪካ ከዘይት ተረፈ ምርቱ የሚያመርተው ሳሙና!

ግንቦት 09/2015 ዓ.ም!

18/05/2023

ከዓመት ዓመት ያለ ሃሳብ ያለ ገደብ!

ዓመታዊ ያልተገደበ የድምፅ ጥሪ እና አጭር መልዕክት ጥቅልን እጅግ በላቀ ቅናሽ በ5,995 ብር ብቻ አንዴ ገዝተው ዓመቱን ይሻገሩ!

በቴሌብር እና ማይ ኢትዮቴል መተግበሪያዎች አንዲሁም *999 # ገዝተው ይጠቀሙ

17/05/2023

ምክትል ኮምሽነር ተመስገን ጥላሁን እና በቻይና ጉብኝት እያደረገ የሚገኘው የኢትዮጵያ ኢንቨስትመንት ኮምሽን ልዑክ ቡድን ከክቡር አምባሳደር ተፈራ ደርበው እና በቤጂንግ የኢትዮጵያ ኤምባሲ ሰራተኞች ጋር ተገናኝተው መክረዋል፡፡

በምክክሩ አዳዲስ የቻይና ኢንቨስተሮችን ለመሳብ ሲስተም ላይ የተመስረተ እና ፕሮጀክት ላይ ያተኮረ እንዲሁም አስፈላጊው ድጋፍ እና ክትትል የሚደረግበት አስራርን መፍጠር የሚቻልባቸው መንገዶች ላይ ሰፊ ውይይት ተደርጓል፡፡ በተጨማሪም ከኢንቨስት ኢትዮጵያ 2023 የኢንቨስትመንት ፎረም የተገኙ ውጤቶች ላይ ውይይት የተደረገ ሲሆን በተገኙ ውጤቶች ላይ የቅርብ ክትትል ማድረግ እና ለመጪው አመት ኢንቨስት ኢትዮጵያ 2024 ፎረም ቅድመ ዝግጅት አተኩሮ መስራት እንደሚገባ በውይይቱ ተጠቅሷል፡፡

Deputy Commissioner Temsegen Tilahun and the EIC delegation have met and discussed with H.E. Ambassador Tefera Derbew and Ethiopian embassy staff in Beijing. Both sides agreed on the need to systematised, project based and proactive Chinese investors engagement strategy, streamlined facilitation services and coordinated aftercare support. The two sides also reviewed outcomes and stressed on doing a close follow up and assure timely project conversion activities including advance planning on IE2024.

14/05/2023

8ኛው የቴክኖሎጂ፣ የክህሎት እና የጥናት ምርምር ውድድር ተከፈተ ።

ደብረ ብርሃን፤ ግንቦት 06 ቀን 2015 ዓ.ም (ሰሸዞመኮ) በአማራ ክልል 8ኛው የቴክኖሎጂ፣ የክህሎት ፣ የጥናት ምርምር ውድድርና የኢንተርፕራይዞች ሽግግር "ክህሎት ለተወዳዳሪነት!" በሚል መሪ ሀሳብ ከግንቦት 6 _12/2015 ዓ.ም በደብረ ብርሐን ከተማ ይካሄዳል።

በሀገር አቀፍ ደረጃ ለ3ኛ በአማራ ክልል ለ8ኛ ጊዜ ይህ መርሐ ግብሩ እየተካሄደ ሲሆን 1 ነጥብ 5 ቢሊዮን ብር ያስመዘገቡ 126 ለሚሆኑ ኢንተርፕራይዞች ከአነስተኛ ወደ መከከለኛ የደረጃ የሽግግር እውቅና አሰጣጥ ፕሮግራም ተካሂዷል ።

በዛሬው ዕለትም ሳምንት ውድድር ለማካሔድ የፕሮግራሙ መጀመርን የተመለከተ ይፋዊ ስነ - ስርዓት እየተካሔደ ነው።
በመርሐ ግብሩ የመክፈቻ ንግግር ያደረጉት የኢፌድሪ የስራና ክህሎት ሚንስቴር ሚንስትር ዴኤታ አቶ ንጉሱ ጥላሁን፤ ኢንተርፕራይዞች ለሌሎች መንገድ እንዲከፍቱበት መንገድ ሲሆን ምርትና አገልግሎታቸውን የሚያቀርቡበትም ይሆናል፡፡

የምንፈጥራቸው የስራ ዕድሎች ከደረጃ ወደ ደረጃ የሚሸጋገሩ፣ ሀብት የሚፈጥሩ፣ ተኪ ምርቶችን የሚያመርቱና ኢትዮጵያን ተወዳዳሪ እንዲሆኑ በማሰብ እና የምርታማነት ጥያቄን መልስ እንዲመልሱ፣ የስራ ባህል ለውጥ እንዲያመጡ ታስቦ የተዘጋጀ መሆኑን ገልጸዋል፡፡

ይህ ውድድር 4 የተቀናጁ አላማዎችን ለማሳካት የተዘጋጀ መሆኑን የገለፁት የአማራ ክልል ስራና ስልጠና ቢሮ ኃላፊ አቶ አረጋ ከበደ በሰልጣኝና አሰልጣኝ መካከል የሞያ ክህሎት ለማሻሻል፣ የቴክኖሎጂ መኮረጅ፣ በኮሌጆች መካከል ችግር ፈች የተግባር ተኮር ጥናትና ምርምር ለማካሄድ ፣ በሀገር አቀፍ ደረጃ ለሚካሔደው ውድድር በቂ ተወዳዳሪ ለማዘጋጀት ነው ብለዋል።

በዚህ መድረክ በተለየ እንዲሳኩ የተፈለጉት በሀገር ደረጃ ብቁ ተወዳዳሪ መለየት መሆኑን አስገንዝበዋል፡፡
የሰሜን ሸዋ ዞን ዋና አስተዳዳሪ የሆኑት አቶ መካሻ አለማየሁ በበኩላቸው ዘርፉ የብዙ ተቋማት ቅንጅትና ትኩረትን የሚጠይቅ በመሆኑ መሰረታዊ ለውጥ ከማንጣት አኳያ ጉድለቶች አሉ ብለዋል፡፡

በዞኑ በ2015 ዓ.ም 8 ነጥብ 4 ሚሊዮን ካሬ ሜትር ቦታ ለስራ እድል ፈጠራ እንዲው ተደርጓል ያሉ ሲሆን 527 ሚሊዮን ብርም ተዘዋዋሪ ብድር የተሰጠ መሆኑን አንስተዋል ፡፡
ደብረ ብርሃን ከተማ አስተዳደር ምክትል ከንቲባ አቶ በድሉ ውብሸት እንደናገሩት፤ ከተማው በአሁኑ ሰዓት ከ700 በላይ ኢንደስትሪዎች ይገኛሉ ያሉ ሲሆን፤ በከተማዋ ካሉት ኢንደስትሪዎች ውስጥም ከ80 ፐርሰንት በላይ የሚሆኑት በአምራች ኢንደስትሪ ዘርፎች የተሰማሩ ናቸው ብለዋል።

የደብረ ብርሃን ፖሊ ቴክኒክ ኮሌጅ ለአምራች ኢንደስትሪ ዘርፉ ከፍኛ ቁጥር ያለው የሰው ኃይል በማምረትና የተሻለ የቴክኖሎጂ አቅምን ለመፍጠር ክህሎትን በማሳደጉና የየተሻለ አፈፃፀም በማስመዝገቡ ለሌሎች የተሞክሮ ማዕከል ሆኗል ብለዋል።

የቴክኖሎጂ፣ የክህሎት እና የጥናት ምርምር ውድድሩ እሰከ ግንቦት 12 የሞቆይ ሲሆን በዛሬው እለትም የኢንተርፕራይዞች የፈጠራ ስራዎች ጉብኝት ተካሂዷል፡፡....................

14/05/2023

የወረኢሉ ኦፓል ማዕድን ምርት ለገበያ መቅረብ ጀመረ።

በደቡብ ወሎ ዞን ወረኢሉ ወረዳ በርካታ እምቅ የከርሰ ምድርና ገጸ ምድር ሃብቶች መገኛ ነው። በርካታ የማዕድን ሃብትም ይገኝበታል።

በወረዳው በሁለት የማዕድን አፈላላጊ ማኀበራት በተደራጁ ወጣቶች አማካኝነት የተመረተው የኦፓል ማዕድን ለገበያ መቅረብ ጀምሯል።

የኦፓል ማዕድኑ በ16 ሄክታር መሬት ላይ የተገኘ ሲሆን በሁለት ማኀበር የተደራጁት ወጣቶች 10 ሽህ ካሬ ሜትር ላይ ማዕድኑን በማምረት ለገበያ ማቅረብ መጀመራቸውን የወረኢሉ ወረዳ ኢንቨስትመንት ጽ/ቤትን ጠቅሶ የወረዳው መንግሥት ኮሙኒኬሽን ጽ/ቤት ዘግቧል።

Debre Berhan International Investment & Finance Expo2024

24/05/2023

22/05/2023

20/05/2023

20/05/2023

19/05/2023

18/05/2023

18/05/2023

17/05/2023

14/05/2023

14/05/2023

Address

Website

Alerts

Shortcuts

Share

Category

Listing takedown request