ANRS Bureau of Women, Youth & Social Affairs

30/09/2026

https://www.facebook.com/100064441132268/posts/1602006141957408/?app=fbl

30/09/2026

https://www.facebook.com/share/1MXeoUkxn2/

30/09/2026

“እንክብካቤና ዘላቂ ደህንነት ለአረጋውያን መልካም ሕይወት”

ዓለም አቀፍ የአረጋዊያን ቀን አረጋዊያን ለሀገር እና ህዝብ ያበረከቱን አስተዋጽኦ በመዘከር፣ እውቅና በመስጠትና በማህበራዊ ኢኮኖሚያዊ እንቅስቃሴና ተሳትፏቸው ላይ ተጽዕኖ የሚያደርሱ ጉዳዮችን በመፈተሸ ዘላቂ መፍትሄ ለመስጠት እንዲቻል በህብረተሰቡና ውሳኔ ሰጭዎች ዘንድ ሰፊ ግንዛቤ እንዲፈጠር ለማድረግ በየ አመቱ መስከረም 21 ቀን የሚከበር በዓል ነው፡፡

ዘንድሮም “እንክብካቤና ዘላቂ ደህንነት ለአረጋውያን መልካም ሕይወት” በሚል መሪ ቃል በዓለም ላይ ለ36ኛ ጊዜ፣ በኢትዮጵያ ደግሞ ለ35ኛ ጊዜ ይከበራል ።

እንደ ክልልም እስከታችኛው የአስተዳደር እርከን ወቅቱ በሚፈልገው ልክ የተለያዩ የንቅናቄ መድረኮችን በማዘጋጀትና ከአረጋዊያን ድጋፍና ክብካቤ፣ መብትና ደህንነት ጋር የተያያዙ ተግባራን በማከናወን ትርጉም ባለው መልኩ እየተከበረ ይገኛል፡፡

30/09/2026

29/09/2026

በጎንደር ከተማ አስተዳደር አረጋውያንን ተጠቃሚ ለማድረግ እየተሰራ ነው።

አረጋውያንን ከተረጅነት ነጻ ለማድረግ በትኩረት እየሰራ መሆኑን የጎንደር ከተማ አስተዳደር ሴቶችና ህጻናት መምሪያ አስታወቀ።

የጎንደር ከተማ አስተዳደር ሴቶችና ህጻናት መምሪያ በሀገር አቀፍ ደረጃ ለ35ኛ ጊዜ የሚታሰበውን የአረጋውያንን ቀን በፓናል ውይይትና በመስክ ጉብኝት አክብሯል።

መምሪያው ''እንክብካቤና ዘላቂ ደህንነት ለአረጋውያን መልካም ህይወት'' በሚል መሪ መልዕክት ባካሄደው መርሃ ግብር ከጎንደር ከተማ አስተዳደር የተለያዩ ክፍለ ከተሞች የተወጣጡ አረጋውያን ተሳትፈዋል።

በዓሉ የአረጋውያንን የችግር ተጋላጭነት ለመቀነስና ዘላቂ እንክብካቤ እንዲያገኙ ያለመ መሆኑን የጎንደር ከተማ አስተዳደር የአረጋውያን ማህበር ምክትል ሊቀመንበር ዓለሙ አስማረ አሳውቀዋል።አረጋዊያን ካካበቱን ዕዉቀትና ተሞክሮ መማር እንደሚገባ ያሳወቁት ሊቀ መንበሩ አረጋግያንን በተመለከተ አልፎ አልፎ የሚታዩ የተዛቡ የግንዛቤ ስህቶችን ለመቅረፍ መስራት እንደሚገባም ጠቁመዋል።

የጎንደር ከተማ አስተዳደር ሴቶችና ህጻናት መምሪያ ምክትል ኃላፊ ወ/ሮ አስካለሁ ተባባል በበኩላቸው ተቋማቸው አረጋውያን ተጠቃሚ ለማድረግ በርካታ ሥራወች እያከነወነ እንደሚገኝ ገልጸዋል።

በከተማ አስተዳደሩ እስከ ቀበሌ ድረስ ባሉ ተቋማዊ መዋቅሮች አረጋውያን ጊዜአዊና ቋሚ የሥራ እድሎች እየተፈጠረላቸው እንደሚገኝም ምክትል ሀላፊዋ ጠቁመዋል።
እንደ ወይዘሮ እስካለሁ ገለጻ በጎንደር ከተማ አስተዳደር ከ4ሺ በላይ አረጋውያን በሴፈቲኔት መርሃ ግብር ተጠቃሚ እየሆኑ ይገኛል።

አረጋውያንን ከተረጅነት ለማላቀቅ በትኩረት እየተሰራ እንደሚገኝ የጠቀሱት ምክትል ሀላፊዋ አረጋውያን ገቢ ሊያመነጩበት የሚችልና ለአረጋዊያን አገልግሎት ብቻ የሚዉል ህንፃ ለማስገንባት ለመስራት በእቅድ ተይዞ እየተሰራ እንደሚገኝ አሳውቀዋል።

ቀኑ መታሰቡ ዘርፈ ብዙ ጥቅም እንዳለው የነገሩን ደግሞ በመርሃ ግብሩ ተሳታፊ የሆኑ ያነጋገርናቸዉ አረጋውያን ናቸው። ጧሪ የሌላቸዉ አረጋውያንን የበለጠ ለማሰብና ተጠቃሚ ለማድረግ የሚደረገው ጥረት ተጠናክሮ መቀጠል እንዳለበትም መልዕክት አስተላልፈዋል።

በመርሃ ግብሩ ለ15 አረጋውያን የአልባሳት ድጋፍ ተደርጓል።አረጋውያኑ እየተከናዎኑ ባሉ የልማት ተግባራት ዙሪያ ግንዛቤ እንዲኖራቸው ለማድረግም በጎንደር ከተማ እየተሰሩ ያሉ የመሰረተ ልማት ሥራዎችን ተመልከተዋል።

29/09/2026

በስፖርታዊ ጨዋነት የታጀበ ደጋፊ የሀገርና የክልላችን ኩራት ነው! 🇪🇹

ከረጅም ጊዜ ናፍቆት በኋላ በባሕር ዳር ዓለም አቀፍ ስታዲየም ዛሬ ማክሰኞ ከቀኑ 10:00 ጀምሮ የሚካሄደው የኢትዮጵያና የሴኔጋል የ2027 AFCON ማጣሪያ ጨዋታ ለክልላችን ወጣቶችና የስፖርት አፍቃሪያን ትልቅ የደስታ ክስተት ነው።

ይህ አህጉራዊ ጨዋታ በስኬት እንዲጠናቀቅ እያንዳንዱ ወጣትና ደጋፊ የስታዲየሙን ደንቦች በማከበር፣ ፍጹም ሰላማዊ ድጋፍ በመስጠትና የስፖርታዊ ጨዋነት አርአያ በመሆን የበኩሉን አዎንታዊ ድርሻ ማበርከት ይኖርበታል።

የሀገራችንን ስታዲየም ለቀጣይ ዓለም አቀፍ ጨዋታዎች ዝግጁ አድርጎ ለማስቀጠልና የክልላችንን እንግዳ ተቀባይነት ለማሳየት ሰላማዊነታችንና ወጥ የሆነ ስነ-ስርዓታችን ወሳኝ ነው። ሁላችንም በጋራ በመቆም ለዋልያዎቻችን ደማቅና ሰላማዊ ድጋፍ እንስጥ!

29/09/2026

በጭልጋ ወረዳ የአረጋውያን ቀን በደመቀ ሁኔታ ተከበረ!

በማእከላዊ ጎንደር ዞን የጭልጋ ወረዳ ሴቶች ወጣቶችና ማህበራዊ ጉዳይ ጽ/ቤት አስተባባሪነት
“እንክብካቤና ዘላቂ ደህንነት ለአረጋውያን መልካም ሕይወት” በሚል መሪ ቃል
በሰራባ ከተማበአለም አቀፍለ36ኛ ጊዜ በሀገራችን ኢትዮጵያ ደግሞ ለ35ኛ ጊዜ በደመቀ ሁኔታ ተከበረ።

በዕለቱም “እንክብካቤና ዘላቂ ደህንነት ለአረጋውያን መልካም ሕይወት” በሚል መሪ ቃል የአረጋውያንን ክብር፣ ደህንነትና የእንክብካቤ ፍላጎት በማጉላት በዓሉ የተከበረ ሲሆን ለአረጋውያን አልባሳት ድጋፍ ተደርጓል፡፡

ይህም የአረጋውያንንና የአቅመ ደካማ ወገኖችን ኑሮ ለማሻሻል፣ ማህበራዊ አካታችነትን ለማጠናከርና የመረዳዳት ባህልን ለማሳደግ የሚያግዝ ተግባር ነው።

በበዓሉ የጭልጋ ወረዳ ሴቶች ወጣቶችና ማህበራዊ ጉዳይ ጽ/ቤት ኃላፊ ወ/ሮ አረጋሽ ማዘንጊያ ጨምሮ ሌሎች የተቋሙ ባለሙያዎችና ጥሪ የተደረገላቸው እንግዶች ተገኝተዋል።

ምንች ፡-ማዕከላዊ ጎንደር ዞን ሴቶች ወጣቶችና ማህበራዊ ጉዳይ መምሪያ

29/09/2026

ተረጂነትንና ድህነትን በራስ አቅም ለመቀነስ እየተሰራ መሆኑን የደብረ ብርሃን ከተማ አስተዳደር አስታወቀ።
በአማራ ክልል ሴቶች፣ ወጣቶች ማህበራዊ ጉዳይ ቢሮ ምክትል ኃላፊ የተመራ የሱፐርቪዥን ቡድን በከተማዋ ከተረጂነት ወደ ምርታማነት የሚደረገውን ኢኒሼቲቭ አፈጻጸም ገምግሟል።
ቡድኑ በየደረጃው እየተከናወኑ ያሉ የተረጂነት ቅነሳ ተግባራትንም በመስክ ምልከታ ተመልክቷል።
በግምገማው የደብረብርሃን ከተማ ምክትል ከንቲባ አቶ ወርቃለማሁ ኮስትሬ የምግብ ሉዓላዊነትን ለማረጋገጥ የተከናወኑ ተግባራትና የተመዘገበው አፈጻጸም ሪፖርት አቅርበዋል።
የደብረ ብርሃን ከተማ ብልጽግና ፓርቲ ቅ/ጽ/ቤት ኃላፊ አቶ ሰለሞን ጌታቸው በምግብ ራስን የመቻል መርህን እውን ለማድረግና የአካባቢውንና የከተማዋን ተጋላጭ ማኅበረሰብ በዘላቂነት ለመደገፍ በትኩረት እየተሠራ መሆኑን ገልጸዋል።

የድህነትና ተረጂነት ቅነሳ መርሐ ግብር የተጀመሩ ሥራዎችን በማጠናከር የከተማ አስተዳደሩ በየደረጃው እየሠራ እንደሚገኝም ጠቁመዋል።

የክልሉ ሴቶች፣ ወጣቶች ማህበራዊ ጉዳይ ቢሮ ምክትል ኃላፊ ወ/ሮ ንጹሕ ሽፈራው በበኩላቸው የከተማ አስተዳደሩ በራስ አቅም ተረጂነትን ለመቀነስ የሚያደርገው ጥረት የሚበረታታ መሆኑን ተናግረዋል።

ከድህነት ወደ ብልጽግና የሚደረገው ጉዞ የአስተሳሰብ ለውጥ፣ ስልታዊ ተግባራት፣ የሀብት ማሰባሰብና ቀጣይነት ያለው ጥረት የሚጠይቅ ዘርፈ ብዙ ሂደት በመሆኑ፣ የከተማ አስተዳደሩ ሥራውን በልዩ ትኩረት አጠናክሮ ማስቀጠል እንደሚገባ አሳስበዋል።

ኃላፊዋ አያይዘውም ድጋፍ የሚያስፈልጋቸውን ተጋላጭ ወገኖች በጥራት ለይቶ በቂና አስተማማኝ ቅድመ ዝግጅት ማድረግ እንደሚገባ ጠቁመዋል።

ተረጂነት የመፍጠር አቅምንና የመሥራት ጉልበትን የሚያዳክም በመሆኑ የክልሉ መንግሥት በልዩ ትኩረት እየሠራ እንደሚገኝ የጠቆሙት ወ/ሮ ንጹሕ፣ በራስ አቅም ከተረጂነት ለመላቀቅ የሚደረገው ጥረት የሀገርን ክብር የሚያስጠብቅ መሆኑንም አስረድተዋል።

በመጨረሻም የግምገማ ቡድኑ በመስክ ምልከታው ያየውን መሠረት በማድረግ፣ በከተማዋ የተጀመሩ ሥራዎች ተጠናክረው እንዲቀጥሉ፣ ተጋላጭ ወገኖች በትክክል ተለይተው ድጋፍ እንዲያገኙና ተረጂዎች ወደ ምርታማነት የሚሸጋገሩበት አቅጣጫ እንዲመቻች አቅጣጫ ሰጥቷል።

28/09/2026

⚽ የዋልያዎቹ ወደ ቤት መመለስ እና የነገው ታላቅ ጨዋታ! 🇪🇹

ከአምስት ዓመታት ናፍቆት በኋላ በባሕር ዳር ዓለም አቀፍ ስታዲየም ደጋፊውን ለማግኘት የተዘጋጀው የኢትዮጵያ ብሔራዊ ቡድን (ዋልያዎቹ) ነገ ከሴኔጋል ጋር ወሳኝ ጨዋታውን ያደርጋል።

ይህንን ታላቅ አህጉራዊ ጨዋታ በተመለከተ የሚከተሉት ዋና ዋና ነጥቦች ተነስተዋል፡

📌 የከተማዋ ዝግጅት፡ ውቢቷ ባሕር ዳር ከተማ ጨዋታውን በድምቀትና በብቃት ለማስተናገድ ሙሉ በሙሉ ዝግጁ መሆኗን የከተማዋ ተቀዳሚ ምክትል ከንቲባ አቶ ጎሹ እንዳላማው ገልጸዋል።

📌 የአሰልጣኝ ዮሐንስ ሳህሌ አስተያየት፡ "በራሳችን ሜዳና ደጋፊ ፊት መጫወታችን ለስነ-ልቦና ጥንካሬና ለማሸነፍ ትልቅ እድል ይፈጥራል።"

📌 የአንበል ያሬድ ባዬ መልእክት፡ "የደጋፊውን እድል ተጠቅመን ውጤት ለማምጣት ጠንክረን እንሰራለን።"

📅 የጨዋታው መርሃ ግብር፡
ኢትዮጵያ 🆚 ሴኔጋል
🗓️ ነገ ማክሰኞ
⏰ ከቀኑ 10:00 ጀምሮ
📍 በባሕር ዳር ዓለም አቀፍ ስታዲየም

መላው የስፖርት አፍቃሪ በስታዲየም በመገኘት ለብሔራዊ ቡድናችን ደማቅ ድጋፍ እንድናደርግ ጥሪ ቀርቧል! ድል ለዋልያዎቹ! 🇪🇹💪

27/09/2026

የስታዲየም መግቢያ ትኬት አቆራረጥን ለማቅለል የተደረጉ ማሻሻያዎች ማብራሪያ !

የኢትዮጵያ እና ሴኔጋል ጨዋታ በኢትዮጵያ እግርኳስ ፌዴሬሽን ድህረገጽ https://www.eff-tickets.com ላይ Online እየተቆረጠ መሆኑ ይታወቃል።

ለመቁረጥ የ email አድራሻ ያስፈልግ ነበር፤ ይህም ትኬት ለመቁረጥ እንዳስቸገረ በርካታ አስተያየቶች ደርሰውናል። በመሆኑም ይህን መሰረት በማድረግ ፌዴሬሽኑ የሚከተሉትን ሁለት ማሻሻያዎች አድርጓል፦

1) Password የሚላከው በEmail መሆኑ ቀርቶ በስልክ ቁጥር ብቻ ሆኗል፤
2) ከነገ (18/01/19) ከቀኑ 7:30 ጀምሮ ደግሞ በተመረጡ የከተማው ቦታዎች በአካል ይከፈላል።

በመሆኑም ሁሉንም አማራጮች በመጠቀም ትኬቱን በመቁረጥና በመግባት ብሄራዊ ቡድናችንን እንድናበረታታ እንጠይቃለን።