19/08/2026
የማህበረሰብ ቁጠባ፣ የማህበረሰብ ኃይል ነው!
*
ትልቅ ኢኮኖሚ የሚገነባው በትልልቅ ባንኮችና ኢንቨስትመንቶች ብቻ አይደለም። ከማህበረሰቡ ቁጠባ የሚመነጭ ትንሽ ካፒታል ለአንድ ቤተሰብ፣ ለአንድ የንግድ ሥራ ወይም ለአንድ አርሶ አደር ትልቅ የለውጥ ኃይል ሲሆን እንጂ።
የገንዘብ ቁጠባና ብድር ኀብረት ሥራ ማህበራትም (SACCOs) ይህንን አቅም ወደ ተግባር የሚቀይሩ የማህበረሰብ ፋይናንስ ተቋማት ናቸው።
አባላት የሚቆጥቡት ገንዘብ መልሶ ለአባላቱ ጥቅም ይውላል፤ ለግብርና፣ ለአነስተኛ ንግድ፣ ለሥራ ፈጠራ፣ ለትምህርትና ለሌሎች ገቢ የሚያስገኙ ተግባራት ይውላል።
ይህም ቁጠባን ወደ ኢንቨስትመንት፣ ኢንቨስትመንትን ወደ ሥራ ዕድል፣ የሥራ ዕድልን ወደ ገቢ እና ገቢን ወደ ተሻለ ኑሮ ይቀይራል።
የማህበረሰብ ፋይናንስ፦
👉 ለገጠር ልማት
👉ለአነስተኛ ንግድ
👉ለአርሶ አደሮች ምርታማነት
👉ለሴቶችና ወጣቶች የስራ ዕድል ፈጠራ እና
👉ለፋይናንስ አካታችነት አስተዋፅኦ ያደርጋል።
ለእነዚህ ስኬታማነት ይህን አቅም ለማሳደግ ጠንካራ አስተዳደር፣ በቂ ካፒታል፣ የተጠናከረ የሕግ ተገዢነት፣ ዘመናዊ ቴክኖሎጂና ተወዳዳሪ አሠራር ያስፈልጋል።
በሀገራችን የSACCO ዘርፍን ለማጠናከር ሪፎርም እየተከናወነ ይገኛል። ቁጠባንና የብድር ስርጭትን ማሳደግ፣ አባላትንና ካፒታልን ማሳደግ፣ ዲጂታል ቴክኖሎጂን ማስፋፋት፣ የቁጥጥር ሥርዓትን ማጠናከርና ተቋማትን የበለጠ ተወዳዳሪ ማድረግ የሪፎርሙ አቅጣጫዎች ናቸው።
የኬንያ የSACCO ተሞክሮ ጠንካራ ቁጥጥር፣ የዲጂታል ሽግግር፣ የአባላት ተሳትፎና ጠንካራ ካፒታል ሲጣመሩ የማህበረሰብ ፋይናንስ እንዴት ትልቅ የኢኮኖሚ ሞተር ሊሆን እንደሚችል ያሳያል።
የወደፊቱ ጥያቄ ይህ ነው፦ የማህበረሰብ ቁጠባን እንዴት ወደ ዘላቂ የጋራ ብልጽግና እንለውጠዋለን?
👉 ጠንካራ SACCO በመገንባት ጠንካራ ማህበረሰብ እና ጠንካራ ኢኮኖሚ መገንባት።
ምንጭ የኢትዮጵያ ኀብረት ስራ ኮሚሽን
