30/09/2026
በኢትዮጵያ የፋይናንስ ዘርፍ ውድድር ትኩረት የሚሆነው ጉዳይ ዘላቂ ዕድገት ማስመዝገብ መሆኑን የዳሸን ባንክ ዋና ሥራ አስፈፃሚ አስገነዘቡ
የዳሸን ባንክ ዋና ሥራ አስፈፃሚ አቶ አስፋው አለሙ በኢትዮጵያ ፋይናንስ ፎረም 2026 በተካሄደው የፓናል ውይይት ላይ የተሳተፉ ሲሆን፣ በመድረኩም የዘርፉ ውድድር እየተለወጠ ስለመምጣቱ ገልጸዋል።
አቶ አስፋው ጠንካራ ካፒታል፣ መልካም አስተዳደር፣ ቴክኖሎጂ፣ ቅልጥፍና፣ የአደጋ ስጋት አስተዳደር እና የደንበኛ እሴት በቀጣይ የውድድር ሁኔታ ውስጥ ቁልፍ መሆናቸውን አስረድተዋል።
የውጭ ስትራቴጂካዊ ኢንቨስተሮች ወደ ዘርፉ መግባትም ውድድርንና ትብብርን በማጠናከር የገበያ እምነትን፣ የገበያ ዲሲፕሊንን እና የዘርፉን የመቋቋም አቅም ለማሳደግ ዕድል እንደሚፈጥር ጠቁመዋል።
ከመስከረም 19 እስከ 21 ቀን 2019 ዓ.ም. በአዲስ አበባ የአድዋ ድል መታሰቢያ ሙዚየም እየተካሄደ ባለው የኢትዮጵያ ፋይናንስ ፎረም 2026 (EFF 2026) የፖሊሲ አውጪዎች፣ የፋይናንስ ተቋማት፣ ኢንቨስተሮች፣ የልማት አጋሮች እና የዘርፉ መሪዎች በመገኘት ስለ ኢትዮጵያ የፋይናንስ ዘርፍ ዕድሎችና የወደፊት አቅጣጫዎች እየመከሩ ይገኛሉ። ፎረሙ በኢትዮጵያ ብሔራዊ ባንክ የተዘጋጀ ሲሆን፣ ዳሸን ባንክም በፎረሙ ላይ በመሳተፍ ምርቶቹንና አገልግሎቶቹን ለተሳታፊዎች እያስተዋወቀ ይገኛል።
