Small and Medium Enterprise Finance Project - SMEFP

19/05/2023

10/04/2023

01/11/2022

በኢትዮጵያ ኢንተርፕራይዝ ልማት ም/ዋና ዳይሬክተር የተመራው የልኡካን ቡድን በጣሊያን ሃገር የተያዩ ከተሞች ሲያካሂድ የነበረውን የስራ ጉብኝት አጠናቆ ወደሃገሩ ተመለሰ፡፡
======================================
የክልል የዘርፉ አመራሮችን ያካተተው የልኡካን ቡድኑ በጉብኝቱ ማጠቃለያ ላይ በጣሊያን የኢትዮጵያ ኤምባሲ በመገኘት ለኤምባሲው የስራ ኃላፊዎች ገለጻ አድርጓል፡፡ በዚሁ ውይይት ላይ ኤምባሲውን በመወከል የተገኙት ዶ/ር ካባ ኡርጌሳ በኢንዱስትሪ ልማት ዘርፍ እንደጣሊያን ካሉ አውሮፓ ሃገራት ሃገራችን ኢትዮጵያ በርካታ ተሞክሮዎችን መቅሰም እንደምትችል ጠቁመው የልኡካን ቡድኑ የቀሰማቸውን ልምዶች በመቀመርና ወደተግባር በመቀየር ረገድ ተጨባጭ ስራዎችን ማከናወን ይጠበቅበታል ብለዋል፡፡
የኢትዮጵያ ኢንተርፕራይዝ ልማት ም/ዋና ዳይሬክተርና የልኡካን ቡድኑ መሪ አቶ አብዱልፈታ የሱፍ በበኩላቸው ከጉብኝቱ በተለይ የኢንዱስትሪ ክላስተሮችን በማደራጀት ረገድ የአንዱ ምርት ለሌላው ግብዓት እንዲሆኑ በማድረግ እርስ በእርስ ማስተሳሰር የግብዓት ማጓጓዣ ወጪንና ጊዜን በመቆጠብ ረገድ ያለውን ፋይዳ መገንዘባቸውን ገልጸው በምርት ጥራትና ተረፈ ምርትን መልሶ ጥቅም ላይ በማዋል በኩልም ጠቃሚ ልምድ ማግኘታቸውን ተናግረዋል፡፡
በመጨረሻም አቶ አብዱልፈታ የልኡካን ቡድኑ የተገኙትን ተሞክሮዎች ወደሃገራችን ወስደን በመተግበር ረገድ የኢትዮጵያ ኢንተርፕራዝ ልማት ከክልል የዘርፉ ተቋማት ጋር በመቀናጀት እንደሚሰራ ጠቅሰው በጣሊያን የኢትዮጵያ ኤምባሲ ጉዞውን ከማመቻቸት ጀምሮ ጉብኝቱ እስከሚጠናቀቅ ድረስ ላደረገላቸው የቅርብ ድጋፍ ምስጋና አቅርበዋል፡፡
ልኡካን ቡድኑ ጉብኝቱን አጠናቆ ሰኞ ጥቅምት 21 ቀን 2015 ዓ.ም ወደ አዲስ አበባ ተመልሷል፡፡

28/10/2022

የኢትዮጵያ ኢንተርፕራይዝ ልማትና የዘርፉ የክልል ቢሮ ኃላፊዎች የአምራች ዘርፉን ለመደገፍ የሚያስችል ጉብኝት በጣሊያን ሃገር በማካሄድ ላይ ናቸው።
በኢትዮጵያ ኢንተርፕራይዝ ልማት ም/ዋና ዳይሬክተር አቶ አብዱልፈታ የሱፍ የተመራና ዘርፉን የሚመሩ የክልል አመራሮች የተካተቱበት የልኡካን ቡድን በጣሊያን ሃገር የተለያዩ ከተሞች የሚገኙና በቆዳና ተያያዥ ምርቶች ላይ የተሰማሩ ኢንተርፕራይዞችን በመጎብኘት ላይ ናቸዉ።
በጣሊያን የአምራች ኢንዱስትሪ ማእከል በሆነችው የፖዶቫ ክልል ከፍተኛ የስራ ኃላፊዎችን በማግኘት የልምድ ልውውጡን የጀመረው የልዑካን ቡድኑ በክልሉ ም/ፕሬዚዳንት ቪቺንዞ ጉታርዶ እና የክልሉ ም/ቤት ተወካይ ፖውሎ ቤርቶ ስለክልሉ አጠቃላይ ገጽታ በተለይም በአምራች ዘርፍ ስላለው ሁኔታ ገለጻ ተደርጎበታል።
የልዑካን ቡድኑ ባለፉት አራት ቀናት ቆይታው በቪቼንዛና ሳንታ ክሩስ ሶላርኖ ከተሞች የሚገኙ የቆዳ ማልፊያና ማለስለሻ እንዲሁም ከቆዳ ተረፈ ምርት የአፈር ማዳበሪያ ማምረቻ ኢንዱስትሪዎች የጎበኘና ውይይት ያካሄደ ሲሆን በቀጣይ ሶስት ቀናትም ተጨማሪ የልምድ ልውውጦችን እንደሚያደርግ ይጠበቃል።

ሚላን-ጣሊያን