23/11/2025
انا "موجوعة" قوي ومش قادرة استحمل الخوف اللي واكل قلبي اليومين دول…..
"جوزي" مش على طبيعته خالص، كل شوية يقولي “هروح لحمايا”، وأنا أصلاً أبويا متوفي…..
واليوم قالي جملة كسرتني:
“قولي للعيال يسامحوني… معرفتش أعملهم حاجة، وسامحيني على الديون اللي سايبها ورايا….. والله غصب عني.”
مبارح كنت هموت من وجع في قلبي، وكل شوية أقوم أطمن عليه وهو نايم…..
حاسّة إن في حاجة طابقة على صدري وهو كمان مخنوق ومغلوب على أمره…
الناس اللي بتجيله عشان "القرض" بتزعق بصوت عالي، والجيران بتسمع، وهو واقف مش قادر حتى يرد…
ده غير إنه من يومين زرع ريحان وصبّار وقالّي إنه هيتأخر بكرة…
ولما سألته هيرجع إمتى… قال: “مش راجع.”
النهارده لقيت مفيش في جيبه غير 20 جنيه…بس
ويا ريتني أقدر أعمل أكتر من اللي بعمله…
أنا حرفيًا ماليش غيره… هو بالنسبة لي ولولاده النفس اللي بنتنفسه.
ادعولنا…كتييير
ادعوا ربنا يفك كربه، ويبارك في عمره، ويجبر خاطره، ويقوّيه…
اللهم اربط على قلبي وقلبه… يا رب فرجًا قريبًا لا نخيب بعده أبدًا ♥️🙏.
