Ibrahim Youssef aref - ابراهيم يوسف عارف

05/08/2026

الأقساط والديون هي اللي بتحرك البني آدم مش الشغف...

الشغف ده يحرك بيل جيتس وكريستيانو رونالدو 😄😄

27/02/2025

‏مش شايف إن فرحة جمهور الزمالك أو لعيبة الزمالك بالتعادل مبالغ فيها بالعكس هي منطقية جداً. هي مبالغ فيها من منظورك انت كأهلاوي . واوعى تصدق الكلمتين بتوع أصل احنا فرحانين عشان التعادل في الظروف دي . دي عقلية الزمالك وجمهوره على مدار سنوات لدرجة ان الزمالك كان بيدي مكافأت للعيبته بعد ماتشات خسروها من الأهلي. ولدرجة إن الموسم اللي فات عضو مجلس إدارة في نادي الزمالك طلع اتكلم عن دعمه ومساندته لبيراميدز وتشجيعه له وبيراميدز أصلا ده بيلعب دوري أبطال أفريقيا اخر سنتين على حساب الزمالك. فالزمالك نفسه مش شايف نفسه منافس . وعلى فكرة الزمالك كان بيخسر الدوري في مواسم ويحقق فوز على الأهلي الدور التاني فكان جمهوره يتعامل إن دي بطولة يمكن فرحتها كانت بتبقى أكبر من الدوري

‏فأنت ازاي عايزه ميفرحش! . وعلى فكرة على قد ما هو فرحان على قد ما انت طبيعي تزعل وتكون متضايق لان انت بتلعب على اللقب وأهدافك غير أهدافه ولان عمرك ما هتشوف ان التعادل مع الزمالك ده شيء طبيعي عقلك الباطن هيرفض ده وهيحس ان ده شيء صا دم لانه استثناء للقاعدة
‏
‏المهم دلوقتي مش فرحته هو ولا زعلك المهم ان أنت تستثمر زعلك بعقلية البطل انك تشتغل بكل قوتك عشان تنهي الدوري ده وأنت اللي بتحقق اللقب . لان أي فريق تاني غيرك عندك حاجات كتير تانية ممكن يحققها في الدوري يسميها بطولة انه يتعادل معاك دي بطولة ، انه يوصل لدوري الأبطال بدل الكونفدرالية دي بطولة. انما أنت بتلعب على هدف واحد بس وهو اللقب وأي حاجة تانية في قاموسك فشل ودي مكانتك اللي لازم تكون قدها وجمهور الأهلي مش هيقبل غير بيها

محمد فارس عبر صفحته الشخصية على الفيسبوك 👇

14/01/2025

نظام_البكالوريا_باختصار
النظام يطبق على طلاب ثالثة إعدادي لهذا العام:

- هتدخل أولى ثانوي هتاخد المواد الآتية إجباري:
دين - عربي - تاريخ - رياضيات - علوم متكاملة - فلسفة ومنطق - إنجليزي - (لغة تانية وفلسفة خارج المجموع).
ودي سنة تمهيدية مش محسوبة في النهاية.

- هتدخل تانية ثانوي هتختار تخصص من الأربعة دول (طب - هندسة - أعمال - أداب وفنون).

لو دخلت طب هتدرس: عربي - تاريخ - إنجليزي - رياضة أو فيزياء (حسب رغبتك).

لو دخلت هندسة هتدرس: عربي - تاريخ - إنجليزي - كيمياء أو برمجة (حسب رغبتك).

لو دخلت أعمال هتدرس: عربي - تاريخ - إنجليزي - محاسبة أو إدارة أعمال (حسب رغبتك).

لو دخلت اداب وفنون هتدرس: عربي - تاريخ - إنجليزي - علم نفس أو لغة تانية (حسب رغبتك).

-في تالتة ثانوي:
لو انت طب هتدرس: دين - أحياء - كيمياء.

لو انت هندسة هتدرس: دين - رياضيات - فيزياء.

لو انت أعمال هتدرس: دين - اقتصاد - رياضيات.

لو انت آداب هتدرس: دين - جغرافيا - إحصاء.

29/11/2024

الظاهرة دي موجودة في بنات اليومين دول و تقريبا المشاكل بتزيد و نسب الطلاق بتزيد بسبب النقطة دي
من غير لف ولا دوران .. في كتير من الزوجات دلوقتي .. السوفت وير بتاعها نازل من غير الفايل بتاع ( طاعة الزوج) .

الزوجة دي معترفة أن أي منظومة في الدنيا لازم يكون ليها قائد ... والقائد ده بيتسمع كلامه (طبعا في ظل أسس مؤسسية معينه) ... ومعترفة أن أي مركب لازم يكون ليها ريس.. ما عدا البيت .. هي شايفة انها مش لازم تسمع كلام حد وانها ماينفعش تعمل أي حاجة من غير ما تكون مقتنعة .. رغم انها بتسمع كلام مديرها في الشغل عادي حتي لو هي مش مقتنعة لان ده طبيعي في العمل المؤسسي .. بس جوزها لا.

لدرجة اني كنت بدي محاضرة عن إدارة المشاكل الزوجية .. وكنت بقول ان لو الراجل ومراته إختلفوا علي حاجة وهما بره البيت فالتصرف السليم أن الزوجة تحترم رغبة زوجها في اللحظة دي (حتي لو مش مقتنعة) ولما يرجعوا البيت يبقوا يتناقشوا في الموضوع لحد ما يوصلوا لاتفاق مرضي للطرفين .. راحت بنت سألتني (طب ليه انا اللي اسمع كلامه مش هو اللي يسمع كلامي ؟!!)

انا شوفت فيديو لبرنامج المذيعات فيه مصريات .. كانوا مستضيفين ست سورية .. الست السورية بتتكلم أنها اتربت علي طاعة الزوج .. يعني بتسمع كلام زوجها وانها لازم تحترمه .. وبتختار الكلام اللي بتقولهوله احتراما ليه .. وانها لازم تميزه وهي بتوزع الاكل😍 .. وانها لازم توفرله سبل الراحة لما يرجع م الشغل .. المذيعات كانوا مستغربينها جدا وكانوا هايقوموا ياكلوها 😁

الشريحة دي من الزوجات نشأت لأسباب مختلفة .. منها .. انها ممكن تكون اتربت في بيت الام هي اللي كانت مسيطرة علي البيت .. او لانها تأثرت بالافكار بتاعة رابطة الاسترونج اندبندنت وومن .. او شعورها بالاستقلال المادي حسسها انها زيها زيه وانه مالوش عليها حق الطاعة .
واللي ساعد علي كده ظهور رجالة ضعاف الشخصية فالست بتضطر تاخد مكانه .

البنت دي هتلاقي قاموس اللغة بتاعتها مليان بكلمة ( لأ ... انت مالك ... مش مقتنعة ... أنا مش جاموسة بتسحبها ... انا حرة ... انا كده واذا كان عاجبك ... اشمعنى انت .. الخ)

طبعا الطاعة دي مش مطلقة وليها مفهوم وضوابط .. وطبعا ما انكرش أن في رجالة مستبدين .. وانهم بيسيئوا استخدام حق الطاعة .. لكن ده مش معناه اننا نهدم المبدأ من الأساس .

في الحياة الزوجية .. الزوجة واجب عليها الطاعة بالمنطق المؤسسي وبالادلة الشرعية .. زي ما الزوج واجب عليه الرفق والرحمة بمن هم تحته .. أي طرف بيتخلي عن واجباته .. البيت بيحصله خلل رهيب

انت كشاب مقبل علي الجواز لو لقيت البنت اللي بتفكر ترتبط بيها بتنكر طاعة الزوج ومش معترفة بالقصة دي .. أخلع قولا واحدا .

قال صلى الله عليه وسلم : ألا أخبركم بخير ما يكتنز المرء ؟ المرأة الصالحة ؛ إذا نظر إليها سرته ، وإذا أمرها أطاعته ، وإذا غاب عنها حفظته .. رواه أبو داود والحاكم

16/10/2024

هلوجرام بانوراما حرب اكتوبر

23/09/2024

22/09/2024

الكوليرا
احذروا شرب المياه بدون فلاتر