14/01/2025
🔴 الاسئله حول الإقرارات الضريبيــه وكما تعودتم مع مكتب المستشار الضريبي للإستشارات الضريبيه و للعام العاشر علي التوالي معكم لتقديم الاقرارات الضريبيه للساده المحامين بالتعاون مع المحاسب القانونى ا/سيد محمود أحمد
✅ اولا) كل من معه بطاقه ضريبية ملزم بتقديم الإقرار الضريبي حتى لو فى فتره الإعفاء الضريبي مشتغل غير مشتغل لازم تقدم الإقرار الضريبى اشتغلت كثير اشتغلت قليل . لم تشتغل اصلا خلال هذه السنه لازم تقدم الإقرار الضريبي
- لو عامل ايقاف مؤقت للملف الضريبى لازم أيضا تقدم الإقرار الضريبي. الحاله الوحيده لعدم تقديم الإقرار الضريبي هو الإيقاف النهائى
✅ ثانيا }}} يبداء موسم تقديم الاقرارات الضريبيه اعتبار من اول يناير وينتهى اخر مارس للأشخاص الطبيعين . بس ليس معنى ذلك الانتظار لغايه اخر وقت علشان الضغط على الموقع بيكون أكثر فى شهر مارس و يؤدى ذلك لحدوث عطل فى الموقع خلص نفسك من دلوقتى
- يترتب على عدم تقديم الإقرار الضريبي غرامات كبيره طبقا للقانون ٢٠٦ لسنه ٢٠٢٠ مفيش هزار مع الضرائب
✅ ثالثا }} المطلوب تقديمه هذا العام هو اقرار عام ٢٠٢٤
( لانه مع بدايه كل عام بنقدم اقرار العام المنتهى ) يعنى نختار اقرار عام ٢٠٢٤
✅ رابعا }} تقديم الإقرار الضريبى يتم من خلال فتح متصفح جوجل كروم او فاير فوكس ثم
الدخول على البوابه الالكترونيه للخدمات الضريبيه (وهى خاصه بالساده المحامين الخاضعين للمنظومه الضريبيه القديمه))
او الدخول على بوابه مصلحه الضرائب sap (وهى خاصه بالساده المحامين الخاضعين للمنظومه الضريبيه الجديده))
** حيث هناك منظومه ضريبية جديده وقديمه :-
المنظومه الضريبية القديمه««« وهى التى كان يتم التعامل عليها فى السنوات الماضية ويتم من خلالها تقديم الإقرار الضريبى وهى (((البوابه الالكترونيه للخدمات الضريبيه)))
ب))•• وهناك منظومه ضريبية جديدة ««««««وهى منظومه (SAP) (بوابه مصلحه الضرائب)
★★★ تم نقل جزء بسيط جدا من المحامين إلى هذه المنظومه الضريبيه الجديده وبالتالى كل من انتقل ملفه الضريبى إلى المنظومه الضريبيه الجديده سوف يقدم الإقرار الضريبي هذا العام على المنظومه الضريبيه الجديده(SAP ـ بوابه مصلحه الضرائب) لأنه تم غلق و ووقف التعامل بالنسبه لهم على المنظومه القديمه(البوابه الالكترونيه للخدمات الضريبيه) الذي تم تقديم الإقرار الضريبي عليها فى السنوات الماضية وبتكون غير متاحه بالنسبه لهم
أما بالنسبه لباقي المحامين مازالوا على المنظومه الضريبيه القديمه التى تم تقديم اقرار العام الماضي عليها وهى (((((((البوابه الالكترونيه للخدمات الضريبيه))))) وتقديم الاقرارات بالنسبة لهم زى العام الماضي دون أى تغيير ـ مع التنويه أنه يتم حاليا عمليه نقل الممولين إلى هذه المنظومه الضريبيه الجديده تدريجيا وفقا لخطة زمنيه
★★مع التنويه أيضا أنه مش معنى الانتقال الى المنظومه الضريبيه الجديده يبقى انت كده مسجل في ضريبية القيمه المضافه هذا الكلام غير صحيح على المنظومه الجديده هناك محامين مسجلين في ضريبه القيمه المضافه وهناك غير مسجلين ✅ خامسا }}} طيب ازاى اعرف انا على المنظومه الضريبيه القديمه ولا الجديده !!!!!!!
**الموضوع بسيط جدا.... ادخل على المنظومه القديمه ((التى تم تقديم اقرار العام الماضي عليها البوابه الالكترونيه للخدمات الضريبيه)) لو مش بتفتحلك خانه خدمه تجديد الاشتراك ولا يقبل منك الضغط على اى خانه موجوده # # # انت كده أصبحت على المنظومه الضريبيه الجديده وتقديم الإقرار لهذا العام على المنظومه الضريبيه الجديده وتم غلق هذه المنظومه القديمه بالنسبه لك وانت كده محتاج الذهاب الى الماموريه للحصول منهم على كود التفعيل
**طيب لو فتحت معايا المنظومه الضريبيه القديمه الذى تم تقديم اقرار العام الماضي عليها يبقى انت لسه على المنظومه القديمه ومفيش اى تغيير عن العام الماضي ومفيش كود تفعيل
★★ طيب انا خلاص عرفت أنى انا على المنظومه الضريبيه الجديده ازاى افتح هذه المنظومه الضريبيه الجديده!!!!
∆الاجابه :- اول خطوه هو الذهاب الى الماموريه التابع لها وتطلب منهم الحصول على كود التفعيل المنظومه الضريبيه الجديده.وهناك تقوم المأمورية بتسليم سيادتك ورقه فيها
كود تفعيل ١
كود تفعيل ٢ثم بعد ذلك هو عمليه ربط الحساب الضريبى وانشاء حساب على المنظومه الجديده عن طريق اسم المستخدم وباسورد (((وسوف يتم نشر منشور كامل على الصفحه عندنا بكل الخطوات )))
✅سادسا }}}} تم زياده حد الإعفاء هذا العام إلى ٤٠٠٠٠ الف جنيه بدلا من ٣٠٠٠٠ فى العام الماضي وذلك وبموجب القانون ٧ لسنه ٢٠٢٤
ـ وبالتالى صافى الدخل من ((جنيه وحتى ٤٠٠٠٠الف )) فى حد الإعفاء ولا يوجد أى ضريبه عليه ..وهناك جدول بجميع الشرائح الضريبيه
✅ سابعا }} فى خصم ١٠ ٪مصروفات للساده المحامين من إجمالى الايراد خلال السنه يعنى لو انت كاتب إجمالى الإيرادات ١٠ الف فى السنه يقوم الموقع بخصم ١٠ ٪ من هذا المبلغ كمصروفات ويصبح المبلغ الصافى بعد خصم المصروفات ٩ الف جنيه
}
✅ ثامنا }} المساهمه التكافليه هى عباره عن اثنين ونصف فى الالف من حجم الأعمال .....مع العلم مش شرط تدفع المساهمه التكافليه- ٩٩٪ من الممولين مش بتدفع المساهمه التكافليه
✅ تاسعا }}}} يتم الدخول على موقع مصلحه الضرائب سواء المنظومه الضريبيه الجديده او القديمه عن طريق إدخال اسم المستخدم والباسورد
# #••طيب لو مش معايا اسم المستخدم الحل ايه ««««
غالبا وبنسبه كبيره اسم المستخدم هو رقم التسجيل الضريبي اندر سكور زيرو وكمان ممكن معرفه رقم التسجيل الضريبي من خلال فتح الرساله الموجوده على الايميل الذى تم التسجيل به اول مره والمرسله من مصلحه الضرائب اثناء تقديم اول اقرار
# #•• أما بالنسبة الباسورد وهي دي المشكله الأكبر لو نسيت الباسورد بس معاك الايميل اللي سجلت به اول مره على موقع مصلحه الضرائب يبقى الحل هو«««« افتح بوابة مصلحة الضرائب واضغط على نسيت كلمه المرور هيطلب منك إدخال الايميل اللي سجلت به اول مره على موقع مصلحه الضرائب وبعد إدخال الايميل اذا كان الايميل صحيح هيظهر كلمه (البريد الإلكتروني متوفر) وهيتم إرسال رساله برمز تاكيد الي هذا البريد.. وبعد إدخال هذا الرمز هيطلب منك تغير الباسورد والموقع هيفتح عادي من خلال الباسورد الجديد
# #••طيب لو مش معايا الايميل الذى تم التسجيل به اول مره او مش عارف افتح الايميل للحصول على رمز التأكيد لتغير الباسورد «««««يبقى مفيش حل غير الذهاب إلى وحده الحاسب الآلي في الماموريه التابع له وتقديم طلب لتغيير الايميل القديم المسجل عندهم الى اى ايميل جديد بس وانت رايح لازم يكون معاك ايميل جديد وتكون بتعرف تفتحه وخلال ٢٤ساعه هيتم تفعيل الايميل الجديد وبعد ذلك تقدر تغير الباسورد عن طريق الايميل الجديد
✅ عاشرا }} الاشتراك على موقع مصلحه الضرائب سواء بالنسبه للمنظومة الضريبيه الجديده او القديمه..... نوعين :-
سنوي بمبلغ ٣٣٥ جنيه او شهري بمبلغ ٣٥ جنيه ويتم تجديد الاشتراك عن طريق استخدام فيزا
@@اذا كان المحامي مسجل في ضريبه القيمه المضافه»» «««الاشتراك هيكون سنوي اجبارى (مبلغ ٣٢٥) ومش عايظهر له أى اختيار اخر بخلاف الاشتراك السنوى - وبالتالى مش عايظهر له من الاساس الاختيار الشهرى فى تجديد الاشتراك ـ ومعنى الاشتراك السنوى أن الموقع بيكون مفتوح له لمده سنه كامله وهى مده الاشتراك
@@ أما إذا كان المحامي غير مسجل في ضريبه القيمه««« هيكون في اختيار سنوي وشهري وطبعا هيتم اختيار الاختيار الشهري(٣٥ جنيه ) ومعنى ذلك أن الموقع مفتوح له لمده شهر فقط وذلك لتقديم اقرار الدخل فقط
***مفيش حاجه اسمها الكل على المنظومه الجديده متسجل فى ضريبه القيمه المضافه والاشتراك سنوى ...الكلام دى غير صحيح
****مفيش حاجه اسمها تحويل الاشتراك من سنوي الي شهري كلام غير حقيقي لحين صدور حكم من المحكمه بعدم خضوع المحامين لضريبه القيمه المضافه
** مفيش حاجه اسمها أن الاشتراك الشهرى مطلوب منه اقرار كل شهر . الاشتراك الشهرى يعنى أن الموقع مفتوح لمده شهر فقط لاغير
***طيب انا العام الماضي كان في اختيار شهري وسنوي اما هذا العام مفيش غير الاختيار السنوي عادي جدا ماموريه الضرائب بتسجل المحامين في ضريبه القيمه المضافه علي أجزاء فمعني ذلك انك كنت العام الماضي غير مسجل اما هذا العام انت مسجل في ضريبه القيمه المضافه علشان كده مفيش غير الاشتراك السنوي ومفيش حل لهذا الموضوع وتم تسجيل دفعه كبيره جدا من المحامين في ضريبية القيمه المضافه هذا العام
✅ الحادى عشر}} يتم تقديم الإقرار للساده المحامين من خلال اختيار اقرار الدخل نموذج ١٠١ ثم اختيار إيرادات المهن الغير تجاريه ولا يتم التعامل على باقى الخانات
✅ الثانى عشر }}} اهم خطوه بعد الضغط على حفظ وأرسال الاقرار هو التاكد من انه بالفعل تم ارسال الاقرار لمصلحه الضرائب لان في بعض الحالات الموقع بيكون فيه مشكله ويظهر صوره الاقرار بالرغم من انه لم يتم إرساله لمصلحه الضرائب ودى مشكله كبيره جدا لان الممول (المحامى )بيكون فاكر أنه كده قدم الإقرار ولكن فى الحقيقه فى بعض الأحيان ونتيجه عطل فى الموقع بيكون هناك فشل في ارسال الإقرار لمصلحه الضرائب
ولذلك اهم خطوه هو التاكد من إرسال الاقرار بالفعل من خلال الدخول على اقرارات الدخل والضغط على خانه (عرض الاقرارت ثم الضغط على عرض الاقرارات لو ظهر اقرار عام ٢٠٢٤ ... يبقى كده تمام طيب لو لم يظهر يبقى كده في مشكله ويجب إرسال الاقرار مره اخري
✅ الثالث عشر }} بعد إرسال الاقرار بيكون في رساله من مصلحه الضرائب على الايميل تفيد بأن الاقرار لا يكون مقبولاً الا بعد سداد الضربيه.. مفيش اي مشكله من هذه الرساله دي رساله متسجله للكل يتم إرسالها عند تقديم الاقرار
★★★★★★★★وكما تعودتم معنا وللعام الخامس على التوالي نعلن عن بدايه تلقى طلبات الساده المحامين لتقديم الإقرارات الضريبيــة ومعكم يوميا بدايه من اليوم وحتى نهايه مارس لتقديم الإقرارات الضريبيــة للساده المحامين وحل اى مشكله متعلقه بتقديم الاقرارات ـ احنا بدأنا هذا العام بدرى علشان نقدر نساعد الجميع ومايحصلش ضغط علينا كما حدث فى السنوات الماضيه ونعتذر عن استقبال طلبات جديده ★★★★★★★★★
للتواصل تليفونيا او واتس
مكتب المستشار الضريبي للإستشارات القانونية والضريبيه
0
