Borsagy.net بورصجى دوت نت

14/05/2026

وبينار هام اليوم
عن كيفية معرفة اتجاهات الأصول زي الدهب و الفضه بأقل مجهود و بدون مذاكره كتير .
سجل و ادخل الوبينار الساعه ٨ بتوقيت القاهره
اللينك في أول تعليق

07/03/2024

تابعنا علي الصفحه الجديده التحليلات الجديده و المواضيع التعليميه
اللينك في اول تعليق

30/12/2018

اليوم ان شاء الله الساعه ٧ مساءا بتوقيت القاهره هعمل ان شاء الله live مبسط عن كيفيه اختبار اتجاه السهم و اتخاذ قرار شراء او بيع او انتظار بناءا علي مبدأ بسيط هشرحه اولا .
-ال live هيكون للمبتدئين فلو حضرتك محترف او متوسط اعتقد انه هيكون اقل من توقعاتك بس برده ممكن تنورنا لو حبيت تفيد معانا.
- الشرح هيكون علي اداه charting مجانيه
- علشان تعرف تعمل اقصي استفاده ارجح لك انك انك تفتح ال live من موبايلك و تبص علي التطبيق من الكمبيوتر الخاص بك.
- ال live ممكن طويل فأعمل حسابك علي كده و ان شاء الله هيكون مسجل و تعرف تراجعه براحتك و ان شاء الله ممكن اعمل واحد تاني بعد اسبوع نقفل فيه الموضوع و اسئلتكم.
-ال live ده لمين ؟
ليك انت او لأي حد يهمك امره بشرط انه يكون مستثمر في البورصه و محتاج يفهم اكتر عن التداول و التحليل الفني .
او طالب في احدي الكليات و بيدرس بورصه ، عايز يفهم علشان يعرف يتطور و يتعلم اكتر .
- ال live ده مش لمين؟
لحد محترف او دارس تحليل فني او حد شايف ان التحليل الفني مش كويس. كمان لو ما تعرفش حاحه خالص عن البورصه الكلام هيبقي مبهم بالنسبه لك و اطمئن ان شاء الله قريبا هعمل شرح ليك :) .
المهم جهز نفسك لرحله ممكن تكون بدايه تعليم مهم ممكن يغير حياتك ، طبعا مش المحتضره اللي هتغير بس ممكن تكون بدايه قويه.
ال live ده لكل الناس بس موعده محدد علشان طلبه جدا يهموني بيعملوا مشروع تخرج في جامعه MIU.
منتظركم مع كل اللي يهمكم امرهم و انهم يبدأو رحله تعلم .
ملاحظه مهمه :
ال lives دي تجريبيه لمشروع اكبر كنت وعدت ناس بيه فبعتذر عن اي اخطاء فنيه و ان شاء الله لما المشرو يخرج للنور هيكون لكم الافضليه طبعا.
مين جاي؟ و هيجيب مين معاه؟ و نفسه يسمع ايه؟

29/08/2018

06/02/2015

لاحظت فى الايام الاخيره اختلاف فى تفسير الاجراء الاخير للبنك المركزى المصرى بشأن وضع حد اقصى للايداع فى الحسابات الدولاريه.
دون الدخول فى تفاصيل القرار او الحكم عليه بالنجاح او الفشل
هشام رامز (الطرف الاول ممثلا فى البنك المركزى ) هنا بيلعب على الحبل كراجل بورصجى قديم و بيلعب لعبه انتحاريه ومضاربيه . فما يريد و حدود اللعبه فين؟
هو بكده بيقضى على شركات الصرافه (الطرف التانى)اللى بتشيل فلوسها فى البنك و بتسحب و تودع و بكده بيحاول يخوفهم من وضع الفلوس فى خارج البنك . وسلوك مضاربين كبار فى سوق العمله نفس سلوك شركات الصرافه و ده الجزء الاول من المعادله و دى حتى الان نجح فيها ولازم نحط خطين تحت حتى الان.
تعال بقى نتكلم عن الطرف التالت من المعادله وهما المستوردين وهما طرف مهم وتقيل فهم اتقل الزباين الخاصين بشركات الصرافه و بياخد منهم الدولار بأى سعر و فى الاخر كله على حساب الزبون ومش فارقه معاه لأنه كده كده بيكسب ودول هشام رامز ضربهم فى مقتل فهم الان حتى لو عرفوا يجيبوا دولار مش هيعرفوا يدخلوه البنك علشان يعملوا تحويل للخارج للشراء ودول على كده مش قدامهم حل الا ينتظروا يشوفوا مين هينتصر ولو السوق السودا اللى انتصرت هيحاولوا يشوفوا طرق بديله لاخراج الفلوس من مصر علشان تجارتهم تستمر و تتدفق الارباح وفى خاله فوز البنك المركزى هياخدوا منه الفلوس و عادى خالص ولا كأن حصل حاحه .
و السؤال المهم هنا نتوقع ايه سلوكهم فى فتره المعركه حتى انتصار احد الطرفين؟
على الاقل هيرفعوا اسعار البضاعه المتبقيه عندهم او اللى حايه فى الطريق قبل القرار عن طريق تعطيش السوق و رفع الاسعار (عادتنا ولا هنشتريها؟)؟
فى اطراف اخرى فى اللعبه بس خلينا نتكلم على المهمين الان.
فين بقى المقامره بتاعه عم هشام رامز وده السؤال الاهم فى المقال.
هو بيراهن على ان الاطراف التى تملك الدولار ستضطر الى بيعه للبنك مكان شركات الصرافه. وايضا شركات الصرفه تلتزم بالسعر و تبيع للبنك كل اللى بشتروه على اساس ان شركات الصرافه الان مش هتلاقى زبون يشترى علشان مش هيعرف يحول لخارج مصر او يشترى علشان يخزن و يحط فى البنك وبكده البنك يتوفر ليه سيوله ويلبى طلبات المستوردين و بكده تتحل المشكله و تنتهى السوق السوداء
هو تفكير عبقرى منه ولكن السؤال الذى لا استطيع الاجابه عليه و ستجيب عنه الايام .
هل تنجح حيله رامز و ينجح فى اللعبه ام ان المصاربين اقوى من الدوله؟
ولكن اللى انا متأكد منه ان هشام رامز بخلفيته المضاربيه فى البورصه مش هيسكت الا لو نجح و حلها او لا قدر الله فلس
منتظر اسئلتكم للتوضيح اكثر
ودمتم لى اصدقاء

11/05/2014

مصمم "نهر الكونغو": المشروع يوفر 110 مليار متر مكعب من المياه سنويا - البورصه

قال أحمد الشناوى الخبير الدولى فى الموارد المائية ومصمم مشروع نهر الكونغو ، أن ربط نهر الكونغو بنهر النيل...

11/05/2014

الدولار يسجل 707 قروش فى بداية تعاملات الأسبوع - البورصه

استقر الدولار الأمريكى أمام الجنيه المصرى، اليوم الأحد، حيث بلغ متوسط سعر صرف الدولار الأمريكى أمام الجنيه المصرى، 7.0375...

11/05/2014

البورصة المصرية تستضيف البرنامج التدريبى لاتحاد البورصات اليوروأسيوية - البورصه

صرح الدكتور محمد عمران رئيس البورصة المصرية بأن إتحاد البورصات اليورآسيوية قد اختار البورصة المصرية لاستضافة البرنامج التدريبى للاتحاد...