22/08/2023
@@@@@@@@@@@@
( أنا رايح
)
ماكدبشي
و اهو قالها و راح
إرتاح
و ماسابنيش أرتاح
- و لا مرتاح -
مليت م الرحلة يا #والدي
و اللا من #الناس ؟!!!
إن جيت للحق
أنا مليت
من هم الرحلة
و غم الناس
لو كنت يا والدي
تاخدني معاك
طب مانتا عارفني
قاعد باتفرج عالناس
#درويش
#سواح
مش كنت يا والدي
تاخدني معاك
علشان أرتاح
@@@@@@@@@@@@
(يا سايبني لوحدي مع الغربة
مربوط بحبال الصبر الدايبة
من قبل خطاوي المشوار !
يا فايتني بقلبي المتعلق
بين كل مابين
و مابين
حيران
ومعاك ( ماستر) كل المفاتيح !
يا مفارق
و الكون مش فارق
عينك عالجنة بإذن الله
و حزن مفارق
طلع مهموم
( إخشوشن )
كنت تقولها و عارف إني
لوحدي
بأتوه
من غير إيدك تاخد إيدي
نعدي الدنيا
(
- هافضل عمري -
بيبكي و يصرخ عاوز أبوه )
مهما كبرت يا ابويا و هاكبر
مهما كابرت
و قلت أنا هاقدر (اني اقدر )
إني هاحاول أو باتحمل
أتقل حد ومني خدوه )
@@@@@@@@@@@@
كنت أخف
كل الناس فاكراك بالخير
لسا و قبل مابكتب سيرتك
كل الناس بتقول كان غير
شوفت كلامك اهوه بيتحقق
سايب سيرتك بين الناس
و مافيش حد و يسمع إسمك
إلا و قال
(رجل ذو ضمير )
شوف
عشت يا والدي
- برغم الموت -
و مات من عاش
- حتي و إن عاش -
من غير الخير
لما الناس بتقول باشبهلك
و اللا أنا زيك
( زيك فييييييييييين ؟! )
دا أنتا الخير
أيا كل الخير
و إني أنا منك
بالنسبالي
دا كل الخير ( دا أكبر خير )
@@@@@@@@@@@@
لما أخترت حلاوة الدنيا
و ستر الآخرة
ب ( )
لما أخترت
لما أخترت السيرة الفل
حتي يا ( بو احمد )
لما أخترت الاسم كان أحمد
الله يرحم كل أيامك
كنت الفرع لأصل و طيب
كنت الأصل ل ( ضل )
@@@@@@@@@@@@
رحت يا والدي و سبتلي غربة
دا أنا مش قادر أزور التربة
كنت معايا في غلطي بتمحي
انتا معايا اهو في ملامحي
في كل ملامحي
كنت مسهل كل ما يصعب
فاهم حتي دماغي ( الضاربة )
@@@@@@@@@@@@
( إنتا يا فاشل عدت عشرة )
فيه حد من الناس العدلة
ينام علي عشرة
رحت يا والدي
و عشت وشفت الناس بتصحي
عيالها و تلعب م الساعة عشرة
@@@@@@@@@@@@
أنا دقت خلاص علي أيامك
كل الدوق
لو شميت
من ظهر ايديا
بس راح أشبع
كلك ذوق
شوفت الخير وياك حتي
في أيامي الصعبة
لما يقولوا اني إبن أصول
علشان والدي كان إبن أصول
علشان ماابنكوا
دايما رافع
انفي و راسي وقامتي لفوق
( لازم تبدأ يومك ده دايما بوضوء
و لا تنزل إلا و متوضي
و الدايم تبقا علي وضوء )
@@@@@@@@@@@@
#بتعيش
مع كل صلاة و باصليها
في ميزان حسناتك
بتعيش
( أنا شايفك يعني مابتصليش !!!
ولا تشرب و لا تاكل ويايا
لا في طبقي ولا لقمة عيش
كل وحدك ما انتامابتصليش )
( موشا يفضل يابني من الدنيا
غير بس صلاتك
و العمل الصالح تاخده معاك )
( صلي و لو حتي بقيت
و أنا حتي في عز الشلل الهزاز ( الإهتزازي )
كنت تقول لي بكل يقين
صلي و هتخف
بكل يقين )
(ذاكر يابني )
( إحنا ميراثنا العلم و فوقه يزينه إيمان )
@@@@@@@@@@@@
رحت يا والدي
و كل الجاي مليان أسئلة
و ماحلتهاش
من قبل ما حتي يجيني الجاي
كان عندك حكمة و بتبسط
علي فهمي كل الأشياء
أن كان ويايا حاجات
بتفرح مني و بيا الناس
فأنت ألفها و أمي الياء
و الله يابويا الأيام الحلوة معاك .
و لا يمكن يوم هتعوضهالي الأيام
( أيها ايام )
#الشاعر
