20/08/2025
ابطال لاتعوض
عندما اوقف فؤاد المهندس العرض المسرحي بسبب ضحكه من احد الجمهور في صالة العرض
وقفل الستاره امام الجمهور أثناء العرض المسرحي سك على بناتك بسبب شريهان
هل من الممكن أن يوقف فنان عرض مسرحي بسبب ضحكه مستفزه من الجمهور
نعم لما يكون الاستاذ فؤاد المهندس هو اللي بيعرض
كان فيه حوار زمان مع الاعلاميه امال العمده حكى فيه فؤاد المهندس عن موقف غريب حصله على خشبة المسرح وهو بيعرض مسرحية انها حقا عائله محترمه اللى حصل ان واحد من الجمهور في صالة العرض بيضحك ضحكه بس مش ضحك عادي كان ضحك بايخ ومستفز المهندس سمعه وسكت ولما اتكرر اكتر من مره وكان المشهد بينه وبين شويكار وامينه رزق راح مشاور لشويكار وامينه رزق يبطلوا تمثيل ووقف هو أدام الجمهور ساكت بس سكوت فيه عتاب وكأنه بيتكلم وقال كل حاجه بعنيه الجمهور فهم الرساله وأصر ان الراجل يخرج من المسرح وبعدها المهندس كمل العرض
اما المره الثانيه اللى قفل فيها الستاره أدام الجمهور لما كان بيعرض مسرحية سك على بناتك وده لما شريهان دخلت على المسرح والجمهور انفجر في الصفير والتصفيق وكان شايف الموضوع مش طبيعي فيه حاجه غلط ولما سأل ونظر لقي فستان شر يهان ملفت بزياده راح امر انهم يقفلوا الستاره وطلب من شريهان انها تغير لبسها وده اللي حصل فعلا
عندما كان الفنان يحترم نفسه ويحترمه الجمهور
رحم الله الجميع
