12/04/2018
نصائح هامة من Home 2 Go عن البورسلين.
ايه هو البورسلين مميزاته عيوبه الاخطاء الشائعه عند تنفيذه والعملاء بيشتكوا من ايه !؟؟
تكوينه بيكون من عجينه واحده بخلاف السيراميك ومنه نوعان:-
1-الناعم (لامع)
2-الخشن (مطفى)
مميزات البورسلين:-
1-الصلابه القويه
2-الصلاده العاليه يعنى مش سهل انه يتخدش
3-نفاذيه اقل يعنى اقل امتصاص للالوان وطبعا للمياه
4-شديد اللامعان مع الاحتفاظ بلمعته مدى الحياه
5-الارضيه شبه اقرب لقطعه واحده مثل الرخااام ودا فى البورسلين القطع ليزر
6-تقدر تتحكم فى العراميس
العيوووب :-
1-من اخطر عيوبه معامل التمدد بتاعه لو تم اختيار نوع مش كويس
2-امتصاصه للالوان بيكون كبير لو تم اختيار نوع ردئ
نتكلم عن اهم حاجه وهى الاخطاء الشائعه عند التنفيذ وشكاوى العملاء !!
استخدام مونه اسمنتيه بديلا لماده اللزق ودا اكبر عيب ف تنفيذ البورسلين لانه بيخلى البورسلين يفك نتيجه معامل التمدد اللى بيحصله ودا سبب من الاسباب الرئيسيه اللى بيخليك تسمع من عميل ان بيسمع صوت فرقعه💣 بالليل فى الرسيبشن ويصحوا الصبح يلاقوا البورسلين متخلع.
علشان كدا الصح لازم نستخدم ماده لزق بنشتريها من اى شركه كيماويات البناء الحديث ولنفترض CMBوالماده دى اسمها ؟؟ استوكس يو او جلو
انواعه واعلاهم جوده واقلهم فى معامل التمدد:
1-الاسبانى 🇪🇸
2-المصرى🇪🇬
3-الاماراتى🇦🇪
4-الهندى🇮🇳
5-الصينى 🇨🇳
