Investment opportunities

03/04/2025

20/03/2025

ثالث فرصة استثمارية منخفضة المخاطر سهم شركة ليسيكو مصر
القيمة الاسمية : ٥ جنية
القيمة الدفترية للسهم : ٤٨.٦٨ جنية
عدد الأسهم : ٨٠ مليون
ربحية السهم : ١١.٤٨ جنية
من الناحية الفنية يجد السهم منطقة دعم عند ٢٧.٠٥ جنية و مقاومة عند ٢٩.٧٠ مستهدف على المدى قصير الأجل ٣١.٨٠

18/03/2025

تانى فرصة استثمارية منخفضة المخاطر معانا سهم شركة النساجون الشرقيون
القيمة الاسمية : 1.00 جنية
عدد أسهم الشركة: 665 مليون سهم
القيمة الدفترية للسهم وفقا لآخر قوائم مالية للشركة : 28.43 جنية
ربحية السهم وفقا لآخر قوائم مالية للشركة : 2.72 جنية
مقترح توزيع أرباح نقدية على المساهمين : 1.60 جنية
من الناحية الفنية دعم السهم 23.50 مقاومة 24.05 - 24.85 مستهدف على المدى قصير الأجل 27.50

16/03/2025

هنبدأ بأول فرصة استثمارية متوسطة المخاطر و هى شركة اكت فاينانشال
القيمة الاسمية : 0.25 جنية
القيمة الدفترية وفقا لآخر قوائم مالية 2024 : 1.85 جنية
ربحية السهم وفقا لآخر قوائم مالية 2024 : 0.39 جنيه
آخر سعر للسهم وفقا لاغلاق اليوم : 3.20 جنية
عدد الأسهم : 1.125 مليار سهم
القيمة السوقية: 3.602 مليار جنية
فى حين ان بلغت حصيلة بيع حصة الشركة فى سهم حديد عز فى الشطب الاختيارى قيمة 6 مليار جنية
من الناحية الفنية الدعم الرئيسى للسهم 3.18 جنيه ومقاومة أولى 3.28 جنية والمقاومة الثانية 3.43 جنية مستهدف قصير الأجل 3.80 -4.00 جنية مستهدف طويل الأجل 5.50 -6.00 جنية

16/03/2025

زى ماتكلمنا ان فيه استثمار عالى المخاطر و استثمار منخفض المخاطر
خلينا نتكلم عن أمثلة على الاستثمارات دى زى مثلا الاستثمار العقارى عن طريق شراء اصل ده يعتبر استثمار منخفض المخاطر و لكن دائما العائد بتاعه بيبقى على المدى طويل الأجل عندك كمان الاستثمار فى الذهب ده بيتقال عليه الملاذ الآمن على المدى طويل الأجل
طيب فيه استثمار منخفض المخاطر على المدى قصير الأجل ؟
طبعا عندنا على سبيل المثال الاستثمار فى اذون الخزانه و ده بيبقى بعائد ثابت زى الشهادات البنكية و لكن العائد الثابت ده دايما بيبقى قريب من معدل التضخم وأوقات بيبقى اقل يعنى بالكتير اوى هتقدر تحافظ على فلوسك أنما مش هتكبرها
وعندنا كمان بقى الاستثمار فى البورصة و ده بقدر أتحكم فى حجم المخاطره بتاعتى عن طريق دراسة الشركة اللى هستثمر فيها جيدا و ادرس حركة السهم علشان اقدر احدد امتى اقدر اشترى و امتى اقدر أبيع و إذا كنت هبقى مستثمر قصير الأجل أو طويل الأجل
و هنا بقى دايما هنتكلم عن كل شركة مؤشراتها المالية و حركتها الفنيه علشان نقدر نحدد امتى نبدأ تجميع السهم و امتى نبدأ نتخارج منه و هنا بنتكلم دايما ان فرص التجميع بتبقى على مراحل و نقط التخارج كمان بتبقى على مراحل مختلفة

15/03/2025

إيه هو الفرق بين الادخار و الاستثمار وهل معنى الادخار انى بحافظ على فلوسى بعيد عن مخاطر الاستثمار ؟
الادخار هو الاحتفاظ بالسيولة لاستخدامها فى وقت الاحتياج لشراء سلعه أو خدمه فى المستقبل و هنا الادخار فلوسى هتفضل زى ماهيا من غير زيادة أو نقصان
أما الاستثمار فهو شراء اصل أو أسهم أو اى اداه ماليه بهدف زياده الثروة الناتجه من الدخل
طيب هو الاستثمار ليه مخاطر ؟
اى استثمار بيبقى ليه مخاطر زى مثلا تراجع سعر الأصل أو السهم و كل مازادت حجم المخاطره زادت نسبة العائد على الاستثمار
طيب ليه استثمر طالما فيه مخاطره ؟
لان ببساطة زى ماتكلمنا فى الأول ان الادخار بيحافظ على الفلوس زى ماهى من غير اى زيادة و بالتالى فيه مخاطره برده مع ارتفاع معدلات التضخم يعنى السلعه اللى كنت هقدر اشتريها انهارده بكره أصبحت غير قادر على شرائها على عكس الاستثمار اللى بيستفيد من ارتفاع معدلات التضخم و بينعكس على سعر الأصل أو السهم اللى أنا اشتريته
وهنا على الصفحه هنتكلم مع بعض على فرص الاستثمار و حجم المخاطره اللى اقدر أخدها على حسب قدرتى على تحمل المخاطر و العائد من الاستثمار لان زى ماتكلمنا ان كل مازادت حجم المخاطره زاد العائد على الاستثمار