Catalysis

15/06/2018

عيد فطر مبارك🎊

17/05/2018

كل عام والامة الاسلامية بخير😄
رمضان كريم🙏

26/04/2018

من بداية السنة واحنا بنبذل اقصى جهودنا عشان نحقق احسن استفادة للناس، وفى خلال ال4 اسابيع اللى فاتت كنا بنشوف ثمرة مجهودنا مع ال participants اللى شاركوا فى ال workshops واد ايه هما استفادوا من المكان واتعلموا منه.

11/04/2018

فكرة جميلة من كونيكتد هتساعد كتير من الناس إنها تتعلم حاجات جديدة و تترك أثر طيب ..
و كمان طريقة العرض فى الفيديو جميلة جداا اتفرجوا عليه و شاركوا مع كونيكتد عشان تتركوا أثر ؛) 😀

10/04/2018

اية هى الantimatter ؟؟

الmatter احنا عارفنها اى شئ فى الكون فهو عبارة عن matter اى شئ لية كتلة من الأخر فهو بيتكون من matter و فى الكون كمان antimatter تخيل كدة عندك ذرة بتتكون من electron واحد سالب و proton موجب اما ذرة من الantimatter فهى عبارة عن العكس زي positron موجب و antiproton سالب الموضوع ظهر بدايته مع العالم Paul dirac فى معادلتة dirac's equation ظهر حلين موجب و سالب من هنا ظهر فكرة الكترون موجب غير السالب اللي نعرفه

اللي بيحصل بقى لما الmatter و الantimatter يتقابلوا انهم بيلاشوا بعض و تنتج طاقة للمعادلة E=mc^2 و الantimatter هى بالظبط الmatter مش هتفرق بينهم يعنى لو كرسى من الantimatter هيفضل كرسى زاى ما هو مش هيعمل حاجة مميزة

فى CERN قدروا يعملوا antimatter و بالنسبة للاستخدامها كمصدر للطاقة عشان تنتج الantimatter لازم طاقة اكبر بكتير من اللي بتنتج عن الantimatter لما تتلاشى يعنى لسة على استخدامها

المحير بقى ان المفروض لما تتجمع طاقة كبيرة فحيز صغير بيتكون حاجتين matter و antimatter بنسب متساوية يعنى نظرية الBig Bang المفروض كان الmatter و الantimatter يبقوا متساويين بس الmatter هى الفضلت موجودة و دة سر لسة بيحاولوا فية

08/04/2018

ايه اللي ممكن يحصل لو باب الطائرة اتفتح؟!خاطرة غالبا جت في بالك سواء ركبت طائرة قبل كده أو لا.

خلينا نوضح في البداية ان الضغط الجوي بينخفض كل ما زاد الإرتفاع،وده نتيجة لإنخفاض جاذبية السحب الأرضية على جزيئات الهواء.عشان كده بيتم رفع الضغط داخل الطائرة حتى يتناسب مع الضغط الجوي.

لو حصل والباب فتح،الطائرة هتفقد ضغطها في أقل من 0.5 ثانية وأي حاجة هتتسحب برا الطائرة حتى البشر،إلا في حال كانوا لابسين حزام الأمان. في وضع زي ده احتمالية النجاة ضئيلة جدا لأن غالبا الطائرة هتكون تحطمت بالكامل.

طيب ايه اللي هيحصل لو الطائرة فضلت سليمة؟
نتيجة لفرق الضغط هتهبط أقنعة الأكسجين واللي هتحتاجها نتيجة لوجود الأكسجين بكميات قليلة في المرتفعات، واللي هتكفيك لحوالي 10 دقائق،فترة كافية للسماح للطيار بالهبوط حتى 8000-10000 قدم.

طيب ليه الإرتفاع ده تحديدا؟ هل مشكلة الضغط كده اتحلت؟
وهل اصلا في احتمالية لإن الباب يفتح؟
لو عايز تعرف خليك متابعنا واستنى ال post اللي جاي.

05/04/2018

كتير مننا سمع عن الشفق القطبي وشاف صور للسما وهيى متألقة بألوان زي الاخضر والأحمر والازرق وغيرها وسألنا نفسنا ازاي بتحصل وليه احنا مبنشوفهاش غير ف الصور والافلام مش في الحقيقة؟

الشفق القطبي (Aurora)باللاتينية وهي تسمية مشتقة من اسم إلهة الفجر الرومانية، التي كانو فاكرين أنها بتجددنفسها عند الفجر عشان تطير في السماء بعدها.
هي ظاهرة بتحصل على سطح الارض وهيى عبارة عن نور بيظهر في اقصى جنوب الارض او شمالها بعد لما الشمس تغيب فالشمس بتنور من تاني بس بالوان جميلة ومختلفة وبتبان كانها لوحة فنية ف السما.
طيب يا ترى بيحصل ليه؟

الشفق بيحصل بشكل رئيسي بسبب الاشعة اللي جاية من الشمس للارض في وقت غيابها، الشمس بتتكون من 3طبقات ،الطبقة اللونية والضوئية والاكليل،
والنشاط الشمسي بقى بيوصل لذروتِه مرّة واحدة كل 11 سنة فدا بيؤدي انو يحصل عواصف ورياح شمسية وكلف شمسي، وبعض النتوءات والمواد والصياخد الشمسية المتفجرة، ذات القوة الضخمة جداً، وبسبب قوتها ترسل الصياخد الإشعاعات اشعاعات كتير للارض زي أشعة جاما والأشعة السينية، وكتير من الإلكترونات والبروتونات اللي ليها شحنة مختلفة فبيظهر ف السما الالوان المختلفة دي.

03/04/2018

الطاقه المتجدده هي الطاقه التي يتم انتاجها من المصادر المتجدده ...طب زي ايه؟ طب هي بتشمل اد ايه من استهلاك الطاقه عند البشر؟
ساهمت مصادر الطاقة المتجددة بنسبة 19.2٪ في استهلاك الطاقة العالمي عند البشر و 23.7٪ لتوليد الكهربا في 2014 و 2015 على التوالي. وبينقسم استهلاك الطاقة دا إلى أن 8.9 ٪ بتيجي من الكتلة الحيوية التقليدية ، و 4.2 ٪ كطاقة حرارية (الكتلة الحيوية الحديثة ، والطاقة الحرارية الأرضية والحرارة الشمسية) ، و 3.9 ٪ من الطاقة الكهرومائية و 2.2 ٪ هي الكهربا من الرياح والطاقة الشمسية والطاقة الحرارية الأرضية والكتلة الحيوية.
ال chart دي كانت بتمثل في سنة 2013 استهلاك الطاقة بيتقسم ازاي
لو عاوز تعرف اكتر عن الطاقه المتجدده هنكلم عن كل واحده في البوستات الجايه....انتظرونا

01/04/2018

"الجو مكهرب"
سمعنا الجملة دى كتير، معناها ايه ؟و ليه الجو دلوقتي بس مكهرب مش دايما؟

مبدأياً كدة خلينا متفقين ان الجو هو السبب في شعور عدد كبير من الناس بالكهرباء دي و الكهرباء دي بيكون مصدرها جسمك
و اسمها الكهرباء الساكنة و هي موجودة في جسمك علطول لكن بنسبة قليلة فمش بنحس بيها .. طيب ليه دلوقتي حسينا بيها؟

حاليا احنا في نهاية الشتاء ففي رياح شديدة جافة .. وجود الرياح الجافة بيساعد في زيادة نسب الكهرباء الساكنة دي في جسمك .. كمان احنا غالبا طول الشتاء كنا لابسين هدوم مصنوعة من خامات زي الصوف .. و الصوف بيخزن الكهرباء الساكنة .. فعند اول تلامس بينك و بين اوكرة الباب او حنفية او اي حاجة يكون عليها كهرباء ساكنة بردو .. بتحس بصدمة بسيطة كدا و كأنك اتكهربت

إيه الحل بقى ؟
خلونا نقول الأول انها مش حاجة خطيرة بالعكس ليها بعض التأثيرات الإيجابية زي تنشيط خلايا القدم و المساعدة في توصيل الدم للأطراف

اسهل و ابسط حل نعمله اننا نلمس الارض من غير أى عازل - لا أحذيه ولا سجاد - نوقف حافيين على الارض جسمنا هيفرغ الشحنات السالبة للأرض
و لو فى مكان مُضطرين نفضل فيه و فى سجاد على الأرض نوقف حركتنا واحتكاكنا بأى حاجة لمدة دقائق
و نبدل اللبس بلبس قطن.

31/03/2018

https://www.facebook.com/connected.family/posts/1889968224408001

Connected Family is a non profitable team working to help students to execute their ideas which may be technical, social, economical....etc. The idea was generated on 28/3/2011 and founded by 7 founders.

27/03/2018

لكل اللى حابب يحضر أكبر الEvents عن ال Artificial Intelligence السنة دى
متفوتوش الفرصة !
دلوقتى ممكن تشتروا التذكرة لAppX Event عن طريق Catalysis
وتحضروا الtalks و الworkshops و تشوفوا المعرض و تتعرفوا على احدث تقنيات الشركات فى مجال ال Artificial intelligence و تستمتعوا و تستفيدوا بكل أنشطة الEvent
لو حابب تشترى التيكت هتبعت (اسمك- رقم تليفونك- الايميل- الرقم القومى "عشان اجراءات دخول جامعة زويل" - واليوم اللى حابب تحضر فيه ) عالبيدج بتاعتنا
سعر التذكرة لحضور الايفنت: 100 جنيه
لينك الEvent:
https://www.facebook.com/events/1063260037147304/

24/03/2018

ال Artificial intelligence apocalypse مع ان فعلا بداية الفكرة دى ظهرت كخيال علمى بس مخاوف حدوثها بدأت تزداد و ان الآلات و الذكاء الاصطناعي فى المستقبل ممكن يتطور و يتزرع فيها حاجة شبة الطمع البشرى من انسان تانى و يتطور فيها وعى بالذات سواء عن طريق انها تتطور ذاتيا او عن طريق البشر ممكن توصل لحالة قال عليها العالم Irving good اسمها الtechnological singularity وهى ان الA.I عدى مقدرة فهم البشر و العقل البشرى مع ان العقل البشرى عظيم و مدهش ولكن لية حدود زى عقل الحيوان مثلا عمرك ما هتعرف تعلم حيوان يكتب،العقل البشرى ليه حدود للاستيعاب و الذكاء لما الA.i يعدى الخط ده و يعمل حاجات تفوق قدرة العقل البشرى هنا تبدأ النهاية لانك مش هتفهم ولا هتتنبأ بالللى هيحصل فى المستقبل
و Stephen hawking كتب مقالة و و وصف فيها الA.I
"Potentially our worst mistake in history"
و بيتكلم فيها عن المخاطر و ازاى لازم نتجنبها و نتحكم بالفضول دة غير علماء و شخصيات عامة كتير ليهم نفس النظرة.

و دلوقتى ممكن تشتروا التذكرة لAppX Event عن طريق Catalysis
وتحضروا الtalks و الworkshops و تشوفوا المعرض و تتعرفوا على احدث تقنيات الشركات فى مجال ال Artificial intelligence و تستمتعوا و تستفيدوا بكل أنشطة الEvent
سعر التذكرة لحضور الايفنت: 100 جنيه
لينك الEvent:
https://www.facebook.com/events/1063260037147304/

With the Hollywood blockbuster Transcendence playing in cinemas, with Johnny Depp and Morgan Freeman showcasing clashing visions for the future of humanity, it's tempting to dismiss the notion of highly intelligent machines as mere science fiction. But this would be a mistake, and potentially our wo...