ARQAMI

17/05/2023

فريق أرقامي يشارك في معرض HVAC R Egypt Expo 2023
من خلال شريك النجاح شركة شركة القاهره لتجارة العوازل الحراريه والكاوتشوك وشركة للتجارة العامة

تهنئ شركة أرقامي عميلها المميز شركة القاهره لتجارة العوازل الحراريه والكاوتشوك لحضورها القوي خلال فعاليات معرض HVAC R Egypt # بعد الشراكة المميزة مع شركة الصقر الأحمر بالإمارات العربية المتحدة.
كما يشرفنا التواجد كشركاء لهذا النجاح في مقر شركة القاهرة خلال فترة المعرض من 17 مارس وحتى 19 مايو 2023.
ننتظركم؛
أرض المعارض الدولية
Hall 1
Booth no. F11
وسنوافيكم بتغطية خاصة للفعاليات خلال فترة المعرض
#أرقامي

#مهر

20/03/2022

نشكر شركة القاهره لتجارة العوازل الحراريه والكاوتشوك على شهادتهم المشجعة لشراكتنا المستمرة إن شاء الله ♥️
#أرقامي

في كل منظومه او مؤسسه او شركه ناجحه
عامل من عوامل النجاح
شركتنا بتقدم كل الشكر والتقدير لشركة ARQAMI
لدورها العظيم معنا وانها عامل اساسي في تطور شركتنا بسستمها الرائع في مجال الحسابات
أرقامي صنايعية الحسابات في مصر

17/03/2022

تهنئ شركة أرقامي عميلها المميز شركة القاهره لتجارة العوازل الحراريه والكاوتشوك لحضورها القوي خلال فعاليات معرض Metal & Steel.
كما يشرفنا التواجد كشركاء لهذا النجاح في مقر شركة القاهرة خلال فترة المعرض من 17 مارس وحتى 19 مارس.
ننتظركم؛
أرض المعارض الدولية
Hall 1
Booth no. A106
وسنوافيكم بتغطية خاصة للفعاليات خلال فترة المعرض
#أرقامي

30/07/2020

لو أنت خريج أو حتى طالب في كلية تجارة يبئا لازم تكمل للآخر. 🤑🚀

لو أنت خريج #محاسبة أو #طالب في قسم محاسبة فلازم تعرف إن تحت إيدك صنعة،، وإنك مصدر قوة ،، وإن مكانك بيننا .
علشان كدا ومهما كان مستواك؛ قررنا كبداية إننا هنساعدك وهنوفرلك فرص للتأهيل والتدريب والشغل كمان أو على الأقل هندلك على الطريق ،، من الآخر مش هتمشي إيدك فاضية ،،

-هنفتح باب التقديم لكل محاسب حابب ينضم لصنايعية الحسابات،، هتبعتولنا ال C.V ،،
وأول 15 واحد هيبعتوا هنعملهم مقابلات بعد العيد خلال شهر أغسطس ،، وهيبئا ليهم فرصة لحاجة من أربعة:
1- تقييم شامل لمستواهم في الحسابات
2- فرصة تدريبية نظرية وعملية
3- فرصة عمل في شركة من شركات عملاءنا
4- فرصة الإنضمام للصنايعية 😎
ولو مكانش ليك فرصة لحاجة من الحاجات دي فبردو مش هنسيبك ،، هنديلك تقييم شامل وتوجيه ودعم بالمراجع والمصادر والكورسات اللي تأهلك لسوق العمل وتخليك قادر ترجع تنضملنا تاتي ،، يعني عمرك ما هتكون خسران.
لو أنت محاسب قدم ،، ولو مش محاسب فشير ومنشن لأي حد هيستفيد من البوست دا لأنك أكيد تعرف حد مننا؛ لأننا #كتير ،، لأننا #قوة ...استنونا

#شير
#منشن

#أرقامي

29/04/2020

هل تعرفون من هو ها ..... الرجل؟ إنه شيتي، ودا اسمه ويعتبره وصفه كمان. .
وصل شيتي إلى أبو ظبي سنة 1973 ومعاه 8 دولار في جيبه، وخرج من دبي من حوالي شهر واحد فقط بـ6 مليار و600 مليون دولار. .
بدأ بي آر شيتي مشواره في الإمارات عشان كان عاوز يتجوز حبيبته في الهند، وبعد فترة قرر يستثمر في قطاع شافه واعد في الإمارات وكان فيه نقص أياميها، فأسس مركز طبي اسمه NMC اللي توسع لحد ما أصبح أكبر مقدم للخدمات الطبية في الإمارات وانتشر لحد ما فتح فروع في الشرق الأوسط وأروبا. .
مش بس كدا، شيتي استثمر في مجال تحويل الأموال خاصة إن كتير جدًا من العمال في الخليج بيحتاجوا خدمات إرسال أموال توصل فلوسهم لأهاليهم في الهند وعموم آسيا وبقية دول العالم، فأسس شركة تحويل أموال الإمارات للصرافة، وبرده أصبح ليها فروع في كتير جدًا من دول العالم تحت اسم ترافيل إكس (أنا نفسي استخدمتها كذا مرة وأنا معرفش). نجاح ساحق، ومليارات الدولارات، وشيتي من أغنى أغنياء العالم وصديق لرؤساء الهند وأمراء الإمارات..
ظهر في ديسيمبر الماضي تقرير بيتهم الشركة الطبية وتحويل الأموال بالاحتيال. اتوقف التداول على أسهمهم في بورصة لندن، والسهم بدأ يسقط سقوط حر مدوي. وبدأت بورصة دبي في فتح تحقيق ضد الشركتين. هوب كرسي في الكلوب احتال شيتي علي 12 بنك في الإمارات وأخد منهم ال6 مليار و600 مليون دولار..
باختصار اللي حصل في شركات شيتي والانهيار المفاجيء كان سببه الفساد والتلاعب المالي والإداري. لا تكن مثل شيتي!
أرقامي تضمن لك رقابة مستقلة ليس لها أي مصلحة في تغطية أي تلاعب مالي أو إداري، بل على العكس. أنت كصاحب عمل لما تفرض على شغلك خدمة بتمكن لها بالرقابة المالية على شغلك، فأنت بتحمي نفسك من خلال خدمة مستقلة في عالم المحاسبة الرقمية. .
تعرف على حزمة الحلول والأنظمة التي توفرها لك أرقامي لتأسيس نظام محاسبي حاسوبي خاص بك، مبني بشكل دقيق ومحكم ولا مجال فيه للتلاعب والاحتيال. يمكنك استخدام النظام والتعامل عليه من البيت أو أي مكان بضغطات زر قليلة. .
#أرقامي
#هننقذك

28/04/2020

ممكن معلش تفتحوا المروحة عشان وإحنا قاعدين معاكم في الصالة ناكل حبة فواكه الدنيا بدأت تحرر. .
كل مرة نحكي قصة رمزية ونتعب عم بيومي وأسرته معانا. لأ المرادي جايين نحكيلكم قصة حقيقية. .
اللي في الصورة دا الملاكم العالمي مايك تايسون، اللي يعرف قصة حياته أو اتفرج على فيلم قصة حياته يعرف إن مايك تايسون كان من أغنى الرياضيين على وجه الصعبة، وكان بيجني ملايين من الإعلانات والرعاة والدعاية والرهانات، من الآخر كان بيلعب بالفلوس لعب..
وفجأة وبدون مقدمات وبسبب كثير من الإسراف والسهر والمخدرات والخمر والصرف ببعزقة بدون حساب وبدون تفكير لأن فيه ملايين، ومع خسارات متتالية والرهانات اللي بتخسر، أعلن إفلاسه بل وأصبح مديون مطالب بدفع ما عليه، وخد من التل يختلّ، والتل هنا انهار مش اختل بس. .
تايسون زي مدراء كتير وأصحاب شركات وأصحاب محلات ومعلمين هما الحمد لله بيكسبوا، وبيكسبوا كتير، بالتالي مش بيحسبوها ومش مهتمين حتى يحسبوا أي شيء وعايشين في دائرة الراحة والأمان. بيقول في عقل باله، أنا كدا كدا بكسب، وبكسب كتير، ويزيد وكفاية. فليه أتعب نفسي وأجيب محاسبين ولا أعمل نظام محاسبات. .
طريقة التفكير دي خطأ، لأن إدارة الأعمال بيكون فيها إدارة للمخاطر وإدارة للأزمات، لأن ببساطة أي حاجة ممكن تطلع من تحت الأرض من حيث لا تدري ولا تتوقع، والأزمة اللي إحنا فيها دي خير دليل. فلازم يكون المدير وصاحب العمل جاهز لأي مفاجآت ويمتلك من الأدوات اللي تخليه مُلم بكل تفاصيل حساباته ومدفوعاته ودخله وموارده وعلى أساسها يقدر يخطط ويقرر بشكل صحيح إذا جدت أي أزمة أو قرر يتوسع أو يغير أو يعمل أي شيء، مع المعطيات الصحيحة توجد القرارات ثم النتائج الصحيحة والمناسبة. .
أرقامي بتزودك بحزمة من الأدوات والخدمات تخليك متفلسش مرة واحدة زي مايك تايسون، وتبقى عارف ايه اللي داخل وايه اللي خارج بالزبط بالمليم والسحتوت. كل دا بأنظمة حاسوبية تقدر تستخدمها من أي مكان بضغطات زر قليلة..
#أرقامي

#هننقذك

27/04/2020

مساء رمضاني جميل مليء بالمكسرات والمشروبات والسهرات الجميلات. .
معلش هنضايف نفسنا عندكم في الصالون ونشرب معاكم تمر هندي ساقع ونحط تلج وناكل كنافة بالقشطة. وفي هذه الأثناء هنحكيلكم حكاية رمزية عن مغامرات عم بيومي مع ياميش وخزين رمضان. .
عم بيومي موظف كلاسيكي في القطاع الخاص وتأثر عمله جدًا بالأزمة الأخيرة. دخل عليه رمضان، وجت الست حرمه أم سامح تطلب منه خزين وياميش رمضان..
عم بيومي بيصرف من القرشين اللي تحت البلاطة لحد ما تفرج ويرجع الشغل، لكن فيه نزيف في القرشينات بدون دخل يعوض هذا النزيف. فبالتالي الاحتياطي الاستراتيجي بتاع عم بيومي ممكن ينفذ في أي لحظة خاصة مع عدم وجود وقت محدد لبوادر رجوع الحياة إلى مسارها الطبيعي. (معلش كلام عميق حبتين بس أكيد أنتم فاهمين).
المهم يا سيدي، عم بيومي انصاع لرغبات الست أم سامح زي أي راجل مصري أصيل معروف بقوته وبجبروته وسيطرته في بيته. ونزل معاها مصطحبًا مبلغ لا بأس به من الاحتياطي الاستراتيجي. وظلت السيدة أم سامح تعوث في الأسواق يمينًا وشمالًا تشتري كل ما لذ وطاب لها من الياميش والخزين لرمضان الكريم. .
لم تنتهي القصة هنا، رجعوا البيت، ورتبت أم سامح الخزين والياميش في الصندرة (أو الصندلة مش متأكد) وبدأ الشهر الكريم وبدأ استخدام الخزين المهول العظيم. .
ولأن العم بيومي لا يدخل المطبخ ولا يفتح الصندرة فهو لا يعلم شيئًا عن موارد البيت الموجودة بالفعل. وفي يوم صيام حار وهو قاعد في البيت لأن الشغل أجازة مفتوحة، شاهد أم سامح وهي بتطلع بعض الخزين من الصندرة. وهنا عزيزي القاريء صعق ودهش واتكهرب عم بيومي. لماذا؟ لأنه اكتشف إن فيه أصلا خزين وموارد كتيرة جدًا ولم يكن هناك داعي لكل هذا السرف في شراء خزين رمضان خاصة في ظل وجود عجز في الاحتياطي الاستراتيجي ورأس المال، ومع تراجع الدخل والعائدات اللي بتدخل البيت. .
عم بيومي كمدير مشروع أو شركة، لم يحسن فهم إدارة الموارد المتاحة ولم يمتلك أدوات لإدارة الأزمة. عم بيومي لو كان عامل نظام جرد متقن لحساب موارد البيت، مكنش لبس في الحيط. لك الله يا عم بيومي!.
لا تكن مثل عم بيومي، وتعرف كيف تدير الموارد وماذا تمتلك فعلا في الصندرة مع حزمة الأدوات التي تقدمها لك أرقامي. .
#أرقامي
#هننقذك

#كورونا

25/04/2020

عم اسماعيل دبح البقرة !!😞

زي ما اتفقنا احنا هنشارككم المائدة
المرة دي جينا بالحلو ومعانا حكاية لطيفة تتسلى بيها لحد ما نصلي #التراويح 😃♥
القصة انهاردة مرتبطة بامبارح
بتحكي عن عم إسماعيل اللي ساكن في شارعنا
عم إسماعيل كان موظف في شركة الماية
بنى البيت وخلى الدور الأرضي محل يسترزق من إيجاره
لما خرج معاش قرر يقف هو في المحل واشترى بقرة كبيرة
كل يوم الصبح يحلب البقرة ويبيع من لبنها لحد آخر اليوم
البقرة طبعا بتكلفه أكل ومرعى
لكن كانت مستورة الحمد لله
هو مبيحسبلهاش
مادام بيلاقي في جيبه فلوس
لحد ما جات الأزمة وحاله وقف؛ زيه زي باقي العالم
الجيران بقت خايفة تنزل وتشتري؛
رغم إن عم إسماعيل مكنش مطنش قصة الوباء، ده كمان اشترى كمامة للبقرة 💔

المهم؛
يوم ورا يوم الأزمة بتزيد وبعد ما كانت الأزمة صحية والناس خايفة من الوباء ،، الأزمة بقت كمان اقتصادية ؛ تخيل إن كيلو اللبن بتاع عم اسماعيل بئا أغلى من برميل البترول الأمريكي :v 🏗
الدنيا مش زي الأول ولازم نعدي الأزمة ؛ عم اسماعيل كل يوم يبيع قليل ويصرف أكل عالبقرة
لحد ما لقى إيراد المحل بيخلص
عم إسماعيل زيه زي أي صاحب بيزنس كان لازم يقلل تكاليفه ؛ صحي الصبح ودبح البقرة اللي خاربة بيته ومخلصة له إيراد المحل!
وبكده دمر مصدر رزقه لأنه مكنش عنده الدراية الكافية، ولا حتى استعان بحد يفيده ويوجهه إزاي يتصرف في الأزمة وازاي يحلل مصاريفه
عم إسماعيل كان عنده مشكلة في الأولويات ، ومعرفة الفرق مابين المصروفات الأساسية واللي بنسميها تشغيلية وبين المصروفات اللي ممكن تكون ثانوية وممكن يستغنى عنها ضمن عملية تقليل التكاليف وقت الأزمات
(القصة رمزية طبعا، صحيح عم إسماعيل اللي في شارعنا كان شغال في شركة الماية 😃
لكن القصة متكررة وبنشوفها،، عم اسماعيل مثال لكل صاحب بيزنس مبيحسبهاش ؛ ربنا يعدي الأزمة على خير :) )
#أرقامي

#هننقذك

24/04/2020

أرقامي كلها - من الواحد إلى ما لا نهاية- 😁 بتهنيكم برمضان وبتتمنى لكم صوماً متقبلا وإفطارا شهياً 💙
وحيث إن السنة دي رمضان جاي من غير تجمعات ولا موائد الرحمن فاسمحوا لنا نعزم نفسنا عندكم كل يوم عالفطار ،
هنشارككم المائدة 😃♥
أنتم عليكو الأكل واحنا علينا العرقسوس والحكاوي

حكاية النهاردة عن حفظ المال

أكيد فكرة البنوك لما جات ريحت دماغنا من التحويش تحت البلاطة 😃
متخيل لو كان معاك 100 ألف جنيه من ادخار يومي أو شهري كنت هتحس إنك معاك ثروة..
دلوقتي بال credit أنت ممكن تمشي في الشارع بقيمة شرائية تتجاوز 100 ألف جنيه في جيبك
بكارت بسيط.
ده بيحافظ عليك من السرقة ويحفظ عليك فلوسك
لأنه حتى لو اتسرق منك الكارت فأنت معاك رقم سري مينفعش تسحب من غيره.
كاتب الرقم السري ف ورقة وشايلها مع الكارت؟ تعيش أنت يا حاج 🤦🏼‍♂️
دلوقتي بقا عندنا طرق كتير جدا نقدر بيها نتابع فلوسنا وأعمالنا عن بعد
ولو مستغلناش الطرق دي في عز الأزمة اللي بنمر بيها يبقى نستخدمها امتى؟!
الحكاية لسه مخلصتش
هنكمل بكرة عالفطار
والعرقسوس علينا زي ما اتفقنا 😃💚
أرقامي بتقول لك تقبل الله طاعتكم
#أرقامي

16/04/2020

وقت الأزمات بيكون اختبار حقيقي لأي فرد سواء في التزامه وحفاظه على نفسه وغيره ،، أو في دوره التوعوي والمجتمعي ،،
والبيزنس زي الأفراد بالظبط ،، سواء في دوره المجتمعي أو في تواجده جنب الناس وجنب عملاؤه في وقت الأزمات ،، ولأننا مؤمنين بدا حبينا نشكر مبادرة Stay Home Egypt على مبادرتهم الجميلة ونشكر معاكم أصحاب الفكرة :
Mohamed Hossam Khedr و Manal Negmeldinو Amr Dawood
وبنتشرف بمشاركتنا في المبادرة دي وبنتمنى إن الفكرة العظيمة دي تكون نقطة تحول نعدي بيها الأزمة وتستمر علشان تكون بداية جديدة لل online business في مصر.
لينك المبادرة أول تعليق 👇👇

كمان بنطمنكم إننا مستمرين معاكم إن شاء الله وهنقدم كل اللي نقدر عليه علشان نساعد الشركات في إنها تعدي الأزمة خصوصاً إن مجالنا هو إننا نساعد الناس في إدارة مواردهم المالية في الوقت دا ،،




#أرقامي