بورصة مصر

بورصة مصر الحديث عن كل ما يدور في البورصه مع محاولة قراءة فنون ال?

04/08/2025

الرؤيه والسلوك
سلام الله عليكم ورحمته وبركاته يلا بينا
في الجروب ده هتلاقينا دائما ننوه عن أسهم القيمه اللي تقدر تشتغل فيها مضاربه احيانا ومع الوقت سعرها بيغله ويعله في الأيام دي عندك مجموعة أسهم وسيبك بقي من أسهم الأسمنت اللي لحست عقول الناس وعتاقه اللي بقوا يغنوه له كل يوم عندك أسهم تضرب الكل دلوقتي ومرميه في مزيلة السوق وسعرها وقيمتها تساوي أضعاف سعرها ومنهم
١- اورسكوم للتنميه
٢- الحاويات
٣- راية القابضه
السوق يضرب يطلع نام وتاجر بالنصف اذا سمحت الظروف احنا بنتكلم في كتير وخاصة ان الورق ده ليه أصحاب ومش عاديين
طيب هتقولي اصل الورق ثابت ومش بيجري اقولك علشان كده بنتكلم عليه لأنه في مرحلة تجميع كبيره وعظيمه هتعوضك كتير بإذن الله
واخيرا ابحث بنفسك ولنفسك تحياتي ودعواتي للجميع بالتوفيق والستر بإذن الله

16/05/2025

القطاع
الشمس ، المتحده،القاهره للإسكان
سلام الله عليكم ورحمته وبركاته يلا بينا
لوحضرتك متابع جلسة نهاية الاسبوع هتشوف ان القطاع بداء يبقي في اتزان ودخول سيوله ويمكن الشمس للاسكان هي اللي شكلها هتقود القطاع لان المضارب فيها شرس جدااا ويبدوا انه ينتوي هذه المره علي الوصول لأهداف خاصة أن الورقه الماليه في نطاق عرضي ممل منذ سنتين تقريبا ولكننا راينا جميع نشاط قوي في الفتره الاخيره ووصلت الي مستوي ٧.٣٠ العنيد والذي اتوقع انه قد يخترق بإذن الله وصولا الي منطقة ٧.٦٠الي ٧.٨٠ فالسهم عنده مستويات قويه اعلي من ذلك وصولا الي مستوي ٩.٦٠ بإذن الله

المتحده للاسكان
أصبحت الشركه تقريبا شحيحه الاسهم وهذا نراه من خلال العروض والطلبات والتجريات اصلا واصبحت قيمة الأراضي لو حصل تقييم خاصة المتحده لأنها تملك الكثير من الأراضي المميزه في أماكن جيده جدااا قد تصل في التقيمات ضعف او ضعفين ماعليه السعر الآن ده + التداخلات القيميه بينها وبين القاهره للإسكان تجعل من الشركه قوه كبيره في القطاع عموما دعونا نري ففي وجهة نظري ان الحد الأدنى للقيمه في المتحده للاسكان قد تصل قريبا الي ١٢ج بإذن الله
اوعي تنسي انها مش شهر تم إعدام حوالي ٢٦مليون سهم من أسهم الخزينه عرفت بقولك ليه الاسهم هتبقي شحيحه في المتحده للاسكان

القاهره للإسكان
في الاونه الاخيره راينا ماراثون قوي من مستوي ٢.٢٠الي ٢.٨٥ تقريبا ثم بيع شركة مشارق حوالي ١٠مليون سهم التي تمالكها المتحده للاسكان فراينا هبوط الي مستوي ٢.٣٠ ثم استفاقه مرة اخري الي مستوي ٢.٤٠ يوم الخميس الماضي ومن هنا قد نري ذهبا الي التجربه مرة اخري علي مستوي ٢.٦٠ثم القمه القريبه ٢.٨٥ بإذن الله والتي اتوقع مع صعود المتحده للاسكان الي ١٢ج سوف نري القاهره للإسكان مره اخري الي مستوي ٤.٢٥الي مستوي ٤.٥٠ بإذن الله
عموما دعونا نري مأسوف تسفر عنه الأيام وما قد نراه من مستويات كبيره في هذا القطاع المتوسط والذي أوشك الخروج من وصفه بالصغير
واخيرا لاتعول علي حديثي كثيرا وابحث بنفسك ولنفسك تحياتي ودعواتي للجميع بالتوفيق والستر بإذن الله

29/12/2024

صباح الخيرات علي الجميع
يبدو أن هذا التوقيت بذات أصبح للاسهم التي تحتوي علي اتفاقات وميكرات وصناع الورق وليس أسهم المؤسسات اللي شغاله ضرب ورزع ورمي فيها يبدو أن الشركات الثقيله أصبحت تتحمل أعباء كثيره منها التشغيل وتوفير الطاقه وده يمكن اللي خلي كل الشركات تتجه الي الطاقه النظيفه رغم التكلفه الباهظه ولهذا ستري فتره ليست قصيره من هذا العريض والترنح في أسهم المؤسسات الموضوع ليس له علاقه ابدا بالتداول يبدو أن المؤسسات ليس لديها قناعه كافيه بهذه الاسهم ولهذا تضارب علي الهبوط وعمل تريده عكسيه في ٥قروش ولهذا اركب الموجه في أسهم المضاربات وهذا لايعني ابدا التخلي نهائيا عن أسهم المؤسسات ولكن عندما تري سيوله داخله في ورقه والسيوله قويه وليست متقطعه ادخل ساعتها عادي هتقدر تكسب إنما طريقة النوم في العسل دي هتسبب لك إحباط لانهائي باختصار سواء سبعيني ولا ثلاثيني ابحث عن السيوله الدافعه للورقه الماليه وادخل ولو بجزء علشان تقدر تواكب المرحله اللذجه دي وتكسب حاجه ده في شركات بتهد المؤشر والغريب انها شركات سمسره تقريرها لوحده كفيله انها تحذف أسهم من مؤشر توديها مؤشر تاني خالص وده ليس عبثا إنما رؤيه هما شايفين الشركات دي في التوقيت ده بالذات ومع عدم خفض الفائده هتتأثر سالبا علشان كده خليك ورا مؤشر واحد دلوقتي وهو مؤشر السيوله الداخله
وأخير تحياتي ودعواتي للجميع بالتوفيق والستر بإذن الله

07/03/2024

الاتجاه العام
مدينة الإنتاج الاعلامي
سلام الله عليكم ورحمته وبركاته يلا بينا
بعيدا بقي عن الدولار الكلام ده تعالي معايا نفد الأمور
١- القيمه الاسميه ١٠ج انشيء الشركه سنة ١٩٩٧ تقريبا عدد الاسهم ١٩٠مليون سهم وده اجمل شيء في الموضوع لان المضارب يقدر يلعب زي ماهو عايز وتعالي نعرف هيكل الملكيه سوا
١- الهيئه الوطنيه للإعلام ٤٥%
٢- بنك الاستثمار ١٩%
٣-البنك الاهلي المصري ٥%
٤- المصريه للمشروعات الاستثمارية ٤.٥٠ %
٥- بنك مصر ٤.٥٠ %
هنا حضرتك هتلاقي في السوق من ١٩٠مليون حوالي ٣٠مليون سهم يعني ٢او ٣ميكرات او صندوق واحد يقدر يعمل فيه زي طلعت مصطفي لان يساوي وعدد اسهم اللي موجوده في السوق قليله جداااا مش زي أسهم المليارات زي طلعت وكرير وموبكو والحاويات وفوري وغيرهم للأسف الناس بدأت تفوق متأخر للسهم تعالي بقي نشوف الأرباح
---------
حققت الشركه أرباح بنسبه ٧٧،% عن العام المنصرم بحوالي ٤٨١مليون مقابل ٢٧٢ مليون نصيب السهم من الأرباح كده مرحله وغير مرحله حوالي ٣.٨٧قرش تقريبا
المشروعات المستقبليه
---------------------------
١- موضوع الماجيك لاند والحكير السعوديه وحقوق الانتفاع
٢- اقامة منطقه سياحيه وفندقيه وذلك لقربها من المتحف المصري
٣- تدشين جامعه اعلاميه ودوليه مما يزيد في الإيرادات
الموضوع بداء ياخد اتجاه تاني غير زمان بعد كده هتلاقي اتجاهات وتطوير وربما شراء ومشاركه
علشان كده بننوه عليه الان
السهم اليوم فضل يفوت كميات علي ٢١ وضرب تحت لدعم قوي ٢.٦٠ وربما كسره للحظات وإغلاق بالقرب منه وأعتقد دي منطقه جيده للاقتناء والاستثمار والمضاربه اختراق ٢٣.٦٠ هنشوف شكل وطعم ولون تاني كسر ١٨.٦٠ لقدر الله هيقلب اتجاه هابط لقدر الله وهي نقاط إيقاف الخسائر
وأخير لاتعول علي كلماتي كثيرا بل ابحث بنفسك ولنفسك فالسهم واعد ورخيص علي ارباحه واخباره المتواتره
تحياتي للجميع ودعواتي بالتوفيق والستر بإذن الله
وكل سنه وانتم طيبين جميعا بإذن الله

05/03/2024

الاتزان النفسي
سلام الله عليكم ورحمته وبركاته يلا بينا
اولا- لازم علشان تقدر تكسب في البورصه يكون عندك ثبات انفعالي موضوع الشرا والبيع ده مش مهم اوي لان الأساس والجزء الأكبر في اي صفقه هو طريقة تعاملك سواء بيعا او شراء وهو ده العامل اللي يخليك تكسب او لقدر الله تخسر يبقي لازم تدرب نفسك ازي يكون عندك اتزان وده كلام لازم نأكد عليه لأنك لو قدرت تنفذه نسبة نجاح صفقاتك هتوصل الي ٨٠ % بإذن الله
ثانيا- مهما حد قالك اشتري وانا عندي معلومه ومتأكد ١٠٠% من الصفقه متاخدش الكلام وتجري تنفذ لا دوق علي طرف لسانك هتشتري ١٠٠٠٠ سهم لا خد ٢٠٠٠ طلع الموضوع بجد يبقي كده رابحانه الدنيا اتعكت يبقي انت لسه علي البر وكمان لازم تفهم حاجه اساسيه انك مش هتعوض خسارتك في اسبوع او شهر البورصه مش مغارة علي بابا لا لازم تفهم ان ١ج ربح في صفقه + ٢ج في صفقة تانيه هيبقوا ٣ ج إنما تفتكر انك هتعمل ٣ج في صفقه واحده اقولك أساطير البورصه مبعرفوش يعملوا كده
المهم والأهم
----------------
امبارح الناس كانت شغاله لايفات وبتقول خلاص كده ماعدش في قومه تاني والحق ياجدع اخرج بفلوسك وهوب النهارده ماسورة توصيات وكلام تاني أتغير وده علشان كام سهم حققوا ارتدادات ١٠و٧ % من ٣٠و٤٠اللي نزلوهم من يومين مع ان استمرار الأسباب من نزول دولار ودهب مازل موجود ويمكن بينزلوا اكتر لكن ذاكرة السمك موجوده عند الافراد ونسيوا الرميات والكميات اللي اتباعت لا وبقي الموضوع دلوقتي الحق ياجدع ادخل كذا وكذا وفي ٤٠٠% ٣٠٠% في وجهة نظري الارتدادت دي بتكون نعمه من ربنا بيدك بيها فرصه لو خدت قرار غلط تصلحه مش تيجي تكحلها تروح عميها حضرتك
مازل الضغط علي الدولار موجود ومع كل صفقه هتحصل عندك في مصر هتضغط اكتر
أسهم البتركيماويات حلوه ماقولناش حاجه بس حضرتك شوفت ابوقير ٦٣ تجري تشتريه ٧٠و٦٨ ليه ان شاء الله بتتبرع بفلوسك ولا بتلعب كوتشينه لا هنا لازم يكون عندك ثبات وتستني تصحيه تاني والكلام علي كل الاسهم اللي عملت ارتداده وطالعه
طيب حضرتك بعت النهارده ولاقيت بكره في طلوع اكتر اثبت مكانك كله هيلف لتحت تاني ويرجع زي الجزمه في رجلك إنما تندفع وتجري تشتري وتلبس تاني وثالث في الحيطه والحبس ده كده هيخليك تكره نفسك لا اقعد واطلب كوبايه شاي وسيب اللي عايز يجري يجري ولما تلاقي الناس بتعيط ادخل اشتري وجمد قلبك البورصه كده بيع والناس بتطبل واشتري والناس بتعيط غير كده هتخسر لو انت هيرو
ده كلام بسيط ارجو ان الناس تستوعب انا عايز اوصل ايه وليه نحن نكتب لله وبالله ونرجو التوفيق للجميع فربما دعوه كانت لنا عونا يوم القيامه
تحياتي ودعواتي للجميع بالتوفيق والستر بإذن الله

22/02/2024

اورسكوم للتنميه
واحدي سباقات القمه
السلام عليكم ورحمته الله وبركاته يلا بينا
اولا- علشان تتكلم علي شركه زي اورسكوم للتنميه صدقني هتحتار تبداء بما تملكه ولا الميزانيه والا إيرادات الشركه ولا العائد حاجات كتير اوي هتخليك عايز تبداء بيها
ثانيا- حقق الشركه اكبر نسبة مبيعات وارباح في تاريخها هذا العام باعت ب١٩مليار جنيه وارباحها تقارب من ٤مليار جنيه نسبة المبيعات للمصريين في الخارج والاجانب ٣٧% من مبيعات العقاريه تخيل
رابعا- اورسكوم القابضه تمتلك ٧٥% من نسبة الاسهم من مليار و٣٠٠مليون يعني التداول الحر اقل من مصر الجديده وطلعت ومدينة نصر والشركات الكبيره دي ٣٢٥مليون سهم مع الإعلانات الاخيره عن إعادة هيكلة شركات انسي ساويرس واللي اورسكوم للتنميه احدي شركاته ودخول الإمارات علي الخط والكلام الجميل اللي شايفينه علي الشاشه تذكر هذا الرقم ٤٠ و٥٠ج الشركه تساوي اكثر ومتميزة ومنفرده في مجالها في السوق المصري وايضا منفرده في سوق المال والتداول وهي احدي الشركات التي تضاهي كيانات كبيره جدااا وسعرها مازل من ارخص مايكون مطلعش من شنب مصر الجديده تعمل ربع شغلها رغم تخصص مصر الجديده في القطاع العقاري
علشان كده بنتكلم وبنوه عن الشركه الآن مع الاخذ في الاعتبار ان نصيب السهم من الأرباح قد يصل الي ٤و٥ج
ومن هنا جعلتنا الشركه من عظمة أعمالها نتحدث عنها
الفنيات
السهم الآن بجوار مستوي دعم ١٤.٢٠ يليه ١٣.٨٠ اختراق مستوي ١٤.٨٠ والثبات سوف نفتح آفاق جديده وكبيره والقوس هيكبر اوي اوي القمم ستتحقق تلو الاخري الأرقام اللي احنا كتبينها فوق كااهداف للمتوسط وطويل الاجل والصبر دائما اخرته جبر
وأخير لاتعول علي كلماتي كثير ونقب بنفسك ولنفسك ولكن ادرس بعنايه ستجد كلماتي بإذن الله حقيقيه فنحن لانكتب الا حقائق بإذن الله
تحياتي ودعواتي للجميع بالتوفيق والستر بإذن الله

03/12/2023

ما وراء الحدث
سلام الله عليكم ورحمته وبركاته يلا بينا
اولا- النهارده هنحاول نشرح عدة نقاط في عجاله وهي مجرد رؤيه شخصيه ليس اكثر
١- صعود مدينة نصر وهبوط مصر الجديده هو نتاج شرائي قوي في الاولي وبيع مؤقت في الاخيره لعمل اتزان سعري ثم سرعان مانري عكس الاتجاه بصعود مصر الجديده وتصحيح مدينة نصر اصل الصناديق هتجيب منين هما بيعملوا توازن سعري مش اكتر علشان كده متقلقش من بيحصل احنا اتعلمنا كده وعايزك تركز في بقوله بس اللي مش هتقدر توصله ان انتفاضة مصر الجديده هتكون مباغته وسريعه جدااا وقد تكون بخبر يعزز الصعود
٢- هبوط قطاع الكيماويات اليوم هو ناجم عن الافصاحات اللي الحكومه صرحت بيها انها هتأثر علي سعر الدولار بضخ كميات من الدولار الفتره القادمه لكبح جماح السوق السودا وطبعا مش محتاج افهمك ان قوة المبيعات اللي شوفتها صناديق مش أفراد يبقي لازم تحترم اتجاهم حتي لو مؤقت
٣- صعود ورق زي ابن سينا والقلعه من الورق ذات الطبيعه الثقيله عدديا يأتي من تدني السعر وعدم مواكبة الصعود اللي حصل في القطاع ياراجل ده منفيس داخله نادي المائه جنيه وهما كانوا بيدللوا عليها وهي ١٤ج
ابن سينا مازلت رخيصه والقلعه مازلت ارخص ولكنها الثقه ياساده فانعدم الثقه هو من آخر هذه الأوراق الماليه في الصعود ولكني لا احبذ الدخول فيهم الآن واذا دخلت تكون اسرع من البرق وتجهز نفسك للحماية السريعه
٤- صعود ورق مضاربي بحت قد يساوي او لا يضعنا اما زيادة المخاطر هنا برضوا لازم تاخد قرار سريع لو لاقيت الدنيا هتضلم لقدر الله
يعني تكون عنيك في وسط راسك
٥- التحوط دائما بالسيوله وموضوع انك عايز كل يوم تصحي قبل ماتغسل وشك تدور علي زيرو او تريده تعملها ده ما الاخر هيجيب فلوسك الأرض المفروض احنا في قمه وعلي سفح جبل يعني لازم يكون عندك اتزان نفسي قوي والا هتروح بلاش وهنا بنتكلم في فلوس يعني مش لعبه فحاول قبل متدخل صفقه تكون عارف بتعمل ايه ولوقدر الله لو لم تنجح تقدر تتحمل ايه وازي
شغل بخيت وعديله ده ماينفعش في البورصه وعايزك تفهم انك طول مانت محافظ علي فلوسك تقدر تعوض بإذن الله اي حاجه إنما هتدخل تغامر فلوسك هتروح والتعويض هيكون صعب
اللهم اني أشهدك انني اكتب لوجهك الكريم وأتباعا للايه الكريمه
( ان اريد الا الإصلاح مااستطعت وما توفيقي الا بالله )
صدق الله العظيم
ملحوظه الفرص لا تنتهي ولكن راس المال يتأكل في حالة التفكير برعونه
واخيرا دعواتي للجميع بالستر والتوفيق بإذن الله

28/11/2023

القادمون من الخلف
ايجترانس
سلام الله عليكم ورحمته وبركاته يلا بينا
علي طريقة المذيع الشهير بتاع الكوره واللي معرفش اسمه القادمون من الخلف هم الرابحون الأكثر وذو الجاذبيه في السوق الفتره القادمه وخاصة إذا كانت الورقه الماليه ذات قيمه ولها باع سابق مع ميكرات ذات قوه وملاءه ماليه واسعه هنا بقي لازم اذكر لك المهم
اولا- عدد الاسهم ١٥٦مليون اللي هما ٣٠مليون قبل التقسيم يعني مايعادل ١٥ج في ورقه تساوي ٥او ٦ أضعاف ماعليه الآن مقارنة بورق القش زي شمال الصعيد وشيني والكلام الفاضي ده
٢- وده الأهم بنك الاستثمار القومي يمتلك ٢٥% وما ادراك ماهو بنك الاستثمار القومي وشروعه في نية البيع وتقليص الحصه وماهو قادم بإذن الله
٣- الورقه ماليا تحقق أرباح جيده وصلت الي انها في ميزانية النصف سنه حققت نسبة نمو وصلت الي ٦٦% من ٢٠مليون ج الي ٣٣مليون هنا بقي اقولك كمان القصه ان صحيح الأرباح صعدت لكن هناك بعض التراجعات في الأرباح علشان شركة نوسكو عمله تزاحم في خطف العملاء من ايجترانس لان معظم العملاء مشتركين يقوم يطلع علينا سيده علي هيئة ثعلب في الفكر والتطوير وتدخل علي الشركه وتطلب الدمج بين ايجترانس وشركة نوسكو لا وكمان يعلنوا خطة التطوير والتوقعات بالنسبه للشركتين في حالة الدمج وهو نسبة نمو اعلي من السوق ب٩ % كمان هنا تفهم وتقراء بين السطور ماهو قادم
٤- تسكت ايجترانس هنا لا دخلت خدت مناقصه وعقد تنفيذ مشروح خاصة بطاقة الرياح ب ١٢٤مليون هنا تفهم ان القياده الداخليه في ايجترانس مش هتجيبها البر شغاله علي قدم وساق
٥- الفليوم اليوم وصل الي حاجز ٨مليون تقريبا ورغم ذلك لم يحقق المرجو من الصعود وده علشان السوق نزل وضغط وفي ناس دخلت باعت من الرابح في الاسهم وده يخلي صائدي الحيان لابد له من نصب الشباك استعداد لموسم الصيد في الماء العكر
منطقة ٣الي ٣.٠٥ هي مناطق ضاحله وتقدر تدوق علي طرف لسانك طيب حصل ضغط أكبر من السوق اعتقد أقصي تصحيح ممكن منطقة ٢.٩٠ وده شراء وجوبي بإذن الله
ملحوظه من اهم مميزات صائدي الحيتان هي المرونه
وأخير كل مانكتب هو مجرد قراءة مابين السطور ولكننا اقل من ان نكون سبب في الرزق او التوفيق ولكننا دائما ندعو الله بالستر والتوفيق بإذن الله
تحياتي وانتظرونا في مزيد من المقالات بإذن الله

18/11/2023

خداع الأرقام والفيش
عنوان مقال اليوم وهي ليست غير وصف للغش والتدليس في أسواق المال من قبل بعض المرتزقه للتصريف في أسهم بعينها ويكون الخطه كالآتي وراقب الأرقام الي الموضوع امتد الي بعض الشركات القيمه أيضا مثل مصر الجديده وهذا منذ شهور وانا اراقب الوضع عن قرب باداق التفاصيل والنهارده نديك الادله لان فيش مكرره واصبحت معروفه ومكشوفه يروح ضرب الفيشه ورميه في الطلبات علشان الافراد تجري تشتري ماركت او ترص طلبات فوق الفيشه بتاعته وهو يرمي عليها براحته واول مالسوق يقلب يروح شايل الفيشه او نازل بيها تحت شويه اسلوب رخيص وغير قانوني وبه شبهة تلاعب لانه بيقول بعمل حاله واهميه وخداع للافراد او الناس بيفكرني بالكح تلاقي طلباته ٢٠مليون منهم ١٥مليون علي ٥قروش وطبعا الكتير جدااا لايعلم هذا ويخدع بل يقع تحت تأثير هذه الحاله يلا بينا

١- القاهره للزيوت راقب الملايين أين توضع هتشوف رصه طلبات غريبه
١- الشمس للاسكان الفيشه ام ٣٠٠٠٠٠ الف اللي دايما بتترمي تسند
٣- ٥٠٠٠٠٠ الف بتاعة مصر الجديده
٤- نظم التعليم ١٠٠٠٠٠٠ سهم
٥ - زهراء ٢٠٠٠٠٠ سهم اللي بيحاول يصنع بيها حاله
٦- كفر الزيات وحكاية ٥٠٠٠٠ الف اللي بتترمي في الطلبات
احنا هنا بنشرح حاله او صوره من صور التلاعبات في الورق زيها بالظبط
زي الاخبار اللي بتنزل واللي اكيد حضرتك لاحظت اخر شهر انها كتير اوي علي أسهم تقيله الوزن الهدف منها انها تحرك السهم الي اعلي للبيع وعمل تريده ثم نفاجيء جميعا بالتكذيب والنفي ولكن بعد وقوع ضحايا من آثار هذه الأخبار.
أردنا كتابة حاله نراها كثيرا لمحاولة أثقال الوعي والتثقيف ومن اجل محاولة إنقاذ الناس من براثن شياطين الإنس
اما من يقومون باللعب باعصاب الناس عن طريق الطمع والمستهدفات الخزعبليه فهم معروفا كنجوم الليل وشمس النهار لأنهم كل دقيقه لهم ضحايا وقصص أصبح الجميع يعلمها وربما ان دونت لانستطيع إيجاد ورق يحمل كل هذه الرويات المأساويه لهم الله
لابد أن تراقب وتحكم العقل في كل صفقه تدخلها ولاتحزن ان اساءت التقدير في صفقه المهم ان تخرج منها بحكمه تستفيد منها فيما هو قادم بإذن الله
واخيرا ندعو الله للجميع بالتوفيق

16/11/2023

بوادر التعافي من جديد

السلام عليكم ورحمة الله وبركاته يلا بينا النهارده هنتكلم عن حته جديده او منطقه من مناطق قياس التعافي اللي تقدر حضرتك ترتكز عليها خاصة في الاسهم اللي نزلت الفتره اللي فاتت وبداء يبقي فيها ربما تعريض او تصحيح في منها اللي زودها اوي زي مصر الجديده في الهبوط وفي منها اللي لسه ماسك سعر معقول وبيقاوم
طيب اي هي النقطه دي وبوادر التعافي اقولك الفليوم القليل اللي بداء يصل الي الشحيح خاصة في حالة خصم كميات الزيرو اللي بداخل التنفيذات علشان ماضيعش وقتك يلا بينا نذكرها وحضرتك تدور وتبحث بنفسك
١- موبكو تنفذات قرابة ١٢٠الف سهم وهذا ينبي بأن قناعة البياع في انحسار
٢- كيما مليون و٧٠٠الف سهم
٣- مصر الجديده رغم تهور البياع واللي تقريبا بيبيع في الورقه وشغال ذق في مدينة نصر وبالم مستغلا عدم دخول المليارات حصيلة بيع الأراضي داخل ميزانية مصر الجديده مؤقتا لعمل صعود واتزان نسبي في قطاع الإسكان ثم معاودة الصعود برأس القطاع العقاري وهي مصر الجديده الي انه لن يستطيع الصمود أمام التدني السعري في مصر الجديده وانحسار البائع
٤- اورسكوم للتنميه برضوا البائع بداء يخف الضغط شويه رغم التسليمات اللي بتحصل
دي مجموعة ورق شايف انه هيبداء من جديده يدور علي اختراق مناطق سعريه جايه ياسيدي اعتبرها ارتدادات بس برضوا تقدر تعمل منها فلوس بإذن الله
واخيرا بإذن الله هتلاقي عندنا جديد كل كام يوم لأننا بنذاكر الأمور كلها وادق التفاصيل علشان نقدر نساعدك تعمل حاجه بإذن الله
واخيرا نرجو الدعاء بالستر والتوفيق لنا جميع بإذن الله
وان يمن الله بالشفاء لكل مريض وان يثبتنا علي مانعتقد انه صواب
تحياتي للجميع

26/09/2023

أسهم وأرقام
بدون لايفات ولا اشتغالات ولا اطلع اعملك فيها هارون الرشيدي الأرقام عندك وليه بنقول أرقام لان حتي الميكرات بتعين عندها واحد يشتغل علي الأرقام
١- مصر الجديده والقائد للاسكانات وابو ١٥مليار وتطوير مش عارف ايه وماادرك ايه عندها منطقه مكسوره اليوم لايعتد بكسرها الا في حالة البقاء اسفلها ثلاث جلسات علي الاقل وهي ١١.٦٠ يليها في حال التأكيد ١١.٢٥ يليها ١١.٠٥ لقدر الله فوق بقي عندك اختراق ١١.٨٠ تتولد الايجابيه
٢- مدينة نصر عندك مسموح لحد ٣.٠٥ لقدر الله في حالة تاكيد كسر ٣.١٢
٣- بالم هيلز مسموح زيارة ٢.٠٥ كرقم تحول الي دعم كان يصعب اختراقه قبل ذلك ولكنه اخترق الي اعلي وصولا الي ٢.٢٠ طيل اختراق ٣.١٢ مره تانيه والثبات تتولد الايجابيه مره اخري بإذن الله
٤- اعمار مصر منطقة ٣.٠٥ برضوا دعم قوي واصطياد ممنوع كسر ٣ج لأنها منطقة إيقاف مؤقته
٥- طلعت مصطفي طالما اعلي منطقة ١٣.٢٥ فهو إيجابي كسر ١٣ج إيقاف مؤقت الثبات اعلي ١٣.٦٠ إيجابي بإذن الله
٦- الشمس للاسكان الثبات اعلي ٦.٨٠ إيجابي لأنها حد الايقاف المؤقت اعتلاء منطقة ٧.٢٥ إيجابي ملحوظه الورقه الوحيده التي لم تحقق ١/١٠ مما تستحق ان تتواجد سعريه بين اقرانها وكان بها اليوم شراء مكثف في بداية الجلسه اصطاد وافتح مراكز باجزاء ولو بسيطه
٧- المتحده للاسكان عندها ٤.٠٥ ممنوع كسر ٤ج لأنها حد الايقاف المؤقت اختراق ٤.٢٥ والثبات تتولد الايجابيه بإذن الله
دي مجموعة الإسكان انتظرونا ومجموعه اخري بإذن الله
تحياتي ودعواتي للجميع

20/11/2020

مجرد نصيحه
السلام عليكم ورحمة الله وبركاته
طبعا انا مش هقول جديد بس كل الناس اللي بتابعنا وعارفني كويس هتعرف أنا بقول ليه كده وعارفين ان كلامنا بيتحقق باذن الله وحده
النصيحه هي
( لما يعجبك سهم وتلاقي نفسك عايز تشتريه أو تلاقي تهلييل مني أو من غيري عليه وكلام كله حكم واستوعاظ هههه وتحس انك لما هتاخد بالكلام وتطير بالأحلام فوق السحاب وطبعا الشاشه والزن علي الودان زي ما بيقولوا أمر من السحر وانت اكيد شارب المر من البورصه والمحللين اللي زي كده تعمل ايه وعلشان متتلسعش يبقي تنفخ في الزبادي تدخل تدوق السهم بطرف لسانك يعني تاخد حته صغيره لاقيت الدنيا بتنور مفيش مانع تكمل لاقيتها هتضلم يبقي ياترمي الحته الصغيره يااما تكمل عليها من تحت برضوا بحته صغيره غير كده هتتقطع ومش هتعرف تلم نفسك مش تدخل تبوس السهم وتحضنه وانت مش عارف داخله ليه
معلش كلامي هيضايقك لكن مش هعرف اكتب غير كده
لأن الاخلاق بتقول كده النصيحه لله وما كان لله لازم يكون من جوه قلبك علشان ربنا مطلع عليه وعارف نيتك من قبل ماتقوله
تحياتي للجميع

Address

Alexandria
030

Telephone

01201543353

Website

Alerts

Be the first to know and let us send you an email when بورصة مصر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category