04/04/2020
🔵اتصل بي صديق و قالي
🔴اليوم ماتت الوالدة بداء الكورونا
🔵انا نعرف الوالدة تيعو مريضة و ما تخرجش من الدار
🔵قتلوا كيفاه وعلاه خليتوها تخرج
🔴قالي ما خرجتش اصلا ما بقاتش تمشي رجليها حبسو في زوج
🔵قتلوا مالا كيفاه جاها المرض
🔴قالي راني شاك انا اللي عديتها
🔵قتلوا كيفاه ما فهمتش انت مريض بالكورونا؟؟
🔴قالي ما علاباليش بصح دارولي التاست وراني نستنى.....
🔴قالي و الله راح نهبل صح لاني انا الوحيد اللي خشنت راسي و خرجت من الدار من القلقة
🔴قالي والله لوكان نظهر انا مريض و عديتها و الله ما نسامح روحي
🔴قالي خاوتي الكل كرهوني و قريب يسحتوني من الدار
🔵قتلوا وقتاه يخرجوا التحاليل قالي يخرجوا غدوة لعشية.
🔴قالي علابالي انا اللي قتلت يما انا اللي قتلت يما انا اللي قتلت يما.
🔴قالهالي و هو .
❌صدقوني خاوتي تشوفوا حالتو تبكيو صح
❌مالا نصيحة اذا انت راسك خشين و لاعبها فايق خممت بلي راك راح تقتل امك و لا باباك .......
❌
❌السيد راه يخمم ينتحر لانو بكل بساطة خشن راسو و لعبها فايق.
🚨بارطاجي متخليهاش عندك 🚨
ريح في دارك 📢📢📢📢📢📢
