22/04/2018
Брзото возење не секогаш значи стигнување пред време и на време!
Во продолжение неколку од препораките на Републичкиот Совет за Безбедност во Сообраќајот за безбедно управување на моторните возила:
• Почитувајте ги правилата за ограничување на брзината, затоа што нивното прекршување е опасно, небезбедно и се казнува со соодветна санкција. Бидете смирен возач, прилагодете ја брзината на патот за безбедно и навремено да пристигнете на посакуваната дестинација.
• Намалете ја брзината на возилото секогаш кога сте во близина на пешачки премин, во близина на училиште, кога немате доволна прегледност на ситуацијата или кога се приближувате на крстосница без разлика дали имате првенство на минување или не. Задолжително застанете на знакот „ СТОП“ .
• Користете безбедносен појас. Добриот возач не само што секогаш користи појас туку ги задолжува и останатите патници во возилото да го направат истото.
• Држете безбедно растојание. Безбедното растојание значи можност да се застане возилото навремено и безбедно без нагли дејствија.
Тим НЛ
