23/05/2017
# Barataan-Yunivarsiitii tokko barsiisaa isaa kan tahe "piroofeesera,,tokko wajjiin iddoo bashannanaa taa'ee haasawa.
"Piroofeesarichi,, kun barattoota isaa hunda keessaa barataa kana waan sirritti jaalatuuf akka hiriyyaatti godhee ofitti dhiheessa. Osoo taa'anii wajji haasawan fuuldura isaaniitiin hojjataa qulqulleessaa kan tahe namichi tokko kophee isaa baafatee kan biqiltuu fii marga naannoo haara galfannaa sana jiru kunuunsaa jiru argan.
"Barataan,, kun barsiisaa isaatiin akkana jedhe. "Barsiisaa nuti lachuu har'a mukoofnee jirra. Maaliif akkana hin goone? Namicha kana kophee isaa kana jalaa fuunee eega dhoksinee booda yommuu kophee isaa dhabu waan inni tahu maaf hin ilaalle?"
"Piroofeesarichis,, barataa isaa gateettii irra qaqqabaa "Yaa jaala koo hagam tokkoyyuu mukoofnee jiraannus harka qalleeyyii dararaatiin mukuu bahuu yookiin immoo gammaduu hin qabnu. Mee haga san nuti mallaqa qabna waan taheef mallaqa keenya kanaan gammachuu kanaa olii haa barbaannuu! Deemii kophee namicha kanaa keessa osoo inni hin argin mallaqa keessa kaahiiti deebi'i. Sana booda yommuu kophee isaa deebi'ee godhatu waan inni tahu dhokannee wajji ilaallaa jedheen.!!
"Barataanis,, deemee akka barsiisaan isaa jedhe sanatti mallaqa hedduu fuudheetiin osoo namichi isa hin argin kophee namichaa keessa kaayeetiin deebi'e. Sana booda dhokatanii haala namichaa cal jedhanii hordofuu jalqaban.
"Namichis,, dalagaa isaa xumuree kootii isaa godhatee kophee isaa kaawwatuu eegale. Haatahuu garuu kopheen isa quuqee jennaan mulqatee gadi hargufe. Yommuu kophee isaa gadi hargufu mallaqni hedduun keessaa gadi harca'e. Namichi ni rafate. Naannawa isaa yommuu ilaalu eenyuu homtuu hin jiran. Irra deddeebi’ee bitaa fii mirga isaa ilaale. Garuu nama tokkoyyuu arguu hin dandeenye.
Namichis mataa isaa raasee mallaqa guuratee kophii isaa keessatti kaawwate. Sana booda kophee isa lammaffaas yommuu kawwatuuf tahu bifa walfakkaataa taheen mallaqa keessatti argate. Namichi amanuu hin dandeenye!
yoosuu jilbaan lafatti gadi jilbiiffatee morma isaa gara samitti ol qabuudhaan akkana jechuun iyye.
"Yaa Gooftaa koo! Kuni hundi dhukkubsachuu haadha manaa kootii argiteetii mii. Si malee eenyuu ishee akka hin gargaarre waan beektuufii mii.
"Yaa Gooftaa koo! Kuni hundi ijoolleen koo daabboo nyaatan dhabanii akka rakkatanii jiran argiteetii mii.
"Yaa Gooftaa koo galanni siif haa tahu!" jedhe.
"Baratichi,, yommuu haala namichaa kana dhokatee daawwatuu fii dhagahu onneen isaa ni xuqamte. Ijji isaa imimmaan guurte. "Piroofeesarichis,, akkana isaan jedhe "wanta duratti isa irratti yaadde dalaguun mukuu bahuu fii itti gammaduu barbaadde caalaa isa kanaan akka gammachuu argatte shakkii hin qabu jedheen.❗
"Baratichis,, imimmaan isaa ija irraa haqataa "piroofeeser,, dhugaa isiniin jedha wantoota hanga har'aatti na barsiiftan keessaa kan barumsa akka har'atti na barsiiftanii hin beektan. Dhugaa dha fudhachuu irraa kennuun caaltuu dha" jechuun deebiseef.❤
"Nutis maaloo wantoota gaggaarii qofa haa yaadnuu maaliifuu kheeyriin har'aa bori matuma keenyaaf deebitiiti!
