Azərbaycan Sığortaçılar Assosiasiyası

23/05/2026

23 May Ekologiya və Təbii Sərvətlər Nazirliyi əməkdaşlarının peşə bayramı günüdür. Azərbaycan Sığortaçılar Assosiasiyası olaraq ekoloqları bu münasibətlə təbrik edir, fəaliyyətlərində uğurlar arzulayırıq.

22/05/2026

Azərbaycan Respublikasının Mərkəzi Bankı 2026-cı ilin yanvar-aprel aylarına olan sığorta icmalını açıqlayıb.

21/05/2026

Gürcüstana səfər zamanı əldə edəcəyiniz sığorta məhsulu hansı riskləri qarşılayır və tarif-təminat məbləğləri hansı aralıqda dəyişir - Azərbaycan Sığortaçılar Assosiasiyasının ekspert qrupunun üzvü Emil Ağabağırov Oxu.az-a bütün detalları açıqlayıb.

"Cari ilin 1 yanvar tarixindən etibarən Gürcüstana səfər edən vətəndaşlar həmin ölkə üçün mütləq səfər sığortası əldə etməlidirlər. Bu məhsul ölkəmizdə fəaliyyət göstərən qeyri-həyat sığortası şirkətləri tərəfindən təklif olunur. Tariflər səfər günl...

21/05/2026

ATV-nin "İqtisadi zona" verilişində Azərbaycan Respublikasının Mərkəzi Bankının Baş direktoru Vüsal Qurbanovun "Daşınmaz əmlakın icbari sığortası: əmlak sahibləri üçün üstünlüklər" mövzusunda geniş müsahibəsi yayımlanıb. İzləyək.

20/05/2026

17 may tarixində qeydə alınmış intensiv və normadan artıq yağışlar nəticəsində meydana gələn sığortalı zərər
Məlum olduğu kimi, 17 may 2026-cı il tarixdə ölkə ərazisində qeydə alınan normadan artıq və intensiv yağışlar nəticəsində paytaxt Bakı da daxil olmaqla respublikamızın bir çox bölgəsində müxtəlif səpkili hadisələr baş vermişdir.
Azərbaycan Sığortaçılar Assosiasiyasının yerli sığorta bazarı iştirakçılarından aldığı bu günə olan son dəqiq məlumatlara görə, 17 may 2026-cı il tarixdə baş vermiş sığorta hadisələri ilə bağlı 8 sığorta şirkətinə ümumilikdə 486 sığortalı müraciəti daxil olub. Bu müraciətlərin 96-sı “Daşınmaz əmlakın icbari sığortası” növü, 70-i “Kasko” (“Avtonəqliyyat vasitələrinin sığortası”) sığorta növü, 32-si “Əmlakın yanğından və digər risklərdən sığortası” növü, 288-i isə “Avtonəqliyyat vasitəsi sahiblərinin mülki məsuliyyətinin icbari sığortası” növü üzrə baş vermiş sığorta hadisələri ilə bağlı olub.
Məlumatlara görə, qiymətləndirilmiş 377 sığorta hadisəsi üzrə ehtimal olunan zərər məbləği 704 min 721 manat həcmində müəyyənləşdirilib. Qalan 109 hadisə üzrə isə zərər qiymətləndirməsi prosesi davam edir.
Hazırda daxil olmuş bütün müraciətlərə dair hadisələr tənzimləmə və zərər qiymətləndirilməsi mərhələsindədir və sığorta hadisəsi kimi tanınan hər bir hadisə üzrə sığorta tənzimlənməsinin həyata keçirilməsi nəzərdə tutulur.
Bütün hadisələr üzrə qiymətləndirmə prosesi yekunlaşdıqdan sonra ümumi zərər məbləği həcminin 1 milyon manatı ötəcəyi proqnozlaşdırılır.
Qeyd etmək istəyirik ki, hesabat dövrü ərzində sığorta şirkətlərinə daxil olmuş müraciətlər üzrə hadisələrin 79%-i Bakı və Sumqayıt şəhərlərində, 21%-i isə respublikamızın digər bölgələrində qeydə alınıb.

19/05/2026

Sığortaçılar arasında keçirilən şahmat turnirinin final mərhələsi baş tutub

Ulu Öndər Heydər Əliyevin anadan olmasının 103-cü ildönümü münasibətilə sığortaçılar arasında keçirilən şahmat turniri başa çatıb.

Azərbaycan Sığortaçılar Assosiasiyası, ASA Tədris Mərkəzi və “Məmmədyarovlar Şahmat Məktəbi”nin birgə əməkdaşlığı çərçivəsində sığorta şirkətlərinin nümayəndələri arasında Ümummilli Lider Heydər Əliyevin anadan olmasının 103-cü ildönümünə həsr olunmuş şahmat turniri təşkil olunub.

Dostluq və sağlam rəqabət şəraitində keçən turnirdə sığorta sektorunu təmsil edən iştirakçılar öz intellektual bacarıqlarını nümayiş etdiriblər. 9 mərhələdən ibarət olan yarışın yekununda qalib sığortaçılar diplom və qiymətli hədiyyələrlə təltif olunublar.

Qeyd edək ki, bu kimi birgə tədbirlərin keçirilməsində əsas məqsəd sığorta sektorunda fəaliyyət göstərən şirkətlər arasında mövcud əməkdaşlıq və kommunikasiyanın daha da gücləndirilməsi, həmçinin qeyri-formal münasibətlərin inkişafına töhfə verməkdir.

Gələcək dövrdə də sektor nümayəndələrinin iştirakı ilə müxtəlif istiqamətlər üzrə maarifləndirici və sosial tədbirlərin həyata keçirilməsi nəzərdə tutulur.

17/05/2026

17 may saat 19:00-da ATV-nin "İqtisadi zona" verilişində Azərbaycan Respublikasının Mərkəzi Bankının Baş direktoru Vüsal Qurbanovun "Daşınmaz əmlakın icbari sığortası: əmlak sahibləri üçün üstünlüklər" mövzusunda geniş müsahibəsi yayımlanacaq. İzləməyi unutmayın.

13/05/2026

13 May saat 17:05-də ASAN Radionun canlı efirində .
Azərbaycan Sığortaçılar Assosiasiyasının ekspert qrupunun üzvü Emin Allahverdiyev ilə "Yay səyahətlərini planlaşdıran vətəndaşların zəruri ehtiyat-sığorta tədbirləri" mövzusu müzakirə ediləcək. Dinləməyi unutmayın.
Təkrarı bazar ertəsi saat 14:05-də.

10/05/2026

Bu gün müasir və müstəqil Azərbaycanın qurucusu, xalqımızın Ümummilli Lideri Heydər Əliyevin anadan olmasının 103-cü ildönümü günüdür. Bununla əlaqədar olaraq, Azərbaycan Sığortaçılar Assosiasiyasının rəhbərliyi və kollektivi Fəxri xiyabanda Ulu Öndər Heydər Əliyevin əziz xatirəsini dərin ehtiramla yad edərək, məzarı önünə gül dəstələri qoyublar.
Daha sonra ASA kollektivi Ulu Öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın əziz xatirəsini yad edərək məzarı üzərinə gül dəstələri qoyublar.

08/05/2026

Bu gün - 9 May faşizm üzərində Qələbə Günü kimi qeyd olunur!
81 il əvvəl Azərbaycan xalqı bu tarixi qələbənin əldə edilməsində mühüm və böyük töhfələr vermişdir.

06/05/2026

6 May saat 17:05-də ASAN Radionun canlı efirində .
Azərbaycan Sığortaçılar Assosiasiyasının İcraçı direktorunun müavini Turanə Axundova ilə "Sığorta bazarının 1-ci rüb üzrə nəyicələrinin təhlili" mövzusu müzakirə ediləcək. Dinləməyi unutmayın.
Təkrarı bazar ertəsi saat 14:05-də.