Ipek Yolu Sigorta OJSC

06/08/2026

Azərbaycan Sığortaçılar Assosiasiyası genişmiqyaslı layihə çərçivəsində 3 istiqamət üzrə tender elan edir.

Azərbaycan Sığortaçılar Assosiasiyası (ASA) ölkə miqyasında həyata keçiriləcək genişmiqyaslı sığorta maarifləndirməsi layihəsinə start verir.

Layihənin uğurlu və effektiv icrasını təmin etmək məqsədilə Assosiasiya PR, Marketinq və Sorğu-Tədqiqat sahəsində ixtisaslaşmış şirkətlər üçün TENDER elan edir.

Tender aşağıdakı 3 müstəqil istiqamət üzrə keçirilir:

- PR və media əlaqələndirmə xidmətlərinin həyata keçirilməsi;
- 360° marketinq və kommunikasiya xidmətlərinin həyata keçirilməsi;
- Sığorta maarifləndirməsi səviyyəsinin ölçülməsi (tədqiqat xidmətləri).

Müsabiqədə iştirak etmək istəyən PR, marketinq və sorğu-tədqiqat şirkətlərindən müvafiq texniki tapşırıq və şərtlərlə tanış olmaq, müraciət formasını doldurmaq və layihə çərçivəsində təqdim edə biləcəkləri xidmət təkliflərini hazırlamaq tələb olunur.

Müraciət şərtləri və qaydaları: Təkliflər 5 iş günü ərzində (son müraciət tarixi: 12 avqust 2026-cı il) Azərbaycan Sığortaçılar Assosiasiyasının inzibati ofisinə (Bakı şəhəri, Mikayıl Useynov prospekti, 63) təqdim edilməlidir.

📌 Müraciət formaları:

https://docs.google.com/forms/d/18QiTy8kt_DKCRQQK23BkOg4gaK7qgMr6OtENSZBNvp4/edit
https://docs.google.com/forms/d/1cdLOm1nVUeViYgYLHoIBORGM3VnRSZo4XDv2kbE1nTs/edit
https://docs.google.com/forms/d/1CHEke8uPGhL_AyzjzpzLhdiljkOzLi7D9TXipqlKtIo/edit

30/07/2026

31 iyul 2026-cı il saat 11:00-da Azərbaycan Respublikasının Mərkəzi Bankının mətbuat konfransı canlı yayımlanacaqdır.

Mətbuat konfransında maliyyə sektoru üzrə aktual məsələlər, qəbul edilən qərarlar və makroiqtisadi proseslər barədə ictimaiyyətə məlumat veriləcəkdir.

📅 Tarix: 31 iyul 2026
🕚 Saat: 11:00

Canlı yayımı Mərkəzi Bankın rəsmi internet səhifəsi, YouTube və Facebook hesabları vasitəsilə izləyə bilərsiniz.

https://cbar.az/
https://www.youtube.com/
https://www.facebook.com/MerkeziBank

Azərbaycan Respublikasının Mərkəzi Bankı /
Central Bank of the Republic of Azerbaijan

20/07/2026

Azərbaycan Respublikasının Mərkəzi Bankı ilə Böyük Britaniyanın “Chartered Insurance Institute” arasında strateji əməkdaşlıq münasibətləri qurulur

Mərkəzi Bank maliyyə sektorunun kadr potensialının artırılmasını hədəfləyən təşəbbüslərin həyata keçirilməsini davam etdirir. Belə ki, Mərkəzi Bank ilə Böyük Britaniyanın “Chartered Insurance Institute” arasında strateji əməkdaşlığın qurulması bu istiqamətdə növbəti mühüm mərhələyə çevrilib.

Mərkəzi Bankın baş direktoru Vüsal Qurbanovun rəhbərlik etdiyi nümayəndə heyəti ilə institutun baş icraçı direktoru Metyu Hil arasında görüş keçirilib. Sığorta və maliyyə xidmətləri sahəsində peşəkar tədris üzrə dünyada aparıcı institutlardan biri olan bu təşkilatla görüş zamanı Azərbaycanda sığorta sektorunda insan kapitalının inkişafının dəstəklənməsi, ölkəmizin beynəlxalq standartlara uyğun sığorta üzrə regional tədris və təlim mərkəzinə çevrilməsi istiqamətində qarşılıqlı əməkdaşlığın həyata keçirilməsi perspektivləri müzakirə edilib.

Əməkdaşlıq çərçivəsində təşkilatın professor və ekspertlərinin iştirakı ilə Azərbaycanda həyata keçiriləcək beynəlxalq səviyyəli tədris proqramının tətbiq edilməsi üzrə ilkin razılıq əldə edilib.

Qeyd edək ki, bu proqram çərçivəsində sığorta və maliyyə sektorunda çalışan mütəxəssislər, eləcə də bu istiqamətdə karyera qurmaq istəyən şəxslər qlobal nüfuzlu institutun təklif etdiyi sığorta və risk menecmenti istiqaməti üzrə peşəkar təhsil imkanlarından faydalanacaq. Bununla da proqram, ölkədə əmək bazarında dövrümüzün tələbləri və ehtiyaclarına cavab verən peşəkar mütəxəssislərin hazırlanmasına xidmət edəcək.

15/06/2026

🇦🇿🇦🇿🇦🇿
15 iyun – Azərbaycan Xalqının Milli Qurtuluş Günüdür!

10/05/2026

10 May - Ümummilli lider Heydər Əliyevin anadan olmasının 103-cü il dönümüdür.

Azərbaycanın inkişafında və beynəlxalq aləmdə layiqli yer qazanmasında misilsiz xidmətləri olan ümummilli lider Heydər Əliyevi dərin ehtiram və böyük hörmətlə yad edirik!

23/04/2026

Hörmətli dostlar,
Sığorta müqaviləsi bağlayarkən hüquq və öhdəliklərinizi bilmək vacibdir. Bu, həm hüquqlarınızın qorunmasına, həm də xidmətlərdən maksimum fayda əldə etməyə imkan verir.
Müqavilədə nələrə diqqət edilməlidir?
– Sığorta olunan obyekt və risklər dəqiq göstərilməlidir;
– Müddət, sığorta haqqı və ödənişlər aydın olmalıdır;
– Şərtlər, məhdudiyyətlər və istisnalar diqqətlə oxunmalıdır;
– Zərər zamanı müraciət və ödəniş qaydaları əvvəlcədən öyrənilməlidir.
Yaddaş vərəqi nədir?
Yaddaş vərəqi müqavilənin əsas şərtlərini qısa və sadə formada təqdim edir və vacib məqamları anlamağa kömək edir.
Şikayət proseduru
– İlk olaraq sığorta şirkətinə müraciət edilməlidir;
– Nəticə qane etməzsə, Azərbaycan Respublikasının Mərkəzi Bankına rəsmi qaydada müraciət etmək mümkündür.
Nəticə
Müqaviləni diqqətlə oxumaq və şikayət mexanizmlərini bilmək daha təhlükəsiz və etibarlı sığorta təcrübəsi yaradır.
📞 Əlavə məlumat üçün bizimlə əlaqə saxlaya bilərsiniz.
IPƏK YOLU SIĞORTA ASC
Heydər Əliyev Beynəlxalq Aeroportu, Bakı, AZ1044
T: (+994 12) 598 3850, (+994 12) 598 3950
E: [email protected]

23/04/2026

Hörmətli dostlar,
Həyat gözlənilməz hadisələrlə doludur və bu hallarda maliyyə baxımından hazırlıqlı olmaq vacibdir. Sığorta sizi və yaxınlarınızı mümkün maliyyə itkilərindən qoruyan etibarlı vasitədir.
Sığorta risklərin maliyyə təsirini azaldır, gözlənilməz xərclərin idarəsini asanlaşdırır və maliyyə sabitliyini qorumağa kömək edir.
Sığorta niyə vacibdir?
– Həyat və əmlakı risklərdən qoruyur;
– Maliyyə itkilərini kompensasiya edir;
– Risklərin təsirini azaldır;
– Ailə üçün əlavə təhlükəsizlik yaradır.
Əsas sığorta növləri
– Daşınmaz əmlak sığortası: mənzil və tikililərin təbii və texnogen risklərdən qorunması;
– Daşınar əmlak sığortası: məişət əşyaları və texnikanın qorunması;
– Avtomobil sığortası: icbari (üçüncü şəxslər üçün) və kasko (avtomobilin özü üçün);
– Həyat sığortası: həyat və sağlamlıq risklərinin maliyyə qorunması;
– Yığım həyat sığortası: həm qorunma, həm də uzunmüddətli yığım imkanı.
Nəticə etibarilə, sığorta riskləri minimuma endirərək daha sabit və güvənli gələcək qurmağa imkan yaradır.
📞 Əlavə məlumat üçün bizimlə əlaqə saxlaya bilərsiniz.
IPƏK YOLU SIĞORTA ASC
Heydər Əliyev Beynəlxalq Aeroportu, Bakı, AZ1044
T: (+994 12) 598 3850, (+994 12) 598 3950
E: [email protected]

23/04/2026

Hörmətli dostlar,
Gündəlik maliyyə qərarlarını daha düzgün vermək üçün əsas anlayışları bilmək vacibdir. Faiz, inflyasiya və real gəlir kimi göstəricilər həm yığım, həm də kredit seçimlərində daha əsaslı qərar verməyə kömək edir.
Faiz nədir?
Faiz pulun zaman dəyərini göstərir, yəni istifadə olunan vəsaitin müəyyən müddətdən sonra artımla geri qaytarılmasıdır.
Sadə və mürəkkəb faiz
Sadə faiz yalnız ilkin məbləğ üzərindən hesablanır. Mürəkkəb faiz isə həm əsas məbləğə, həm də yığılan faizlərə tətbiq olunur və uzunmüddətli dövrdə daha böyük nəticə yaradır.
İnflyasiya
İnflyasiya qiymətlərin ümumi artımıdır və pulun alıcılıq qabiliyyətini azaldır. Bu, həm yığımların, həm də gəlirlərin real dəyərinə təsir edir.
Nominal və real gəlir
Nominal göstərici sadəcə faizdir, real gəlir isə inflyasiya çıxıldıqdan sonra qalan qazancdır. Məsələn, 10% gəlir və 8% inflyasiya olduqda real qazanc 2% təşkil edir.
Bu anlayışları bilmək maliyyə qərarlarınızı daha düzgün və effektiv etməyə kömək edir.

23/04/2026

Hörmətli dostlar,
Maliyyə təhlükəsizliyinin əsas şərtlərindən biri düzgün yığım vərdişlərinin formalaşdırılmasıdır. Yığım yalnız artıq vəsaiti saxlamaq deyil, gələcək məqsədlər üçün maliyyə dayanıqlığını planlı şəkildə qurmaqdır.
Yığım hədəfləri niyə vacibdir?
Konkret məqsədlərin (ehtiyat fondu, təhsil, səyahət və s.) müəyyən edilməsi yığım prosesini daha sistemli edir və nə qədər vəsait toplamaq lazım olduğunu aydın göstərir.
Yığım vərdişləri
Hər ay gəlirin təxminən 10–20%-nin əvvəlcədən yığıma ayrılması tövsiyə olunur. Ən düzgün yanaşma gəlir daxil olan kimi vəsaitin bir hissəsini kənara qoymaqdır.
Gəlir azaldıqda nə etməli?
Belə hallarda əvvəlcədən yaradılmış yığım fondu kömək edir. Xərclər yenidən nəzərdən keçirilməli və prioritet olmayan xərclər azaldılmalıdır.
Əmanət hesabları
Yığımların əmanət hesablarında saxlanılması əlavə faiz gəliri qazandırır və vəsaitin dəyərini qorumağa kömək edir.
Əmanətlərin sığortalanması
Azərbaycan Respublikasında Əmanətlərin Sığortalanması Fondu qorunan əmanətlərin təhlükəsizliyini təmin edir və bank fəaliyyətini dayandırdıqda kompensasiya ödənilməsini təmin edir.
Düzgün yığım vərdişləri gələcək maliyyə rahatlığının əsasını təşkil edir.