Azərbaycan Kapital Bazarları Assosiasiyası

20/05/2026

AKBA üzvlərinin rəhbərləri ilə Mərkəzi Bankın sədr müavini Əli Əhmədov arasında rüblük iclas keçirilmişdir. İclasda AKBA Direktorlar Şurasının sədri Orxan Bağırov cari ilin I rübü ərzində Assosiasiya tərəfindən həyata keçirilmiş fəaliyyətlər haqqında iştirakçıları məlumatlandırdı, daha sonra isə üzvlərimiz üçün aktual olan müzakirə mövzularını səsləndirdi. Görüşdə həmçinin qarşıdakı dövr üzrə kapital bazarlarının inkişafına dair əsas hədəflər, real sektor iştirakçılarının bazarda fəallığının artırılması, sektorun rəqəmsallaşma səviyyəsinin yüksəldilməsi və maliyyə savadlılığının artırılmasına yönəlmiş təşəbbüslər ətrafında fikir mübadiləsi aparılıb.
Fürsətdən istifadə edərək, Mərkəzi Bank rəhbərliyinə daim göstərilən diqqətə və əməkdaşlığa görə bütün üzvlərimiz adından təşəkkür edirik!

14/05/2026

Azərbaycan Kapital Bazarları Assosiasiyasının (AKBA) üzvləri sırasına “MFX – Trading İnvestisiya Şirkəti” ASC qoşulmuşdur.
“MFX – Trading” kapital bazarlarında peşəkar fəaliyyəti, şəffaflıq və etibarlılıq prinsiplərinə sadiqliyi ilə seçilən investisiya şirkətlərindən biridir.
Məmnunluqla bildiririk ki, bu üzvlüklə birlikdə Azərbaycanda investisiya şirkəti fəaliyyəti üçün lisenziyaya malik olan bütün şirkətlər artıq AKBA-da təmsil olunur. Bu mühüm mərhələ kapital bazarlarında institusional əməkdaşlığın genişlənməsinə və sektor iştirakçıları arasında vahid platformanın daha da güclənməsinə töhfə verir.
Yeni üzvümüzü təbrik edir, birgə əməkdaşlığımızın ölkənin kapital bazarlarının inkişafına mühüm dəyər qatacağına inanırıq.
Birlik Bir Sərmayədir!

13/05/2026

AKBA-nın unudulmaz Qarabağ səfərindən görüntülər

12/05/2026

10/05/2026

10 May – Ümummilli Lider Heydər Əliyevin doğum günü

09/05/2026

9 May – Faşizm üzərində Qələbə Günü.
Sülh və qələbə uğrunda mübarizə aparan qəhrəmanları ehtiramla anırıq

07/05/2026

Azərbaycan Kapital Bazarları Assosiasiyasının (AKBA) icraçı direktoru Elvin Qasımov “AMFA 18-ci İllik Təltif Şam Yeməyi” tədbirində iştirak etmişdir.

06/05/2026

4 may tarixində Azərbaycan Kapital Bazarları Assosiasiyası (AKBA) ofisində PAŞA Bank-ın IPO (İlkin kütləvi Təklif) prosesinə həsr olunmuş əməkdaşlıq tədbiri baş tutdu. 📊

Tədbir çərçivəsində IPO-nun mərhələləri, hüquqi və maliyyə aspektləri, bazara çıxış strategiyaları və investorlarla effektiv kommunikasiya mövzuları ətrafında geniş müzakirələr aparıldı.

AKBA üzvlərinin aktiv iştirakı ilə keçirilən görüşdə yerli kapital bazarlarının inkişaf perspektivləri və IPO alətlərinin tətbiqi imkanları da interaktiv formatda müzakirə olundu.

24/04/2026

AKBA Ofisində “İnvestisiya şirkətinin davamlı kapital tələbləri Qaydası”na edilmiş dəyişikliklər haqqında Mərkəzi Bank rəsmisi tərəfindən üzvlərimiz üçün təqdimat keçirilmişdir. Dəyişikliklər investisiya şirkətlərinin təsnifləşdirilməsini, onların kateqoriyalarının dəyişməsi hallarının tənzimlənməsini, kapital tələblərinin hesablanmasında yeni yanaşmanın tətbiqini, habelə likvid aktivlərə və leverec əmsalına dair yeni tələbləri ehtiva edir. Qaydalara təsdiqlənmiş yeni dəyişikliklər ətrafında müzakirələr aparılıb və AKBA üzvlərini maraqlandıran suallar cavablandırılıb.

Fürsətdən istifadə edərək, AKBA və bütün üzvlərimiz adından Azərbaycan Respublikasının Mərkəzi Bankına daimi və məhsuldar əməkdaşlığa görə təşəkkür edirik!

22/04/2026

PAŞA Bank tərəfindən həyata keçirilən İlkin Kütləvi Təklif (IPO) çərçivəsində investorlar üçün yeni imkan yaradılıb. Təklif olunan səhmlər geniş investor kütləsi üçün əlçatandır.

IPO çərçivəsində Bankın nizamnamə kapitalının 5%-ni təşkil edən 932,926 ədəd adi, adlı səhm hər biri 55 AZN qiymətlə investorlara təqdim olunur. Minimum alış həddi 1 səhm təşkil edir və maksimum limit tətbiq edilmir.

Abunə dövründə əvvəlcədən ödənilmiş vəsaitlərə illik 5% gəlir hesablanır. Səhmlərin yerləşdirilməsi Bakı Fond Birjası vasitəsilə həyata keçirilir.

İnvestorlar IPO-da PAŞA Bank, Birbank Invest, əsas anderrayter PAŞA Kapital, həmçinin ABB Invest, Unicapital və Leobank platformaları vasitəsilə iştirak edə bilərlər. Fiziki müraciət isə PAŞA Bank, Kapital Bank və Unibank filiallarında, eləcə də PAŞA Kapital ofisində mümkündür.