Dramaget

24/09/2026

Կենդանակերպի նշաններ. Կշեռք
Սեպտեմբերի 24-ից հոկտեմբերի 23-ը աստղագիտական ժամանակահատվածը պատկանում է կենդանակերպի զգայուն, հոգատար և հավասարակշռությամբ աչքի ընկնող նշանին՝ Կշեռքին:

💡 ՀՀ կենտրոնական բանկը 2007–2009 թթ․ թողարկել է «Կենդանակերպի նշանները» թեմայով հուշադրամների բացառիկ շարք՝ 12 տեսակի ոսկե և 12 տեսակի արծաթե հուշադրամներով, միևնույն դիմերեսով և յուրաքանչյուր նշանի համար տարբեր դարձերեսով:

• Դիմերեսին պատկերված են ՀՀ զինանշանը և կենդանակերպի նշանների խորհրդանիշները:
• Դարձերեսին համապատասխան նշանը՝ աստղազարդ երկնքի ֆոնին և նրա խորհրդանիշը:

«Կշեռք» հուշադրամի թողարկման առավելագույն քանակը կազմել է՝
• ոսկե՝ մինչև 10 000 օրինակ
• արծաթե՝ մինչև 12 000 օրինակ
🔗 Հուշադրամների մասին հավելյալ տեղեկատվություն ստանալու համար անցեք հղումներով. https://www.cba.am/hy/collector-coins/129/
https://www.cba.am/hy/collector-coins/128/
Նշված հուշադրամների ամբողջ խմբաքանակը «Դրամագետ»
վաճառասրահում սպառվել է:

21/09/2026

18/09/2026

🌿 Բնության հուշարձաններ. Մազոնեի լաբիրինթոսը հուշադրամի վրա

Մազոնեի լաբիրինթոսը հնդկեղեգից (բամբուկից) պատրաստված աշխարհի ամենամեծ լաբիրինթոսն է, որը գտնվում է Իտալիայի Պարմա քաղաքի մոտակայքում:

₪ Լաբիրինթոսը մոլորեցնող, խճճված ճանապարհների ամբողջություն է, իսկ խորհրդանշական իմաստով հաճախ ասոցացվում է կյանքի դժվար ու անորոշ ուղիների հետ: «Կյանքի լաբիրինթոս» արտահայտությունը հենց այդպիսի իրավիճակների մասին է, երբ ելքը միանգամից տեսանելի չէ, սակայն կամքի ու հետևողականության շնորհիվ հնարավոր է գտնել ճանապարհը։

💡 «Մազոնեի լաբիրինթոսը» արծաթե հուշադրամը Կենտրոնական բանկի կողմից թողարկվել է 2017 թ.՝ «Աշխարհի լաբիրինթոսները» միջազգային դրամագիտական ծրագրի շրջանակում:
Այս հուշադրամը առանձնանում է ձևավորմամբ՝ ութանկյուն աստղի տեսքով, և հուշադրամի մեջ տեղադրված ոսկեզօծ գլորվող գնդիկով, որը խորհրդանշում է կյանքի արահետներում մարդու սխալվելու և ճշմարտությունը գտնելու ձգտումը:

• Դիմերեսին պատկերված են Մազոնեի լաբիրինթոսը և բրգաձև մատուռը:
• Դարձերեսին՝ Մազոնեի լաբիրինթոսի գծապատկերը՝ պարսպված հարթակը կենտրոնում, և լաբիրինթոսի արահետներով գլորվող ոսկեզօծ գնդիկ:
https://www.cba.am/hy/collector-coins/244/
Ծրագրի ներքո թողարկվել են նաև այլ հուշադրամներ՝ «Բոստոնի լաբիրինթոսը», «Վաալսի լաբիրինթոսը» և «Բարսելոնայի լաբիրինթոսը»:

Հուշադրամի ամբողջ խմբաքանակը «Դրամագետ» վաճառասրահում սպառվել է:

15/09/2026

Արծաթե հուշադրամ՝ ՀՀ անկախության 35-ամյակին

11/09/2026

🇦🇲 Կենտրոնական բանկը սեպտեմբերի 14-ին շրջանառության մեջ է դնում Հայաստանի Հանրապետության անկախության հռչակման 35-ամյակին նվիրված արծաթե հուշադրամը:

35 տարի առաջ՝ 1991 թ. սեպտեմբերի 21-ին, Հայաստանի պատմության մեջ սկսվեց Երրորդ հանրապետության շրջանը. հաստատվեցին պետականության խորհրդանիշները՝ դրոշը, զինանշանը և օրհներգը:
🪙 «Հայաստանի Հանրապետության 35-ամյակ» հուշադրամի թողարկմամբ արժևորվում է անկախության խորհուրդը, կարևորվում հայ ժողովրդի ձեռքբերումները, արարելու, ստեղծագործելու և առաջ շարժվելու կամքը:

Դիմերեսին պատկերված են ՀՀ զինանշանը և հայկական զարդանախշ:

Դարձերեսին՝ ՀՀ Ազգային ժողովի շենքը, ոճավորված եռագույնը, «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 35-ամյակ» մակագրությունը և «Մեր հայրենիք» ՀՀ օրհներգի տողերից՝ «...Թող միշտ պանծա Հայաստան»:

Էսքիզների հեղինակն է Էդուարդ Կուրղինյանը:
Հուշադրամը հատվել է Լիտվայի դրամահատարանում:

Հուշադրամի տեխնիկական չափանիշները.

🔸 Անվանական արժեքը - 5000 դրամ
🔸 Մետաղը/հարգը արծաթ - 925
🔸 Քաշը - 168,1 գ
🔸 Տրամագիծը - 63,0 մմ
🔸 Որակը - պրուֆ
🔸 Դրամաշուրթը - հարթ/համարակալված
🔸 Թողարկման քանակը - 300 հատ

❗️ ԿԱՐԵՎՈՐ՝ հուշադրամի անվանական արժեքը վաճառքի գինը չէ։
💡 Հայաստանի Հանրապետության տարեդարձերին նվիրված հուշադրամները թողարկվում են հինգ տարին մեկ՝ սկսած 2001 թվականից:
🔗 Հուշադրամի մասին հավելյալ տեղեկատվություն ստանալու համար անցեք հղումով՝
https://www.cba.am/hy/collector-coins/365/

💳 «Հայաստանի Հանրապետության 35-ամյակ» արծաթե հուշադրամը կարող եք ձեռք բերել «Դրամագետ» վաճառասրահից.https://www.cba.am/file_manager/Collector_Coins/Dramaget_arm.pdf

08/09/2026

🧐 Արդյո՞ք գիտեք «Հայաստանի վայրի ծառերը» շրջանառու հիշատակային մետաղադրամների մասին

🌳200 դրամ անվանական արժեքով 6 տեսակի շրջանառու հիշատակային մետաղադրամները նվիրված են Հայաստանի վայրի ծառերին:

Դրանք իրենց տեխնիկական բնութագրերով, ինչպես նաև դարձերեսի դիզայնով կրկնում են 2003 թ. թողարկման 200 դրամ անվանական արժեքով շրջանառու մետաղադրամը https://www.cba.am/hy/commemorative-and-jubilee/28/

Դիմերեսներին՝ սոսի, ուռենի, կաղնի, հաճարենի, բարդի, սոճի ծառերի ընձյուղը:

Դարձերեսին՝ մետաղադրամի անվանական արժեքը՝ 200 դրամ, և հայկական զարդանախշ:

Էսքիզների հեղինակներն են՝ Էդուարդ Կուրղինյանը (դիմերեսներ), Կարապետ Աբրահամյանը (դարձերես):

Մետաղադրամները հատվել են Սլովակիայի դրամահատարանում:
Շրջանառության մեջ են դրվել 2014 թ. դեկտեմբերի 29-ից:

🏆Մետաղադրամների շարքն Արժութային հարցերով միջազգային ասոցիացիայի (ԱՄՆ) կողմից արժանացել է «Լավագույն նոր հիշատակային կամ շրջանառու մետաղադրամ-2015» մրցանակի:

01/09/2026

Մենամարտի արվեստը. Կարատե
Կարատեն ճապոնական մարտարվեստ է, որը ներդաշնակորեն միավորում է ֆիզիկական և հոգևոր արժեքները:

Կարատեի կարևոր սկզբունքներն են՝

• հարգանքը բոլորի նկատմամբ,
• շարունակական ինքնակատարելագործումը,
• կարգապահությունն ու կամքի ուժը,
• ինքնատիրապետումը և առաջինը չհարվածելու սկզբունքը:

💡 Կենտրոնական բանկի կողմից 2012 թ․ «Մենամարտի արվեստը» միջազգային դրամագիտական ծրագրի շրջանակում թողարկվել է «Կարատե» հուշադրամը.

• Դիմերեսին՝ Օկինավա կղզում գտնվող Սյուրիձո պալատի Սյուրեյմոն դարպասները:
• Դարձերեսին՝ երեք մարզիկներ, որոնք կատարում են կարատե մարզաձևին հատուկ հնարքներ:

Ծրագրի շրջանակում թողարկվել են նաև այլ հուշադրամներ՝ «Ուշու», «Ձյուդո» և «Կոխ»:

🔗 Հուշադրամի մասին հավելյալ տեղեկատվություն ստանալու համար անցեք հղումով` https://www.cba.am/hy/collector-coins/188/

💳 Հուշադրամը կարող եք ձեռք բերել «Դրամագետ» վաճառասրահից՝https://www.cba.am/file_manager/Collector_Coins/Dramaget_arm.pdf

24/08/2026

Կենդանակերպի նշաններ. Կույս

Օգոստոսի 24-ից սեպտեմբերի 23-ը աստղագիտական ժամանակահատվածը պատկանում է կենդանակերպի աշխատասեր, նպատակասլաց, կարգապահությունը կարևորող նշանին՝ Կույսին:

💡 ՀՀ կենտրոնական բանկը 2007–2009 թթ․ թողարկել է «Կենդանակերպի նշանները» թեմայով հուշադրամների բացառիկ շարք՝ 12 տեսակի ոսկե և 12 տեսակի արծաթե հուշադրամներով, միևնույն դիմերեսով և յուրաքանչյուր նշանի համար տարբեր դարձերեսով:

Դիմերեսին պատկերված են ՀՀ զինանշանը և կենդանակերպի նշանների խորհրդանիշները:
Դարձերեսին համապատասխան նշանը՝ աստղազարդ երկնքի ֆոնին և նրա խորհրդանիշը:

«Կույս» հուշադրամի թողարկման առավելագույն քանակը կազմել է՝
ոսկե՝ մինչև 10 000 օրինակ
արծաթե՝ մինչև 12 000 օրինակ

Նշված հուշադրամի ամբողջ խմբաքանակը «Դրամագետ» վաճառասրահում սպառվել է:
🔗 Հուշադրամների մասին հավելյալ տեղեկատվություն ստանալու համար անցեք հղումներով` https://www.cba.am/hy/collector-coins/146
https://www.cba.am/hy/collector-coins/130

21/08/2026

Մասնակցի՛ր առցանց քվեարկությանը

«Դրամների համաստեղություն-2026» 20-րդ միջազգային մրցույթին (ՌԴ) ՀՀ կենտրոնական բանկը ներկայացրել է 2025 թ․ թողարկած հետևյալ արծաթե և ոսկե հուշադրամները.
«Հենրիկ Մալյանի ծննդյան 100-ամյակ»
«Ավետիք Իսահակյանի ծննդյան 150-ամյակ»
«Ջերարդ Լ. Գաֆէսճեանի ծննդյան 100-ամյակ»
🪙 Մրցույթին ներկայացվել է 137 հուշադրամ՝ 22 երկրի 29 կազմակերպությունների կողմից։

Մինչև 2026 թ. սեպտեմբերի 10-ը յուրաքանչյուր ոք կարող է առցանց քվեարկել մրցույթին ներկայացված հուշադրամների օգտին https://gold10.ru/about/coin-constellation/coin-constellation-2026/

🏆Առավելագույն ձայներ ստացած հուշադրամը կարժանանա Հանդիսատեսի համակրանք մրցանակին https://gold10.ru/about/coin-constellation/coin-constellation-2026/title.php

12/08/2026

«Լվածաղիկ Զանգեզուրի»՝ բնության անձեռակերտ գեղեցկությանը նվիրված հուշադրամ

🌿 Հայաստանի Կարմիր գրքում ընդգրկված «Լվածաղիկ Զանգեզուրի» (Tanacetum zangezuricum) բույսը արժեքավոր տեսակ է, որի աչք շոյող գեղեցկությունն իր արտացոլումն է գտել նաև հուշադրամի վրա:

Այս հուշադրամը ոչ միայն առանձնանում է գրավիչ ձևավորմամբ և բարձր դրամագիտական արժեքով, այլ նաև կրում է կարևոր ուղերձ ՝ հիշեցնելով բնության հանդեպ հոգատար և պատասխանատու վերաբերմունքի անհրաժեշտության մասին:

💡 «Լվածաղիկ Զանգեզուրի» արծաթե հուշադրամը Կենտրոնական բանկի կողմից թողարկվել է 2010 թ.՝ «Ծաղիկների գեղեցկությունը» միջազգային դրամագիտական ծրագրի շրջանակում:

• Դիմերեսին պատկերված են Լվածաղիկ Զանգեզուրի ծաղիկը և ծաղկաթերթը:
• Դարձերեսին՝ Լվածաղիկ Զանգեզուրի ծաղկի պսակը և ցողունները:
https://www.cba.am/hy/collector-coins/157/

Ծրագրի շրջանակում թողարկվել են նաև այլ հուշադրամներ՝ «Քրքում Ադամի», «Գալանտուս Արտյուշենկոյի» և «Արոսենի Հայաստանյան»:

Հուշադրամի ամբողջ խմբաքանակը «Դրամագետ» վաճառասրահում սպառվել է: