Dramaget

18/05/2026

📌ՀՀ կենտրոնական բանկի նախագահ Մարտին Գալստյանի անունից քաղաքացի Sebouh KHachatourian-ին տրվել է շնորհակալագիր՝ ԿԲ դրամագիտական հավաքածուի մշտական համալրմանն ու հարստացմանը մասնակցելու, պատմական դրամագիտական արժեքներ նվիրաբերելու, ամբողջական դրամագիտական հավաքածուի ձևավորմանն աջակցելու համար:

🤝Շնորհակալագիրը մայիսի 16-ին ԿԲ այցելուների կենտրոնում Սեպուհ Խաչատուրյանին հանձնեց Արժույթի թողարկման և դրամագիտության կենտրոնի ղեկավար Gevorg Tumanyan-ը, ով իր խոսքում շնորհակալություն հայտնեց Սեպուհ Խաչատուրյանին ԿԲ դրամագիտական հավաքածուի համալրմանը նպաստելու ու նվիրյալ աշխատանքի համար:

📌Սեպուհ Խաչատուրյանը 2015 թվականից մինչև օրս ԿԲ դրամագիտական հավաքածուին անհատույց նվիրաբերել է 20-ից ավելի արծաթե, պղնձե պատմական յուրօրինակ մետաղադրամներ, որոնք ներկայացված են ԿԲ Երևանի և Դիլիջանի այցելուների կենտրոնների մշտական ցուցադրություններում:

🤝Սեպուհ Խաչատուրյանը շնորհակալություն հայտնեց ԿԲ ղեկավարությանը գնահատանքի համար և ընդգծեց, որ ԿԲ դրամագիտական հավաքածուին սպասվում են անակնկալ համալրումներ:

#ՀՀԿԲ #Դրամագետ

15/05/2026

💛 Հայաստանի կենտրոնական բանկի Այցելուների կենտրոնը միացել է «Թանգարանների գիշեր» և թանգարանների միջազգային օրվան նվիրված համաեվրոպական միջոցառումներին։

Եթե հետաքրքրված եք մեր երկրի դրամաշրջանառության պատմությամբ, ցանկանում եք տեսնել անընդհատ համալրվող հուշադրամների շարքը և ծանոթանալ բացառիկ դրամագիտական արժեքներին, ապա սպասում ենք ձեզ մեր կենտրոնում։

🔹 Մայիսի 16-ին, շաբաթ օրը, Կենտրոնական բանկի Երևանի այցելուների կենտրոնը բաց կլինի 11:00-ից մինչև 24:00։

🔹 Մայիսի 18-ին, երկուշաբթի օրը, Կենտրոնական բանկի Երևանի և Դիլիջանի այցելուների կենտրոնները կգործեն 11:00-ից մինչև 18:00։

Մուտքը, ինչպես միշտ, ազատ է և անվճար։

Եկե'ք միասին բացահայտենք մեր դրամի պատմությունն ու արժեքները։

15/05/2026

13/05/2026

🤗 Արի՛ տրամաբանենք.
Վանդակների մեջ գրված ցանկացած թիվ պետք է հավասար լինի իր ձախ և վերևի վանդակներում գրված թվերի գումարին (բացառությամբ փիրուզագույն վանդակների թվերի): Օրինակ՝ 18=9+9, 44=39+5
1. Լրացրո՛ւ վանդակներում բաց թողնված թվերը
2. Գտիր X-ը
3. Գումարի՛ր X-ի բոլոր թվերը և ստացի՛ր ՀՀ 1-ին շարքի մետաղադրամներից մեկը՝ ? դրամ անվանական արժեքով

08/05/2026

🎗️Շնորհավորում ենք Մայիսի 9-ը՝ Հաղթանակի օրը

81 տարի առաջ այս օրը Խորհրդային Միության ժողովուրդները միասնական հաղթանակ տարան Հայրենական մեծ պատերազմում (1941–1945 թթ.):

📌2020 թ․ Կենտրոնական բանկը թողարկել է «Հայրենական մեծ պատերազմում տարած հաղթանակի 75-ամյակ» արծաթե հուշադրամը՝ ընդգծելով մեր պապերի ու հայրերի կերտած հերոսական հաղթանակի կարևորությունը սերունդների համար:

📌Դիմերեսին՝ «Մայր Հայաստան» հուշարձանը Երևանում (քանդակագործ՝ Ա. Հարությունյան, ճարտարապետ՝ Ռ. Իսրայելյան, 1967 թ.) և Հայրենական պատերազմի 1-ին աստիճանի շքանշանը:

📌Դարձերեսին՝ վահան և Գեորգիևյան ժապավեն։

🎊2020 թ․ ՀՀ փոստային մարմնի կողմից թողարկվել է նամականիշ՝ նվիրված Հայրենական մեծ պատերազմում տարած հաղթանակի 75-ամյակին:

🔗 «Հայրենական մեծ պատերազմում տարած հաղթանակի 75-ամյակ» արծաթե հուշադրամի մասին հավելյալ տեղեկատվություն ստանալու համար անցեք հղումով՝ https://www.cba.am/hy/collector-coins/313/

🔗 Հուշադրամի ամբողջ խմբաքանակը «Դրամագետ» վաճառասրահում սպառվել է:

#դրամագետ

06/05/2026

🧐Գիտե՞ք, որ Կենտրոնական բանկի դրամագիտական հավաքածուն ներառում է արծաթե լարատիպ դրամ՝ «լարին» անվանմամբ:

Դրամագիտական աղբյուրների համաձայն՝ այս յուրօրինակ դրամների անվանումը առաջացել է Իրանի՝ Պարսից ծոցի տարածաշրջանում գտնվող Լարեստան հարավային նահանգի Լար քաղաքից և կիրառվել է XVI-XVIII դդ:

📖Լարեստան նահանգը դարեր շարունակ եղել է կարևոր տնտեսական կենտրոն, և լարինը լայն կիրառվել է Պարսից ծոցի տարածաշրջանում բնակվող ժողովուրդների շրջանում:

📍Հայտնի է նաև լարինի՝ որպես միջազգային վճարամիջոցի կիրառությունը հյուսիսային Աֆրիկայից մինչև Չինաստանի արևելյան նավահանգիստները:

📍Լարին դրամները պատրաստվել են հատուկ սարքի միջոցով՝ ձգած արծաթե լարերով, որոնց տրամագիծը եղել է մոտ 1.2-1.3 մմ: Ստացված լարերը պայմանական քաշերով և չափսերով կտրտվել են մոտ 10 սմ երկարությամբ, մեջտեղի հատվածից ծալվել, ապա մուրճի հարվածներով հարթեցվել, այնուհետև կատարվել է դրոշմման գործընթացը. սովորաբար, մի կողմում դրոշմվել է տեղի կառավարչի անունը՝ պարսկերենով կամ արաբերենով, իսկ մյուս կողմում՝ լարինի թողարկման տարեթիվը կամ կրոնական մակագրություն։

Կենտրոնական բանկի դրամագիտական հավաքածուի արծաթե լարինի (Թամասպ I շահի ժամանակաշրջանի, XVI դ.), քաշը - 4.817 գ, ցուցադրվում է CBA Visitor Centre / ԿԲ Այցելուների կենտրոնի դրամագիտական ցուցադրությունում։

🤝 Արծաթե լարին դրամը Կենտրոնական բանկին անհատույց նվիրաբերել է քաղաքացի Sebouh KHachatourian-ը։

#ՀՀԿԲ #Դրամագետ

29/04/2026

Իսկ դուք գիտե՞ք այս փաստերը պատմական Արտաշատ մայրաքաղաքի մասին.

🔸 Արտաշատը Հայաստանի 4-րդ մայրաքաղաքն է (մ.թ.ա. II–մ.թ. IV դդ.)

🔸 Բնութագրվել է որպես «թագավորանիստ քաղաք» կամ «Հայաստանի Կարթագեն»

🔸 Հիմնադրվել է Արտաշես Ա հայոց թագավորի կողմից Արարատյան դաշտում` Երասխ և Մեծամոր գետերի միախառնման տեղում

🔸 Եղել է միջազգային առևտրի խոշոր կենտրոն, որի դերը մեծացել է I-II դդ.` Հռոմի և Արևելքի միջև առևտրային կապերի ընդլայնման շնորհիվ

🔸 Արտաշատով էին անցնում Հեռավոր Արևելքից Միջերկրական և Սև ծովերի ափերը ձգվող միջազգային տարանցիկ առևտրի ուղիները, որոնցով փոխադրում էին չինական մետաքս և այլ ապրանքներ

🔸 Արտաշատը Հայաստանի դրամահատության կենտրոններից էր. հնագիտական պեղումներից գտնվել են հայոց թագավորներ Տիգրան Բ-ի, Արտավազդ Բ-ի, Տիգրան Գ-ի, հարևան երկրների՝ սելևկյան, պարսկական, կապադովկյան, պոնտական, հռոմեական (մ.թ.ա. II–մ.թ. I դդ.) արծաթե և պղնձե դրամներ

🔸 Պեղումներից գտնվել են նաև Արտաշատում հատված եզակի քաղաքային պղնձե դրամներ, որոնք նախատեսված են եղել ներքին շրջանառության համար

💰 Կենտրոնական բանկը 2011 թ․ թողարկել է ոսկե հուշադրամ՝ նվիրված Արտաշատի հիմնադրման 2200-ամյակին՝ https://www.cba.am/hy/collector-coins/179/

Հուշադրամի վրա օգտագործվել են Արտաշատի քաղաքային պղնձե դրամի (մ.թ.ա 1 թ.–մ.թ. 2 թ.) պատկերները.

🔸 Դիմերեսին՝ Արտաշատ մայրաքաղաքի հովանավոր դիցուհին՝ Տիխեն՝ աշտարակաձև թագով
🔸 Դարձերեսին՝ հաղթության դիցուհի Նիկեն, աջ ձեռքում` պսակ, հունարեն մակագրություն՝ «APTAΞICATωN ΜΗTΡΟΠΟΛΕωС» (Արտաշատ մայրաքաղաքի համայնքի կողմից)

🏛️ Պատմական Արտաշատի քաղաքային պղնձե բնօրինակ մետաղադրամները, ինչպես նաև «Արտաշատ-2200» յուրօրինակ ոսկե հուշադրամը ցուցադրվում են CBA Visitor Centre / ԿԲ Այցելուների կենտրոն և CBA Visitor Centre of Dilijan/ ԿԲ Դիլիջանի այցելուների կենտրոն կենտրոններում

«Արտաշատ-2200» ոսկե հուշադրամը կարող եք ձեռք բերել «Դրամագետ» վաճառասրահից՝https://www.cba.am/file_manager/Collector_Coins/Dramaget_arm.pdf

#ՀՀԿԲ #Դրամագետ

23/04/2026

🧐 Արդյո՞ք գիտեք, թե որն է հուշադրամի դիմերեսն ու դարձերեսը

🔖Ավանդաբար, հուշադրամի դիմային կողմը՝ դիմերեսը կամ ավերսը (անգլերեն՝ obverse) կրում է պաշտոնական խորհրդանիշների պատկերներ՝պետական զինանշանը, կենտրոնական բանկի տարբերանշանը, միապետի կամ նախագահի պատկերը: Այստեղ սովորաբար նշվում են նաև հուշադրամի անվանական արժեքը և թողարկման տարեթիվը։

Դիմերեսին կարող են տեղադրվել նաև մետաղադրամում պարունակվող քիմիապես մաքուր թանկարժեք մետաղի զանգվածը (գրամներով), հարգը արտադրող դրամահատարանի ապրանքային նշանը։

🔖Հուշադրամի հակառակ կողմում՝ դարձերեսին կամ ռևերսին (անգլերեն՝ reverse), ներկայացվում են հուշադրամի թեմային վերաբերող պատկերներ կամ մոտիվներ, հոբելյանական դիմանկարներ և այլ խորհրդանշական տարրեր։

🔖Շրջանառու մետաղադրամների դեպքում անվանական արժեքը սովորաբար պատկերվում է դարձերեսին։

#ՀՀԿԲ #Դրամագետ

21/04/2026

Կենդանակերպի նշաններ. Ցուլ
Ապրիլի 21-ից մայիսի 20-ը աստղագիտական ժամանակահատվածը պատկանում է կենդանակերպի աշխատասիրությամբ և համառությամբ աչքի ընկնող նշանին՝ Ցուլին:

📍 ՀՀ կենտրոնական բանկը 2007–2009 թթ․ թողարկել է «Կենդանակերպի նշանները» թեմայով հուշադրամների բացառիկ շարք՝ 12 տեսակի ոսկե և 12 տեսակի արծաթե հուշադրամներով, միևնույն դիմերեսով և յուրաքանչյուր նշանի համար տարբեր դարձերեսներով:

• Դիմերեսին պատկերված են ՀՀ զինանշանը և կենդանակերպի նշանների խորհրդանիշները:
• Դարձերեսին համապատասխան նշանը աստղազարդ երկնքի ֆոնին և նրա խորհրդանիշը:

«Ցուլ» հուշադրամի թողարկման առավելագույն քանակը կազմել է՝
• արծաթե՝ մինչև 12 000 օրինակ
• ոսկե՝ մինչև 10 000 օրինակ

Նշված հուշադրամի ամբողջ խմբաքանակը «Դրամագետ» վաճառասրահում սպառվել է:
🔗 Հուշադրամների մասին հավելյալ տեղեկատվություն ստանալու համար անցեք հղումներով` https://www.cba.am/hy/collector-coins/149/
https://www.cba.am/hy/collector-coins/137/

#ՀՀԿԲ #Դրամագետ

18/04/2026

Հրաչյա Աճառյանի 150-ամյակին նվիրված Հայաստանի ԿԲ հուշադրամը «վերադարձավ» Պոլիս.

https://armenpress.am/hy/article/1247204?fbclid=IwY2xjawRQFstleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeTtqmRBJBL6vzxe6c_qTGA1ciT8l5JuTVeONQ-IG58eQ9NsOh3jI0LQwOm_c_aem_k5ICkz2_fGmwPGHSz_AJZg

Ականավոր լեզվաբան, հայագետ, բառարանագիր Հրաչյա Աճառյանի հիշատակը ապրիլի 12-ին խորհրդանշական կերպով նշանավորվեց Ստամբուլի հայ համայնքում։ Առիթը Հայաստանի...

17/04/2026

📍 Սևան խոշորացված համայնքում անցկացվում է Հայաստանի դրամաշրջանառության պատմությանը նվիրված ցուցահանդեսը
📌Դիտեք ցուցահանդեսի մասին ամբողջական տեսանյութը ստորև.

Ապրիլի 14-ին Կենտրոնական բանկի նախաձեռնությամբ Սևան խոշորացված համայնքում մեկնարկել է Հայաստանի դրամաշրջանառության պատմությանը նվիրված ցուցահանդեսը։