Fin Leader

06/05/2026

🚀Հարկային համակարգի բարելավումը շարունակվում է՝ նոր, ավելի պարզ, հասկանալի և արդյունավետ լուծումների կիրառմամբ։

Հաշվի առնելով 2025 թվականի ընթացքում հարկ վճարողների և հարկային մարմնի միջև առաջացած գործնական խնդիրները՝ ՊԵԿ֊ը նախաձեռնել է ՀՀ հարկային օրենսգրքի փոփոխություններ, որոնք ներկայացրվել են Ազգային ժողովի լիագումար նիստում:

💬Ի՞նչ է փոխվում

▪️Ապրանքների վերադարձի դեպքում սահմանվում է գործարքների ճշգրտման հնարավորություն՝ առանց հետվաճառք ձևակերպելու։

▪️ՀԴՄ կտրոնով կատարված գնումների վերադարձի դեպքում՝ ԱԱՀ-ի ճշգրտումները կարտացոլվեն վերադարձի ամսվա հարկային հաշվարկներում, այլ ոչ թե վաճառքի ամսվա հարկային հաշվարկներում։

▪️Վերանայվում է շինարարության թույլտվության ժամկետն ավարտված կամ երկարաձգված անավարտ (կիսակառույց) շենքերի օտարման դեպքում ԱԱՀ-ի և շահութահարկի գծով հարկման բազաների որոշման կանոնը։

▪️Հնարավորություն է տրվում 2022–2025 թվականների ընթացքում ԱԱՀ վճարող հաշվառվելու հայտարարություն չներկայացրած տնտեսվարողներին մինչև 2026 թվականի դեկտեմբերի 31-ը ներկայացնել համապատասխան հայտարարությունը, և այդ տարիների համար հաշվառվել որպես ԱԱՀ վճարող։

▪️Հստակեցվում է ԱԱՀ-ից ազատման արտոնության կիրառման շրջանակը՝ այն տարածելով նաև ոչ ֆորմալ կրթական ծրագրերի շրջանակում մատուցվող ուսուցման ծառայությունների վրա։

▪️Պարզեցվում են ոչ ռեզիդենտ ընկերությունների (օրինակ՝ Google, Facebook և այլն) համար ԱԱՀ-ի վճարման կանոնները։

▪️Բարձրացվում է դրոշմավորման ենթակա կաթնամթերքի կորուստների թույլատրելի նորման՝ 1%-ից դառնալով 2%։

✅Ակնկալվող արդյունք

Բարձրացնել հարկային համակարգի արդյունավետությունը, նվազեցնել վարչարարության բարդությունները և ապահովել ավելի կանխատեսելի ու արդար հարկային միջավայր տնտեսավարողների համար։ Միաժամանակ, նախատեսվում է հարկային բեռի թեթևացում և գործունեության հետ կապված ընթացակարգերի պարզեցում։

✅Ներկայացվել է ևս մեկ կարևոր նախագիծ, որով նախատեսվում է քրեական պատասխանատվության շեմերի բարձրացում, քրեական վարույթների հարուցման նոր կարգավորումներ և այլ կարևոր փոփոխություններ՝ հօգուտ հարկ վճարողների։

💬Ի՞նչ է փոխվում

▪️ Սահմանվում է, որ հարկային խախտումների հիմքով քրեական գործ կարող է հարուցվել միայն այն դեպքում, երբ հարկային մարմնի որոշումը դարձել է վերջնական, և բողոքարկման բոլոր փուլերն ավարտված են։

▪️ Բարձրացվում են հարկերից խուսափելու դեպքում քրեական պատասխանատվության շեմերը։

▪️ Ներդրվում է այլընտրանքային մեխանիզմ գույքի արգելադրման գործընթացում․ նախատեսվում է հնարավորություն արգելադրված գույքը փոխարինել համարժեք բանկային երաշխիքով։

✅ (011) 85-85-85

21/04/2026

15/04/2026

💬Ազգային ժողովի նիստում ՊԵԿ նախագահը ներկայացրել է «Հայաստանի Հանրապետության հարկային օրենսգրքում փոփոխություններ կատարելու մասին, ՀՀ քրեական դատավարության օրենսգրքում լրացում կատարելու մասին և ՀՀ քրեական օրենսգրքում փոփոխություն կատարելու մասին» օրենքների նախագիծը։

Փոփոխություններով առաջարկվում է վերանայել այն գումարների չափերը, որոնց դեպքում հարկերից խուսափելը համարվում է քրեական հանցագործություն, հստակեցվում է, թե հարկային մարմինը, երբ կարող է նյութեր փոխանցել՝ քրեական գործ սկսելու համար, ինչպես նաև բարելավվում է գույքի արգելադրման գործընթացը՝ ներդնելով ավելի ճկուն այլընտրանքային մեխանիզմներ։

«Մաքսային կարգավորման մասին» օրենքում փոփոխություններ և լրացումներ կատարելու մասին նախագծի նպատակն է հստակեցնել մաքսային ստուգումների գործընթացը, կարգավորել առկա բացերը, ներդնել ստուգմանն առնչվող փաստաթղթերի վերաբերյալ էլեկտրոնային ծանուցման մեխանիզմներ և վերանայել ստուգումների արդյունքում հայտնաբերված իրավախախտումների համար նախատեսված պատասխանատվության նորմերը։

Ավելին՝ https://www.src.am/am/getNews/1497

10/04/2026

ՈՒսումնասիրվել է Հայաստանի արտաքին առևտրում Իրանի դերն ու ՀՀ համար պատերազմի հնարավոր ազդեցությունները: Ուսումնասիրության եզրակացություններն ամփոփ՝

🔹«2025 թվականին Հայաստանի արտաքին առևտրաշրջանառության 9%-ը իրականացվել է Մեղրիի անցակետով, իսկ եթե բացառենք ոսկու և ադամանդի առևտրաշրջանառություն, ապա այս անցակետին բաժին է ընկնում Հայաստանի առևտրաշրջանառության 11%-ը։

🔹Հայաստանի ապրանքային ներմուծման 11%-ը և արտահանման 6%-ը իրականացվում է հայ-իրանական սահմանով։

🔹Հայ-իրանական սահմանով Հայաստան են ներմուծվում շինարարության մեջ լայնորեն օգտագործվող երկաթից ձողեր (ատամնավոր ամրաններ), նավթային բիտում, ցեմենտ, որոնց մեծ մասը հնարավոր է փոխարինել տեղական արտադրանքով, սակայն դա կարող է հանգեցնել շինարարության ծախսերի որոշակի աճի։

🔹Ընդ որում, 2025 թվականին Հայաստան ներմուծված երկաթից ձողերի 89.1%-ը, նավթային բիտումը գրեթե ամբողջությամբ, ցեմենտի 88.4%-ը և թրծված մոլիբդենի խտանյութի 97.7%-ը ներմուծվել են Մեղրիի սահմանային անցակետով։

🔹 2025 թվականին հայ-իրանական սահմանով ներմուծման 42%-ը կազմել են չինական ծագման ապրանքները, որոնց մեջ առաջատարը մարդատար ավտոմեքենաներն են։

🔹Հայաստան ներմուծվող ավտոմեքենաների շուրջ 9%-ը ներմուծվում է Մեղրիի անցակետով։

🔹2025 թվականին հայ-իրանական սահմանով արտահանման 73%-ը բաժին է հասնում սիգարետներին։

🔹Հայ-իրանական սահմանի նշանակությունը համեմատաբար մեծ է Հայաստանից արտահանվող սիգարետների դեպքում։

🔹 2025 թվականին Հայաստանից արտահանված սիգարետների 62.5%-ը արտահանվել է Մեղրիի անցակետով հիմնականում ուղղվել է Իրաք և ԱՄԷ։ Իրաքին բաժին է հասնում Հայաստանից արտահանվող սիգարետների շուրջ կեսը։

🔹Տրանսպորտային ընկերությունների հետ իրականացված խորքային հարցազրույցները ցույց են տալիս, որ ապրիլի սկզբի դրությամբ մատակարարումների և արտահանման խափանումներ չեն արձանագրվել։ Սակայն նկատվում է տրանսպորտային ծախսերի որոշակի աճ, հատկապես այն դեպքերում, երբ երթուղիները անցնում են ակտիվ ռազմական գործողությունների գոտիներով»։

01/04/2026

Սիրելի գործընկերներ,
եկեք չմոռանանք անգամ ամենապատասխանատու օրերին
կատակելու, ժպտալու ու մի փոքր թեթևացնելու մեր օրը 😄

Թող մեր աշխատանքը լինի կարգավորված,
իսկ տրամադրությունը՝ միշտ բարձր

Շնորհավոր Ապրիլի 1 🎉

24/03/2026

ՀՀ հարկային օրենսգրքում կատարվել են մի շարք փոփոխություններ, որոնք պարզեցնում են հարկային գործընթացներն ու ստեղծում ավելի հստակ և կանխատեսելի միջավայր բիզնեսի համար։

Մասնավորապես՝
▪️ապրանքների վերադարձի դեպքում սահմանվում է գործարքների ճշգրտման հնարավորություն՝ առանց «հետվաճառք» ձևակերպելու։
▪️ՀԴՄ կտրոնով ապրանքների գնումների վերադարձի դեպքում ճշգրտումները կարտացոլվեն հենց վերադարձի ամսվա հաշվետվությունում, այլ ոչ թե վաճառքի ամսվա հաշվետվությունում
▪️ոչ ռեզիդենտ ընկերությունների (Google կամ Facebook և այլն) ԱԱՀ-ի վճարման համար սահմանվում է միասնական, պարզեցված ընթացակարգ՝ e-VAT համակարգով
▪️դրոշմավորման ենթակա կաթնամթերքի կորուստների թույլատրելի նորման բարձրացվում է՝ 1%-ից դառնալով 2%։

Փոփոխությունները նպատակ ունեն տնտեսվարողների համար հեշտացնել հարկային գործընթացները, պարզեցնել հաշվետվությունները և ստեղծել կանխատեսելի, արդար ու հարմար միջավայր՝ նպաստելով տնտեսության զարգացմանը, գործարարների կյանքի թեթևացմանը, բիզնես միջավայրի բարելավմանը և վարչարարության ընթացքում հնարավոր վեճերի նվազեցմանը։


011858585
096858585

26/02/2026

📢 Կարևոր նորություն եկամուտների հայտարարագրման վերաբերյալ

Հայաստանի կառավարությունը սահմանել է այն եկամուտների ցանկը, որոնք կարիք չկա ներառել եկամտային հարկի տարեկան հայտարարագրում : Սա վերաբերում է 2024 թվականի և դրանից հետո ընկած հաշվետու տարիներին:

✅ Որ եկամուտները հայտարարագրման ենթակա չեն (ՉԻ ՀԱՅՏԱՐԱՐԱԳՐՎՈՒՄ)

1. Անկախ գումարի չափից:
· Կուտակային կենսաթոշակային հատկացումների հաշվին ստացվող եկամուտները:
· Զինծառայողների դրամական բավարարումը և նրանց տրվող բնամթերային եկամուտները:
· Դոնորության (արյուն, կաթ և այլն) համար ստացվող վճարները:
· Օրենքով սահմանված չափը չգերազանցող գործուղման փոխհատուցումները:
· Ստացված վարկերը (եթե դրանք չեն ներվել բանկի կողմից):
· Միջազգային մրցույթներում հաղթած մարզիկների և մարզիչների մրցանակները:
· Պետական պարգևները և ուսման վարձի փոխհատուցումները (որոշակի դեպքերում):

2. Հետևյալ դեպքերում եկամուտը չի հայտարարագրվում, եթե այն չի գերազանցում 1 միլիոն ՀՀ դրամը:
· Ոչ ընտանիքի անդամներից ստացված նվիրատվությունները կամ ժառանգությունը:
· Ոչ առևտրային կազմակերպություններից ստացված աջակցությունը:
· Պետական կամ միջազգային կառույցներից անհատույց ստացված գույքը կամ ծառայությունները:
· Այլ ֆիզիկական անձանցից ստացված փոխառությունները (պարտքով գումար):
· Աշխատողի ընտանիքի անդամի մահվան դեպքում ստացվող միանվագ օգնությունը:

💡 Կարևոր նկատառումներ.

· Շեմը գերազանցելու դեպքում՝ եթե վերոնշյալ եկամուտները գերազանցում են 1 մլն դրամը, ապա հայտարարագրման ենթակա է ամբողջ գումարը:

· Կամավորություն՝ Ցանկության դեպքում քաղաքացին կարող է հայտարարագրել այս եկամուտները, նույնիսկ եթե դրանք չեն գերազանցում շեմը:

Fin Leader !!!
011-85-85-85
096-85-85-85

19/02/2026

Ընտրեք ոչ թե ամենահեշտը, այլ այն տարբերակը, որը համապատասխանում է ձեր բիզնեսին, իսկ մեզ դիմելով՝ գործընթացը կանցնի հեշտ, արագ և պրոֆեսիոնալ։ 🚀📊

📞 011 85 85 85
📍 ք. Երևան, Մասիսի 3

14/02/2026

Մեր թիմի առօրյայից մի փոքր բեքստեյջ 😉

Հաշվապահություն, որը ձեր բիզնեսին վերաբերվում է ինչպես սեփականին 💼📊

📞 011 85 85 85
📍 ք. Երևան, Մասիսի 3

11/02/2026

📢 Հիշեցում տնտեսվարողներին

2026 թվականի հունվարի 1-ից մեկնարկում է մի շարք ապրանքախմբերի՝
նույնականացման միջոցներով պարտադիր դրոշմավորումը։

Պարտադիր դրոշմավորման ենթակա ապրանքախմբերն են՝

🔸Օծանելիք և հարդարաջուր
ԱՏԳ ԱԱ 3303 00

🔸 Կոսմետիկական կամ դիմահարդարման եւ մաշկի խնամքի միջոցներ և կենցաղային քիմիա
ԱՏԳ ԱԱ 3304, 3305, 3306, 3307, 3401, 3402

🔸 Դեղորայք
ԱՏԳ ԱԱ 3002410000, 3004, 3006300000, 300660 000 0

🔸Անասնաբուժական ոլորտներում օգտագործվող դեղամիջոցներ
ԱՏԳ ԱԱ 3002 42 000 0

🔸 Կենսաբանորեն ակտիվ սննդային հավելումներ
ԱՏԳ ԱԱ 2936

🔸 Կաթնամթերք
ԱՏԳ ԱԱ 0401, 0402, 0403, 0404, 0405, 0406, 2105 00

🔸 Մսամթերք և կենդանական ծագման լուծամզվածքներ
ԱՏԳ ԱԱ 1601 00, 1603 00, 0210, 0209, 0207

🔸 Ներկանյութեր, գունանյութեր, լաքեր
ԱՏԳ ԱԱ 3203 00, 3204, 3205 00 000 0, 3206, 3207 10 000 0, 3208, 3209, 3210 00, 3211 00 000 0, 3212

🔸 Քսայուղեր և տեխնիկական հեղուկներ
ԱՏԳ ԱԱ 2710 19 710 0, 2710 19 750 0, 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 100 0, 3403 19 900 0, 3403 99 000 0

🔹 Լրացուցիչ տեղեկատվության, ծրագրի մանրամասների և դրոշմապիտակների ձեռքբերման համար կարող եք դիմել E-Mark ազգային օպերատորին․

📩 [email protected]
☎️ 010 300300

02/02/2026

«Հայաստանի Հանրապետության կառավարության 2025 թվականի սեպտեմբերի 4-ի N 1264-Ն որոշման մեջ լրացում կատարելու մասին» ՀՀ կառավարության որոշման նախագիծ։
Նախագծով առաջարկվում է ՀՀ կառավարության 04.09.2025թ. N1264-Ն որոշման մեջ սահմանել, որ նույնականացման միջոցներով դրոշմավորված ապրանքները սեփական կարիքների համար օգտագործման դեպքում այդ ապրանքների նույնականացման միջոցները շրջանառությունից հանելու վերաբերյալ տեղեկությունը հարկային մարմնի միասնական շտեմարան կարող է փոխանցվել նաև հարկային մարմնի էլեկտրոնային հաշվարկային փաստաթղթերի համակարգով (e-invoicing), եթե մինչև հաշվարկային փաստաթուղթն ստորագրելը (վավերացնելը) հաշվարկային փաստաթղթով մատակարարված դրոշմավորված ապրանքն ստացողի կողմից վերջնական սպառման ենթակա լինելու դեպքում ստացողը կատարել է «Ապրանքը նախատեսված է վերջնական սպառման համար» նշումը, որից հետո հաշվարկային փաստաթղթում ներառված ապրանքների դրոշմավորման ծածկագրերն ինքնաշխատ եղանակով ստացել են «Շրջանառությունից հանված» կարգավիճակ։