Amundi-Acba Asset Management

26/05/2026

Իսկ գիտեի՞ք, որ կենսաթոշակային ֆոնդերը ներդրումներ են կատարում համաշխարհային խոշոր ընկերություններում, ինչպիսիք են՝ Nvidia, Apple, Google, Microsoft, Amazon, Meta, Tesla։🚀

📈 Այս ներդրումները կատարվում են ETF-ների միջոցով։

Ամունդի-Ակբա Հավասարակշռված (AMBAL) ֆոնդի ETF-ների ամենամեծ մասնաբաժինը կազմում է iShares MSCI World ESG Enhanced UCITS ETF USD ֆոնդը, որն էլ իր կազմում ներառում է այս խոշոր ընկերությունների մասնաբաժինները*։

Իմացեք ավելին ETF-ների մասին տեսանյութում` https://youtu.be/zCEXr3hIlpI?si=MLxEup3BLuutOuFx

ℹ️ «Փողի մասին» ալիքը համատեղ գործարկել ենք Նարեկ Ամիրխանյանի հետ համագործակցությամբ՝ խթանելու ֆինանսական գրագիտությունը և փողի մասին գիտելիքները։

*Մարտի 31, 2026 դրությամբ

#ամունդիակբա #ներդրումներ #ներդրումայինգործիքներ #դիվերսիֆիկացիա #ֆինանսականգրագիտություն

Ամեն ինչ Փողի մասինԱյստեղ մենք խոսում ենք փողի բոլոր ասպեկտերի մա...

21/05/2026

Շատերին անհագստացնում է կենսաթոշակային հաշվի մնացորդի տատանումները։ 🤔 Իսկ ինչո՞ւ են դրանք տեղի ունենում։

Կենսաթոշակային ֆոնդերի միջոցները ներդրվում են ֆինանսական շուկաներում, որտեղ ներդրումային ակտիվների գները ժամանակ առ ժամանակ կարող են թե՛ աճել, թե՛ նվազել։📈📉

Սա ֆինանսական աշխարհում բնական երևույթ է և բնութագրվում է տատանողականությամբ (volatility)։

Տատանողականությունը ինքնին վտանգ չէ․ ❗ այն պարզապես ցույց է տալիս, թե որքան է փոփոխվում ակտիվի գինը ժամանակի ընթացքում։

Բարձր տատանողականությունը ուղեկցվում է ավելի բարձր ռիսկով, սակայն պետք է հաշվի առնել նաև ժամանակային հորիզոնը։

💡 Կարճաժամկետում այդ փոփոխությունները կարող են ավելի նկատելի լինել, սակայն կենսաթոշակային խնայողությունները նախատեսված են երկարաժամկետ նպատակի համար, ուստի տատանողականությունը պետք է դիտարկել երկար ժամկետում։

Իմացեք ավելին տատանողականության մասին այստեղ՝ 👉 https://amundi-acba.am/hy/faq

#տատանողականություն #ֆինանսականշուկաներ #կենսաթոշակայինֆոնդեր #ակտիվներիկառավարում #ներդրումներ #ֆինանսականգրագիտություն

16/05/2026

Կուտակային կենսաթոշակային մասնակիցների սոցիալական հատկացումները հաշվարկվում են ըստ աշխատավարձի չափի: 💼💰

5% մասնակցի + 5% պետության հատկացումների այս հայտնի բանաձևը ոչ բոլորի համար է․ գտեք Ձեր բանաձևը 👇

1️⃣ աշխատավարձը մինչև 500,000 դրամ է․
➡️ 5% աշխատավարձից հատկացում + 5% պետության հատկացում ձեր օգտին

Օրինակ՝
📌 200,000դր․ աշխատավարձ 👉 20,000դր․ կուտակում (10,000 դր․ հատկացումը ձեր աշխատավարձից + 10,000 դր․ պետության կողմից ձեր օգտին)։

2️⃣ աշխատավարձը 500,000-ից մեծ է․
➡️ ֆիքսված 25,000 դր. պետության հատկացում ձեր օգտին + (10% - 25,000) աշխատավարձից հատկացում
Օրինակ՝
📌 700,000դր․ աշխատավարձ 👉 70,000դր․ կուտակում (25,000դր․ պետության կողմից ձեր օգտին հատկացում + 45,000 դր․ հատկացումը ձեր աշխատավարձից)

3️⃣ Գոյություն ունի կուտակային հատկացման շեմ․ այն է՝ աշխատավարձը նվազագույն ամսական աշխատավարձի 15-ապատկից (այս պահին՝ 1,125,000 դր․) մեծ է ➡️ ֆիքսված 25,000դր․պետության հատկացում ձեր օգտին + 87,500դր․աշխատավարձից հատկացում

Մասնակցի սոցիալական վճարներից և պետության կողմից մասնակցի օգտին հատկացումներից ձևավորվում է կուտակային ամսական հատկացումը։

💡Այս միջոցներն ուղղակի չեն մնում հաշվին և չեն սպասում Ձեր կենսաթոշակային տարիքին։ Դրանք կառավարում են մասնագիտացված ֆոնդերի կառավարիչները՝ ներդնելով միջոցները տարբեր ներդրումային գործիքներում, ապահովելով հավելյալ եկամտաբերություն և պաշտպանելով այն գնաճից։

Ձեր կուտակային հատկացումների վերաբերյալ անհատական հաշվետվություն կարող եք ստանալ Հայաստանի կենտրոնական դեպոզիտարիայից։

🔗Մանրամասներն այստեղ՝ https://www.facebook.com/AmundiAcba/posts/pfbid02ygRm5PuTByFHFoEk7iND9qiHZeedW7vFk4zCEyYtoB17iJVBu4CNoHAT8j67rEZQl?__tn__=-UK*F

14/05/2026

Ֆոնդերի կառավարիչ Անուշ Ամիրջանյանը ներկայացրել է մարտի վերջի դրությամբ ֆինանսական շուկաների զարգացումները և ֆոնդերի ներդրումները։

1-ին եռամսյակի ֆոնդերի ներդրումների և եկամտաբերության տվյալներն արդեն հասանելի են․ ծանոթացեք այստեղ 👉՝ https://amundi-acba.am/hy/article/investments-and-performance-q1-2026

✅ Հիշեցում․ Ֆոնդերի կառավարչի մեկնաբանությունը հրապարակվում է յուրաքանչյուր ամիս և հասանելի է յուրաքանչյուր ֆոնդի էջում․

Հավասարակշռված ֆոնդ ( ) - https://amundi-acba.am/hy/fund/Ambal
Պահպանողական ֆոնդ ( ) - https://amundi-acba.am/hy/fund/Amcon
Կայուն եկամտային ֆոնդ ( ) - https://amundi-acba.am/hy/fund/Amfix

ℹ Եկամտաբերության նախկին ցուցանիշները չեն հանդիսանում հստակ կողմնորոշիչ ապագա եկամտաբերության համար։
_____________________________
Ամունդի-Ակբան վերահսկվում է ՀՀ ԿԲ կողմից։

#ամունդիակբա #կենսաթոշակայինֆոնդեր #կուտակային

12/05/2026

📊 1-ին եռամսյակում #կենսաթոշակային ֆոնդերը գործեցին շուկայական բարձր անորոշության պայմաններում։

Տարվա սկզբի դրական դինամիկան մարտին արագորեն չեզոքացվեց Մերձավոր Արևելքում տեղի ունեցած անկանխատեսելի իրադարձությունների ազդեցությամբ։ 🌍

Ամունդի-Ակբա կենսաթոշակային ֆոնդերը կրեցին աշխարհաքաղաքական շոկի ազդեցությունը՝ հատկապես միջազգային ներդրումների հատվածում։ Միևնույն ժամանակ, տեղական #ներդրումները դարձան կատարողականի հիմնական դրական աղբյուրը։

Յուրաքանչյուր ֆոնդի ներդրումների և եկամտաբերության մասին առավել մանրամասն ծանոթացեք այստեղ՝ 👉 https://amundi-acba.am/hy/article/investments-and-performance-q1-2026

ℹ️ Եկամտաբերության նախկին ցուցանիշները չեն հանդիսանում հստակ կողմնորոշիչ ապագա եկամտաբերության համար։
__________________
Ամունդի-Ակբան վերահսկվում է ՀՀ ԿԲ կողմից։

#ամունդիակբա #եռամսյակայինհաշվետվություն #կենսաթոշակայինֆոնդեր #կուտակայինկենսաթոշակ #ակտիվներիկառավարում

10/05/2026

Շատ հաճախ հենց աշխարհաքաղաքական ցնցումներն են առաջացնում տնտեսական շոկեր։ 🌍 Դրանք ստանդարտ կանխատեսումներին չենթարկվող անկանխատեսելի իրադարձություններ են, որոնք խաթարում են տնտեսության բնականոն ընթացքը և ազդում տարբեր մակրոտնտեսական ցուցանիշների վրա, ինչպիսիք են գործազրկությունն ու գնաճը։

Տնտեսական շոկը կարող է առաջանալ առաջարկի, պահանջարկի, ֆինանսական, քաղաքականության կամ տեխնոլոգիական փոփոխությունների հետևանքով։

Քանի որ շուկաները փոխկապակցված են, դրա ազդեցությունը կարող է տարածվել տարբեր ոլորտների և երկրների վրա՝ երբեմն ունենալով բացասական ➖, երբեմն էլ դրական ➕ հետևանքներ։

Որպես իրական օրինակ դիտարկենք Մերձավոր Արևելքում, մասնավորապես՝ Հորմուզի նեղուցի ստեղծված իրավիճակը։ 🛢️🚢

1. Էներգետիկա և առևտուր՝ առաջարկի շոկ ⚡

Տարածաշրջանը համաշխարհային էներգետիկայի և բեռնափոխադրումների կարևոր հանգույց է։ Հորմուզի նեղուցով են անցնում աշխարհի նավթի և հեղուկ բնական գազի 20%-ը և այնտեղ առևտրային նավերի շրջափակումը նշանակում է նավթի համաշխարհային մատակարարումների անմիջական և ֆիզիկական կրճատում։ Սա ակնթարթորեն առաջացրել է էներգակիրների գների աննախադեպ աճի ամբողջ աշխարհում:

2. Գնաճ և դրամավարկային քաղաքականություն՝ քաղաքականության շոկ 🏦

Էներգակիրների գների կտրուկ աճը անխուսափելիորեն փոխանցվում է սպառողներին՝ հրահրելով գլոբալ գնաճային ալիք։ Դրան հակազդելու համար կենտրոնական բանկերը ստիպված են միջամտել և բարձրացնել տոկոսադրույքները։ Այս «քաղաքականության շոկը» դարձնում է վարկավորումն ավելի թանկ և դանդաղեցնում տնտեսական աճը։

3. Շուկայի տատանողականություն՝ ֆինանսական շոկ 📊

Շուկաները չեն սիրում անորոշություն։
Հակամարտության շուրջ մտավախությունները հանգեցնում են ֆոնդային շուկաների անկումների։ Ներդրողները արագորեն դուրս են բերում իրենց միջոցները ռիսկային ակտիվներից և տեղափոխում դրանք «ապահով ակտիվներ», ինչպիսինն է ոսկին։

Ֆինանսական աշխարհում հեռավորություններ չկան։
Մեր խորապես փոխկապակցված աշխարհում աշխարհաքաղաքական իրադարձությունները շղթայական ռեակցիայով անխուսափելիորեն հասնում են մեզ 🔗՝ անմիջապես արտացոլվելով վառելիքի գների, խանութի ցուցափեղկերի և մեր խնայողությունների ու ներդրումային պորտֆելների մեծության վրա։

✅ Գլոբալ մտածելակերպ ձևավորելը և աշխարհում կատարվողին հետևելը այլևս պարզապես ինֆորմացված լինելը չէ. դա մեր ֆինանսական կայունության և գրագետ ռիսկի կառավարման գլխավոր նախապայմանն է։

#ամունդիակբա #ֆինանսականգրագիտություն #ներդրումներ #Աշխարհաքաղաքականություն #գլոբալտնտեսություն #ֆինանսականշուկաներ

08/05/2026

Էներգակիրների բարձր գները զսպում են տնտեսական աճը, մինչդեռ գնաճային ռիսկերը ստիպում են կենտրոնական բանկերին պահպանել զգուշավորությունը, իսկ ոսկին շարունակում է մնալ դիվերսիֆիկացիայի կարևոր գործիք։

ℹ️ Ամունդի ներդրումային ինստիտուտի փորձագետները ներկայացնում են մայիսի ներդրումային հեռանկարները՝ հիմնված ամենամսյա թարմացվող մակրոտնտեսական կանխատեսումների վրա։

👉 Կարդացեք ամբողջական վերլուծությունն այստեղ՝ https://researchcenter.amundi-acba.am/hy/article/global-investment-views-may-2026

#ներդրումայինհեռանկարներ

06/05/2026

🎙️ « Հետք»-ի տաղավարում Ամունդի-Ակբայի գլխավոր ներդրումային տնօրեն Հրայր Ասլանյանը պարզաբանել է կուտակային կենսաթոշակային համակարգի մասնակիցների կողմից հաճախ տրվող հարցերը՝ հատուկ անդրադառնալով կենսաթոշակային համակարգին, մասնակիցների հատկացումներին և ֆոնդերի ներդրումներին։

#կենսաթոշակայինհամակարգ #կուտակայինկենսաթոշակ #ամունդիակբա

1 like. "Կենսաթոշակային կուտակումներ. ե՞րբ և ինչպե՞ս կստանաք ձեր միջոցները"

05/05/2026

📚 Տեսությունից դեպի իրական մակրոքաղաքականություն և ֆինանսական շուկաներ:

Ամունդի-Ակբա Ակադեմիայի նախաձեռնությամբ UFAR - Հայաստանում ֆրանսիական համալսարան-ը հյուրընկալել էր Դիդիե Բորովսկուն՝ փորձագետի, ում վերլուծությունների հիման վրա կայացվում են խոշոր ներդրումային որոշումներ։ 🌍📈

🎓 Մեր հանձնառությունն է ուսանողներին հասանելի դարձնել միջազգային լավագույն փորձն ու գիտելիքը և ստեղծել բացառիկ հարթակ, որտեղ նրանք կարող են անձամբ իրենց հարցերն ուղղել ոլորտի փորձագետներին։

Ամունդի-Ակբա Ակադեմիա․ կրթվել, զարգանալ և մասնագիտանալ 🚀

#ֆինանսականգրագիտություն #ամունդիակբաակադեմիա #կրթականհարթակ #գլոբալտնտեսություն #ֆինանսականշուկաներ

01/05/2026

Ձեր կենսաթոշակը կուտակվում է ձեր աշխատանքի շնորհիվ։
Դուք եք ձևավորում ձեր ֆինանսական ապագան։

Իսկ մենք կառավարում ենք ձեր միջոցները մեծ պատասխանատվությամբ՝ միշտ հիշելով, որ յուրաքանչյուր դրամի հետևում ձեր ամենօրյա աշխատանքն է, ջանքը և նվիրումը։

Մեր աշխատանքը մեր վերաբերմունքն է ձեր ամենօրյա աշխատանքին․ սա է մեր գործունեության սկզբունքը։ 🤝

🎉 Շնորհավոր Աշխատանքի միջազգային օր

#ամունդիակբա #աշխատավորներիօր