18/05/2026
Ի՞նչ է ընտանեկան բյուջեն և ի՞նչ տեսակներ ունի․ այսօր կպատմեմ, թե ինչպես կարելի է բյուջեի թեման մատուցել երեխային 🧡
Ամիսը սկսում է, աշխատավարձերը տեղ են հասնում, և գալիս է ժամանակը քննարկելու ամսվա ֆինանսական պլանավորումը։ Իսկ ինչպե՞ս դրա մասին խոսել երեխայի հետ 👇
Բյուջե ունենալն օգնում է խուսափել տհաճ անակնկալներից և խելամիտ ծախսել եկամուտը։ Բացատրեք երեխային, որ ամեն ընտանիք ինքն է որոշում՝ ինչպես կազմել բյուջե, բայց կա ընտանեկան բյուջե ձևավորելու երեք հիմնական տեսակ․
🔸 Ընդհանուր բյուջետավորում․ սա այն դեպքն է, երբ ընտանիքի բոլոր անդամները գրեթե բոլոր ծախսերը կիսում են, այլ կերպ ասած՝ իմ փողը քո փողն է։
🔸 Անհատական բյուջետավորում․ այս դեպքում յուրաքանչյուրը վճարում է միայն իր ծախսածի համար և ընդհանուր ծախսեր, որպես այդպիսին, չկան։
🔸 Խառը բյուջետավորում. սա առավել տարածված մոդելներից է։ Այս դեպքում ամսվա սկզբում որոշակի գումար հավաքվում է ընդհանուր ծախսերի համար, օրինակ՝ կոմունալների, տան վարձի և այլն։ Իսկ մնացորդը ամեն մեկն ինքն է որոշում՝ ինչպես տնօրինի։ Իր փողն է, վերջիվերջո 👀
Իսկ դուք արդեն խոսե՞լ եք ձեր երեխայի հետ ընտանեկան բյուջեից 😊
«Իդրամ» ՍՊԸ-ն վերահսկվում է ՀՀ ԿԲ կողմից:
www.idram.am
060-700-700
