Avagyan Accounting

03/09/2026

🚨 Կարծում եք՝ ամեն ինչ գիտե՞ք դրոշմավորված ապրանքի վաճառքի վերաբերյալ

Դրոշմավորված ապրանքների սկանավորման պահանջը վաղուց է գործում, և թվում է՝ բոլոր տնտեսավարողները գիտեն, թե ինչպես է պետք ճիշտ աշխատել, սակայն հարկային մարմնի կողմից իրականացվող ստուգումներից շատերը վերաբերում են դրոշմավորման պահանջների խախտմանը։

⚠️ Պատճառը գործընթացի փոքր, բայց շատ վտանգավոր սխալներն են։
Օրինակ՝ գիտեի՞ք, թե դրոշմավորված ապրանք իրացնող յուրաքանչյուր վաճառքի կետ ինչ պարտադիր տեխնիկական լուծում պետք է ապահովի վաճառքն իրականացնելուց առաջ։

Կամ՝ եթե ապրանքը վաճառվում է արկղով կամ խմբային փաթեթավորմամբ, յուրաքանչյուր հատ վաճառքի դեպքում սկանավորվում է ընդհանուր փաթեթավորման Data Matrix ծածկագիրը։ Իսկ ի՞նչ պետք է անել, եթե այդ ծածկագիրը փաթեթի վրայից բացակայում է...

📌Թվում են աննշան, բայց հենց այդ սխալներն են, որ հանգեցնելու են տուգանքների։

👇 Գրեք «ԱՎԱԳՅԱՆ» բառը մեկնաբանություններում, և մենք կուղարկենք մանրամասն ուղեցույց e-Mark Համակարգի և Data Matrix ծածկագրերի Կիրառման վերաբերյալ։

💼 Ազատե՛ք ձեզ տուգանքի ռիսկերից՝ վստահելով ձեր բիզնեսի հաշվապահությունը մեր փորձառու թիմին

📞 +374 77 34 04 34

01/09/2026

Շնորհավոր Գիտելիքի օր 📚

Նոր ուսումնական տարվա մեկնարկին զուգահեռ՝ մեր ջերմ շնորհավորանքներն ենք հղում ՀՊՏՀ Գյումրու մասնաճյուղը գերազանցությամբ ավարտած մեր թիմակիցներին 🎓՝

🌟 Թամարա Հարությունյանին
🌟 Անի Հարությունյանին
🌟 Ջեմմա Ասատրյանին

«Ավագյան Ըքաունթինգ»-ի ճկուն աշխատանքային գրաֆիկի շնորհիվ մեր թիմակիցներին հաջողվեց լավագույնս համատեղել պրակտիկ աշխատանքը ուսման հետ՝ գրանցելով բարձր առաջադիմություն և գերազանց արդյունքներ բուհում։

Մեկ անգամ ևս ջերմորեն շնորհավորում ենք բոլորին և մեր ուսանողներին՝ գիտելիքի օրվա կապակցությամբ ☺️😍

29/08/2026

Եթե հաշվապահ չեք, կարող է դժվար հասկանաք ինչի մասին է խոսքը 🧐

26/08/2026

Սկանավորե՞լ շիշը, թե՞ վաճառվող յուրաքանչյուր բաժակը

🍹 Բարմենը բացում է ակցիզային դրոշմանիշով մեկ շիշ խմիչք և պատրաստում 10 տարբեր կոկտեյլ՝ տարբեր հաճախորդների համար։

Գրեթե բոլորը ոլորտում գիտեն՝ դրոշմավորված ապրանքները վաճառքի պահին պարտադիր պետք է հանվեն շրջանառությունից։ Սովորական խանութում դա հեշտ է. ՀԴՄ-ի կամ դրան միացված ծրագրային միջոցներով պարզապես սկանավորում ենք նշանը և տպում կտրոնը։

❓ Սակայն գործնականում առաջանում է հարց․ իսկ ի՞նչ անել, երբ ապրանքը չի վաճառվում ամբողջությամբ, այլ օտարվում է մասնակի կամ օգտագործվում ուտեստի պատրաստման նպատակով։

✅ Այն դեպքերում, երբ ապրանքը նախատեսված է ներքին սպառման համար, վաճառվում է մասնակի (օրինակ՝ բաժակով կամ տոպրակով), կամ օգտագործվում է ծառայության արժեքի մեջ ներառված ձևով (օրինակ՝ կոկտեյլի մեջ), ապա այն պետք է սկանավորվի E-Mark հավելվածի միջոցով՝ մինչև դրա օտարումը, օգտագործումը կամ շրջանառությունից դուրս բերումը։

⚠️ Այսպիսով, կարևոր է ճիշտ ժամանակին կատարել դրա սկանավորումը և ապահովել ապրանքի շրջանառությունից պատշաճ դուրսբերումը, հակառակ դեպքում կարող եք ենթարկվել պատասխանատվության։

Խուսափե՛ք խնդիրներից ժամանակին՝ վստահելով ձեր հաշվապահությունը «Ավագյան Ըքաունթինգ»-ի թիմին 📞 094 67 67 35

22/08/2026

Վրիպում, որը կարող է թանկ արժենալ 🫣😱

19/08/2026

😰 Կանգնած եք խնդրի առաջ՝ ի՞նչ պետք է անել պատռված կամ ավելացած դրոշմապիտակների կամ ակցիզային դրոշմանիշերի հետ

Պատկերացրեք՝ զբաղվում եք հյութերի և գինու արտադրությամբ։ Պատվիրել և ստացել եք ակցիզային դրոշմանիշերի մեծ խմբաքանակ, սակայն արտադրամասում պիտակներից որոշները պատռվում են, իսկ մի մասն այդպես էլ չի օգտագործվում՝ արտադրության ծավալների փոփոխության պատճառով:

Օրենքը թույլ է տալիս դրանք վերադարձնել հարկային մարմնին, եթե պահպանված են բոլոր պայմանները👇
✅ Չօգտագործված դրոշմանիշերի կամ դրոշմապիտակների դեպքում.Պետք է վերադարձնել մինչև դրանց ստացման ամսվան հաջորդող 12-րդ ամսվա վերջին օրը ներառյալ։
✅ Վնասված դրոշմանիշեր կամ դրոշմապիտակների (բացառությամբ դրոշմավորման ընթացքում խոտանվածների) դեպքում. Պետք է վերադարձնել յուրաքանչյուր կիսամյակից հետո՝ մինչև հաջորդ ամսի 20-ը ներառյալ՝ ներկայացնելով դիմում:

Հարկային մարմինը 10 աշխատանքային օրվա ընթացքում կստուգի դրանք և իր որոշման մասին կտեղեկացնի 2 աշխատանքային օրվա ընթացքում։

🚨 ՈՒՇԱԴՐՈՒԹՅՈՒՆ. Հարկայինը ՉԻ ԸՆԴՈՒՆԻ վնասված դրոշմանիշերը կամ դրոշմապիտակները, եթե՝

❌ Դրանք փակցված չեն առանձին էջերի վրա, ունեն ծալքեր կամ անհարթություններ
❌ Հստակ տեսանելի չեն դրանց սերիան և համարը
❌ Պատռված լինելու դեպքում պատռված բոլոր մասերը միմյանց միացված չեն

👇 Եթե ունեք նման խնդրիր և չգիտեք ինչպես վարվել, խուսափեք լրացուցիչ բարդություններից և դիմեք «Ավագյան Ըքաունթինգ»-ի մասնագետների օգնությանը՝ 📞 +374 77 34 04 34

16/08/2026

12/08/2026

📅 Օգոստոսի 12-ին նշվում է երիտասարդների միջազգային օրը

👏 Մենք ուրախ ենք, որ մեր թիմի մեծ մասը կազմված է երիտասարդներից, ովքեր ամեն օր ապացուցում են, որ ուժը ոչ միայն փորձի, այլև նոր սերնդի էներգիայի մեջ է։

08/08/2026

🎁 Վաճառո՞ւմ եք նվեր-տուփեր, որոնց մեջ կան տարբեր ապրանքներ։ Օրինակ՝ 1 շիշ գինի և 1 տուփ շոկոլադ (որոնք ենթակա են դրոշմավորման), ինչպես նաև 1 հուշանվեր բաժակ (որը դրոշմավորման ենթակա չէ)։

Անմիջապես հարց է առաջանում՝ ի՞նչ անել, երբ նույն փաթեթում կամ տարայում առկա են դրոշմավորման ենթակա և ոչ ենթակա ապրանքներ։

Օրենսդրությամբ տվյալ դեպքերի համար գործում են հետևյալ կարգավորումները.
✅ Միայն ենթակա ապրանքները. Ամբողջ փաթեթը (տուփը)՝ որպես մեկ ընդհանուր ապրանք, ենթակա չէ դրոշմավորման: Դրոշմավորումը և դրոշմանիշերի կամ դրոշմապիտակների էլեկտրոնային գրանցումները (այդ թվում` ճշգրտումները) իրականացվում են ՄԻԱՅՆ տուփի ներսում գտնվող՝ դրոշմավորման ենթակա ապրանքների մասով։
✅ Յուրաքանչյուրն առանձին. Տուփում մեկից ավելի դրոշմավորվող ապրանքների առկայության դեպքում, յուրաքանչյուրը դրոշմավորվում և հաշվառվում է առանձին՝ իրեն համապատասխանող դրոշմապիտակով:

🎯 Արդյունքում. Մեր օրինակում կդրոշմավորվեն և համակարգում կհաշվառվեն միայն գինին և շոկոլադը, իսկ ընդհանուր տուփի և հուշանվեր բաժակի համար դրոշմավորում ՉԻ ՊԱՀԱՆՋՎՈՒՄ։

💼 Ազատե՛ք ձեզ ռիսկերից՝ վստահելով ձեր բիզնեսի հաշվապահությունը մեր փորձառու թիմին 👇

📞 +374 77 34 04 34

04/08/2026

🏢 Լիզինգով գնել եք սարքավորում կամ մեքենա. ինչպե՞ս է կատարվելու տոկոսների շահութահարկի նվազեցումը

Լիզինգի վճարվող տոկոսները կարող են նվազեցնել շահութահարկի հարկման բազան, սակայն դրանց ծախսագրումը կախված է հիմնական միջոցի կարգավիճակից,այսինքն ․․․

📌 Եթե գույքը արդեն շահագործվում է, լիզինգի տոկոսները, որպես կանոն, ճանաչվում են տվյալ ժամանակաշրջանի ֆինանսական ծախս և կարող են նվազեցնել շահութահարկի հարկման բազան։

📌 Եթե գույքը դեռ պատրաստ չէ օգտագործման, օրինակ ձեռք է բերվել գույքի միայն մի մասը և այն դեռ չի շահագործվում, տոկոսները կապիտալացվում են, մտնելով արժեքի մեջ այնքան ժամանակ, մինչև գույքը կդառնա ամբողջական և կդրվի գործածության մեջ

Շահագործման հանձնելուց հետո կապիտալացված տոկոսները ճանաչվում են որպես ծախս՝ հիմնական միջոցի ամորտիզացիայի միջոցով, իսկ հետագա տոկոսները՝ որպես ընթացիկ ֆինանսական ծախս՝ նվազեցնելով շահութահարկի հարկման բազան։Սակայն․․․․․․․․․

⚠ Եթե պայմանագրով նախատեսված չէ, որ լիզինգի ավարտին գույքի սեփականության իրավունքը փոխանցվում է լիզինգառուին, ապա ամորտիզացիոն ծախս չի առաջանում, և նվազեցման ենթակա են լինում միայն յուրաքանչյուր ժամանակահատվածի լիզինգի տոկոսները։

📈 Կարևոր է հիշել. Շահութահարկի հաշվարկման ժամանակ լիզինգի տոկոսները միշտ չէ, որ ամբողջությամբ կարող են ծախս ճանաչվել։

🔍 Իսկ թե ինչ սահմանափակում է գործեւմ և ինչպես է կատարվելու հաշվարկը, կարող եք ծանոթանալ մեր նախորդ հրապարակումներից մեկում:

Դե իսկ մեր մասնագետները կօգնեն ձեզ ճիշտ հաշվարկել և նվազեցնել հարկային բեռը։
Դիմե՛ք մեզ՝ 📞 +374 77 34 04 34