German Sparkassenstiftung Armenia

21/05/2026

📚⚡ ԴԱՍԸՆԹԱՑՆԵՐԻ ՄԵԿՆԱՐԿ

📢 Ուրախ ենք տեղեկացնել, որ SAFER նախաձեռնության շրջանակում մեկնարկել է էներգաարդյունավետության և վերականգնվող էներգիայի առավելությունների վերաբերյալ իրազեկման միջոցառումների հերթական շարքը։

Հայաստանի չորս մարզերի՝ Գեղարքունիքի, Շիրակի, Տավուշի և Սյունիքի բարձր դասարանի աշակերտների և քոլեջների ուսանողների շրջանում իրականացվում են դասընթացներ՝ «Էներգաարդյունավետություն և վերականգնվող էներգիա. Ժամանակակից լուծումներ բնակելի տների համար» թեմայով 🌿

👩‍🎓Դասընթացի նպատակն է բարձրացնել երիտասարդների իրազեկվածությունը կլիմայի փոփոխության, էներգախնայողության, կայուն էներգիայի լուծումների, ինչպես նաև բնապահպանության կարևորության վերաբերյալ։

Դասընթացի ընթացքում մասնակիցները ծանոթանում են՝
🔹 կլիմայի փոփոխության ազդեցությանը Հայաստանում
🔹 էներգախնայողության, էներգաարդյունավետության և վերականգնվող էներգիայի լուծումներին
🔹 շենքերում և շինություններում ջերմային հիմնական կորուստներին
🔹 տան էլեկտրական էներգիայի սպառման հիմնական ուղղություններին
🔹 էներգախնայողության հաշվիչներ։

📊 Դասընթացները ներառում են նաև քննարկումներ և գործնական հաշվարկներ։ Մասնակիցներին տրամադրվում են նախաձեռնության շրջանակում մշակված էներգախնայողության հաշվիչներ, որոնց միջոցով նրանք կարողանում են իրենց տան օրինակով կատարել էներգախնայողությունների հաշվարկ։ Սա օգնում է երիտասարդներին ավելի լավ հասկանալ, թե ինչպես կարելի է առօրյա կյանքում խնայել էներգիա, նվազեցնել ծախսերը և նպաստել շրջակա միջավայրի պահպանությանը։

🌍 Իրազեկման բարձրացման այս դասընթացները շարունակվելու են մինչև տարեվերջ՝ ներգրավվելով շուրջ 3000 մասնակցի։

🌱 Երիտասարդների ակտիվ ներգրավվածությունը կարևոր դեր ունի ավելի կայուն, գիտակից և էներգաարդյունավետ համայնքների ձևավորման գործում։

GIZ Armenia
#Էներգաարդյունավետություն #ՎերականգնվողԷներգիա #ԿլիմայիՓոփոխություն #Երիտասարդներ #Կայունզարգացում

SAFER նախաձեռնությունն իրականացվում է «Կայուն էներգիա հանուն Հայաստանում կլիմայակայուն համայնքային զարգացման» (SE4Resilience) ծրագրի շրջանականերում, որը համաֆինանսավորվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության (ԳԴՀ ՏՀԶՆ) կողմից, և իրականացվում է Գերմանական միջազգային համագործակցության ընկերության (GIZ) կողմից

12/05/2026

📌 Կանայք և էներգիան․ ինչու է սա կարևոր
Հայաստանում կանանց 96%-ը օրական միջինում 4–6 ժամ զբաղվում է տնային տնտեսությամբ։ Նրանց հոգսը թեթևացնելու համար կա պարզ լուծում՝ օգտագործել մաքուր և արդյունավետ էներգիա:

🔻Ի՞նչ է սա նշանակում՝

✔ Ավելի առողջ միջավայր երեխաների համար
✔ Ավելի քիչ էներգետիկ ծախսեր
✔ Ավելի շատ հնարավորություններ աշխատանքի կամ կրթության համար

📗 Ծանոթացեք տան ջերմային կորուստները և ծախսերը նվազեցնելու պարզ լուծումների ուղեցույցին SAFER.AM կայքում։
GIZ Armenia
#ԷներգաԽնայողություն #ՎերականգնվողԷներգիա #կայունէներգիադիմակայունընտանիք

08/05/2026

💚 Հարգելի' SAFER նախաձեռնության դիմորդներ, տեղեկացնում ենք, որ հայտերի ընդունման ժամկետն ավարտվել է։

📗 Այժմ ստացված հայտերի մշակման և փաստաթղթերի հավաքագրման փուլն է, որի ընթացքում բոլոր դիմորդները կստանան ծանուցումներ` անհրաժեշտ փաստաթղթերը ներկայացնելու մասին։

‼️ Խնդրում ենք ուշադիր հետևել հայտում նշված Ձեր հեռախոսահամարին (WhatsApp, Viber), քանի որ անհրաժեշտ փաստաթղթերի վերաբերյալ տեղեկատվություն տրամադրելու նպատակով մեր անձնակազմը կապ կհաստատի Ձեզ հետ՝ 077 697474 հեռախոսահամարից։

⌚️ Հաշվի առնելով, շահառուների շրջանում մեծ հետաքրքրությունը՝ հայտերը սպասվածից շատ ավելին են, ուստի գործընթացը կտևի ավելի երկար։

08/05/2026

📢 SAFER նախաձեռնության շրջանակում շարունակվում են իրազեկման և հանրային հաղորդակցության միջոցառումները։

Այս շրջանակում CivilNet Business հարթակում կազմակերպվել է հարցազրույց GIZ-ի կողմից իրականացվող «Կայուն էներգիա հանուն Հայաստանում կլիմայակայուն համայնքային զարգացման» (SE4Resilience) ծրագրի ղեկավար Օլգա Վայգելի հետ.

Հարցազրույցի ընթացքում ներկայացվել են SE4Resilience-ի ծրագրի նպատակները, Հայաստանում էներգաարդյունավետության և վերականգնվող էներգիայի ոլորտում առկա հնարավորությունները, ինչպես նաև աջակցությունը խոցելի և կին գլխավոր ունեցող տնային տնտեսություններին։
🎯 SAFER նախաձեռնությունը նպատակ ունի ոչ միայն խթանել էներգաարդյունավետ լուծումների կիրառումը, այլ նաև բարձրացնել բնակչության իրազեկվածությունը, ձևավորել էներգախնայող վարքագիծ և նպաստել ավելի դիմակայուն ու կայուն համայնքների զարգացմանը։

📺 Հարցազրույցին կարող եք ծանոթանալ ստորև
----------------------------------------
📢 Awareness-raising and public communication activities continue under the SAFER initiative.

In this framework, an interview was organized in CivilNet Business platform with Ms. Olga Weigel, Project Manager of the GIZ-implemented “Sustainable Energy for Climate Resilient Municipal Development in Armenia” (SE4Resilience) project.

The interview highlights the objectives of the SE4Resilience, opportunities for energy efficiency and renewable energy development in Armenia, as well as the SAFER initiative’s support to vulnerable and women-headed households.
🎯 The SAFER initiative aims not only to promote energy-efficient and renewable energy solutions, but also to strengthen public awareness, encourage energy-saving behavior, and contribute to the development of more resilient and sustainable communities.

📺 Watch the full interview below

23/04/2026

Էլեկտրական սարքավորումների էներգաարդյունավետության դասերը (A-ից մինչև D) օգնում են սպառողին հասկանալ, թե որքան խնայող է տվյալ սարքը։ Սանդղակը սովորաբար գունավորված է կանաչից (ամենաարդյունավետ) մինչև կարմիր (ամենաշատ սպառող)։

Ահա թե ինչ է նշանակում յուրաքանչյուր դասը.

🟢 Դաս A (և դրա ենթադասերը՝ A+, A++, A+++)
Սա ամենաբարձր և ամենախնայող մակարդակն է։
A+++: Ամենաբարձր արդյունավետությունը։ Այս սարքերը սպառում են նվազագույն էլեկտրաէներգիա՝ օգտագործելով նորագույն տեխնոլոգիաներ:
A++ և A+: Նույնպես շատ խնայող են, բայց մի փոքր զիջում են A+++-ին։
Առավելությունը: Չնայած գնման պահին դրանք ավելի թանկ են, սակայն տարիների ընթացքում խնայում են հսկայական գումարներ էլեկտրաէներգիայի վարձավճարների տեսքով։

🟡 Դաս B
Այս դասի սարքերը համարվում են «միջինից բարձր» արդյունավետության։
Դրանք ավելի լավն են, քան հին սերնդի տեխնիկան, բայց ավելի շատ էներգիա են ծախսում, քան A դասի սարքերը։
Հաճախ սրանք այն սարքերն են, որոնք ունեն լավ գին-որակ հարաբերակցություն, բայց չունեն ամենաթանկարժեք խնայողական համակարգերը։

🟠 Դաս C
Սա համարվում է միջին կամ անցումային մակարդակ։
Այս դասի սարքերը սպառում են զգալիորեն ավելի շատ էներգիա, քան A դասինը։ Ժամանակակից շուկայում շատ կենցաղային սարքեր (օրինակ՝ սառնարաններ) արդեն գրեթե չեն արտադրվում C դասի, քանի որ դրանք համարվում են ոչ շահավետ սպառողի համար։

🔴 Դաս D
Սա սանդղակի ամենացածր արդյունավետություն ունեցող մակարդակն է (ժամանակակից ստանդարտներով)։
Էներգիայի սպառումը շատ բարձր է։ Սարքը կարող է էժան լինել խանութում, բայց այն «թանկ է նստելու» Ձեզ վրա ամեն ամիս վճարումներ կատարելիս։
Տեխնոլոգիա: Սովորաբար օգտագործվում են հնացած մեխանիզմներ, որոնք աշխատանքի ընթացքում կորցնում են շատ էներգիա (օրինակ՝ ջերմության տեսքով)։

🔻2021 թվականից Եվրոպական Միությունը ներդրել է նոր պիտակավորում, որտեղ սանդղակը վերադարձել է պարզ A-ից D տարբերակին (առանց «+»-ների)։

#Էներգախնայողություն #ԿանաչԷներգիա

18/04/2026

🌱 Ուրախությամբ ներկայացնում ենք Հայաստանում գյուղատնտեսական բիզնեսներին աջակցելու մեր նախաձեռնության հիմնական արդյունքները՝ օգնելու նրանց ավելի լավ հասկանալ կլիմայի փոփոխությունից բխող ռիսկերը և հնարավորությունները։

📅 2025 թ. դեկտեմբերից մինչև 2026 թ. մարտ Արագածոտնի, Կոտայքի, Արարատի և Արմավիրի մարզերում, ինչպես նաև Երևանում իրականացվել են դասընթացներ և տեղեկատվական հանդիպումներ, որոնց մասնակցել են 215 ֆերմեր և 21 փոքր բիզնեսի ներկայացուցիչ։

💡Նախաձեռնության հիմնական ուժեղ կողմերից մեկը դրա ուսուցման մեթոդաբանությունն էր։ Ծրագիրը համադրել է Կլիմայի դիմակայունության կառավարման վարժությունը և խմբային քննարկումները։ Ֆերմերների համար դասընթացներն իրականացվել են եռօրյա ձևաչափով, իսկ ՓՄՁ-ների համար՝ մեկօրյա։

📈 Գնահատման արդյունքները ցույց են տվել, որ ծրագիրը ոչ միայն ապահովել է լայն ընդգրկում, այլև տվել է շոշափելի ուսումնական արդյունքներ։ Մասնակիցներն ավելի լավ են հասկացել կլիմայի փոփոխությունից բխող ֆինանսական ռիսկերը, հարմարվողականության հնարավորությունները, ինչպես նաև ֆինանսական կրթության և բյուջեի պլանավորման կարևորությունը։ Հատկանշական է, որ մասնակից ֆերմերների 55%-ը կանայք էին։
🤝 Այս նախաձեռնությունն իրականացվել է Գերմանական միջազգային համագործակցության ընկերության (GIZ) PROGRESS ծրագրի շրջանակում՝ Գերմանական Խնայողական բանկերի միջազգային համագործակցության հիմնադրամի (DSIK) կողմից։
-----------------------
🌱We are pleased to share the key results of our initiative to support agricultural businesses in Armenia in better understanding the risks and opportunities coming from climate change.

📅 From December 2025 to March 2026, training activities and informational sessions were delivered across Aragatsotn, Kotayk, Ararat, and Armavir regions, as well as in Yerevan, engaging 215 farmers and 21 small businesses.
One of the initiative’s main strengths was its training methodology. The program combined the Managing Climate Resilience (MCR) Simulation with group discussions. The farmer component was delivered in a three-day format, while the MSME one-day format.

📈 The evaluation findings show that the program achieved not only strong outreach but also tangible learning results. Participants improved their understanding of climate-related financial risks, adaptation opportunities, and the importance of financial education and budget planning. Notably, 55% of the participating farmers were women.

🤝 This initiative was implemented under the GIZ PROGRESS program by German Sparkassenstiftung for International Cooperation (DSIK).

18/04/2026

📢 Դարձե՛ք DSIK Armenia-ի կամավոր
German Sparkassenstiftung for International Cooperation (DSIK) Armenia-ն հրավիրում է 18–25 տարեկան ակտիվ երիտասարդներին միանալու կամավորների թիմին՝ աջակցելու «Մասնագիտական կրթության և ուսուցման քոլեջների դասավանդողների կարողությունների զարգացում՝ կայուն ձեռնարկատիրության և կլիմայական հարմարվողականության ուղղությամբ» ծրագրի իրականացմանը։

Կամավորները կարող են ներգրավվել հետևյալ ուղղություններով՝
🔹 միջոցառումների և դասընթացների կազմակերպչական աջակցություն
🔹 հաղորդակցություն մասնակիցների և քոլեջների հետ
🔹 լուսանկարահանում / կարճ վիդեո փաստագրում
🔹 տվյալների և պարզ հաշվետվությունների աջակցություն

📍 Վայրը՝ հիմնականում Երևան, առանձին դեպքերում՝ նաև առցանց կամ մարզերում

⏱ Ծանրաբեռնվածությունը՝ միջինում մոտ 10–15 ժամ շաբաթական

📄 Հաջողությամբ ներգրավված կամավորները կստանան DSIK Armenia-ի կամավորության վկայական

Ովքե՞ր կարող են դիմել
✅ 18–25 տարեկան երիտասարդներ
✅ հաղորդակցվող, պատասխանատու և թիմային աշխատանքի պատրաստ
✅ ունեն Word / Excel / PowerPoint-ի բազային իմացություն
✅ անգլերենի իմացությունը կդիտվի որպես առավելություն

📌 Դիմումների վերջնաժամկետը՝ 26.04.2026

📝 Դիմելու համար խնդրում ենք ծանոթանալ մանրամասներին և լրացնել հայտը այստեղ՝ https://drive.google.com/file/d/19Yo04mW8pmhjoqZduaPNGVSspgoUYW6C/view?usp=sharing

📧Հարցերի դեպքում՝ [email protected]

17/04/2026

📌 Ի՞նչ է տների էներգետիկ աուդիտը և ինչու է այն կարևոր

🔎 Էներգետիկ աուդիտը ձեր տան «բժշկական ստուգումն» է։

✅ Էներգետիկ աուդիտը պետք է իրականացվի մասնագետի կողմից։
✔ Այն բացահայտում է էներգետիկ կորուստների հիմնական աղբյուրները
✔ Առաջարկում է միջոցառումներ, որոնք նպաստում են էներգիայի խնայողությանը և արդյունավետ օգտագործմանը
✔ Բարելավում է բնակելի միջավայրի հարմարավետությունը

SAFER նախագծի շրջանակում շահառու ընտրված 300 խոցելի և կին գլխավոր ունեցող տնային տնտեսություններում կիրականացվի տների էներգետիկ աուդիտ։

💚Ճիշտ որոշումը սկսվում է ճիշտ հաշվարկից․ հաշվե՛ք Ձեր տան հետ կապված էներգախնայողությունները՝ այցելելով SAFER.AM կայք, որտեղ կգտնեք էներգախնայողության տարբեր հաշվիչներ։ 📟

#ԷներգետիկԱուդիտ #ԽելացիՆերդրում #ԷներգաԽնայողություն #ՎերականգնվողԷներգիա #ԿայունէներգիաԴիմակայունԸնտանիք

08/04/2026

🔴 SAFER նախաձեռնության հանրային արշավի միջոցառումների շրջանակում ծրագրի ազգային համակարգող Արգամ Արշակյանը՝ Գեղամա հեռուստաընկերության տաղավարում հարցազրույցի ձևաչափով մանրամասն ներկայացրել է նախաձեռնության շրջանակում խոցելի և կին գլխավոր ունեցող տնային տնտեսություններին էներգաարդյունավետության և վերականգնվող էներգիայի աջակցության միջոցառումների, հայտերի ընդունման գործընթացի և նախաձեռնության մյուս բաղադրիչների վերաբերյալ տեղեկատվություն: 📑

🔴 Within the framework of the SAFER initiative's public campaign events, Argam Arshakyan, the national project coordinator, presented a comprehensive overview of the energy efficiency and renewable energy support measures available to vulnerable and women-led households, he also provided information on the application process and other components of the initiative in an interview format at the Geghama TV pavilion. 📑
https://youtu.be/F3Bmzg8jF1A?si=9ONXR2YteJdjPTgX

GIZ Armenia
#ԷներգաԽնայողություն #ՎերականգնվողԷներգիա #ԿայունէներգիաԴիմակայունԸնտ

Շիրակի, Տավուշի, Սյունիքի և Գեղարքունիքի մարզերի բնակիչների համար լավ հնարավորչություն է ստեղծվել բարելավելու իրենց տան էներգաարդյունավետությունը, կրճատելու ...

07/04/2026

🏠 Տան ջերմամեկուսացումը կարող է նվազեցնել ջերմային կորուստները։ Թեև ներդրման արժեքը կարող է թվալ բարձր, սակայն պարզ ետգնման ժամկետը երկար չէ, իսկ երկարաժամկետ առումով դա կարող է՝
✔ զգալիորեն կրճատել ջեռուցման ծախսերը
✔ բարձրացնել անշարժ գույքի արժեքը
✔ ապահովել ավելի առողջ միջավայր

Հիշեք՝ վատ ջերմամեկուսացված տունը նույնն է, ինչ բաց պատուհաններով ջեռուցումը։

📌Ջերմամեկուսացման օգուտները ավելի մանրամասն կարող եք հաշվել safer.am կայքում։

#ԷներգաԽնայողություն #ՎերականգնվողԷներգիա #ԿայունէներգիաԴիմակայունԸնտանիք
#ԷներգախնայողՏուն #ԿյանքիՈրակ

02/04/2026

🌱 SAFER նախաձեռնության շրջանակում թիրախային չորս մարզերում՝ Շիրակ, Տավուշ, Սյունիք, Գեղարքունիք իրականացվել են կարողությունների զարգացմանը միտված դասընթացներ՝ կանանց ռեսուրսային հասարակական կազմակերպությունների համար։

📊 Հանդիպումները կազմակերպվել են ինտերակտիվ ձևաչափով՝ ներառելով ներկայացումներ, գործնական վարժություններ և քննարկումներ։

Արդյունքում մասնակից ՀԿ-ները՝
🔹 ստացել են գիտելիքներ էներգաարդյունավետության և վերականգնվող էներգիայի վերաբերյալ
🔹 ամրապնդել են իրենց դերը՝ որպես կապող օղակ նախաձեռնության և 300 շահառու տնային տնտեսությունների միջև հայտերի լրացման գործընթացում տեխնիկակական աջակցություն ցուցաբերելու համար
🔹 ապահովվել են անհրաժեշտ կրթական նյութերով ԷԱ/ՎԷ վերաբերյալ՝ հետագա իրազեկման աշխատանքներ իրականացնելու համար։

❤️ Շնորհակալություն նախաձեռոնության գործընկեր հասարակական կազմակերպություններին՝ պատրաստակամության և ակտիվ ներգրավվածության համար։

Միասին ձևավորում ենք ավելի իրազեկ և ակտիվ համայնքներ 💚

#Էներգաարդյունավետություն #ՎերականգնվողԷներգիա
#ԿայունԶարգացում #ՀամայնքայինԶարգացում
#ԿայունԷներգիաԴիմակայունԸնտանիք