05/06/2026
Gjatë muajit Maj 2026, Grupi i Auditimit të Brendshëm në BKT shënoi Muajin e Ndërgjegjësimit për Auditimin e Brendshëm me një sërë aktivitetesh të konceptuara për të forcuar kuptimin mbi profesionin dhe për të nxitur dialogun në të gjithë bankën.
Një nga iniciativat ishte një prezantim i shpërndarë për të gjithë stafin, i cili ofronte njohuri praktike mbi qëllimin e Auditimit të Brendshëm dhe rolin që ai luan në përmirësimin dhe mbështetjen e qeverisjes, menaxhimit të rrezikut dhe kontrolleve të brendshme. Duke i paraqitur këto koncepte në një mënyrë të qartë dhe të kuptueshme, ekipi synoi të theksojë se si Auditimi i Brendshëm kontribuon në strategjinë dhe objektivat më të gjera të bankës, por jo vetëm.
Muaji përfshiu gjithashtu një kuiz interaktiv, i hapur për punonjësit në të gjithë bankën. I konceptuar për të qenë njëkohësisht informues dhe tërheqës, ky aktivitet inkurajoi stafin të testonte njohuritë mbi Auditimin e Brendshëm duke shtuar edhe një element konkurrence miqësore. Tre pjesëmarrësit më të shpejtë me përgjigje të sakta u vlerësuan me çmime, duke ndihmuar në rritjen e entuziazmit rreth kësaj iniciative.
Përveç kësaj, anëtarët e Grupit të Auditimit të Brendshëm organizuan diskutime në formën e “open office hours”, duke u dhënë kolegëve të bankës mundësinë të bëjnë pyetje, të shkëmbejnë mendime dhe të flasin hapur me auditorët për funksionin e Auditimit të Brendshëm. Këto biseda kontribuan në krijimin e një ndjenje më të fortë lidhjeje midis Auditimit të Brendshëm dhe pjesës tjetër të bankës.
Fushata u përmbyll me iniciativën “Internal Audit Spotlight”, në të cilën secili auditor ndau një citat personal që pasqyronte perspektivat individuale brenda ekipit.
Përmes këtyre aktiviteteve, Muaji i Ndërgjegjësimit për Auditimin e Brendshëm shërbeu si një kujtesë se Auditimi i Brendshëm nuk është vetëm një funksion kontrolli, por edhe një partner i besueshëm, një funksion që dëgjon, angazhohet dhe kontribuon në përmirësimin e vazhdueshëm të bankës.
