Paktika Chamber of Commerce and Investment

01/09/2025

د پکتیکا سوداګرۍ او پانګونې خونې د تسلیت پیغام!!!

په ژورې خواشینۍ سره مو خبر ترلاسه کړ چې د کونړ، ننګرهار او لغمان ولایتونو په بېلابېلو سیمو کې د تېرې شپې زلزلې له امله له بده مرغه ګڼ شمېر هېوادوال خپل ژوند له لاسه ورکړی، ټپیان شوي او مالي زیانونه یې لیدلي دي.

د پکتیکا سوداګرۍ او پانګونې خونه د دې ناوریني پېښې له امله د قربانیانو کورنیو، ټپیانو او د ټول افغان ملت سره خپله خواخوږي او ژوره همدردي څرګندوي. له لوی الله تعالی څخه د ټولو شهیدانو لپاره د جنت الفردوس لوړ مقام، د ټپیانو لپاره عاجله شفا او د پاتې کورنیو لپاره د صبر جمیل غوښتنه کوو.

دا پېښه د افغان ملت لپاره یوه ستره غمیزه ده. موږ له ټولو ملي تجارانو، خیریه بنسټونو او اړوندو ادارو غوښتنه کوو چې د زلزله‌ ځپلو خلکو سره بېړنۍ مرستې او ملاتړ ترسره کړي.

انا لله و انا الیه راجعون

د پکتیکا سوداګرۍ او پانګونې خونه
رسنېزه څانګه

01/09/2025

د ملي تجار ښاغلي ضياءالحق وزیرزي په لارښوونه، ډېر ژر د وزیرزي خیریه بنسټ، د پکتیکا سوداګرۍ او پانګونې خونې او د افغانستان علي خېلو شورا په همغږۍ یو مرستندوی پلاوی کنړ ولایت ته استول کېږي.

یاد پلاوی به د مالي مرستو د تنظیم او وېش لپاره د میکانیزم جوړولو هراړخیز پلان ترتیب کړي او په لنډ وخت کې به د زلزله‌ ځپلو سیمو لیدنه وکړي. همدارنګه د اړینو مرستندویو توکو رسونه او وېش به د ښاغلي وزیرزي په مالي ملاتړ ترسره شي.

هیله ده چې په دې سختو او دردناکو شېبو کې ټول ملي تجاران د هېوادوالو د ملاتړ او لاسنیوي لپاره یو ځای شي او د زلزله‌ ځپلو کورنیو ترڅنګ ودریږي.

د پکتیکا سوداګرۍ او پانګونې خونه
رسنیزه څانګه

30/08/2025

د پکتيکا ولايت د سوداګرۍ او پانګونې خونې د مبارکۍ او ملاتړ پیغام!!!

د پکتيکا ولايت د سوداګرۍ او پانګونې خونه، د افغانستان د سوداګرۍ او پانګونې خونې د مديره هيئت د نویو غړو په ځانګړي ډول د ښاغلي میرویس کټوازی د ټاکل کېدو له امله، له زړه مبارکي وړاندې کوي.

ښاغلی میرویس کټوازی يو ملي‌پال، مسلکي او د احساساتو څخه ډک تکړه سوداګر دی، چې تل یې د خصوصي سکتور د پياوړتیا، د هېواد د پانګونې پراختیا او اقتصادي ودې لپاره نه ستړې کېدونکې هڅې کړې دي.

موږ باور لرو چې د افغانستان د سوداګرۍ او پانګونې خونې په مديره هيئت کې د نوموړي حضور به د هېواد په کچه پانګونې ته نوي فرصتونه رامنځته کړي، د تجارانو ستونزې به پر وخت او په اغېزمن ډول حل شي، او زرګونه د کار زمینه به برابر کړي. دا هر څه به د هېواد د اقتصادي ثبات، پرمختګ او ښېرازۍ لامل شي.

د پکتيکا د سوداګرۍ او پانګونې خونه د ښاغلي میرویس کټوازي په ټولو ملي نوښتونو او برنامو کې د اوږې ورکولو ډاډ ورکوي او ژمنه کوي چې د هېواد د آبادۍ، پانګونې پراختیا او اقتصادي ودې په لار کې به ورسره اوږه پر اوږه ولاړه وي.

په پای کې، يو ځل بیا دروند کټوازی صیب ته د زړه له کومې د برياليتوب مبارکي وایو، د لا نورو برياوو هيله ترې لرو، او ډاډ ورکوو چې د افغانستان د ښيرازۍ په لار کې به ورسره تل ملګري او همکار پاتې شو.

په درناوي،
ضیاءالحق وزیرزی
د پکتيکا ولايت د سوداګرۍ او پانګونې خونې د مديره هيئت رییس

04/08/2025

د پکتيکا ولايت د سوداګرۍ او پانګونې خونې د مبارکۍ او ملاتړ پیغام!!!

د پکتيکا ولايت د سوداګرۍ او پانګونې خونه د افغانستان د سوداګرۍ او پانګونې خونې د مديره هيئت د عمومي رئيس په توګه د ښاغلي الحاج سيد محمد کريم هاشمي ټاکنه له زړه مبارکوي. ښاغلی هاشمي يو ملي‌پال، مسلکي، او د احساسه ډک سوداګر دی، چې تل يې د خصوصي سکتور د پياوړتيا او هېواد د اقتصادي پرمختګ لپاره هڅې کړې دي.

موږ باور لرو چې د نوموړي په مشرۍ به د هېواد په کچه پانګونې ته پراخ فرصتونه برابر شي، د تجارانو ستونزو ته به پروقت حل لاری پیدا شي چې ورسره به زرګونه کاري فرصتونه رامنځته شي، چې دا هر څه د افغانستان د اقتصادي ثبات او ښېرازۍ لامل ګرځي.

د پکتيکا د سوداګرۍ او پانګونې خونه د ښاغلي هاشمي په ټولو ملي برنامو ،ملي نوښتونو کې اوږه ورکوې او پوره ملاتړ کوي، او ژمنه کوي چې د هېواد د آبادۍ، پانګونې پراختيا، او اقتصادي ودې په لاره کې به ورسره اوږه پر اوږه ولاړه وي.

په پای کې، يو ځل بيا دروند هاشمي صيب ته د زړه له کومې د برياليتوب مبارکي وايو، د لا نورو لاسته راوړنو هيله ترې لرو، او ډاډ ورکوو چې د افغانستان د ښيرازۍ په لاره کې به ورسره همغږې او ملګري يو.

په درناوي،
ضیاءالحق وزیرزی
د پکتيکا ولايت د سوداګرۍ او پانګونې خونې د مديره هيئت رییس

15/07/2025

د ولسي او حماسي شاعر مطیع‌الله تراب د مړینې له امله د خواشینۍ پیغام!!!

په ژوره خواشینۍ سره مو خبر ترلاسه کړ چې د هېواد تکړه، حماسي او ولسي شاعر، لیکوال، ژبپوه او ملي مفکر مطیع‌الله تراب د زړه د حملې له امله له دې نړۍ سترګې پټې کړې.

مرحوم تراب نه یوازې د ادب یو غښتلی ستوری و، بلکې د ولس د وجدان ژبه، د ملي هویت مدافع، او د فرهنګي ارزښتونو یو ریښتینی مبارز و. د هغه اشعارو د پښتو ژبې زړورتیا، غرور، او د ملت دردونه تر نړۍ ورسول. هغه به تل زموږ د ادبي حافظې، فرهنګي هویت، او تاریخي افتخاراتو برخه پاتې وي.

د پکتیکا سوداګرۍ او پانګونې خونه، چې د فرهنګي ارزښتونو ترڅنګ د ولس د اقتصادي پرمختګ لپاره کار کوي، د نوموړي مړینه د هېواد لپاره یوه نه جبرانېدونکې ضایعه ګڼي. دا اداره د ارواښاد درنې کورنۍ، فرهنګي قشر، د ادب مینه‌والو او د ټول افغان ولس سره خپله ژوره خواخوږي شریکوي.

لوی رب دې مطیع‌الله تراب ته جنتونه ورنصیب کړي، او د هغه کورنۍ ته دې د زغم، صبر او تسل توفیق ورکړي.

انا لله و انا الیه راجعون

په درنښت،
د پکتیکا سوداګرۍ او پانګونې خونه

19/02/2025

22/03/2024

د هیواد اقتصادی پرمختګ پر لور عالې ګام !!!
لاندې لینک کې د ويدیو لیدل حتمې ده چې هیرمو نشې.

22/03/2024

د هیواد اقتصادی پرمختګ پر لور عالې ګام !!!
لاندې لینک کې د ويدیو لیدل حتمې ده چې هیرمو نشې.