06/08/2026
بعد مراجعة 🔍 المنشورات السابقة لقيت بلي فايت تكلمت بالتفصيل 📝 على الاطار الجبائي لمداخيل الكراء أو ما يعرف فالقاموس الجبائي بالدخول العقارية ولهذا هاد ☝️ المرة غادي نبعدو على التنظير 🧑🏫 في مايخص حساب الضريبة على مداخيل الكراء وغادي ناخدو مثال حي ونحسبو 🧮ليه الضريبة السنوية ديالو و مع كل حساب غادي ندكرو بالقواعد 🧠 الجبائية لي كاتأطر الحساب لي درنا وهادشي كامل بطريقة سلسة ومبسطة 😇 كيفما عودناكم...
✅ المثال ديالنا هو كالتالي :
🔹شخص أجير 👔 (خدام يا فالقطاع العام أو الخاص)، متزوج عندو 3 ديال الأبناء 👨👩👦👦، عندو واحد المحال كاريه لواحد الشركة
🔹بالنسبة للأجر ديالو مافيهش إشكال لأن المشغل ديالو كايقطع ليه كل شهر الضريبة على الدخل وكيدفعها لدار الضريبة،
غادي نعتابرو أن الدخل السنوي ديالو كأجير الخاضع للضريبة على الدخل هو 000 120 درهم وأن مجموع ماتم اقتطاعه فالسنة هو على هاد الأجر هو 800 16 درهم
🔹ثاني معطى هو السومة الكرائية السنوية ديال المحال لي غادي نعتابروها كاتساوي 000 144 درهم أي 000 12 درهم للشهر
✅ ندوزو دبا لحساب الضريبة السنوية على الدخل
1⃣الطريقة الأولى هي نحسبو 🧮 الضريبة وفق شروط القواعد العامة (لي هي الطريقة العادية)
🔹فهاد الحالة الأولى غادي يكون مفروض على الشركة لي كاري ليها صاحبنا أنها تقطع ليه كل شهر واحد المبلغ من السومة الكرائية، هاد المبلغ لي غادي تقطعو ودفعو لدار الضريبة كيمثل 15% من السومة الكرائية بالنسبة للمبلغ لي فايت سنوياً 000 120 درهم
وبالتالي فالحالة ديالنا غادي تكون قطعات ليه فالعام 15% من 000 144 أي ما مجموعه 600 21 درهم
للإشارة صاحبنا خاصو يصرح 👨💻 قبل فاتح مارس من السنة الموالية بمجموع المداخيل 💰 ديالو ويخلص عليهوم الضريبة، غادي تقول لي راه المداخيل ديالو بجوج تقطعات منهوم الضريبة من المنبع 🤷♂️ سواءً الأجر الشهري أو السومة الكرائية...غادي نجاوبك ونكوليك بلي داك الإقتطاع غير إبرائي non libératoire ...تبع معايا باش تفهم
📍 أولاً غادي نحسبو الأساس لي غادي تفرض عليه الضريبة كالتالي :
عندنا 👇
المبلغ الخام للدخول العقارية هو 000 144 درهم
التخفيض على الدخول العقارية 40 % أي 40 % مضروبة ف 000 144 لي هو 600 57 درهم
غادي يعطينا 👈 الأساس الصافي لي مفروضة عليه الضريبة بالنسبة للدخول العقارية هو 000 144 ناقص 600 57 أي 400 86 درهم
غادي نزيدو عليها الدخل السنوي الخاضع للضريبة كأجير ولي هو 000 120 درهم وبالتالي غادي نوصلو لمبلغ إجمالي سنوي ديال 400 206 درهم (400 86 + 000 120)
📍ثانياً غادي نطبقو الضريبة على هاد الأساس لي حسبنا
إلا عرضنا 400 206 درهم على السلم barème ديال حساب الضريبة على الدخل غادي نلقاو بلي مبلغ 400 206 درهم جا فالشريحة لي خاضعة لسعر 37% (فايت 000 180) وبالتالي الضريبة غادي نحسبوها بطريقة سريعة كالتالي :
غادي نضربو 400 206 ف 37 % وغادي نقصو مبلغ 400 27 (كانحسبو بالسلم السنوي ماشي الشهري لي كنحسبو بيه الضريبة على الدخل بالنسبة للأجور) غادي تخرج لينا 968 48 درهم، هادي الضريبة الخام لي غادي نقصو منها عدت أشياء باش نوصلو للضريبة الصافية
📍أول حاجة غادي نقصوها هي الأعباء العائلية (المشرع عطاك إمتياز ديال أنك تنقص سنوياً 600 درهم عن كل فرد من الأسرة المتكفل بهم بما في ذلك الزوجة)، فهاد الحالة صاحبنا متزوج وعندو 3 أبناء وبالتالي المبلغ لي غادي نقصو هو 600 مضروبة ف 4 أي 400 2 درهم
📍فالمرحلة الثانية غادي نقصو الإقتطاعات من المنبع الخاصة بالأجر وكذلك بالكراء ولي هي 800 16 زائد 600 21 درهم (حتى حاجة ماكاضيع) أي ما مجموعه 400 38 درهم
وبالتالي غادي نقصو من الضريبة الخام لي هي 968 48 درهم مبلغ 400 2 درهم ومبلغ 400 38 درهم
📍 وعليه فالضريبة لي غادي يخلص صاحبنا ملي غادي يدير التصريح السنوي 👨💻 بالدخل هي 168 8 درهم
2⃣الطريقة الثانية هي إختيار الإقتطاع من المنبع بسعر 20%
هادشي كيعني أن صاحبنا غادي يدير واحد الطلب 👨💻 لمديرية الضرائب وغادي يعطي التوصيل للشركة المكترية باش تولي تقطع ليه 20% من السومة الكرائية عوض 15%,
هاد 20% إبرائية libératoire 🕊، أي كتعفيه إعاود إحسب الضريبة على مداخيل الكراء ملي غادي يحسب الضريبة السنوية على الدخل
📍وبالتالي غادي يتقطع ليه سنوياً من السومة الكرائية 000 144 مضروبة ف 20% أي 800 28 درهم
وبما أن صاحبنا عندو غير مدخول واحد 🤷♂️ آخر لي هو الأجر salaire ، فصاحبنا معفي 🙅 من أنه إيدير التصريح السنوي على الدخل
قبل مانختمو هاد المنشور غادي نديرو مقارنة بين شحال ديال الضريبة خلص فكل حالة
✅ الحالة الأولى عندنا الإقتطاع من الأجر زائد الإقتطاع من الكراء بسعر 15% زائد ضريبة التصريح السنوي أي 800 16 زائد 600 21 زائد 168 8 أي ما مجموعه 568 46 درهم
✅ الحالة الثانية عندنا الإقتطاع من الأجر زائد الإقتطاع من الكراء بسعر 20% أي 800 16 زائد 800 28 أي ما مجموعه 600 45 درهم
من هنا نستنتج 🤓 أن الإختيار الثاني أقل كلفة فهاد المثال لي خدينا
✍️Simofinance
