Simo Finance .

07/04/2026

صراحة مدة هادي مابقيت كانشوف التعاليق، غير طليت دبا شوية بانو لي مجموعة من الإنحرافات لا من ناحية المفاهيم أو من ناحية الأخلاق…ناقشو بعلم وأدب وإلا قد أعذر من أنذر
🤣🤣🤣

06/04/2026

نقاش فيه إضافة حول الضريبة على القيمة المضافة TVA

04/04/2026

لي شاد ملف محاسباتي ديال شخص ذاتي personne physique هاد le séminaire ليك ، رابط الإنضمام للمجموعة : https://chat.whatsapp.com/DWMseXYYpcA4kePkW5XH04?mode=gi_t

04/04/2026

04/04/2026

ملي كانتكلمو على المقاولة 🏭 l'entreprise كل واحد و والزاوية منين كايشوفها 👓 ، كاين لي كايشوفها من زاوية نظر ربحية 🤑 وكاين لي كيشوفها من زاوية نظر إقتصادية 📉 ولكن نتا (نتي) 🫵 كمحاسب(ة) خاصك تشوفها 👀 من زاوية نظر مغايرة لأن الدور الأول ديالك هو تعرف وتبع وتفرز العمليات لي خاصها تسجل ⌨ فالمحاسبة ولي ماخصهاش تسجل وبالتالي غادي يخصك تشوف المقاولة كواحد المركز 🎯 لي كايدوزو منو مجموعة ديال التدفقات 🔀 أو مايعرف محاسباتياً ب des flux

هاد 👈 les flux هوما لي غادي تعتامد عليهوم باش تعرف 👌 المكونات ديال العملية ، واش خاصها أصلاً تسجل 👨‍💻 ، شنو غادي دير ف débit وشنو غادي دير ف le crédit...

هادشي لي قلت سابقا ماشي ترف فكري 😇...راه ملي كاتجي قدامك عملية محاسباتية جديدة عليك أو معقدة ماغادي يفكها معاك غير l'analyse 🧪 ديال le flux وأصلاً هاد l'analyse راه كاديرها بلا ماتشعر...

نرجعو ل les flux ديالنا ، عموماً نقدرو نصنفو les flux حسب جوج ديال المعايير :

1⃣ المعيار الأول هو المكان 🎯 ديال le flux وفيه جوج ديال الأنواع :

🔹 تدفق داخلي flux interne لي كايتم داخل الشركة بحال مثلاً الحركة ديال المواد الأولية لي كاتخرج من المخزون باش تمشي لوحدة الإنتاج

🔹 تدفق خارجي flux externe لي كايربط المقاولة بالمحيط ديالها بحال مثلاً واحد المورد fournisseur سلم لينا واحد السلعة

2⃣ المعيار الثاني هو نوعية التدفق 🔎 واش حقيقي réel أو مالي financier

🔹 بالنسبة ل le flux réel فكايهم كل ماهو مادي بحث بحال الحركة ديال السلع والخدمات يا من جانب التسليم أو التسلم

🔹 أما بالنسبة ل le flux financier فمن الإسم ديالو كايبان بلي عندو علاقة بحركة الخزينة (الفلوس) أي أن أي حركة ديال الفلوس سواءً خرجات من أو دخلات للشركة فكايتسمى flux financier

فالأخير 🫡 أي flux عندو جوج ديال الخصائص لا من ناحية النوعية أو المكان...

كمثال أخير ✨ تسلمت سلعة من عند المورد هذا flux réel externe ، خلصت le fournisseur هذا flux financier externe

✍️ Simofinance

02/04/2026

رابط المجموعة 👈 https://chat.whatsapp.com/DWMseXYYpcA4kePkW5XH04?mode=gi_t

02/04/2026

جلسة جبائية مع الأستاذ رحيب مصطفى حول الشركة المدنية العقارية
Société civile immobilière (SCI)

31/03/2026

علاش كولشي معصب...😠

على بعد أربع أيام ⏱ من آخر أجل لأغلب التصاريح الضريبية الخاصة بالشركات 🏭 خرجات المديرية العامة للضرائب بواحد الجواب 📨 مقتضب على واحد السؤال خاص بالأشخاص المعنيين بقانون آجال الأداء...هاد الجواب بعثر الأوراق ديال مجموعة من المهنيين المحاسبين 😵‍💫 لأنه دخل أشخاص فنطاق التطبيق ديال هاد القانون 👨‍⚖ ولي كان من المفروض أنهم ماداخلينش...🤷

شنو كايحمل هاد الجواب فالطيات ديالو.....🤔

1⃣ بالنسبة للشق الأول من الجواب :

مبدئياً قانون ⚖ آجال الأداء هو قانون لي قام بتغيير مواد معينة فمدونة التجارة 📖 وملي كانتكلمو على مدونة التجارة فهي مدونة لي كاتنظم العلاقات بين الأشخاص لي كايحملو صفة "تاجر" وباش تكون عندك رسمياً صفة تاجر ، دائما حسب مدونة التجارة، خاصك تكون كاتمارس نشاط تجاري بصفة اعتيادية وتكون مسجل ⌨ فالسجل التجاري...

من الأخير هاد القانون ديال آجال الأداء كايتطبق أساسا على كل من يحمل صفة تاجر سواءً كان شخص معنوي أو شخص ذاتي...

ماذا عن المهن التي تكتسي طابع مدني (طبيب 👨‍⚕، محامي ⚖، موثق 🏘...) ؟ واش حتا هوما غادي يخضعو لهاد القانون ؟؟

على حسب الجواب ديال مديرية الضرائب فجميع المهن لي جات فالمادة 91-VI الفقرة 1 من مدونة الضرائب هي خاضعة لهاد القانون ولو أنها تكتسي طابع مدني ✅، هاد الجواب مكاينساجم ❎ مع التقديم لي قلنا سابقا ولي أغلب المهنيين متافقين عليه ولي هو أن القانون خاص حصرياً بمن يحملون صفة "تاجر"...دبا كولشي غادي يبدى يتجارى 🏃

2⃣ أما في مايخص الشق الثاني من الجواب

كايهم الشركات القابضة 🏢 les holdings لي من خلال الطبيعة ديالهوم وفأغلب الأحيان المداخيل ديالهوم كايكونو عبارة على عائدات مالية produits financiers 💰 وذلك من خلال الأرباح لي كايتوصلو بيهوم من الشركات لي مساهمين فيهوم وبالتالي مفهوم رقم المعاملات لي هو معيار الخضوع لهاد القانون (رقم معاملات سنوي أكبر من 2 ديال المليون ديال الدرهم) ، هاد المعيار مكايكونش 🙅 محقق بالنسبة للشركات القابضة لأنه المداخيل رغم أهميتها كايدوزو ف les produits financiers
ولكن التوضيح لي خرجاتو مديرية الضرائب لغى الجانب المحاسباتي ديال المداخيل كعائدات مالية وربط مفهوم رقم المعاملات بأي مدخول عندو علاقة بالنشاط ديال الشركة مهما كان الحساب le compte فين غادي يتسجل وبالتالي دخلو عائدات الشركات القابضة فحيز تطبيق القانون الخاص بآجال الأداء...

مشاكييل...

✍ Simofinance

28/03/2026

هاد الأيام وليت كانسمع شي تحليلات جيو استراتيجية 📉 على la loi sur les délais de paiement ⏱ والله إيتا دماغي وقف 🤯، خصوصاً بالنسبة للشركات لي غادي يديرو déclaration أول مرة...ها لي كايكول ليك السنة المرجعية باش تعرف واش نتا خاضع لهاد القانون هي سنة 2024...ها لي كايكول ليك لا 2025...ها لي كايكوليك بلي الفاتورة 🧾 فيها الأجل ديال 60 يوم و la convention فيها مثلا 100 يوم ، شنو نتبع...وزيد وزيد...مشاكيييل 🤦‍♂️

سيادنا لي تلف 😵‍💫 إشد القانون ⚖ رقم 21-69 و la circulaire 734 ويفرتكهوم...راه أكبر مشكيل عندنا هو ماكانقراوش 📖 وكاع إلا قرينا كانقراو بالزربة 🏃 غير باش نتفكو...(وليت كانهضر بحال واحد الشاب من إملشيل 😜 كيتكلم فالسياسة ديما معصب واقيلا سميتو أسامة باريك...)

ولهذا فهاد 👇 المنشور غادي نتكلم بالخصوص على الشركات لي جديد ✨ عليهوم هاد التصريح أما لي كانو كايديروه بصفة دورية كل 3 أشهر فراهوم عارفين شغالهوم

مشينا...🚶‍♀🚶

حنا اليوم 28 مارس 2026 (بصوت محمد رضا الطاوجني 😜) وكاتفصلنا أيام قليلة ⏱ على 31 مارس آخر أجل لإيداع جل التصاريح 🖱 بالنسبة للشركات ومن ضمن هاد التصاريح كاين التصريح بأجال الأداء أو مايعرف ب la déclaration des délais de paiement

1⃣ السؤال الأول هو باش غادي نعرف بلي خاصني نصرح، شنو هو المعيار المعتمد ؟

المعيار المعتمد هو رقم المعاملات السنوي 📦 دون احتساب الضريبة على القيمة المضافة أي le chiffre d'affaires annuel hors taxe ، فين غادي نلقى هاد le chiffre d'affaires HT، غادي تمشي تشوف 👀 CPC

2⃣ وخا، شنو هو السقف المعتمد ؟

إلا لقيتي الشركة رقم المعاملات ديالها CA HT كايساوي أو قل من 2 دلمليون ديال الدرهم فراك معفي 🙅‍♂️ من هاد التصريح بصيغة أخرى خاص رقم المعاملات السنوي إيكون فايت قطعاً 2 دلمليون ديال الدرهم

3⃣ دبا حنا ف 2026, واش غادي نشوف chiffre d'affaires ديال 2024 أو ديال 2025 ؟

قبل ماندخلو فهاد الحيثية غادي نتافقو بعدا 🤌 على أن التصريح كايكون كل 3 أشهر أي trimestriel غير هو المشرع 👨‍⚖ مشى بطريقة تدريجية وعطى الحق لبعض الشركات باش إديرو تصريح سنوي حيث أن آخر تصريح سنوي غادي يكون بالنسبة لسنة 2025 قبل 1 أبريل 2026 ومن بعد غادي يولي التصريح كل 3 أشهر بالنسبة لجميع الملزمين

4⃣ نرجعو للسؤال ديالنا واش السنة المرجعية لي غادي نعتامد عليها دبا هي 2024 أو 2025 🤔 ؟

إلا رجعنا ل la circulaire 734 غادي نلقاو كاتبين "au titre du dernier exercice comptable clos"، يعني غادي تشوف chiffre d'affaires ديال آخر سنة محاسباتية حبستي ليها la comptabilité

بصيغة أخرى ملي غادي تحبس ⏸ الحسابات ديال 2025 لي خدامين فيها دبا المحاسبين 🫩 غادي ضرب طليلة 🔍 على رقم المعاملات السنوي و إلا لقيتيه فايت 2 دلمليون ديال الدرهم فمبروك عليك دخلتي ف le champs d'application ديال هاد القانون ⚖ وبالتالي إبتداءً من 2026 غادي تولي تحضي مع les fournisseurs باش تخلصهوم فالوقت ودير التصاريح ديالك كل 3 أشهر (بحال TVA trimestrielle)

إنتباه 🚨 : ماعندك 🙅‍♀️ حتى شي تصريح سنوي غادي ديرو ل 2025 لأنك كنتي غير ملزم ومايمكنش إطبق القانون بأثر رجعي (أصلاً خلال 2025 ماغاديش تكون رديتي البال مع هاد القانون حيتاش أصلاً ماكنتيش خاضع ليه)

ومنه الناس ☝️ لي عندهوم تصريح سنوي بخصوص سنة 2025 هوما الشركات (حتى الأشخاص الذاتيين) لي كانو فاتو 2 دلمليون ديال الدرهم ف 2024 وبالتالي بداو كايراقبو الآجال باش كانو كايخلصو les fournisseurs ف 2025 لأنه تابعهوم التصريح ديال 2025 قبل فاتح أبريل 2026

5⃣ ملي كايكون عندي أجل فالفاتورة 🧾 وعندي أجل آخر ف la convention 📄 شنو لي نتبع ؟

لي خاصنا نعرفو هو أن الأجل لي كيكون مكتوب ⌨ فالفاتورة هو أجل فالغالب لي كايخرجو système de facturation بطريقة تلقائية 🤖 وماكايردش ليه البال الشخص لي مكلف ب les factures وهنا غادي نرجع مرة أخرى ل la circulaire 734 ولي كاتكلم على un délais convenu ماشي une convention ومنه أي وسيلة مكتوبة ومقبولة من الطرفين كاتحدد الأجل غير لي هو منطقي هو أن الأجل كايتحدد قبل مانسلم السلعة أو الخدمة ماشي حتى كانساليو الخدمة عاد كاتصايب الفاتورة 🧾 وكايدير فيها le fournisseur الأجل لي بغى 😠، فهاد الحالة من حقك ترفض الفاتورة 🙅 خصوصاً إلا كانت ماكاتوافقش مع الأجل لي تافقتو عليه قبل ماتبداو الخدمة أو مخالفة للأجل لي مكتوب ف la convention لي déjà درتي معاه

6⃣ وإلا كان كولشي مخلص فالوقت 👌 وما عندي حتى شي facture خارج الأجل ؟

ماحدك خاضع لهاد القانون، غادي دير التصريح ديالك Néant وضروري من التأشير ✍ ديال خبير محاسب أو محاسب معتمد على هاد التصريح ديالك

7⃣ هانا دبا درت التصريح 🖱 ديال سنة 2025 قبل 1 ابريل 2026, شنو المرحلة القادمة ؟

دبا صافي غادي تولي دير نفس الخدمة بصفة دورية 🏃 كل 3 أشهر (ماغاديش إبقى التصريح السنوي) بمعنى عندك موعد مع أول تصريح خاص بالربع الأول ديال سنة 2026 قبل من 1 ماي 2026 (بحال TVA trimestrielle) وديما ضروري من التأشير ✍ ديال خبير محاسب أو محاسب معتمد على كل تصريح كاديرو

هذا جهدي عليكوم...🫡

✍ Simofinance

19/03/2026

عيد مبارك سعيد
تقبل الله منا ومنكم صالح الأعمال