https://www.facebook.com/111800760222272/

Kontabilisti, Rruga Bill Clinton , ish Novidomi nr. 21, Pristina (2026)

Q: What is the address?

Rruga Bill Clinton , Ish Novidomi Nr. 21

01/06/2026

❓ Pyetje
Nese biznesi(korporate) blen nje automjet per nevoja te biznesit(aset) nga personi fizik jo-afarist a esht i obliguar te mbaj tatimin ne burim ne shkallen 1% ne momentin e pageses
✅ Përgjigje
Sipas nenit 32, paragrafit 1 të Ligjit Nr. 06/L-105 për Tatimin në të Ardhurat e Korporatave, është përcaktuar tatimi i mbajtur në burim për kategoritë e veçanta, përfshirë pagesat për personat fizik jo afarist:

“ 1. Çdo tatimpagues që bënë pagesa për personat fizik jo-afarist, bujqit, fermerët, grumbulluesit e materialeve recikluese, frutave të malit, bimëve mjekuese dhe të ngjashme me to, është i obliguar të mbajë tatimin në burim në shkallën prej një përqind (1%) në bruto pagesë, në momentin e pagesës.”

Tatimpaguesi që bënë pagesa për personat fizik jo-afarist, bujqit, fermerët, grumbulluesit e materialeve recikluese, frutave të malit, bimëve mjekuese dhe të ngjashme me to”. Blerja e automjetit për nevoja te biznesit nga personi fizik jo-afarist e cila do të shfrytëzohet për nevojat e operimit te biznesit NUK i nënshtrohet tatimit të mbajtur në burim për kategori të veçanta me normën 1%.

30/05/2026

❓ Pyetje
Firma “ABC SH.P.K” dëshiron të parashtruar një pyetje lidhur me çështjen e rimbursimit të TVSH-së për pajisje mjekësore për incizime radiologjike – Rezonanca Magnetike, qka kem ble pajisje duke përfshirë TVSH-në euro, që është refuzuar nga ana e ATK-sëTani, si biznes, çfarë duhet të bëjmë? A mund të kërkojmë nga furnizuesi ynë të korrigjojë faturën e blerjes dhe të na lëshojë një faturë të re me vlerë pa TVSH? Mirëpo, është edhe pikëpyetje nëse furnizuesi do të pranojë të korrigjojë faturën dhe të na kthejë edhe mjetet financiare.

✅ Përgjigje
Sipas nën-paragrafit 1.1, 1.2. dhe 1.4 të nenit 27 të Ligjit Nr. 05/L-037 për Tatimin mbi Vlerën e Shtuar, shërbimet mjekësore dhe ato dentare janë të liruara prej TVSH-së pa të drejtën e zbritjes së TVSH-së se zbritshme:

Transaksionet janë të liruara si në vijim:
1.1. shërbimet spitalore, kujdesi mjekësor dhe aktivitetet e lidhura ngushtë të ndërmarra nga organet e rregulluara me ligjet në fuqi të Kosovës, nga spitalet, qendrat për trajtime mjekësore ose diagnostifikim dhe institucionet tjera të njohura me natyrë të ngjashme;

1.2. ofrimi i kujdesit mjekësor në ushtrimin e profesioneve mjekësore dhe para mjekësore siç janë përkufizuar me ligjet në fuqi të Kosovës;

1.4. furnizimi me shërbime nga teknikët dentar në kapacitetin e tyre profesional dhe furnizimi me proteza të dhëmbëve nga dentistët dhe teknikët dentar;

Shërbimet mjekësore dhe aktivitetet e lidhura ngushtë të ndërmarra nga organet e rregulluara me ligjet në fuqi të Kosovës, konsiderohen shërbime të liruara prej TVSH-së pa të drejtën e zbritjes së TVSH-së.

Përjashtimisht, lirimeve si më lart, sipas nën-paragrafit 2.7 të paragrafit 2 të nenit 38 të Udhëzimit Administrativ Nr. 03/2015, janë bërë kufizime prej lirimeve të TVSH-së për shërbimet mjekësore të cilat nuk kanë si qellim kryesor mbrojtjen e shëndetit, por bëhen për qëllime tjera si estetike apo të ngjashme:
2.7.Kur qëllimi kryesor nuk e ka për synim mbrojtjen, mirëmbajtjen ose shërimin e personit të caktuar, furnizimi nuk lirohet nga TVSH, si shembull mund të jenë shërbimet kozmetike ose estetike.
Bazuar në këtë kur kemi të bëjmë me shërbime mjeksore të cilat janë të domosdoshme për të mbrojtur e shëndetit të qytetarit, faturimi duhet të jetë pa TVSH. Si shërbime të tilla të liruara prej TVSH-së duhet të paraqitën në rubrikën [9] të Deklaratës për TVSH, ndërsa në blerje/importe nuk do të keni TVSH të zbritshme.

Shërbimet tjera mjekësorë të cilat janë për qëllime estetike, janë shërbime të tatueshme me TVSH, norma standarde prej 18%, dhe për këto nëse keni shërbime të tilla e keni të drejtën në TVSH-së të zbritshme çoftë duke aplikuar koeficientin e kreditimit apo duke bërë ndarje reale për njohjen e TVSH-së se zbritshme, ashtu siç është percaktuar në nenin 39 të këtij ligji. Edhe në rastin tuaj, nëse sh*tjet i keni në tersi të liruara prej TVSH-së, atëherë edhe në blerje nuk keni fare TVSH të zbritshme.

Pajisjet mjekësorë dhe aparaturat mjekësore janë të tatueshëm me TVSH, për të cilën nuk mund të kërkoni korrigjim të faturave, por ju nuk keni të drejtë në TVSH të zbritshme dhe nuk mund të kërkoni rimbursim të TVSH-së, por për investime të tilla do të ju njihet si kosto për qëllime të tatimit në të ardhura.

29/05/2026

❓ Pyetje:

Pershendetje, Po ju shkruaj për të kërkuar një sqarim mbi trajtimin tatimor të bursave që kompania jonë dëshiron të japë për studentë të cilët nuk janë pjesë e kompanisë. Në veçanti, ne jemi të interesuar të kuptojmë se si trajtohet tatimi mbi këto bursa ? Do të vlerësonim shumë nëse mund të na ofroni informacion mbi procedurat dhe rregullat që duhet të ndjekim për të qenë në përputhje me ligjet dhe rregulloret tatimore. Nëse ka dokumentacion specifik që duhet të plotësojmë ose raportime të veçanta që duhet të bëjmë, ju lutem na udhëzoni përkatësisht.

✅ Përgjigje
Trajtimi tatimor nga këndi i pranuesit të bursës nuk ndryshon, pra nga aspekti i të ardhurave personale. Pra, nëse bursa për një individ paguhet direkt në institucionin arsimor, atëherë për përfituesin e bursës, vlera e bursës nuk konsiderohet e ardhur e tatueshme. Në të kundërtën, nëse bursa i paguhet drejtpërdrejtë përfituesit, atëherë për përfituesin e bursës, janë të ardhura të tatueshme dhe duhet të trajtohen si të tilla.

Nga këndi i biznesit, deri sa përfituesi nuk është i punësuar i kompanisë tuaj, atëherë për qëllime të shpenzimeve, sipas nenit 10, paragrafi 1 të Ligjit Nr. 06/L-105 për Tatimin në të Ardhurat e Korporatave, është përcaktuar dispozita e përgjithshme e shpenzimeve, ku vetëm shpenzimet që lidhen direkt dhe ekskluzivisht me veprimtarinë ekonomike të biznesit, konsiderohen shpenzime të zbritshme. Në rastin tuaj, pagesa e bursës për një individ i cili nuk është i punësuar i kompanisë tuaj, çoftë nëse paguhet direkt në institucionin arsimor apo direkt tek përfituesi, nuk mund të njihet shpenzim për qëllime të llogaritjes së obligimit tatimor.

28/05/2026

❓ Pyetje:

Nje biznes eshte hapur dhe si aktivitet kryesor ka ndermjetesimin e sh*tjeve te veturave. Biznesi vepron si ndermjetesues per sh*tjen e veturave ne emer te pronarit te vetures te njejtin kane nje Marreveshje per dhenien e vetures tek ndermjetesuesi te cilat ne marreveshje jane te parapare cmimi i sh*tjes se vetures si dhe cmimi i provizonit te ndermjetuesesit e cila eshte e caktuar ne baze te nje cmimore, ne marreveshje jane te cekuara edhe detyrimet te tjera te cilat i ndalohen pales ndermjetesuese apo pales sh*tese. Ne duam te marrim nje sqarim lidhur se a kemi te drejte qe ne te bejme nje ndermjetesim te tille dhe se a mund te trajtojm si te hyre vetem provizionin te cilat i kemi te cekur ne marreveshjen, pra te tatohemi vetem per pjesen e ndermjetesimit. Nder te tjera a mund qe ne si ndermjetesues te marrim persiper edhe transaksionet bankare te cilat do te deshmohen se provizioni eshte ndaluar dhe pjesa e bazes se pronarit te vetures i kalon tek ai.

✅ Përgjigje:

Me nenin 18 të Ligjit Nr.05/L-037 për Tatimin mbi Vlerën e Shtuar, është përcaktuar se furnizimi i shërbimeve në emrin e tij mirëpo në llogari të personit tjetër kur personi i tatueshëm duke vepruar në emrin e tij mirëpo në llogarinë e personit tjetër, merr pjesë në furnizimin e shërbimeve, duhet që t’i pranojë dhe t’i furnizojë vetë këto shërbime.

Çështja është sqaruar edhe me nenin 15 të Udhëzimit Administrativ Nr. 03/2015, për të cilën është sqaruar funksionimi për të dy llojet e ndërmjetësimit:
Ndërmjetës që veprojnë për llogari të një personi tjetër, por në emrin e tyre
Bazuar në nenin 18 të Ligjit kur një person i tatueshëm, i cili vepron në emrin e tij, por për llogari të një personi tjetër, merr pjesë në kryerjen e një furnizimi shërbimi, ai konsiderohet sikur ka marrë dhe ka furnizuar vetë këtë shërbim. Këto dispozita zbatohen për personat e tatueshëm, ndërmjetës në lidhje me një furnizim malli ose furnizim shërbimi, që veprojnë për llogari të një personi tjetër, i cili mund të jetë ose klienti ose një i tretë, por në emrin e tyre.

Ndërmjetësit veprojnë në “emrin e tyre” atëherë kur ata i furnizojnë vetë mallrat dhe shërbimet. Këta ndërmjetës konsiderohen sikur e kanë blerë ose furnizuar vetë mallin kur ata ndërmjetësojnë furnizimet e mallrave, apo sikur e kanë furnizuar ose marrë personalisht shërbimin në ndërmjetësimet e furnizimeve të shërbimit.

Këto rregulla përmbajnë dy implikime:
-Ndërmjetësi konsiderohet se e furnizon vetë mallin apo kryen vetë shërbimin për klientin (subjekti kontraktues) nëse ndërmjetëson për një “blerje”;

-Ndërmjetësi konsiderohet se e blen vetë mallin apo e blen vetë shërbimin prej klientit të tij (subjekti kontraktues) nëse ndërmjetëson për një “sh*tje”.

Furnizuesi i mallit apo i shërbimit, kur ndërmjetësi ndërmjetëson klientin për “blerje”, ose ndërmjetëson për “sh*tje” konsiderohet se ia furnizon mallin ose shërbimin ndërmjetësit. Vlera e tatueshme e këtij transaksioni e blerë nga ndërmjetësi është e barabartë me çmimin pa komision (provizion).

Vlera e tatueshme e transaksionit të ndërmjetësit është e barabartë me shumën totale të transaksionit, e cila është çmimi i paguar nga subjekti ose nga klienti duke përfshirë edhe komisionin (provizionin). Në rastin e këtyre transaksioneve që realizohen nga ndërmjetësit që veprojnë në emër të tyre, komisioni është “i fshehur” dhe nuk tatohet më vete si i tillë, por tatohet me TVSH përkatësisht vlera e plotë e transaksionit.

Ndërmjetësit që veprojnë për llogari dhe në emër të një personi tjetër

Kjo kategori ndërmjetësish bën dallim nga kategoria e parë. Ndërmjetësit që veprojnë për llogari dhe në emër të një personi tjetër kryejnë një furnizim shërbimi të ndërmjetësimit në kuptim të nenit 14 të Ligjit. Këta ndërmjetës quhen ndërmjetës transparent, pasi në marrëdhëniet e tyre me kontraktorët (blerësit apo sh*tësit), ndërmjetësi që vepron në emër të dikujt tjetër shfaqet qartë si përfaqësues i klientit.

Transaksionet e ndërmjetësisë të këtyre ndërmjetësve konsiderohen si furnizime shërbimi ndërmjetësimi dhe i nënshtrohen të gjitha rregullave përkatëse. Vlera e tatueshme e furnizimit të shërbimit të ndërmjetësit është komisioni i cili i faturohet prej ndërmjetësit personit që ai përfaqëson. Në këtë rast, ndërmjetësit nuk i furnizojnë vetë mallrat dhe shërbimet, por ata kryejnë një shërbim për njërën ose tjetrën palë kundrejt një komisioni të përcaktuar mbi vlerën e transaksionit të kryer. Furnizimi i mallit ose shërbimit kryhet përkatësisht drejtpërdrejtë nga personi i tatueshëm furnizues për klientin dhe ndërmjetësi, i cili është në rolin e komisionerit përfiton komision për shërbimin e kryer ose nga blerësi nëse ka ndërmjetësuar për blerjen ose nga sh*tësi nëse ka ndërmjetësuar për sh*tjen.

Si në rastin tuaj duhet të njihet si e hyre për juve vetëm vlera e provizionit dhe vlera e provizionit paraqitët në Deklaratën për TVSH. Trajtimi duhet të jetë sipas asaj se a jeni ndërmjetës që veproni llogari të një personi tjetër, por në emrin e tuaj, apo veproni si ndërmjetës për llogari dhe në emër të një personi tjetër.

25/05/2026

❓ Pyetje
Per blerjet jashte vendit (nga Holanda), kryerje e sherbimeve ne Kosove nga kompani Holandeze, a duhet te ndalet tatim ne burim prej 5% ?

✅ Përgjigje
Sipas nenit 33, paragrafit 2 dhe 3 të Ligjit Nr. 06/L-105 për Tatimin në të Ardhurat e Korporatave, është përcaktuar tatimi i mbajtur në burim për personat jo rezident:

“2. Të ardhurat, përveç të ardhurave të përshkruara në paragrafin 1 të këtij neni, të realizuara nga marrëveshjet apo kontratat, qofshin me shkrim apo me gojë, me personat apo entitetet e Kosovës nga një person apo entitet jo-rezident nga shërbimet e kryera në Kosovë, i nënshtrohen mbajtjes në burim nga paguesi i atyre të ardhurave, përderisa personi apo entiteti jo-rezident nuk ka njësi të përhershme në Kosovë.

Shuma e mbajtjes në burim sipas paragrafit 1 dhe 2 të këtij neni, është pesë (5%) e kompensimit bruto. Secili pagues dorëzon një pasqyrë të mbajtjes në burim dhe transferon shumën e tatimit të mbajtur në burim në një llogari të caktuar nga ATK, në një bankë apo institucion financiar të licencuar nga BQK brenda pesëmbëdhjetë (15) ditëve pas ditës së fundit të secilit muaj kalendarik, në përputhje me aktin nënligjor të nxjerrë nga Ministri.”

Statusi i personit rezident dhe jo rezident është përkufizuar me nenin 3, paragrafët 1.13 dhe 1.14 të Ligjit Nr. 06/L-105 për Tatimin në të Ardhurat e Korporatave.

Kushti për aplikimin e tatimit të mbajtur në burim për personin jo rezident është prezenca fizike e personit jo rezident në Kosovë, kryerja e shërbimeve fizikisht në Kosovë dhe bazë për llogaritjen e tatimit të mbajtur në burim për personin jo rezident është kompensimi bruto. Norma tatimore e tatimit të mbajtur në burim për personin jo rezident është 5%.

Deklarimi dhe pagesa e tatimit të mbajtur në burim për personin jo rezident behet përmes deklaratës tatimore WR.

Mbajtja e tatimit në burim sqaruar si me lartë aplikohet kur kemi të bëjmë më persona jo-rezident që vijnë prej shteteve me të cilat Kosova nuk ka lidhur ndonjë Marrëveshja për Eliminimin e Tatimit të Dyfishtë. Me shtetet që kemi Marrëveshja për Eliminimin e Tatimit të Dyfishtë aplikohen dispozitat e marrëveshje e jo legjislacioni vendor.

22/05/2026

❓ Pyetje
Pyetje për Faturimin dhe TVSH për Shërbime Ndërtimi për një Qytetar të Jashtëm . Unë jam një ndërtues në Kosovë dhe kam një klient Mërgimtar që dëshiron të ndërtojë një shtëpi personale në Kosovë. Pagesa për shërbimet e ndërtimit do të bëhet nga Gjermania përmes transferit bankar. Kam disa pyetje në lidhje me faturimin dhe TVSH-në për këtë transaksion: A duhet të lëshoj një faturë me TVSH për shërbimet e ndërtimit që ofroj për këtë klient, duke marrë parasysh se pagesa vjen nga jashtë vendit?

✅ Përgjigje
Bazuar në nën-paragrafin 4.1 paragrafin 4 neni 20 të Ligjit Nr.05/L-037 për Tatimin mbi Vlerën e Shtuar, vendi i furnizimit të shërbimit për aktivitete të tilla është ne vendin ku gjendet pasuria e paluajtshme:

4.1.Vendi i furnizimit të shërbimeve lidhur me pasurinë e paluajtshme, duke përfshirë shërbimet e ekspertëve dhe agjentëve të sh*tjes së pronave, sigurimin e akomodimit në sektorin e hotelerisë ose në sektorët me funksion të ngjashëm, si kampet për pushim ose vendet e rregulluara për t’u shfrytëzuar si vend kampingu, dhënien e të drejtave për të shfrytëzuar pasurinë e paluajtshme dhe shërbimet për përgatitje dhe koordinim të punëve ndërtimore, si shërbimet e arkitektëve dhe bizneseve që ofrojnë mbikëqyrje në vend, është vendi ku është e vendosur pasuria e paluajtshme;

Vendi i furnizimit të shërbimit si në rastin tuaj është aty ku gjendët pasuria e paluajtshme, pra për shërbimet e tilla kompania e Kosovës duhet të faturoj me TVSH sepse pasuria e paluajtshme është në Kosovë, pavarësisht asaj se pagesa bëhet nga jashtë.

20/05/2026

❓ Pyetje
Pershendetje e kam nje pytje kompanija jon eshte e regjistruar si media elektronike veprimtaria e saj eshte web portale a jemi te liruar prej tvsh nese e mbrrijm qarkullimin mbi 30,000.00 euro .

✅ Përgjigje
Bazuar në Ligjin Nr. 05/L-037 për Tatimin mbi Vlerën e Shtuar, përkatësisht nën-paragrafin 1.19 të paragrafit 1 të nenit 27 , furnizimet e ofruara nga mediat elektronike dhe të shtypit janë furnizime të liruara prej TVSH-së pa të drejtën e zbritjes së TVSH-së:

1.19. furnizimi i shërbimeve nga mediat elektronike të radios dhe televizionit;

Sipas kësaj vetëm mediat që kanë si aktivitet ofrimin e shërbimeve mediale, dhe janë të licencuara prej autoritetit kompetent janë të liruara prej TVSH-së. Në rast se nuk jeni biznes medial përcaktuar me dispozitat si me lartë ju duhet të faturoni më TVSH, norma standarde prej 18%, prej momentit kur e arrini pragun e (30,000€ brenda vitit fiskal)regjistrimit në TVSH.

15/05/2026

❓Pyetje:
Përshëndetje, Kam disa pyetje, 1. Jam kompani për transportimin e mallërave kryesisht transport ndërkombëtar, Ne shpenzimet qe i bëjmë në shtetet e ndryeshme jashtë Kosovës si psh shpenzimet e derivateve, tvsh-në e rimbursojmë disa herë brenda vitit për këto shpenzime. Rimbursimi i tvsh-së nga shtetet e jashtme e pranojmë në llogari të biznesit, si duhet të veprohet në këto raste a duhet të llogaritet si e hyrë për biznesin dhe të deklarohet, pasi qe ky rimbursim është nga blerjet dhe shpenzimet qe ne i kemi bërë për të cilat e kemi paguar tvsh-në. Kurse e njejta situat është kur ne kemi blerje dhe shpenzime brenda vendit tonë dhe kërkojmë rimbursim, si duhet të trajtohet ky rimbursim. 2. Rasti i dytë kemi të bëjmë me faturimin e transportit psh ne si kompani kemi marrëveshje me një kompani në Kosovë për transport ndërkombëtarë dhe ne kontraktojmë një kompani tjetër qe ta kryen këtë transport si duhet të faturoj nënkontraktuesi neve si kontraktues dhe ne klientin tonë si punëdhënës.

✅Përgjigje:
-Rimbursimi i TVSH-së dhe pagesave tjera të cilat kanë ndodhur jashtë Kosovës si në kërkesën tuaj, nuk duhet të njihen si të hyra për qëllime të TVSH-së, ndërsa për qëllime të tatimit në të ardhura njihen e hyre, sepse edhe pagesa e faturave në blerje nëse janë dokumentuar siç kërkohet me legjislacionin tatimor janë njohur paraprakisht shpenzime, pra ajo vlerë që juve ju njihet duhet të paraqitet e hyre. Rimbursimi i TVSH-së apo tatimeve tjera që bëhet për blerjet brenda vendit, nuk njihet e hyre për TVSH dhe as tatim në të ardhura.

– Bazuar në nën-paragrafin 1.5 të nenit 31 të Ligjit Nr. 05/L-037 për Tatimin mbi Vlerën e Shtuar, furnizimet e transportit të mallrave janë të liruara prej TVSH-së me të drejtën e kreditimit:

1.5. furnizimi i shërbimeve, duke përfshirë transportin dhe shërbimet ndihmëse, mirëpo duke përjashtuar shërbimet e liruara në pajtueshmëri me nenet 27 dhe 28 të këtij ligji, kur këto janë direkt të lidhura me eksportimin apo importimin e mallrave. Lidhur me importimin lirimet aplikohen vetëm për shërbimet që do të përfshihen në shumën e tatueshme sipas nën-paragrafit 1.4., të paragrafit 1, të nenit 25 të këtij ligji.

Furnizimet e transportit të mallrave të cilat inkorporohen në shumën e tatueshme, duhet të faturohen pa TVSH, si të tilla duhet të paraqiten në rubrikën [10] Sh*tje të liruara me të drejtë kreditimi. Si në rastin tuaj nëse fatura e transportit inkorporohet në shumen e tatueshme të mallrave edhe nën-kontraktori duhet të faturoj pa TVSH. Në rast se kjo fature nuk inkorporohet në shumen e tatueshme faturimi për juve duhet të jetë me TVSH.

15/05/2026

❓Pyetje:
Si Duhet ti trajtoj blerjet dhe sh*tjet Nese hyje në te hyra reale ? 2. Nese shembull me 20 nentor 2025 e arrij qarkullimin 30.000 euro a llogaritna qe jam në te hyra reale dhe Nese po a kam Drejt per muajt e ketije viti pagat ti llogaris në shpenzime per tu barazuar me tatim në tm4 te fundit ?

✅Përgjigje:
Sipas nenit 43, paragrafi 2.2.1 të Ligjit Nr. 05/L-028 për Tatimin ne te Ardhura Personale (TAP) është përcaktuar metoda e pagesës së kësteve paradhënie:

“2.2. Tatimpaguesit me të ardhura bruto vjetore nga aktivitete afariste që tejkalojne pesëdhjetë mijë euro (50.000 €) dhe tatimpaguesit që kërkohet apo që zgjedhin sikur që është paraparë në paragrafin 2 të nenit 33, të mbajnë librat dhe regjistrimet të përmendura në nenin 33 paragrafin 5 të këtij ligji, duhet të paguajnë paradhënie:

2.2.1. një të katërtën (1/4) e detyrimit të përgjithshëm tatimor për periudhën tatimore në vijim bazuar në të ardhurën e tatueshme të vlerësuar dhe të zvogëluar nga cilado shumë e mbajtur në burim gjatë tremujorit që lidhen me ato të ardhura në përputhje me legjislacionin përkatës për Tatimin në të Ardhurat Personale;”

Tatimpaguesi i cili i nënshtrohet tatuarjes në bazë të të ardhurave reale për periudhën e cila nuk është periudhë e plotë tatimore (tatimpaguesi i ri apo ai i cili brenda periudhës tatimore ndryshon mënyrën e tatuarjes), deklaron dhe paguan këste paradhënie duke filluar nga periudha tremujore në të cilën është bërë regjistrimi apo ndryshimi i mënyrës së deklarimit.

Tatimpaguesi, në vitin e tij të parë, përdor parashikimin për shumat e pagesave paradhënie tremujore duke u bazuar në ¼ e detyrimit tatimor të parashikuar për vitin e parë.

Për vitin e parë të tatuarjes në të ardhura reale, për tatimpaguesin, pagesat paradhënie të të cilit janë të pamjaftueshme (80% apo më pak e detyrimit të përgjithshëm tatimor, përfshirë edhe këstin e katërt tremujor) krahasuar me detyrimin e përgjithshëm tatimor, aplikohen ndëshkime vetëm për tremujorin e fundit të vitit të parë, bazuar në shumat kumulative të kësteve krahasuar me detyrimin vjetor, e jo duke e konsideruar këstin e fundit thjesht si të izoluar.

Tatimpaguesi i cili bënë pagesën tremujore paradhënie, do të bëjë një deklaratë me rregullime përfundimtare të tatimeve dhe paguan shumën e duhur deri më 31 mars të vitit pas periudhës tatimore, pra obligohet të dorëzojë deklaratën vjetore. Deklarata vjetore, për bizneset që tatohen ne te ardhurat reale, përfshinë te gjitha transaksionet e biznesit nga 01.01 deri me 31.12 te vitit përkatës.

Gjithashtu, pragu prej 50,000€ është dhe vlen për Bizneset Individuale, ndërsa për SHPK pragu për tatuarje në të ardhura reale është 30,000€

Meqenëse keni kaluar pragun prej 50,000.00€ për tu tatuar në të ardhura reale, fillimisht duhet ta njoftoni Administratën Tatimore të Kosovës, përmes sistemit EDI, duke plotësuar formularin për tatuarje në të ardhura reale me të dhënat e juaja si: qarkullimi, data e kalimit të pragut.

Në vitin e parë të afarizmit si biznes që tatohet në të ardhura reale, biznesi përdor parashikimin për shumat e pagesave paradhënie tremujore duke u bazuar në ¼ e detyrimit tatimor të parashikuar për vitin e parë. Gjithashtu, për vitin e parë të tatuarjes në të ardhura reale, për tatimpaguesin, pagesat paradhënie të të cilit janë të pamjaftueshme (80% apo më pak e detyrimit të përgjithshëm tatimor, përfshirë edhe këstin e katërt tremujor) krahasuar me detyrimin e përgjithshëm tatimor, dhe aplikohen ndëshkime vetëm për tremujorin e fundit të vitit të parë, bazuar në shumat kumulative të kësteve krahasuar me detyrimin vjetor, e jo duke e konsideruar këstin e fundit thjesht si të izoluar.

09/05/2026

❓Pyetje:

Qerdhet e fëmijve per femijet parashkollor si dhe Konviktet e nxënësve – studentëve. Pra pyetja jonë është se a janë të liruara (perjashtuara) nga deklarimi dhe pagesa e tvsh-së Qerdhet dhe konviket?

✅Përgjigje:
Sipas paragrafit 1.8 të nenit 27 të Ligjit Nr. 05/l-037 për Tatimin mbi Vlerën e Shtuar, ofrimi i shërbimeve të edukimit janë të liruara nga TVSH:
“1.8. ofrimi i edukimit të fëmijëve dhe të rinjve, edukimi shkollor apo universitar, trajnimi profesional ose ri-trajnimi, duke përfshirë furnizimin e shërbimeve dhe mallrave të lidhura ngushtë me këto, nga organet e rregulluara me ligjet e Kosovës që e kanë si qëllim të tyre ose nga organizatat tjera, të njohura nga autoriteti kompetent i Kosovës që e kanë objektin e ngjashëm”:

Nën paragrafin 4.1, 4.2 4.3 dhe 4.4 paragrafi 4 të nenit 39 të Udhëzimet Administrativ Nr.3/2015, shërbimet e edukimit, konsiderohen shërbime të liruara nga TVSH pa te drejtën e zbritjes së TVSH-së së zbritshme, përfshirë edhe qerdhet:

“4. Për zbatimin e lirimit, konsiderohen furnizim i shërbimeve të edukimit të fëmijëve dhe të rinjve, të mësimdhënies shkollore apo universitare, formimit profesional dhe rikualifikimit, furnizimet e mëposhtme:

4.1.Furnizimi i shërbimit të mësimdhënies për realizimin e planeve dhe programeve mësimore, nga institucione të arsimit të lartë, universitar dhe pasuniversitar të njohura si të tilla nga autoriteti kompetent shtetëror.

4.2.Furnizimi i shërbimeve arsimore të mësimdhënies për realizimin e planeve dhe programeve mësimore në nivele të ndryshme shkollore e parashkollore (arsimi bazë; arsimi i mesëm i përgjithshëm dhe arsimi profesional, arsimi special, kopshtet).

4.3.Furnizimi i shërbimeve arsimore të mësimdhënies për realizimin e programeve të arsimit profesional dhe rikualifikimit.

4.4.Furnizimi i shërbimeve arsimore që kryhen nga institucionet arsimore plotësuese jo-publike, ku punohet në drejtim të arsimimit e të edukimit në lëndë e specialitete të veçanta që kanë të bëjnë me marrjen e njohurive në lëndë të përfshira në programin mësimor (p.sh. kurse të gjuhës së huaj, matematikë, fizikë, kantoje etj), të miratuara nga autoriteti kompetent shtetëror.”

Vetëm subjektet e akredituara prej autoritetit kompetent siç është MASHT-i, janë të liruara prej TVSH-së përfshirë edhe çerdhet. Në mungesë të akreditimit siç kërkohet me dispozitat si më lartë faturimi duhet të jetë me TVSH me normën standarde prej 18%.

Furnizimet e përcaktuara si më lartë janë të liruara prej TVSH-së pa të drejtën e zbritjes së TVSH-së dhe si të tilla raportohen në rubrikën [9] të Deklaratës për TVSH, pra në blerje që ju i keni qoftë investive apo tjera, ju nuk keni të drejtë në TVSH të zbritshme, dhe blerjet i regjistroni në rubrikat përkatëse të blerjeve/importeve me TVSH jo të zbritshme.

Me paragrafin 6 të nenit 39 të Udhëzimet Administrativ me Nr.3/2015, shërbimet të liruara konsiderohen vetëm shërbimet në qendrat e studentëve të cilat subvencionohen prej buxhetit shtetërore:

Qendrat e trajtimit të studentëve që subvencionohen me fonde shtetërore, të cilat funksionojnë posaçërisht për këtë qëllim, duke vënë në dispozicion të studentëve konviktet ose mensat, shërbimi i fjetjes dhe i mensës kur i ofrohet studentëve ose nxënësve është i liruar nga TVSH, si shërbim i lidhur dhe i domosdoshëm për shërbimin arsimor. Këto qendra duhet të vërtetojnë në çdo rast që shërbimi që ato ofrojnë i është ofruar studentëve dhe jo të tretëve, me rekomandim të universitetit publik. Përndryshe shërbimi i kryer prej tyre është i tatueshëm me TVSH.

Nëse konviktet janë private, faturimi duhet të jetë më TVSH me normë standarde prej 18%. Lirimet prej TVSH-së janë të përcaktuara vetëm per konviktet shtetërorë.

Kontabilisti

01/06/2026

30/05/2026

29/05/2026

28/05/2026

25/05/2026

22/05/2026

20/05/2026

15/05/2026

15/05/2026

09/05/2026

Address

Opening Hours

Telephone

Website

Alerts

Contact The Business

Shortcuts

Share