https://www.facebook.com/111800760222272/

Kontabilisti, Rruga Bill Clinton , ish Novidomi nr. 21, Pristina (2026)

Q: What is the address?

Rruga Bill Clinton , Ish Novidomi Nr. 21

09/09/2026

❓ Pyetje:
Përshëndetje, jam person fizik, jo afarist. Kam të ardhura (remitenca) nga dërgesat mujore që m’i dërgon vëllai nga diaspora. A duhet t’i deklaroj këto të ardhura dhe të paguaj tatim?

✅ Përgjigje:
Në nenin 14 të Ligjit nr.05/L-028 për Tatim në të Ardhura Personale, janë të përcaktuara të ardhurat tjera përfshirë dhuratat:
“1. Të ardhurat bruto përfshijnë çdo formë tjetër të të ardhurave nga çfarëdo burimi, siç janë të ardhurat nga fitoret në lotari apo të ardhurat nga faljet e borxheve, përveç atyre që janë të liruara nga tatimi në përputhje me dispozitat e këtij ligji.

Dhuratat në para apo gjësende të pranuara nga rezidentët përfshihen në të ardhurat tjera, nëse dhuratat e tilla tejkalojnë shumën pesëmijë euro (5.000 €) në një periudhë tatimore.
Dhuratat, qofshin në para apo në gjësende, të dhëna në mes bashkëshortëve apo nga një prind fëmijës së tij natyror, apo ligjërisht të adoptuar, apo nga fëmijët prindërve të tyre, janë të liruar nga të ardhurat pa marrë parasysh shumën apo vlerën e dhuratës.
Dhuratat e pranuara për qëllime edukative arsimore janë të liruara nga tatimi përderisa dhurata i është dhënë, në formë të pagesës së shkollimit të paguar drejtpërdrejtë, një institucioni edukativ arsimor të pranuar me ligjin publik.”

Dhuratat në para apo gjësende të pranuara nga rezidentët përfshihen në të ardhurat tjera, nëse dhuratat e tilla tejkalojnë shumën pesëmijë euro (5.000 €) në një periudhë tatimore. Pra, nëse një person rezident i Kosovës, ka pranuar dhuratë/a në vlerë më të lartë se 5,000.00€ brenda periudhës tatimore (vitit kalendarik), atëherë diferencën mbi 5,000.00€ duhet ta deklaroj si të ardhur tjetër dhe për atë shumë duhet të paguaj Tatim në të Ardhura Personale.

Deklarimi dhe pagesa për të ardhurat nga dhuratat (të ardhurat tjera) bëhet përmes formularit PD – FORMULARI I DEKLARIMIT VJETOR DHE PAGESES PËR TATIMIN NË TË ARDHURAT PERSONALE, i cili kërkohet të deklarohet nga data 01 Janar deri më 31 Mars të vitit vijues, për vitin paraprak.

Ndërsa, dhuratat, qofshin në para apo në gjësende, të dhëna në mes bashkëshortëve apo nga një prind fëmijës së tij natyror, apo ligjërisht të adoptuar, apo nga fëmijët prindërve të tyre, janë të liruar nga të ardhurat pa marrë parasysh shumën apo vlerën e dhuratës.

07/09/2026

❓ Pyetje:
Përshëndetje! Sapo kam lidhur kontratë pune me një avokate. Përveç kontratës, cilat janë procedurat e tjera që duhet të ndiqen për t’u regjistruar si punëtor dhe për të paguar Trustin dhe kontributet e tjera?
✅ Përgjigje:
Sipas nenit 6 të Udhëzimit Administrativ Nr.01/2016 për zbatimin e Ligjit Nr.05/L-028 për Tatimin në të Ardhura Personale (TAP) është përcaktuar i punësuari:
“1. Për qëllim të këtij Udhëzimi Administrativ, ashtu siç është përcaktuar me Ligj, i punësuar konsiderohet personi fizik jo afarist, i cili kryen punë kundrejt pagesës sipas urdhrit dhe nën kontrollin e një punëdhënësi. Personi fizik jo afarist pavarësisht thirrjes, si: “drejtor”, “zyrtar”, “parlamentar”, “ministër”, “nëpunës” etj., konsiderohet se është i punësuar nëse përmbush së paku dy nga kushtet, si në vijim:

1.1. I punësuari nuk është në rrezik për marrjen e pagesës, pavarësisht rezultatit afarist të punëdhënësit,

1.2. I punësuari nuk ka nevojë të investojë në instrumentet e punës, mjetet dhe pajisjet,

1.3. I punësuari nuk e përcakton vendin dhe kohën e punës, dhe

1.4. Si rregull i përgjithshëm, një i punësuar ka të përcaktuar një punëdhënës kryesor.”
Sa i përket kontributeve pensionale, sipas nenit 6, paragrafi 1 dhe 2 të Ligjit Nr. 04/L-101 për Fondet Pensionale të Kosovës, është përcaktuar obligimi i punëdhënësit dhe punëmarrësit në lidhje me mbledhjen e kontributeve pensionale:
“6.1 Çdo punëdhënës është i obliguar që të kontribuojë në emër të punonjësve të vet në Fondin e kursimeve pensionale. Punonjësit obligohen që të kontribuojnë në emër të vet në kursimet pensionale. Obligimet e punëdhënësit dhe të punonjësit fillojnë në ditën e parë të punësimit të punëdhënësit për punonjësit që kanë krijuar marrëdhënie pune dhe përfundojnë kur punonjësi arrin moshën e pensionit.

6.2. Për financimin e kursimeve pensionale:
(a). çdo punëdhënës paguan një shumë që është baras me pesë përqind (5%) të rrogave të pëgjithshme të të gjithë punonjësve (siç është përcaktuar me këtë ligj); dhe
(b). çdo punonjës paguan një shumë që është baras me pesë përqind (5%) të rrogës së tërësishme të tij.”
Paguesi i të ardhurave, respektivisht punëdhënësi, është i obliguar që të mbaj në burim tatimin në të ardhura dhe të paguaj kontributet pensionale, siç është e përcaktuar me legjislacionin përkatës. Pagesa e tatimit të mbajtur në burim dhe kontribute pensionale bëhet përmes deklarimit mujor me formularin WM në sistemin elektronik të deklarimit EDI. Nëse punëdhënësi konsiderohet si punëdhënës primar, tatimi i mbajtur në burim ndalet me shkallet tatimore, kurse, nëse punëdhënësi konsiderohet si punëdhënës sekondar, tatimi i mbajtur në burim ndalet me normën 10% e pagës së tatueshme.

Sa i përket kontributeve pensionale punëdhënësi kryesor dhe ai sekondar kontribon me pesë përqind (5%) mbi pagën bruto të të punësuarit, dhe ky kontribut do të jetë i zbritshëm për qëllime tatimore të punëdhënësit. Ndërsa, punëdhënësi zbret pesë përqind (5%) nga paga bruto e të punësuarit, dhe i paguan në emër të kontributit pensional.
Në momentin kur krijohet marrëdhënia punëdhënës – i punësuar, biznesi obligohet ndaj tatimit të mbajtur në burim dhe kontributet pensionale për pagën që ua paguan të punësuarve dhe bëhet përmes deklarimit elektronik EDI. Obligimi i tatimit të mbajtur në burim lind kur paga është e pagueshme.

06/09/2026

📊 ZYRA E KONTABILITETIT NASER SADIKU

Naser Sadiku – Kontabilist i Çertifikuar

Zgjidhje profesionale dhe të besueshme për biznesin tuaj.

✅ Shërbime kontabiliteti
✅ Deklarime tatimore
✅ Konsulencë financiare dhe tatimore
✅ Menaxhim dhe përpunim i dokumentacionit financiar
✅ Mbështetje profesionale për bizneset

💼 Profesionalizëm. Saktësi. Besueshmëri.

📞 +383 49 293 434
📧 [email protected]

Besojani financat tuaja një profesionisti!

05/09/2026

❓ Pyetje:
Ne jemi biznes që merremi me tregtimin dhe përpunimin e metaleve. Gjatë vitit të kaluar kemi importuar makineri CNC për përpunimin e metaleve, të cilat janë importuar me 0% detyrime doganore dhe TVSH, sipas kushteve të përcaktuara.

Për shkak se këto makineri nuk po i përdorim më, dëshirojmë t’ia shesim një biznesi tjetër brenda Kosovës, i cili merret me të njëjtin aktivitet.

Pyetja është: A jemi të obliguar që gjatë sh*tjes së këtyre makinerive të përdorura brenda Kosovës të aplikojmë TVSH 18%, apo ekziston ndonjë trajtim tjetër tatimor, duke marrë parasysh se ato janë importuar me 0% dhe tani janë të përdorura?.

✅ Përgjigje:
Në zbatim të nën-paragrafit 1.10 paragrafi 1 neni 29 i Ligjit Nr. 037 për Tatimin mbi Vlerën e Shtuar, linjat e prodhimit dhe makineritë që përdorën në proces të prodhimit lirohen prej TVSH-së në importe:

“1.10. linjat e prodhimit dhe makineritë për përdorim në procesin e prodhimit,”.
Linjat e prodhimit dhe makineritë për përdorim në procesin e prodhimit sipas këtij paragrafi duhet të lirohen vetëm në importe duke dëshmuar me aktivitetin prodhues nga biznesi importues.
Lirimi prej TVSH-së edhe brenda vendit, bëhet kur importuesi si subjekt tregtar importon për subjektin tjetër prodhues dhe plotësohen kriteret e Vendimeve Nr. 14/07 date 06.10.2017, pra kur plotësohet rubrika [9] e dokumentit doganor-DUD-it, duhet të lirohet prej TVSH-së në momentin e importimit, por edhe fatura vendore duhet të jetë pa TVSH.
Si në rastin tuaj edhe pse janë liruar prej TVSH-së në importe, sh*tja brenda vendit e këtyre makinerive duhet të jetë me TVSH, norma standarde prej 18%, sepse kemi të bëjmë me makineri të cilat janë liruar prej TVSH-së në importe me qëllim të përdorimit për qëllime të aktivitetit prodhues nga ana e biznesit tuaj.

04/09/2026

❓ Pyetje:
Kompania dëshiron të fillojë t’i kryejë obligimet për sigurimin shëndetësor të punëtorëve. A janë shpenzimet për sigurimin shëndetësor 100% të zbritshme gjatë periudhës tatimore?
Faleminderit!
✅ Përgjigje:
Ashtu siç është përcaktuar në nenin 8, paragrafin 1, nën paragrafin 1.21 të Ligjit Nr.05/L-028 për Tatimin në të Ardhurat Personale(TAP), nga TAP përjashtohen kontributet obligative të paguara nga punëdhënësi për sigurimin shëndetësor për të punësuarin, mirëpo kjo do të filloj të zbatohet që nga data e hyrjes në fuqi të Ligjit për Sigurimet Shëndetësore.
Deri atëherë, kontributet vullnetare të paguara nga punëdhënësi për sigurimin shëndetësor për të punësuarin, duhet të përfshihen në pagën bruto të të punësuarit dhe të tatimohen, ashtu siç është përcaktuar në nenin 37, paragrafin 6 të Udhëzimit Administrativ Nr. 01/2016 për zbatim të Ligjit Nr. 05/L-028 për Tatim në të Ardhura Personale,:

“6. Sigurimet shëndetësore vullnetare të paguara nga punëdhënësi për të punësuarit, vazhdojnë të trajtohen si të ardhura të të punësuarit dhe i nënshtrohen tatimit të mbajtur në burim deri në fillimin e zbatimit të Ligjit për Sigurimet Shëndetësore obligative.”

Vlera e sigurimit shëndetësor e paguar nga punëdhënësi për të punësuarin i shtohet pagës bruto të punëtorit dhe si e tillë i nënshtrohet obligimeve tatimore dhe kontributeve pensionale, dhe është shpenzim i zbritshëm për biznesin.

03/09/2026

❓ Pyetje:
Përshëndetje,
Për regjistrimin në TVSH (kuptohet, kur arrihet qarkullimi mbi 30.000 euro), a merret për bazë viti kalendarik (1 janar – 31 dhjetor), apo merren 12 muajt e fundit (p.sh., nga marsi i këtij viti deri në marsin e vitit vijues)?
Ju falënderoj për mirëkuptimin!

✅ Përgjigje:
Me paragrafin 1 të nenit 4 të Ligjit Nr. 05/L-037 për Tatimin mbi Vlerën e Shtuar, është përcaktuar kuptimi i aktivitetit ekonomik për qellimë të TVSH-së:
Person i tatueshëm është secili person icili është, ose kërkohet që të regjistrohet për TVSH dhe i cili në mënyrë të pavarur zhvillon një aktivitet ekonomik në mënyrë të rregullt apo jo të rregullt, pavarësisht nga qëllimi ose rezultati i atij aktiviteti ekonomik. Çdo aktivitet i prodhuesve, tregtarëve ose personave që furnizojnë mallra ose shërbime, duke përfshirë aktivitetet e minierave dhe ato bujqësore, të profesioneve, duhet të konsiderohet si aktivitet ekonomik. Eksploatimi i pasurisë së prekshme dhe të pa prekshme me qëllim të krijimit të të ardhurave nga ato në baza të rregullta, në veçanti duhet të konsiderohet si një aktivitet ekonomik.

Po ashtu kuptimi i veprimtarisë ekonomike është sqaruar edhe dispozitat e nenit 4 të Udhëzimit Administrativ Nr. 03/2015:

Person itatueshëm është çdo person qoftë ky individ, person fizik ose juridik, ose iorganizuar në çdo formë tjetër të njohur nga legjislacioni në Kosovë, i cili në mënyrë të pavarur kryen veprimtari ekonomike sipas kuptimit të Ligjit, pavarësisht vendit, qëllimit, ose rezultatit të kësaj veprimtarie. Për TVSH nuk është i rëndësishëm rezultati (humbje/fitim) i veprimtarisë ekonomike. Një person është i detyruar për t’u regjistruar për TVSH, kur personi në mënyrë të pavarur kryen aktivitet ekonomik në Kosovë, në pajtim me nenin 4 të Ligjit dhe qarkullimi i të cilit (duke përfshirë edhe qarkullimin e furnizimeve të liruara të TVSH-së) në tërësi, brenda vitit kalendarik, e tejkalon vlerën prej 30,000€. Elemente që nuk ndikojnë në përcaktimin e të qenit personi i tatueshëm janë: mungesa e fitimit, statuti i personave ose forma e organizimit, përgjegjësia ndaj llojeve të tjera të tatimeve, kryerja efektive ose jo e pagesës së TVSH-së.
Në kuptim të nenit 4 të Ligjit, veprimtari ekonomike është çdo veprimtari e kryer nga prodhuesit, tregtarët, personat që furnizojnë mallra ose shërbime, përfshirë veprimtarinë e minierave, bujqësore dhe aktivitetet profesionale. Gjithashtu, konsiderohet veprimtari ekonomike shfrytëzimi ipasurisë së trupëzuar ose të patrupëzuar, kur bëhet me qëllim të realizimit të të ardhurave me karakter të vazhdueshëm. Me pasuri të trupëzuar dhe pasuri të patrupëzuar kuptohen aktivet materiale (të luajtshme dhe të paluajtshme) dhe aktivet jo-materiale.
Nocioni ipavarësisë në lidhje me cilësinë e personit të tatueshëm:
3.1. Të qenit person i tatueshëm me TVSH rrjedh nga realizimi në mënyrë të pavarur i transaksioneve që lidhen me një aktivitet ekonomik, siç përcaktohet në nenin 4 të Ligjit.

3.1.1.Personat që veprojnë në mënyrë të pavarur janë ata që ushtrojnë një aktivitet nën përgjegjësinë e tyre dhe gëzojnë liri të plotë në organizimin dhe zbatimin e veprimeve që përmban ky aktivitet.

Personi itatueshëm duhet të posedoj numrin fiskal, icili do t’i paraprijë regjistrimit për TVSH. Aktiviteti ekonomik siç është referuar në paragrafin 1 të këtij neni, duhet në veçanti t’i referohet aktivitetit të vazhdueshëm i cili kryhet me qëllim të furnizimeve për konsideratë.

Personi i cili zhvillon aktivitete të vazhdueshme në mënyrë të pavarur dhe nëse brenda vitit tejkalon qarkullimin prej 30,000€ është i obliguar që të regjistrohet në TVSH, siç është përcaktuar në paragrafin 1 neni 6 i këtij ligji:
Çdo person që ipërmbush të gjitha kushtet e përkufizimit mbi personin e tatueshëm të referuar në nenin 4 të këtij ligji, kërkohet që të regjistrohet për TVSH, nëse brenda vitit kalendarik tejkalon qarkullimin prej tridhjetëmijë euro (30.000€). Vetëm pjesa e furnizimit e cila rezulton në tejkalimin e qarkullimit, do të merret parasysh për qëllime të TVSH-së.
Për pragun e regjistrimit në TVSH merret për bazë viti fiskal 01 janar-31 dhjetor.

02/09/2026

❓ Pyetje:
Përshëndetje,

Jemi agjension që merremi me sh*tjen e biletave të aeroplanit për udhëtime ndërkombëtare, ku realizojmë të hyra në formë të komisionit, përkatësisht në përqindje prej 7% deri në 15% për agjensionet tjera.

Pyetja jonë është: A duhet të paraqiten si të hyra vetëm komisionet/përqindja e realizuar nga sh*tja e biletave, apo duhet të paraqiten të hyrat dhe shpenzimet në vlerën totale të biletave?

Gjithashtu, sa i përket TVSH-së, a konsiderohen këto të hyra (komisionet e realizuara nga sh*tja e biletave ndërkombëtare) si të hyra të tatueshme me TVSH, apo trajtohen si të hyra të përjashtuara nga TVSH-ja?

Ju lutem për udhëzim dhe sqarim lidhur me trajtimin kontabël dhe tatimor të këtyre transaksioneve.

Faleminderit!

✅ Përgjigje:

Për qëllime të tatimeve direkte, trajtimi tatimor i çështjes varet nga statusi i juaj në kontratën/at ( marrëveshjen ) që keni ju me kompanitë për të cilat ofroni shërbime.

Nëse ju me kontratë ( marrëveshje) konsideroheni si agjent i ndonjë kompanie që ofrojnë shërbime turistike dhe kompanive që merren me sh*tjen e biletave, dhe sh*tni në emër të saj dhe për interesin e saj, dhe si kundër shpërblim keni një provizion në sh*tjet totale, kjo nënkupton se ju do të tatoheni vetëm në shumën e provizionit.

Në këtë rast ju duhet të deklaroni dhe paguani vetëm në pjesën e provizionit që ju keni, ku këtë shumë edhe duhet ta regjistroni në libër të sh*tjes.

Në të kundërtën nëse ju sh*tni në emrin tuaj, atëherë ju duhet ti nënshtroheni tatimit sipas rregullave më poshtë:

Nëse biznesi tatohet në bazë të të ardhurave reale, do ta njihni të hyrën totale, kurse vlera e blerjes së shërbimeve nga këto kompani, do të jetë kosto (shpenzim) për ju.

Në këtë rast komplet vlera e shërbimeve duhet të regjistrohet në libër të blerje dhe atë të sh*tjes, apo nëse tatoheni në qarkullimin bruto, atëherë njihet e hyra totale dhe pagesa e tatimit bëhet sipas normës tatimore përkatëse, ku norma tatimore për ofrimin e shërbimeve është 9%.

Kur kemi të bëjmë me bileta të avionit, trajtimi duhet të jetë i bazuar në paragrafin 4 neni 33 të Ligjit Nr. 05/L-037 për Tatimin mbi Vlerën e Shtuar, transporti ajror i pasagjerëve është i liruar prej TVSH-së me të drejtën e zbritjes së TVSH-së se zbritshme:

“4. Transporti ajror dhe hekurudhor ndërkombëtar i pasagjerëve dhe transporti i mallrave të tyre shoqëruese, siç janë valixhet ose furnizimet e shërbimit që lidhen me transportin e pasagjerëve.

4.1. transporti ajror dhe hekurudhor ndërkombëtar i pasagjerëve nënkupton transportin e pasagjerëve me tren dhe aeroplan, kur transporti kryhet:

4.1.1. nga një vend në territorin e Kosovës në një vend jashtë territorit të Kosovës, apo;

4.1.2. nga një vend jashtë territorit të Kosovës në një vend në territorin e Kosovës.

Furnizimet e transportit ajror janë të liruar me të drejtën e zbritjes së TVSH-së se zbritshme.

01/09/2026

❓ Pyetje:
Mbjellja e dhëmbit (vendosja e implantit): a duhet të faturohet me TVSH apo pa TVSH, sipas nenit 27, paragrafit 1.4, të Ligjit për TVSH-në?

✅ Përgjigje:
Sipas nën-paragrafit 1.1, 1.2. dhe 1.4 të nenit 27 të Ligjit Nr. 05/L-037 për Tatimin mbi Vlerën e Shtuar, shërbimet mjekësore janë të liruara prej TVSH-së pa të drejtën e zbritjes së TVSH-së se zbritshme:

Transaksionet janë të liruara si në vijim:
1.1. shërbimet spitalore, kujdesi mjekësor dhe aktivitetet e lidhura ngushtë të ndërmarra nga organet e rregulluara me ligjet në fuqi të Kosovës, nga spitalet, qendrat për trajtime mjekësore ose diagnostifikim dhe institucionet tjera të njohura me natyrë të ngjashme;

1.2. ofrimi i kujdesit mjekësor në ushtrimin e profesioneve mjekësore dhe para mjekësore siç janë përkufizuar me ligjet në fuqi të Kosovës;

1.4. furnizimi me shërbime nga teknikët dentar në kapacitetin e tyre profesional dhe furnizimi me proteza të dhëmbëve nga dentistët dhe teknikët dentar;

Shërbimet mjekësore dhe aktivitetet e lidhura ngushtë të ndërmarra nga organet e rregulluara me ligjet në fuqi të Kosovës, konsiderohen shërbime të liruara prej TVSH-së pa të drejtën e zbritjes së TVSH-së.

Sipas nën-paragrafit 2.7 të paragrafit 2 të nenit 38 të Udhëzimit Administrativ Nr. 03/2015, janë bërë kufizime prej lirimeve të TVSH-së për shërbimet mjekësore të cilat nuk kanë si qellim kryesor mbrojtjen e shëndetit, por bëhen për qëllime tjera si estetike apo të ngjashme:

2.7.Kur qëllimi kryesor nuk e ka për synim mbrojtjen, mirëmbajtjen ose shërimin e personit të caktuar, furnizimi nuk lirohet nga TVSH, si shembull mund të jenë shërbimet kozmetike ose estetike.

Shërbimet dentare të cilat konsiderohen se mbrojnë shëndetin publik të qytetarit, konsiderohen shërbime të liruara prej TVSH-së pa të drejtën e zbritjes së TVSH-së. Bazuar në këtë kur kemi të bëjmë me shërbime dentare të cilat janë të domosdoshme për të mbrojtur shëndetin, edhe të mbjellja e dhëmbit ( vendosja e impiantit) faturimi duhet të jetë pa TVSH. Si shërbime të tilla të liruara prej TVSH-së duhet të paraqitën në rubrikën [9] të Deklaratës për TVSH, ndërsa në blerje nuk do të keni TVSH të zbritshme. Shërbimet tjera dentarë të cilat janë për qëllime estetike, janë shërbime të tatueshme me TVSH, norma standarde prej 18%, dhe për këto e keni të drejtë e zbritjes së TVSH-së qoftë duke aplikuar koeficientin e kreditimit, apo duke bërë ndarje reale për njohjen e TVSH-së se zbritshme.

31/08/2026

❓ Pyetje:
Përshëndetje,
Jam përfitues i një granti për ndërtimin e një serre, në vlerë prej 100,000.00 euro.
Dëshiroj të di se si duhet ta regjistroj dhe deklaroj të hyrën nga granti në vlerë prej 100,000.00 euro. Në cilën kolonë të deklaratës së TVSH-së duhet ta paraqes këtë shumë, duke qenë se bëhet fjalë për grant dhe të gjitha faturat e investimit janë me TVSH?
Gjithashtu, a kam të drejtë të bëj kërkesë për rimbursimin e TVSH-së së paguar në këto fatura?
Faleminderit paraprakisht për përgjigjen dhe sqarimin.

✅ Përgjigje:
Sipas nenit 3 të Ligjit Nr. 05/L-037 për Tatimin mbi Vlerën e Shtuar, është përcaktuar se kur një transaksion konsiderohet objekt i taturjes për TVSH:
“1. TVSH duhet të ngarkohet në pajtueshmëri me dispozitat e këtij ligji, mbi:
furnizimin e mallrave dhe shërbimeve të bëra për konsideratë brenda territorit të Kosovës nga personi i tatueshëm që vepron si i tillë, sikur që është paracaktuar në nenin 4 të këtij ligji, dhe;

Pranimi i grantit për të cilin nuk kryeni ndonjë shërbim të caktuar për dhuruesin e grantit si i tillë nuk do të ketë implikime për TVSH, pra fare nuk paraqitët në Deklaratën për TVSH, por mbahet vetëm në evidenca të veçanta për qëllime të tatimit në të ardhura.
Për blerjet e financuara përmes këtij granti e keni të drejtën në TVSH të zbritshme, ashtu siç është përcaktuar në paragrafin 1 dhe 2 të nenit 36 të Ligjit Nr. 05/L-037 për Tatimin mbi Vlerën e Shtuar, është përcaktuar e drejta për të zbritur TVSH-në për blerjen e mallrave dhe shërbimeve:

“1. E drejta për të zbritur TVSH-në e zbritshme duhet të lindë në kohën kur TVSH-ja bëhet e ngarkueshme. Personi i tatueshëm nuk mund të zbres TVSH-në e zbritshme para periudhës tatimore në të cilën ai i ka pranuar faturat për mallrat apo shërbimet e furnizuara për të ose në të cilën ai ka pranuar deklaratën e doganës për mallrat e importuara.

“2. Përveç nëse është përcaktuar ndryshe me këtë ligj, personi i tatueshëm mund të zbres nga obligimet e tij të TVSH-së, obligimin e TVSH-së apo TVSH-në e paguar në lidhje me blerjet e mallrave ose shërbimeve, këtu e tutje TVSH-ja e zbritshme, me kusht që ai të ketë shfrytëzuar apo do të shfrytëzojë ato mallra ose shërbime për qëllime të transaksioneve të tij të tatueshme.”

Për të pasur të drejtë në TVSH të zbritshme ju si blerës duhet të posedoni faturë tatimore përcaktuar si më lartë dhe blerja do ta shfrytëzohet më qëllim të realizimit të furnizimeve të tatueshme apo edhe të liruara më të drejtën e zbritjes së TVSH-së se zbritshme.

30/08/2026

❓ Pyetje:
Nje biznes individual ka marre nje kredi (me subvencion) per te investuar ne hapjen e nje njesie te re te biznesit. Investimi nga ana e biznesit do te behet ne nje objekt te marre me qera. Investimi ne objektin e marre me qera, a duhet te trajtohet si investim dhe te perdoret zhvleresimi çdo vit, apo duhet te njihet si shpenzim i periudhes ne te cilen ka ndodhur, meqenese objekti nuk eshte ne pronesi te biznesit, por eshte me qera?
✅ Përgjigje
Sipas nenit 15, paragrafi 1 të Ligjit Nr. 05/L-028 për Tatimin në të Ardhurat Personale, është përcaktuar dispozita e përgjithshme e shpenzimeve të lejuara:
“ 1. Në varësi të kufizimeve të këtij ligji, në përcaktimin e të ardhurave të tatueshme, tatimpaguesit i lejohet zbritje nga të ardhurat bruto të paguara ose të bëra vetëm gjatë periudhës tatimore në tërësi dhe ekskluzivisht përkitazi me veprimtarinë e tij ekonomike, përfshirë primet për sigurim shëndetësor, të paguara në interes të punëtorit dhe ato të varura që duhet të përfshihen në polisën e të punësuarit.”
Shpenzimet për përmirësimin e pronës së dhënë me qira mbulohen përmes zbritjeve të zhvlerësimit duke përdorur metodën lineare të bazuar në kohëzgjatjen e kontratës së qirasë.

– Në rastin e kontratave të qirasë të pa afatizuara, ose kur kohëzgjatja e kontratës së qirasë zgjatet shpesh, sipas gjykimit më të mirë të qiramarrësit dhe bazuar në rregullat e kontabilitetit, si dhe praktikat më të mira, duhet të përcaktoj kohëzgjatjen e kontratës së qirasë dhe ta shfrytëzojë atë si emërues për llogaritjen e shpenzimeve vjetore të zhvlerësimit për përmirësim;

– Në rastet kur qiradhënësi dhe qiramarrësi arrijnë marrëveshje që në vend të pagesës së qirasë të kompensohen përmes investimeve që do t’i bëjë qiramarrësi, atëherë ky transaksion këmbimi do të trajtohet transaksion për konsideratë. Për vlerën e investimit të bërë nga qiramarrësi, do t’i faturoj qiradhënësit. Po ashtu, vlerën e njëjtë, qiradhënësi do ta konsideroj të hyrë nga qiraja dhe do t’i faturoj qiramarrësit. Qiramarrësi do ta konsideroj këtë faturë si shpenzim / parapagim të qirasë dhe do të mbajë tatimin në burim në qira për qiradhënësin

Sipas nenit 39, paragrafi 4 të Ligjit Nr. 05/L-028 për Tatimin në të Ardhurat Personale është përcaktuar obligimi i tatimit të mbajtur në burim në qira:

“4. Secili person fizik afarist, ortakëri apo grupim i personave, që paguan qira, mban nëntë për qind (9%) të tatimit në të ardhurat bruto, në kohën e pagesës apo kreditimit dhe do ta transferojë tatimin e mbajtur në burim, në një llogari të caktuar nga ATK-ja në bankën ose institucionin financiar të licencuar nga BQK-ja. Tatimi i mbajtur në burim paguhet deri në ditën e 15 të muajit pasues.”

Investimet në objektin e marrë me qira mund të zhvlerësohen duke u bazuar në kohëzgjatjen e qirasë, apo mund të kompensohen me qiradhënësin, varësisht nga marrëveshja në mes të palëve. Nëse me kontratë parashihet që investimet do të kompensohen për vlerën e qirasë, atëherë qiramarrësi duhet ta faturoj qiradhënësin për investimet e bëra, sipas kontratës, dhe gjithashtu qiradhënësi, vlerën e njëjtë do t’ia faturoj qiramarrësit dhe të njëjtën do ta konsideroj të hyrë nga qiraja.
Gjithashtu, për qëllime të zhvlerësimit dhe trajtimit si aset në evidencat kontabël, deri sa qiradhënësi mbetet pronare e objektit, të drejtën e zhvlerësimit e mbanë qiradhënësi. Ndërsa, nëse shuma e investimit kalon vlerën e paraparë me kontratë, dhe nuk i faturohet nga qiramarrësi tek qiradhënësi, atëherë për vlerën e investimit, nga momenti i vënies në funksion të objektit për qiramarrësin, qiramarrësi do ta konsideron si shpenzim të zhvlerësimit duke u bazuar në kohëzgjatjen e kontratës së qirasë

Kontabilisti

09/09/2026

07/09/2026

06/09/2026

05/09/2026

04/09/2026

03/09/2026

02/09/2026

01/09/2026

31/08/2026

30/08/2026

Address

Opening Hours

Telephone

Website

Alerts

Contact The Business

Shortcuts

Share

Listing takedown request