Singapore Sweep - စကၤာပူထီ

01/05/2021

သာတူညီမျှတဲ့ လောက
လူထုအားနဲ့ တိုက်ယူကြ
ညီညွှတ်ရေးရဲ့ လက်တွေ
တပ်ဦးအလံကို စုရုံးလွင့်ထူကြ
ညီရင်းနှမ သွေးစည်းခြင်းနဲ့
အို မတရားမှုတွေ ဖြိုချ
ဒီရေမြင့်သို့ ရောက်ချိန်
တပ်ဦးအလံကို အမြင့်ဆုံးလွှင့်ထူကြ
ဒီရေမြင့်သို့ ရောက်ချိန်
တပ်ဦးအလံကို စုရုံးလွှင့်ထူကြ ~~~

17/04/2021

16/04/2021

31/03/2021

ကြေညာချက် အမှတ် ( ၂၀/၂၀၂၁ )
၁၃၈၂ ခုနှစ်၊ တပေါင်းလပြည့်ကျော် ၄ ရက်
မတ်လ (၃၁)ရက်၊ ၂၀၂၁ခုနှစ်။
================
ဖွဲ့စည်းပုံအခြေခံဥပဒေ (၂၀၀၈ ခုနှစ်) ကို အပြီးသတ် ဖျက်သိမ်းကြောင်း ကြေညာခြင်း။

၁။ ပြည်ထောင်စုအတွင်း မှီတင်းနေထိုင်ကြသော တိုင်းရင်းသားလူမျိုးပေါင်းစုံ ပြည်သူများ၏ ခိုင်မာသော လိုလားတောင့်တချက်မှာ တရားမျှတမှု၊ တန်းတူညီမျှမှု၊ လွတ်လပ်မှု တည်းဟူသော လောကပါလတရားတို့ကို အခြေခံသည့် ဒီမိုကရေစီရေး၊ တန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးများကို အပြည့်အဝအာမခံချက် ပေးနိုင်သော ဖက်ဒရယ်ဒီမိုကရေစီပြည်ထောင်စုကြီး ပေါ်ပေါက်လာရေး ဖြစ်သည်။

၂။ ဖွဲ့စည်းပုံအခြေခံဥပဒေ (၂၀၀၈ ခုနှစ်) သည် စစ်အာဏာရှင်ဝါဒ သက်ဇိုးရှည်စေရန် ရည်ရွယ်ရေးသား ထားရုံမျှမက ဖက်ဒရယ်ဒီမိုကရေစီပြည်ထောင်စုပေါ်ပေါက်ရေးအတွက် အဟန့်အတားပြုလျက်ရှိသော ဖွဲ့စည်းပုံ အခြေခံဥပဒေတစ်ခု ဖြစ်သည်။

၃။ အကြမ်းဖက်စစ်ကောင်စီသည် ၂၀၂၁ ခုနှစ်၊ ဖေဖော်ဝါရီလ (၁) ရက်နေ့တွင် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပါ ပြဋ္ဌာန်းချက်များကို ချိုးဖောက်လျက် နိုင်ငံတော်အာဏာကို အဓမ္မသိမ်းယူခဲ့ခြင်းကြောင့် ဤ ဖွဲ့စည်းပုံအခြေခံဥပဒေသည် ပျက်ပြယ်ခဲ့ပြီး ဖြစ်သည်။

၄။ အာဏာရှင်စနစ် ပပျောက်ရေး၊ ဖွဲ့စည်းပုံအခြေခံဥပဒေ(၂၀၀၈ ခုနှစ်) အပြီးသတ် ဖျက်သိမ်းရေး၊ ဖက်ဒရယ် ဒီမိုကရေစီပြည်ထောင်စု တည်ဆောက်ရေး၊ ပြည်သူ့အစိုးရ ပေါ်ထွန်းရေး ရည်ရွယ်ချက်များဖြင့် ဖက်ဒရယ်ဒီမို ကရေစီအင်အားစုများ စုပေါင်းဆွေးနွေးဆုံးဖြတ်လျက် အတည်ပြုပြဋ္ဌာန်းခဲ့သော ဖက်ဒရယ်ဒီမိုကရေစီပဋိညာဉ် သည်လည်း မြန်မာနိုင်ငံတွင် ပေါ်ပေါက်ခဲ့ပြီ ဖြစ်သည်။

၅။ သို့ပါ၍ ပြည်ထောင်စုလွှတ်တော်ကိုယ်စားပြုကော်မတီသည် ဖွဲ့စည်းပုံအခြေခံဥပဒေ (၂၀၀၈ ခုနှစ်) အား ယနေ့ ၂၀၂၁ ခုနှစ် မတ်လ ၃၁ ရက်တွင် အပြီးသတ် ဖျက်သိမ်းကြောင်း ကြေညာလိုက်သည်။

31/03/2021

26/03/2021

ပြည်သူ့တော်လှန်ရေးနေ့မှာ သမိုင်းသစ်တစ်ခု ဖြစ်တဲ့ "ဖက်ဒရယ် FM ရေဒီယို" ကိုစတင်လွှင့်ပါတော့မယ် 👏🏼👏🏼👏🏼

90.2 MHz

27.3.2021 (မနက် 9 နာရီမှ စတင်ဖမ်းယူနိုင်)

Generation Z တွေ စည်းစည်းလုံးလုံးနဲ့ ပြည်သူတွေအတွက် သတင်းအချက်အလက် ရရှိနိုင်အောင် ကြိုးစားထားတဲ့ ရေဒီယိုလိုင်းပဲ ဖြစ်ပါတယ်။

လုပ်နေတာက ကြာပါပြီ ပစ္စည်းမှာထားတာတွေ လမ်းမှာကြာနေလို့ အခုထိကြာသွားတာပါတဲ့။

လောလောဆယ်တော့ ရန်ကုန်မြို့ရဲ့ တချို့နေရာတွေပဲ ရနိုင်ပါဦးမယ်။
လဆန်းပိုင်းမှာ ရန်ကုန်တမြို့လုံးနဲ့ တခြားမြို့တွေမှာရရှိနိုင်အောင် ကြိုးစားနေပါတယ်။
(MHz လိုင်းကတော့ ပုံသေမဟုတ်သေးပါဘူး၊ ဖမ်းယူနားဆင်နိုင်မယ့် အချိန်ပိုင်းတွေကို နောက်ပိုင်း ပြန်ပြောပေးသွားပါ့မယ်)

ဖုန်းနဲ့ချိတ်ပြီး နားဆင်လို့ရပါတယ်။
မနက်ဖြန် အပြင်ထွက်တဲ့ သူတွေအနေနဲ့ နားကြပ်ယူသွားပြီးတော့ နားဆင်နိုင်ပါတယ်။
အိမ်မှာနေတဲ့သူတွေလည်း နားဆင်နိုင်ပါတယ်။

အရေးတော်ပုံ အောင်တော့မည် 💪🏼💪🏼💪🏼

Design - Minnye Hla

26/03/2021

#ဟွန်းတီးသပိတ်_ဆင်နွှဲကြ

#လက်သုံးချောင်းသင်္ကေတ_ထောင်ကြ

မနက်ဖြန်၊ ဖက်ဆစ်တော်လှန်ရေးနေ့၊ ပြည်လုံးကျွတ်သပိတ်ကြီး။

တောရော မြို့ပါ၊ တစ်နိုင်ငံလုံး လမ်းမတွေ‌ထက် တက်ခဲ့ကြပါ။

အရင်တုန်းကလိုပဲ၊ မန္တလေးရော၊ တစ်နိုင်ငံလုံးရော ဆိုင်ကယ်သမားတွေက အကုန် ဆိုင်ကယ်ဟွန်းတီး သပိတ် လုပ်ကြပါ။

ကားသမားတွေက အကုန် ကားဟွန်းတီး သပိတ် လုပ်ကြပါ။

လူစုပြီး ကြွေးကြော်သံများလည်း တိုင်ကြပါ။

အားလုံး လမ်းမပေါ် ထွက်ကြမယ်၊ အားလုံး အသံထွက်ကြမယ်။ တော်လှန်ရေးအသံကို အမြင့်ဆုံး ထုတ်ဖော်ကြပါ။

တော်လှန်ရေး သင်္ကေတ လက်သုံးချောင်း ထောင်ကြပါ။

လမ်းလျှောက်ချီတက်၊ ကြွေးကြော်ဆန္ဒပြလိုသူများ မိမိတို့ နီးစပ်ရာ သပိတ်အင်အားစုများ၊ သပိတ်စစ်ကြောင်းများနဲ့ ပူးပေါင်းကြပါ။

အနည်းဆုံး မိမိတို့ရပ်ကွက်အလိုက်၊ ကျေးရွာအလိုက် ပြည်သူများ စုစည်းပြီး အနီးဆုံးလမ်းမထက်မှာ စုဝေးဆန္ဒပြကြပါ။

ည ၈ နာရီ တီးနေကျ သံပုံးတီးသံကိုလည်း အကျယ်ဆုံး ဖြစ်ပါစေ။

ကျနော်တို့ ပြည်သူက အကြမ်းမဖက်ဘူး၊ မကြောက်ဘူး။

---------------

ကျနော်တို့ ဒီအချိန်မှာ ကြောက်နေရင် တစ်သက်လုံး ကြောက်ခေတ်ထဲမှာ နေရတော့မယ်။

ကျနော်တို့ ဒီအချိန်မှာ တွေဝေနေရင် တစ်သက်လုံး အ‌မှောင်ခေတ်ထဲမှာ နေရတော့မယ်။

ကျနော်တို့ ဒီအချိန်မှာ တုံ့ဆိုင်းနေရင် တစ်သက်လုံး အပိတ်ခေတ်ထဲမှာ နေရတော့မယ်။

#ကြောက်ခေတ်ကို_မှောက်ပစ်ကြ

လူထုတစ်ရပ်လုံး ညီညွတ်ကြလော့။

ဘုံပန်းတိုင်ကို ရှေးရှုကြလော့။

ဘုံရန်သူကို တိုက်ခိုက်ကြလော့။
San

26/03/2021

စစ်အာဏာရှင်ဆန့်ကျင်ရေး ရန်ကုန်ပြည်သူများ မြို့လယ်​ခေါင် လမ်း​တွေ​ပေါ်ပြန်တက်လာ

By Burma Associated Press

အာဏာသိမ်းစစ်ကောင်စီက မြန်မာနိုင်ငံအနှံ့အပြားတွင် အာဏာရှင်ဆန့်ကျင်ရေး ဆန္ဒပြသူများကို အကြမ်းဖက် သတ်ဖြတ်ကာ နှိမ်နင်းလျှက် ရှိသော်လည်း ဆန္ဒပြမှူများမှာ ‌အားကောင်းနေဆဲဖြစ်ပြီး ယ​နေ့ မတ်လ ၂၆ ရက်​နေ့တွင် ရန်ကုန်ပြည်သူများ လမ်းမ​ပေါ်ပြန်တက်၍ စစ်အာဏာရှင်ဆန့်ကျင်​ရေး သပိတ်​မှောက်ကြသည်။

ယနေ့ မတ်လ ၂၆ ရက်တွင်လည်း လုံခြုံရေး အထူးတင်းကြပ်ထားသည့် ရန်ကုန်မြို့ ဆူးလေဘုရားအနီးတွင် လူငယ်များဦးဆောင်ကာ စစ်အာဏာရှင်ဆန့်ကျင်ရေး ချီတက်လမ်းလျှောက်ခြင်း၊ ကြွေးကြော်သံများ ကြွေးကြော်ခြင်းများကို အောင်အောင်မြင်မြင် ပြုလုပ်ခဲ့ကြသည်။

24/03/2021

#အမြန်ဖြန့် #ပြန်ကူးတင်
#စစ်အာဏာရှင်စနစ်မုချကျဆုံးရမည်
#ပြည်သူအားလုံးပူးပေါင်းဆန့်ကျင်ကြ
#ခေတ်ဆိုးအမွေကိုလက်ဆင့်မကမ်းကြနဲ့

23/03/2021

15/03/2021