25/10/2024
قيادة القوات المسلحة التخازل الحاصل في الجزيرة دا ما مقبول نهائى وغير مبرر
انسحبتو من الجزيرة الناس صبرت ليكم سنة ونص بتقولو جايين مدني وما جيتو والناس صبرت اما الان الوضع اختلف المليشيا بقت تقتل المواطنين كبار ونساء واطفال بدم بارد
الكلام الحاصل في قرى الجزيرة دا يا جيش مافي مسلم ولا سوداني حر برضاهو والله كان ما لحقتو الناس بركة ما فيكم كلكم يا قيادة الجيش الناس بتستنجد بيكم اكثر من 5 يوم مافي اي ردة فعل منكم الكلام دا نهايته وين والله لو فيكم ذرة نخوة بكره كل المتحركات الفي الجزيرة دي تدخل عندكم جيش في المناقل عندكم جيش في الفاو عندكم جيش في البطانه عندكم جيش في سنار الناس البموتو ديل اهلكم واخواتكم واطفالكم ابناء الجزيرة في القوات المسلحة وين ردة فعلكم على البحصل في اهلكم كل يوم وانتو ساكتين لمتين السكوت شدو حيلكم واضغطو على قيادتكم بكرة الجيش دا يدخل الجزيرة
