13/03/2023
صحيت من النوم عندي هبوط حاد وصداع رهيب ولغيت الشغل ومقدرتش اقوم من السرير طول اليوم
الولاد رجعوا من المدرسه طلبنا اوردر اكل وطلبت لنفسي شوربه
تميم جابلي الاكل وبيقولي سخنتلك الشوربا جدا زي ما انت بتحبي 🥰
قلت له حركه جامده دي
قالي ما انا من يوم شوربه السمك وانا اتعلمت خلاص 😊
قلت له ايه يوم شوربه السمك ده مش فاكره 😆
قالي اليوم اللي اربع مرات اجبلك الشوربه تدوقيها وترجعي تطلبي مني ارجع اسخنها تاني عشان هي كده مش سخنه كفايه 😅
اليوم ده يا جماعه كان من سنتين 🤣
بدأت الاحظ شرا دماغ وكروته بزياده منه في مهام كتير مطلوبه منه
وبعد ما خلصت المعارك الاموميه اللي جوايا عن انه ازاي طفل معندوش ضمير 🤣🤣 وعقلت ساره الام اللي جوايا واحتوتها وفهمتها ان عادي ضميره يقع وانا اصحيه 🤣
جبته في قاعده رايقه واتكلمنا عن حديث النبي ان الله يحب اذا عمل احدكم عمل ان يتقنه
وابتدينا نشوف مكاسب وخساير اتقان العمل
عشان انا مش بربيه بالسذاجه بتاعت ان الاتقان ده بيدي سعاده من غير تمن وقعدنا نفكر ايه اللي هيصبرنا علي الخساير والارهاق وهي املنا ان ربنا يتقبل مننا وندخل الجنه
ورصينا نتايج الاتقان من تميز وتفوق وحياه more rewarding
دخلت الwhy
اشتغلنا علي الwhat
ايه هو الاتقان ؟،
وبدأت اديله امثله عن اماكن رحناها او حاجات عملناها بأتقان وحاجات لا
خلصنا نقاش في الwhat
دخلنا علي الhow
ايه هي الخطوات اللي بنتبعها عشان نوصل لكده
١-افهم الخطوات كويس
٢-اتمرن ومع الوقت هجيب الاتقان
وكل مهمه وليها معايرها
كده هو فهم واستوعب
ننفذ بقي
بدأت اركز معاه ولما الاقيه في مهمه انا عارفه انه عارف ازاي يعملها بأتقان وبيكروت اطلب منه بمنتهي الاحترام انه يعيدها
يكروت
ارجعه بدعم وتشجيع (مش غضب ) يعيدها
وفي الاخر لما يظبطها اقوله كلام بيعبر عن تقديري لمجهوده واشكره
وده اسمه follow up
When you say it mean it
يعني لما تقول حاجه لازم تكون فعلا مهمه وتعنيها وتركز فيها
ياما كلامك وشرحك هتقلب محاضرات ممله وانت هتتعصب وتفتكر ان التقصير عن ابنك وانت اللي فاكرها بالكلام
الكلام سهل المهم التنفيذ
ولولا انه فرهد مني وشاف اني i mean it ومش هعديها بدون عذر لولا انه استجاب وبقي من نفسه عارف حدوده وان الكروته بتيجي علي دماغه بس من غير ما اللمس احترامه او اقلل من تقديري ليه
Just follow up
خليكم ورا ولادكم لحد ما يعملوها 😍😍
ويبقي الاثر
