27/10/2024
Ceasefire talks dobarah shuru ho rahi hain do mahine ke baad, aur Israel ka Iran par mehdood hamla bhi dekhne ko mila hai, jo ke dono taraf se downplay kiye jane par tensions mein kami la sakta hai. Yeh cheezen gold par selling pressure dal sakti hain. Dusri taraf, agar Israel aur Iran ke darmiyan tension dobara escalate hoti hai tou ye long-term mein phir se badh sakti hai. Sawal ye hai ke kya Friday ke closing tak ye attack price mein shamil ho chuka tha. Ye aik ajeeb dunia hai jahan dusre mulk par attack ko relief ke taur par dekha ja raha hai, sirf is wajah se ke ismein civilians ya infrastructure ko nuksan nahi pohnchaya gaya.
Ab ham post-attack phase mein hain aur ho sakta hai ke gold ke price mein pullback aaye ya phir ek uptick ho, jo ke potential decline ke sath khatam ho, magar fomo ke asar se 2700 ke level ko shayad hum permanent tor par chor dein. Dusri taraf, kai analysts yeh nahi samajhte ke gold 2800 ka level agle kuch hafton se pehle pohanch payega. Main already short mein hoon aur ho sakta hai ke mujhe loss ho lekin main Asian opening ko bohat closely follow karunga. Agar yeh 2770 ke upar chala gaya tou mein apne loss ko cut kar dunga aur kuch waqt ke liye out rahunga, lekin is hafta sharp sell-off aur decline ki umeed hai kyunke mujhe lagta hai Israel ko bhi ceasefire ki zaroorat hai aur wo kam az kam symbolically de-escalate karenge rather than escalate, especially election se pehle. Agar Trump jeet gaya tou mujhe lagta hai Iran ke liye khatra hai ke wo aik battle zone mein tabdeel ho sakta hai.
