19/06/2025
Tapat ang Diyos sa Bawat Panahon ng Buhay”
📜 Text: Santiago 1:2-4
> “Mga kapatid, magalak kayo kapag kayo'y dumaranas ng iba't ibang uri ng pagsubok. Sapagkat alam ninyong nagbubunga ito ng katatagan sa pananampalataya. At hayaang maging ganap ang katatagang ito upang kayo'y maging ganap at lubos, at walang anumang pagkukulang.
Lahat tayo ay dumaraan sa iba't ibang season of life — may panahon ng tagumpay, may panahon ng pagsubok, may panahon ng kasaganaan, at may panahon ng kawalan. Ngunit sa bawat yugto, ang layunin ng Diyos ay hindi lamang ang ating kaginhawaan, kundi ang ating pagiging ganap at matatag sa pananampalataya.
Points:
1. Ang Pagsubok ay Bahagi ng Bawat Season (v.2)
Hindi aksidente ang pagsubok. Bahagi ito ng paglalakbay ng bawat mananampalataya.
Sa bawat season, may dalang leksyon ang Diyos.
Ang ating tugon ay hindi reklamo kundi kagalakan — dahil alam nating may layunin Siya.
Application: Huwag tayong matakot sa mahirap na panahon — gamitin natin ito para lalo tayong lumapit sa Diyos.
---
2. Ang Katatagan ay Bunga ng Pagsubok (v.3)
Hindi agad-agad lumalalim ang pananampalataya — ito ay hinuhubog sa pamamagitan ng mga pagsubok.
Ang mga hamon sa buhay ay ginagamit ng Diyos upang palakasin ang ating loob at tiwala sa Kanya.
Illustration: Tulad ng bakal na pinapainit upang tumibay, ganun din ang ating pananampalataya sa panahon ng pagsubok.
3. Ang Layunin ng Diyos ay Kaganapan at Pagtatagumpay (v.4)
Ang Diyos ay hindi lang interesado na tayo’y “makaraos” — gusto Niya tayong maging ganap, lubos, at walang pagkukulang.
Sa bawat season — may itinuturo ang Diyos, may binabago, at may binubuo sa atin.
Encouragement: Kahit di natin maintindihan ngayon, tiyakin nating may ginagawa ang Diyos para sa ating ikabubuti.
