25/12/2025
ं_बार्षिक_साधारण_सभा_सम्पन्न
बेलचौतरा बचत तथा ऋण सहकारी संस्था लि. ले आज आफ्नो १५ औं बार्षिक साधारण सभा सम्पन्न गरेको छ। सञ्चालक समिति अध्यक्ष श्री बाबुराम कार्की ज्यूको अध्यक्षता र ज्येष्ठ शेयर सदस्य एवम् समाजसेवी श्री प्रेम प्रसाद लालचन ज्यूको प्रमुख आतिथ्यतामा सम्पन्न भएको सो कार्यक्रम संस्थाका सचिव श्री हरिराज अधिकारीले सञ्चालन र उपाध्यक्ष श्री अमृता तिमिल्सिनाले उपस्थित सम्पूर्णलाई मन्तब्यद्वारा स्वागत गर्नु भएको थियो। सभामा कोषाध्यक्ष श्री ढाकाराम गिरी, सचिव र लेखा सुपरिवेक्षण समिति संयोजक श्री बसन्त बहादुर थापाले संस्थाका आफु सम्बन्धित प्रतिवेदनहरु प्रस्तुत गर्नुभएको थियो। सभामा उपस्थित शेयर सदस्यबाट बिभिन्न प्रतिवेदन उपर छलफल गर्दै पारित गर्ने, सञ्चालक समितिले राखेका संस्थाको आगामी वर्ष गरिने कार्यक्रम हरु स्वीकृत गर्ने जस्ता महत्वपूर्ण कामहरु भएका छन्। सो अवसरमा मंगला राना मगर संयोजक रहनु भएको शिक्षा उपसमितिले सिफारिस गरेको शेयर सदस्य मध्येका १२ कक्षा उत्तीर्ण गरेका २ जना उत्कृष्ट विद्यार्थी क्रमशः कृष कुमाल (अभिभावक- लोक बहादुर कुमाल)र आवाज पौडेल(अभिभावक-अशोक पौडेल)लाई नगद र प्रशंसा पत्रद्वारा सम्मानित पनि गरिएको थियो।बर्तमान समितिले आफु निर्बाचित भएपछिको यो तेस्रो बार्षिक साधारण सभा सम्पन्न गरेको हो।
बार्षिक साधारण सभा-२०८२ का केही झलकहरू:
