18/05/2026
नेपाल बीमा प्राधिकरणको आयोजनामा आज नुवाकोटको बट्टारस्थित होटल स्क्वायरमा एक विशेष अन्तरक्रिया तथा छलफल कार्यक्रम सम्पन्न भएको छ।
जिल्लागत रूपमा बीमा क्षेत्रका समस्याहरू पहिचान गर्ने र यस क्षेत्रको दिगो विकासका लागि रणनीति तय गर्ने उद्देश्यका साथ आयोजित उक्त कार्यक्रममा नेपाल बीमा प्राधिकरणका निर्देशक श्री ध्रुव तिमिल्सिना ज्यूको प्रमुख उपस्थिति रहेको थियो।
कार्यक्रममा नुवाकोट जिल्लामा सञ्चालित सम्पूर्ण बीमा कम्पनीका शाखा प्रमुखहरू एवं सरोकारवालाहरूको उत्साहजनक सहभागिता रहेको थियो। प्राधिकरणका उप-निर्देशक पुनम ज्ञवाली श्रेष्ठद्वारा जारी गरिएको निमन्त्रणा अनुसार आज साँझ ६:०० बजे सुरु भएको उक्त कार्यक्रममा बीमा बजारको वर्तमान अवस्था, दाबी भुक्तानीका चुनौती, जनचेतना अभिवृद्धि र स्थानीय स्तरमा देखिएका व्यावहारिक समस्याहरूमाथि मन्थन र गम्भीर छलफल (Internal Insights) भएको छ।
नियामक निकाय र स्थानीय शाखा प्रमुखहरू बीचको यो प्रत्यक्ष संवादले आगामी दिनमा नुवाकोटमा बीमा व्यवसायलाई थप व्यवस्थित, विश्वसनीय र जनमुखी बनाउन महत्त्वपूर्ण भूमिका खेल्ने विश्वास लिएका छौँ।
कार्यक्रमलाई भव्य रूपमा सफल पार्न उपस्थित हुनुभएका सम्पूर्ण बीमाकर्मी साथीहरू, नेतृत्व वर्ग तथा नेपाल बीमा प्राधिकरणको टोलीप्रति हार्दिक धन्यवाद एवं आभार व्यक्त गर्दछौँ! 🙏💼
