Share Chautari

Share Chautari Financial News, Current affairs, Market Updates
guiding your financial future.
“तपाईंको वित्तीय भविष्यलाई मार्गदर्शन गर्दै।”

NEPSE daily updateजेष्ठ २० /june 3Investment and Finance
03/06/2026

NEPSE daily update
जेष्ठ २० /june 3
Investment and Finance

NEPSE daily updateजेष्ठ १९ /june 2Investment and Finance
02/06/2026

NEPSE daily update
जेष्ठ १९ /june 2
Investment and Finance

लामो समयदेखि शेयर लगानीकर्ताहरूले माग गर्दै आएको पुँजीगत लाभकरको विषयलाई सरकारले सम्बोधन गरेकाे छ। अर्थमन्त्री वाग्लेले ...
29/05/2026

लामो समयदेखि शेयर लगानीकर्ताहरूले माग गर्दै आएको पुँजीगत लाभकरको विषयलाई सरकारले सम्बोधन गरेकाे छ। अर्थमन्त्री वाग्लेले आगामी आर्थिक वर्षदेखि सूचीकृत कम्पनीहरूको धितोपत्र बिक्री गर्दा लाग्दै आएको पुँजीगत लाभकरलाई अन्तिम कर हुने व्यवस्था मिलाइएको छ । यसअघि पुँजीगत लाभकर अन्तिम हुने वा नहुने भन्नेमा लगानीकर्ता र कर प्रशासनबीच रहेको अन्योलता रहेको थियो ।

हाल लगानीकर्ताले पूँजीगत लाभकरको व्यवस्था एक वर्षभन्दा कम अवधि शेयर होल्ड गर्नेले ७.५ प्रतिशत तथा एक वर्षभन्दा लामो अवधि होल्ड गर्नेले पाँच प्रतिशत पूँजीगत लाभकर तिर्दै आएका छन् ।

अर्थमन्त्री स्वर्णिम वाग्लेले संघीय संसद्मा चालू आर्थिक वर्ष २०८२/८३ को आर्थिक सर्वेक्षण प्रस्तुत गरेका छन्।आर्थिक सर्वे...
27/05/2026

अर्थमन्त्री स्वर्णिम वाग्लेले संघीय संसद्मा चालू आर्थिक वर्ष २०८२/८३ को आर्थिक सर्वेक्षण प्रस्तुत गरेका छन्।

आर्थिक सर्वेक्षण प्रस्तुत गर्दै अर्थमन्त्री वाग्लेले विश्व अर्थतन्त्रमा देखिएको अनिश्चितता र क्षेत्रीय द्वन्द्वका बाबजुद नेपालको समष्टिगत आर्थिक सूचकहरूमा सुधार देखिएको र सामाजिक क्षेत्रमा सन्तोषजनक प्रगति भएको बताए।

उनले प्रस्तुत गरेकाे आर्थिक सर्वेक्षणअनुसार चालु आर्थिक वर्षमा नेपालको अर्थतन्त्र ३.८५ प्रतिशतले विस्तार हुने अनुमान गरिएको छ । विश्व अर्थतन्त्र ३.१ प्रतिशतमा खुम्चने प्रक्षेपण भइरहेका बेला नेपालको यो वृद्धि दरलाई सकारात्मक मानिएको छ । मुलुकको अर्थतन्त्रको कुल आकार ६६ खर्ब पुग्ने र नेपालीको प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ । प्रदेशगत रूपमा वागमती र गण्डकी प्रदेशको वृद्धिदर राष्ट्रिय औसतभन्दा माथि रहे पनि अन्य प्रदेशको वृद्धिदर भने औसतभन्दा न्युन रहने देखिएको छ ।

अर्थमन्त्रीले संसदमा पेश गरेको सर्वेक्षणअनुसार कुल गार्हस्थ्य उत्पादनमा कृषि क्षेत्रको योगदान २४ प्रतिशत र गैर–कृषि क्षेत्रको ७६ प्रतिशत रहने अनुमान छ । आर्थिक गतिविधिमा वागमती प्रदेशको दबदबा कायम छ, जसले कुल गार्हस्थ्य उत्पादनमा ३६.७ प्रतिशत योगदान पुर्याएको छ । यद्यपि, प्रमुख खाद्यान्न बाली धानको उत्पादनमा भने ४.२० प्रतिशतले संकुचन आई ५७ लाख ५ हजार मेट्रिक टनमा सीमित भएको सर्वेक्षणले देखाएको छ ।

अर्थमन्त्री वाग्लेले सांसद्मा आर्थिक सर्वेक्षण पेश गर्दै चालु आर्थिक वर्षको फागुन सम्ममा संघीय राजश्व ३.२ प्रतिशतले वृद्धि भएको जानकारी दिए । उनका अनुसार सरकारी खर्च १०.४ प्रतिशतले बढे पनि पुँजीगत खर्च (विकास खर्च) मा भने उल्लेख्य सुधार हुन सकेको छैन । सरकारको कुल सार्वजनिक ऋण २८ खर्ब ७८ अर्ब पुगेको छ, जुन कुल गार्हस्थ्य उत्पादनको ४३.६ प्रतिशत हो । यसै वर्ष सरकारले ३ खर्ब सार्वजनिक ऋण परिचालन गरेको छ ।

वाग्लेले सर्वेक्षण पेश गर्दै देशको बाह्य क्षेत्र निकै बलियो देखिएको बताएका छन् । उनका अनुसार विप्रेषण आप्रवाह (रेमिट्यान्स) ३७.७ प्रतिशतले बढेर १४ खर्ब ५० अर्ब पुगेको छ । विदेशी विनिमय सञ्चिति ३४ खर्ब १४ अर्ब पुग्दै ऐतिहासिक उचाइमा पुगेको छ, जसले १८.५ महिनाको वस्तु तथा सेवा आयात धान्न पर्याप्त छ । यद्यपि, व्यापार घाटा ११.२ प्रतिशतले बढेर १० खर्ब ९८ अर्ब पुग्नु अर्थतन्त्रको लागि चुनौती बनेको छ ।

आर्थिक सर्वेक्षण अनुसार प्रविधिमैत्री भुक्तानीमा उल्लेख्य प्रगति भएको छ । फागुन महिनासम्म क्यूआर कोडमार्फत हुने कारोबार १ खर्ब २५ अर्ब नाघेको छ । यस्तै, सन् २०२५ को सार्वभौम क्रेडिट रेटिङमा नेपालले स्टेबल आउटलुक प्राप्त गरेको छ, जसले अन्तर्राष्ट्रिय स्तरमा नेपालको साख सुध्रिएको संकेत गर्छ । मुद्रास्फीति (महँगी) भने नियन्त्रणमै रहेको छ, जुन औसत २.१३ प्रतिशत छ ।

मानव विकासका सूचकहरूमा नेपालले प्रगति गरेको छ । मानव विकास सूचकांक ०.६२२ र नेपालीको औसत आयु ७१.३ वर्ष पुगेको छ । स्वास्थ्य क्षेत्रमा मातृ मृत्युदर प्रति लाख १५१ र ५ वर्ष मुनिको बाल मृत्युदर प्रति हजार ३३ मा झरेको छ । शिक्षातर्फ आधारभूत तहको खुद भर्ना दर ९७.८ प्रतिशत पुगेको छ भने स्वास्थ्य बीमा र सामाजिक सुरक्षा कोषमा नागरिकको आबद्धता बढ्दो क्रममा रहेको आर्थिक सर्वोक्षणमा उल्लेख गरिएको छ ।

NEPSE daily updateजेष्ठ १२ /may 26Investment and Finance
26/05/2026

NEPSE daily update
जेष्ठ १२ /may 26
Investment and Finance

नेपाल धितोपत्र बोर्ड (सेबोन) को अध्यक्ष नियुक्तिका लागि छनोट समितिले तीन जनाको नाम सिफारिस गरेको छ। समितिले संक्षिप्त सू...
25/05/2026

नेपाल धितोपत्र बोर्ड (सेबोन) को अध्यक्ष नियुक्तिका लागि छनोट समितिले तीन जनाको नाम सिफारिस गरेको छ। समितिले संक्षिप्त सूचीमा परेका चार उम्मेदवारसँग प्रस्तुतीकरण तथा अन्तर्वार्ता लिएपछि तीन जनाको नाम अर्थ मन्त्रालयमा पठाएको हो।

स्रोतका अनुसार सिफारिसमा पर्नेहरूमा विनयदेव आचार्य, डा. गोपालप्रसाद भट्ट र मुकुन्दकुमार क्षत्री रहेका छन्।

समितिले उम्मेदवारहरूको प्रस्तुतीकरण, अन्तर्वार्ता र बायोडाटा मूल्यांकनपछि तीन जनाको नाम टुंगो लगाएको हो। उक्त सूची अर्थमन्त्री डा. स्वर्णिम वाग्लेलाई बुझाइएको छ। अब अर्थमन्त्री वाग्लेले मन्त्रिपरिषद् बैठकमा प्रस्ताव लैजाने तयारी गरेका छन्।

पाकिस्तानका सेना प्रमुख आसिम मुनीर इरानको राजधानी तेहरान पुगेका छन् । मुनीर शुक्रबार तेहरान पुगेको पाकिस्तानी सञ्चारमाध्...
23/05/2026

पाकिस्तानका सेना प्रमुख आसिम मुनीर इरानको राजधानी तेहरान पुगेका छन् । मुनीर शुक्रबार तेहरान पुगेको पाकिस्तानी सञ्चारमाध्यमलाई उद्धृत गर्दै बीबीसीले जनाएको छ ।

उनले इरान–अमेरिका वार्ता, क्षेत्रीय शान्ति तथा अन्य महत्त्वपूर्ण विषयमा छलफल गर्ने पाकिस्तानी सञ्चारमाध्यमले जनाएका छन् । यस्तै अमेरिकी विदेशमन्त्री मार्को रुबियोले पनि आसिम मुनीरसँग निरन्तर सम्पर्क भइरहेको बताएका छन् । उनले इरानसँग चाँडै कुनै समझदारी बन्न सक्ने आशा पनि व्यक्त गरेको खबरमा उल्लेख छ ।

इरानका विदेशमन्त्री अब्बास अराघचीले अमेरिका–इरान वार्तामा केही सकारात्मक संकेत देखिएको समेत बताएका छन् । तर, इरानको युरेनियम भण्डारण र हर्मुज जलमार्गको नियन्त्रणजस्ता संवेदनशील विषयमा अझै सहमति हुन सकेको छैन । अराघचीले सामाजिक सञ्जाल एक्समार्फत वर्तमान तनावपूर्ण अवस्थाकाबीच पनि वार्ता प्रक्रियाप्रति आफू आशावादी रहेको बताउनु भएको छ । दुई देशबीचको युद्धले अहिलेसम्म ठूलो आर्थिक र मानवीय क्षति पुर्यायको छ । विश्वभर तेल आपूर्तिमा अवरोधसँगै मूल्य तीव्र रूपमा बढेको छ ।

इरानको तेल निर्यात लगभग ठप्प हुँदा उसको अर्थतन्त्रमा ठूलो दबाब परेको छ भने अमेरिका र युरोपमा पनि मुद्रास्फीति तथा इन्धन खर्च बढेको छ । खाडी क्षेत्रका धेरै देशमा व्यापार, हवाई सेवा र पर्यटन प्रभावित भएका छन् ।

NEPSE daily updateजेष्ठ ८ /may 22Investment and Finance
22/05/2026

NEPSE daily update
जेष्ठ ८ /may 22
Investment and Finance

NEPSE daily updateजेष्ठ ७ /may 21Investment and Finance
21/05/2026

NEPSE daily update
जेष्ठ ७ /may 21
Investment and Finance

काठमाडौँ । सरकारले विस्थापित सुकुम्बासीलाई प्रति परिवार २५ हजार रुपैयाँ दिने भएको छ । मंगलबार बसेको मन्त्रीपरिषद बैठकले ...
20/05/2026

काठमाडौँ । सरकारले विस्थापित सुकुम्बासीलाई प्रति परिवार २५ हजार रुपैयाँ दिने भएको छ । मंगलबार बसेको मन्त्रीपरिषद बैठकले पुनर्स्थापनाबापत एकमुष्ट २५ हजार रुपैयाँ दिने निर्णय गरेको हो ।

सरकारले जोखिमयुक्त बस्ती हटाइएकाहरुलाई वैकल्पिक बसोबासको व्यवस्था गर्न प्रोत्साहन स्वरुप ५ सदस्य भएको परिवारलाई प्रति परिवार १५ हजार दिने पनि निर्णय गरेको छ ।सरकारले विस्थापित सुकुम्बासीलाई प्रति परिवार २५ हजार रुपैयाँ दिने भएको छ ।

त्यस्तै, ५ भन्दा बढी सदस्य भएको परिवारलाई प्रतिसदस्य थप २ हजार प्रतिमहिनाका दरले ३ महिनाका लागि बसोबास व्यवस्थापन खर्च दिने पनि निर्णय गरेको छ । त्यस्तै, सकुम्बासीहरुलाई मासिक १५ हजार सहयोग रकम दिने पनि सरकारले निर्णय गरेको छ ।

त्यसबाहेक सरकारले स्वीटजरल्याण्ड सरकारको ६.११ मिलियन स्वीस फ्र्याङ्क अनुदान र अरनिको राजमार्ग मर्मत गर्न चीन सरकारले प्रदान गर्ने ७९.३६ मिलियन आरएमवी स्वीकार गर्ने पनि निर्णय गरेको छ ।

Address

Banasthali, Kharibot
Kathmandu

Website

Alerts

Be the first to know and let us send you an email when Share Chautari posts news and promotions. Your email address will not be used for any other purpose, and you can unsubscribe at any time.

Shortcuts

Share

Category