https://www.facebook.com/751373991389231/

Raising stocks, Raising stock, Kathmandu (2026)

27/05/2026

कर्मचारीको तलब वृद्धिहुदा आर्थतन्त्रमा के प्रभाव पर्छ ??

27/04/2026

इरानमा इन्टरनेट सेवा लगभग पूर्ण रूपमा अवरुद्ध भएको अवस्था लगातार ५८औँ दिन पनि कायम रहेको छ ।

इन्टरनेट निगरानी संस्था नेटब्लक्सका अनुसार देशभर नेटवर्क अवरोध नवौँ सातामा पुगेको छ र १ हजार ३६८ घण्टा नाघिसकेको छ ।
जानकारीअनुसार जनवरीको सुरुआतमा पुनः सुरु भएका सरकारविरोधी प्रदर्शनपछि इन्टरनेटमाथि नियन्त्रण कडा बनाइएको थियो । त्यसपछि फेब्रुअरी अन्त्यतिर इरानमाथि अमेरिका–इजरायल युद्ध सुरु भएपछि प्रतिबन्ध अझ कडा पारिएको बताइएको छ ।

इन्टरनेटमा निर्भर हजारौँ मानिसको दैनिक कामकाज प्रभावित भएको छ । विशेषगरी अनलाइन व्यवसाय, सञ्चार र सेवा क्षेत्रमा ठूलो समस्या देखिएको छ ।

विशेषज्ञहरूका अनुसार लामो समयसम्म इन्टरनेट बन्द हुँदा आर्थिक गतिविधिमा गम्भीर असर पर्नुका साथै सर्वसाधारणको जीवन पनि प्रभावित हुने गर्छ ।

15/03/2026

कालिनचोक हाइड्रोपावर लिमिटेडको आईपीओमा आवेदन दिने आज अन्तिम दिन रहेको छ । कम्पनीले फागुन १३ गतेदेखि आयोजना प्रभावित क्षेत्रका स्थानीय बासिन्दाहरुका लागि निष्काशन तथा बिक्री खुला गरेको आईपीओमा आवेदन दिने आज (चैत १ गते) अन्तिम दिन रहेको हो ।

10/02/2026

भुजुङ हइड्रोपावर लिमिटेडको आईपीओ माघ २८ गते बाँडफाँट हुने भएको छ । कम्पनीको बिक्री प्रबन्धक कुमारी क्यापिटलले आईपीओ बाँडफाँड मंगलबार बिहान ९ बजे गर्ने तयारी भइरहेको हो ।

कम्पनीले माघ १२ गतेदेखि माघ १५ गतेसम्म सर्वसाधारणलाई निष्कासन गरेको आईपीओमा २६ लाख ६५ हजार १ सय ७४ जनाले ३ करोड ७ लाख ८४ हजार ८२० कित्ताको लागि आवेदन दिएका छन् । यो माग गरिएको भन्दा ३७.०९ प्रतिशत बढी हो । कम्पनीले सर्वसाधारणका लागि ८ लाख ३० हजार कित्ता आईपीओ जारी गरेको हो । कम्पनीको आईपीओ ८३ हजारले मात्रै १०।१० कित्ताका दरले पाउनेछन् । जसमा साढे २४ लाखभन्दा बढीको हात रित्तो हुनेछ ।

07/02/2026

अतिथि रिसोर्ट एण्ड स्पाले दियो आईपीओ निष्काशनको लागि सेबोनमा निवेदन

अतिथि रिसोर्ट एण्ड स्पा लिमिटेडले आईपीओ निष्काशनको अनुमति प्राप्त गर्न नेपाल धितोपत्र बोर्डमा आवेदन दिएको छ । कम्पनीले माघ २० गते आवेदन बुझाएको हो ।

कम्पनीले १६ करोड २५ लाख रुपैयाँ बराबरका १६ लाख २५ हजार कित्ता सेयर निष्काशनको लागि अनुमति मागेको छ । यस निष्काशनको लागि प्रभु क्यापिटललाई बिक्री प्रबन्धक नियुक्त गरिएको छ ।

06/02/2026

राष्ट्रिय स्वतन्त्र पार्टी (रास्वपा) का उपसभापतिसमेत रहेका तनहुँ १ का उम्मेदवार स्वर्णिम वाग्लेले साइबर ब्युरोमा उजुरी दिएका छन्।

झुटो विवरण तयार गरेर आफूविरूद्ध सामाजिक सञ्जालमार्फत् भ्रम फैलाइएको भन्दै त्यस्ता व्यक्तिहरूको पहिचान गरी कारबाही माग गर्दै वाग्लेले साइबर ब्युरोमा उजुरी दिएका हुन् ।

धर्म र व्यक्तिगत अवस्थाबारे भ्रम सिर्जना गराउने काम भइरहेको पाइएको उनले दिएको उजुरीमा उल्लेख छ । उनले उजुरीमा अफवाह फैलाउने व्यक्ति र समूहहरू पत्ता लगाएर अनुसन्धान गरी कारबाही गर्न माग गरेका छन्।

वाग्ले तनहुँ-१ बाट फागुन २१ गते हुने निर्वाचनमा उम्मेदवार रहेका छन् ।

03/02/2026

आगामी फागुन २१ गतेका लागि तय भएको प्रतिनिधिसभा निर्वाचनको पहिलो हुने निर्वाचित हुने निर्वाचन प्रणालीतर्फको ३९ लाख ९८ हजार मतपत्र छपाइ भएको छ ।

निर्वाचन आयोगका अनुसार कूल ३० जिल्लाको मतपत्र छपाइ गरिसकेको छ । आयोगले जनक शिक्षा सामग्री केन्द्र भक्तपुरमा मतपत्र छपाइ नियमित रुपमा भइरहेको जनाएको छ । पहिलो हुने निर्वाचित हुने निर्वाचन प्रणालीतर्फ २ करोड ३ लाख २३ हजार मतपत्र छपाइ हुने आयोगले जानकारी दिएको छ ।

समानुपातिक निर्वाचन प्रणालीतर्फको दुई करोड आठ लाख ३० हजार मतपत्र छपाइ यसअघि सम्पन्न भइसकेको छ ।

त्यसैगरी मतदाता शिक्षा प्रयोजनका लागि १० लाख ९८ हजार २०० थान नमूना मतपत्र छपाइ सम्पन्न भइसकेको छ ।

02/02/2026

🔉🚨ipo alert: स्नो रिभर्सले पायो आईपीओ जारी गर्न अनुमति

नेपाल धितोपत्र बोर्डले स्नो रिभर्स लिमिटेडलाई आईपीओ निष्कासनको अनुमति दिएको छ । बोर्डले माघ १८ गते कम्पनीलाई आईपीओ निष्कासनको अनुमति प्रदान गरेको हो ।

अब कम्पनीले अकिंत मूल्य १०० रुपैयाँमा १८ लाख ७५ हजार कित्ता आईपीओ निष्कासन गर्ने छ । कम्पनीको बिक्री प्रबन्धकमा सानिमा क्यापिटल रहेको हो ।

31/01/2026

सुपर मादी हाइड्रोपावरको नाफा ६९ प्रतिशतले बढ्यो,

सुपर मादी हाइड्रोपावर लिमिटेडको नाफामा उल्लेख्य सुधार देखिएको छ । कम्पनीले सार्वजनिक गरेको चालु आर्थिक वर्षको दोस्रो त्रैमासिकसम्मको अपरिष्कृत वित्तीय विवरण अनुसार गत आवको सोही अवधिको तुलनामा ६९.२५ प्रतिशतले बढेको हो ।

चालु आर्थिक वर्षको पुस मसान्तसम्ममा कम्पनीले २० करोड ५९ लाख रुपैयाँ खुद नाफा कमाएको छ । गत आर्थिक वर्षको सोही अवधिसम्ममा कम्पनीले १२ करोड १७ लाख रुपैयाँ खुद नाफा कमाएको थियो । विद्युत बिक्री आम्दानी बढेको र खर्च घटेका कारण कम्पनीको खुद नाफा बढ्न पुगेको हो ।

समीक्षा अवधिमा कम्पनीको विद्युत बिक्री आम्दानी ११.०२ प्रतिशत घटेर ६७ करोड २८ लाख रुपैयाँ पुगेको छ । समीक्षा अवधिमा कम्पनीको कुल नाफा ८.७१ प्रतिशत बढेको छ । कम्पनीको अन्य सञ्चालन खर्च समीक्षा अवधिमा २६.१० प्रतिशत र वित्तीय खर्च १४.८३ प्रतिशत घटेको छ ।

नाफासँगै कम्पनीको प्रतिसेयर आम्दानी पनि बढेको छ । समीक्षा अवधिमा कम्पनीको यस्तो आम्दानी ७ रुपैयाँ ६४ पैसा बढेर १८ रुपैयाँ ६८ पैसा पुगेको छ। पुसको अन्त्यसम्ममा कम्पनीको प्रतिसेयर नेटवर्थ ११५ रुपैयाँ ७६ पैसा रहेको छ भने मूल्य आम्दानी अनुपात ३१.८४ गुणा रहेको छ ।

31/01/2026

फाइनान्स कम्पनीको वित्तीय विवरण - धेरै नाफा कमाउनेमा मञ्जुश्री,

चालु आर्थिक वर्षको दोस्रो त्रैमासिकसम्मको अवधिमा फाइनान्स कम्पनीहरुको नाफामा सुधार देखिएको छ । नेप्सेमा सूचीकृत भएका १५ वटा फाइनान्स कम्पनीको नाफा चालु आर्थिक वर्षको दोस्रो त्रैमासिकसम्मको अवधिमा धनात्मक बनेको हो ।

गत आर्थिक वर्षको ६ महिनासम्मको अवधिमा फाइनान्स कम्पनीहरुको नाफा ऋणात्मक रहेको थियो । कम्पनीहरुले सार्वजनिक गरेको वित्तीय विवरण अनुसार पुस मसान्तसम्ममा फाइनान्स कम्पनीहरुको कुल नाफा ३२ करोड ७७ लाख रुपैयाँल धनात्मक बनेको छ । गत आर्थिक वर्षको पुस मसान्तसम्मको अवधिमा फाइनान्सक कम्पनीहरु ७३ करोड २ लाख रुपैयाँले ऋणात्मक अवस्थामा रहेका थिए । वित्तीय विवरण अनुसार गत आर्थिक वर्षको पुस मसान्तसम्ममा १५ वटा वित्त कम्पनीमध्ये ६ वटा कम्पनीहरुले नोक्सानी व्यहोरेका थिए । चालु आर्थिक वर्षको ६ महिनाको अवधिमा नोक्सानीमा रहेका फाइनान्स कम्पनीको संख्या ३ वटा रहेको छ । अन्य १२ वटा कम्पनीको नाफा धनात्मक नै रहेको छ ।

१५ वटा फाइनान्स कम्पनीमध्ये सबै भन्दा धेरै नाफा कमाउने कम्पनीमा मञ्जुश्री फाइनान्स रहेको छ । यो कम्पनीले चालु आर्थिक वर्षको पुस मसान्तसम्मको अवधिमा १३ करोड ५३ लाख रुपैयाँ खुद मुनाफा कमाएको छ । त्यस्तै यो अवधिमा गुडविल फाइनानसले ११ करोठ १७ लाख रुपैयाँ नाफा आर्जन गर्न सफल भएको छ । त्यस्तै यो अवधिमा गोर्खाज फाइनान्सको नाफा ६ करोड १६ लाख, सेन्ट्रल फाइनानसको ३ करोड ९१ लाख, आइसीएफसी फाइनान्सको ३ करोड २० लाख, पोखरा फाइनान्सको २ करोड ९५ लाख, बेस्ट फाइनान्सको १ करोड ७४ लाख, गुहेश्वरी मर्चेन्ट एन्ड फाइनान्सको १ करोड ६८ लाख रुपैयाँ र श्री इन्भेष्टमेन्ट एन्ड फाइनान्सको १ करोड २१ लाख रुपैयाँ नाफा कमाएका छन् ।

Raising stocks

27/05/2026

27/04/2026

15/03/2026

10/02/2026

07/02/2026

06/02/2026

03/02/2026

02/02/2026

31/01/2026

31/01/2026

Address

Website

Alerts

Shortcuts

Share

Category

Listing takedown request