08/09/2025
म अहिले नेपाल बाहिर जाने तयारीमा छु, त्यसैले पेजमा नयाँ पोष्ट राख्न सकेको छैन। नेपाल बाहिर जानु रहर होइन, तर समय, परिस्थिति र देशको अवस्थाले म जस्ता लाखौँ युवालाई विदेशीन बनाइरहेको छ।
नेपालको अवस्थाले मलाई यो पोष्ट लेख्न बाध्य बनायो। आज हुन लागेको Gen Z को शान्तिपूर्ण आन्दोलनप्रति मेरो पूर्ण समर्थन छ। एकातिर देशभित्र रोजगारी सिर्जना नगर्ने, अर्कोतिर सामाजिक सञ्जालमार्फत केहि आयश्रोत बनाउन खोज्दा प्रतिबन्ध लगाउने—युवालाई सिर्जनात्मक काम गर्नै नदिने परिस्थिती सिर्जना गरिएको छ।
देशभित्र आफ्नो भविष्य खोज्ने युवालाई विदेशतर्फ लखेट्ने यो प्रवृत्ति अब सहन सकिँदैन। म अहिलेसम्म कुनै आन्दोलनमा प्रत्यक्ष सहभागी भएको थिइनँ, तर युवाहरुलाई निरुत्साहित पार्ने यो कदमविरुद्ध खुलेर आन्दोलनमा सहभागी हुँदैछु।
यो अति भयो सरकार!
जागौँ युवा, उठौँ युवा।
जहाँ जसरी सकिन्छ, आफ्ना ठाउँबाट आवाज उठाऔँ।
म नेपाल हासेको हेर्न चाहन्छु। 🙏💚
