23/08/2026
हकदाबी सम्बन्धी सूचना
यस श्री विन्ती बचत तथा ऋण सहकारी संस्था लि., मेचीनगर–८ का सदस्य श्री कृष्णबहादुर पराजुलीको २०८३ असार १३ गते निधन भएको र निजको आफ्नै छोरा/छोरी नभएको जानकारी प्राप्त भएको हुँदा निजको नाममा यस संस्थामा रहेको शेयर, बचत, लाभांश तथा अन्य रकममा हकदाबी गर्ने व्यक्ति वा कानुनी हकदार भएमा यो सूचना प्रकाशित भएको मितिले ७ दिनभित्र आवश्यक प्रमाण तथा कागजातसहित संस्थाको कार्यालयमा हकदाबी पेश गर्नुहुन सम्बन्धित सबैको जानकारीका लागि यो सूचना प्रकाशित गरिएको छ ।
निज श्री कृष्णबहादुर पराजुलीलाई जीवनकालमा अन्य व्यक्ति/परिवारले पालनपोषण गरेको भएमा सोही आधारमा हकदाबी गर्न चाहने व्यक्तिले समेत आफ्नो कानुनी हक प्रमाणित हुने आवश्यक कागजात पेश गर्नुपर्नेछ ।
हकदाबी पेश गर्दा आवश्यक कागजातहरूः
– मृतक श्री कृष्णबहादुर पराजुलीको मृत्यु दर्ता प्रमाणपत्र
– हकदाबी गर्ने व्यक्तिको नागरिकता प्रमाणपत्र
– मृतकसँगको नाता प्रमाणित प्रमाणपत्र
– धर्मपुत्र/धर्मपुत्री वा कानुनी हकदार भए सो सम्बन्धी प्रमाणपत्र
– वडा कार्यालय वा सम्बन्धित निकायबाट जारी हकदार प्रमाणित कागजात
– संस्थाले आवश्यक ठानेका अन्य प्रमाण तथा कागजातहरू
तोकिएको म्यादभित्र कुनै हकदाबी पेश नभएमा वा हकदाबी सम्बन्धमा विवाद उत्पन्न भएमा प्रचलित कानून तथा संस्थाको विनियमावली बमोजिम आवश्यक प्रक्रिया अगाडि बढाइने व्यहोरा सम्बन्धित सबैको जानकारीका लागि सूचित गरिन्छ ।
श्री विन्ती बचत तथा ऋण सहकारी संस्था लि.
मेचीनगर–८, झापा
सम्पर्क नं.ः ९८५२६६३६०१ / ०२३–४१५१६०
