03/06/2020
पोखरामा केन्द्रीय कार्यालय रहेको गण्डकी विकास बैंक लिमिटेडको विशेष साधारण सभा बैंकका अध्यक्ष श्री सुशिल गौचनको अध्यक्षतामा आज सम्पन्न भएको छ । सो विशेष साधरण सभाले गण्डकी विकास बैंक लिमिटेडलाई मेगा बैंक नेपाल लिमिटेडले प्राप्ती गर्ने विशेष प्रस्ताव सर्वसम्मतले पारित भएको छ ।
प्राप्ती पश्चात गण्डकी विकास बैंक लिमिटेडका शेयरधनीहरुले मेगा बैंक नेपाल लिमिटेडको एक कित्ता शेयर बराबर एक कित्ता शेयर (१ :१) प्राप्त गर्ने विशेष प्रस्ताव पारित गरेको हो ।
प्राप्ती पश्चात मेगा बैंक नेपाल लिमिटेडको नामबाट बैंकको एकिकृत कारोबार भई बैंकको कुल चुक्ता पूँजी रु १३ अर्व १३ करोड हुनेछ भने निक्षेप रु १ खर्व २५ अर्व हुनेछ । साथै कर्जा लगानी रु १ खर्व ९ अर्व हुनेछ । यसै गरी कुल शाखा संख्या २०६ र एक्टेन्सन काउन्टर ३० वटा हुनेछन् भने १४२ स्थानबाट एटिएम सेवा उपलब्ध हुनेछ । प्राप्ती पश्चात बैंकको उपस्थिती मुलुकका सातै प्रदेश अन्तर्गतका कुल ५८ जिल्लामा हुनेछ ।
