03/08/2023
माओवादी केन्द्रको केन्द्रीय समितिको बैठकमा अध्यक्ष क. प्रचण्डले पार्टी पार्टी जस्तो बनेन भन्नुभएछ । आखिर किन यस्तो भयो त माओवादी पार्टी ? यसको जिम्मेवारी मुख्यतः तपाईं सबै केन्द्रीय सदस्यले लिनुपर्दछ किनकी तपाईंहरु पार्टी निर्माणको केन्द्र भागमा हुनुहुन्छ ।
त्यसैले रचनात्मक बन्नुस, पार्टी प्रचण्ड एक्लैले बनाएर बन्दैन, सरकार अहिले अध्यक्ष प्रचण्डले नेतृत्व गरेको बेला इतिहासमै अत्यन्तै महत्वपूर्ण कार्य भएकाछन, भ्रष्टाचारीहरु भागाभाग गरिरहेका छन, जनप्रतिनिधि संस्था संसद यहि कारण तरङ्गित छ, संसद चल्न सकेको छैन । अहिले सरकारका क्रियाकलापका कारण जनतामा आशा पलाएको छ, निरास र सुतेर बसेका कार्यकर्तामा थोरै भएपनी उत्साह जागेको छ । त्यसैले यो अत्यन्तै उर्बर समय हो पार्टी निर्माणको लागि ।
यस्तोबेला अध्यक्षबाटै यस्तो धारणा आउनुमा तपाईं केन्द्रीय सदस्यहरुले वास्तविक धरातलमा उभिएर आत्मसमिक्षा गर्नुस र भावी कार्यदिशा तय गर्नुस ।कार्यकर्ता किन जिम्मेवारीपुर्वक भुमिका निभाइरहेका छैनन ? विश्लेषण गर्नुस, जनताबाट पार्टी र नेताहरु कट्नुको जिम्मेवारी तपाईंहरुले इमान्दारीपुर्वक लिनुस । कार्यकर्तालाई माया गर्नुस, उनिहरुको ईतिहास र निर्बाह गरेका भुमिकालाई सम्मान गर्नुस, नजिक राख्नुस, उनिहरुको भुमिका बुझेर उचित जिम्मेवारी दिनुस । जनताको घर घरमा जानुस र त्यहाँ जे पाकेको छ त्यसलाई हिजो आफ्नो ईतिहास सम्झंदै मीठो मानेर खानुस, रेष्टुरेन्टको स्वाद लिन छाड्नुस । जनतालाई संधै जनयुद्धको कथा सुनाएर अर्थ राख्दोरहेनछ भनेर बुझ्नुस ! दलित, जनजाती, महिला, आदिवासी, पिछडिएका बर्ग र क्षेत्रको लागि हामिले अधिकार सम्पन्न बनाएको कुरा बुझाउनुस, सरकारले गरेका जनहितकारी कामको फेहरिस्त बनाएर बुझाउनुस । अनि बन्छ प्रचण्डले भनेजस्तो पार्टी । नत्र क्षणिक स्वार्थमा रमाउनुस, गुटबन्दी गर्नुस, मौका यहि हो भनेर भ्रष्टाचारमा लिप्त हुनुस । त्यसपछी न बजे बाँसुरी, न रहे बाँस !
