OVGO capital Financial Group

OVGO capital Financial Group Бид Монголд илүү их бүтээнэ.Ачаа тээвэрлэлтийн дипломат хүргэлтийн үйлчилгээний зардал ойролцоогоор
$8,500

Binance-ийн үүсгэн байгуулагч Чанпэн Жао (CZ) саяхан хувийн хэтэвчинд криптовалютаа хадгалахын оронд бирж дээр байршуула...
09/08/2026

Binance-ийн үүсгэн байгуулагч Чанпэн Жао (CZ) саяхан хувийн хэтэвчинд криптовалютаа хадгалахын оронд бирж дээр байршуулах нь илүү аюулгүй хэмээн мэдэгдэж олны анхаарлыг татлаа.

Тухайлбал, тэрээр саяхан Coldcard хувийн хэтэвчийг онилсон 100 сая долларын халдлагыг жишээ болгон дурдаж, хувийн хэтэвч нь “ялагдашгүй биш”, олон жилийн турш илрээгүй кодын алдаа, цоорхой агуулж байх эрсдэлтэйг анхааруулжээ.

Мөн хэрэглэгчид нууц түлхүүрээ мартах, цахим залиланд өртөх зэрэг өөрсдийн алдаанаас болж алдсан Биткойны хэмжээ биржийн хакерын халдлагад алдсан дүнгээс их байгааг CZ дурдсан байна.

Цаашлаад крипто биржүүд аюулгүй байдлын системээ тогтмол сайжруулдаг төдийгүй ямар нэгэн эрсдэл гарлаа гэхэд хэрэглэгчдийн хохирлыг бүрэн барагдуулах чадвартай байдгаараа давуу талтайг онцолсон байна.

Samsung Electronics компани энэ оны 2 улиралд ойролцоогоор 58.6 тэрбум долларын үйл ажиллагааны ашигтай ажиллаж, дэлхийн...
07/08/2026

Samsung Electronics компани энэ оны 2 улиралд ойролцоогоор 58.6 тэрбум долларын үйл ажиллагааны ашигтай ажиллаж, дэлхийн хамгийн өндөр ашигтай компаниар нэрлэгдлээ.

Энэхүү амжилт нь хиймэл оюуны чип болон санах ойн картны асар их эрэлт, үнийн өсөлтөөс үүдэлтэй бөгөөд үйл ажиллагааны ашиг нь өмнөх оны мөн үеэс 1,810 хувиар өссөн байна.

Сонирхолтой нь, тус компани дээд амжилт тогтоосон тайлангаа танилцуулсан ч хувьцааны ханш нь томоохон уналтад ороод байна. Энэ нь хүчтэй өсөлтийн дараа олон хөрөнгө оруулагчид хувьцаагаа зарж, ашгаа авч эхэлсэнтэй холбоотой бололтой.

Цаашлаад зарим шинжээчид хиймэл оюуны чипний эрэлт хэрэгцээ цаашид ч компанийн ашгийг улам бүр нэмэгдүүлнэ гэж таамаглаж байгаа тул энэхүү ханшийн уналтыг харин ч худалдан авах "төгс боломж" хэмээн харж байна. Харин нөгөө хэсэг нь одоогийн хиймэл оюун ухааны тэсрэлт удааширч болзошгүйг анхааруулж байна.

Сүүлийн 24 цагийн хугацаанд дэлхийн хөрөнгийн зах зээлд хүчтэй сэргэлт ажиглагдаж, томоохон индексүүдийн нийт үнэлгээ ой...
05/08/2026

Сүүлийн 24 цагийн хугацаанд дэлхийн хөрөнгийн зах зээлд хүчтэй сэргэлт ажиглагдаж, томоохон индексүүдийн нийт үнэлгээ ойролцоогоор 2 их наяд доллароор нэмэгдлээ.

Шинжээчид энэхүү огцом өсөлтийг АНУ-ын Сангийн сайд Скотт Бессентийн Ормузын хоолойг "өнөө маргаашгүй нээнэ" гэх мэдэгдэлтэй холбон тайлбарлаж байна. Уг мэдэгдлийн дараа Брент маркийн газрын тосны ханш 6 орчим хувиар огцом унасан бөгөөд эрчим хүчний нийлүүлэлт болон инфляцтай холбоотой зах зээлийн болгоомжлолыг ихээхэн намжаав.

Цаашлаад энэ оны 2 улирлын ашгийн тайлангийн улирал хүлээлтээс давсан үр дүнтэй үргэлжилж, олон томоохон компаниуд хүчтэй санхүүгийн үзүүлэлт танилцуулсан нь хөрөнгө оруулагчдын итгэлийг улам нэмэгдүүлжээ. Үүний үр дүнд S&P 500 индекс 7,736 нэгжид хүрч, бүх цаг үеийн дээд амжилтаа дахин шинэчлэв.

Энэхүү эерэг хөдөлгөөн АНУ гэлтгүй Европ болон Азийн хөрөнгийн зах зээлд ч мөн ажиглагдаж эхлээд байна.

📈 Зах зээлийн мэдээАНУ болон Их Британийн зохицуулагчид санхүүгийн салбарын хамтын ажиллагаагаа идэвхжүүлж, крипто болон...
05/08/2026

📈 Зах зээлийн мэдээ

АНУ болон Их Британийн зохицуулагчид санхүүгийн салбарын хамтын ажиллагаагаа идэвхжүүлж, крипто болон стэйблкойны зохицуулалтаа нэгтгэх хэлэлцээр хийлээ.

Талууд стэйблкойны зохицуулалт, токенжуулалт болон хил дамнасан төлбөр тооцоог хөнгөвчлөх чиглэлээр бодлогоо уялдуулахаар тохиролцсон ба АНУ-д стэйблкойны талаарх GENIUS Act хууль хэрэгжиж эхэлснээр ам.доллараар баталгаажсан стэйблкойны хөгжил хурдасч байна.

Их Британийн Төв банк (BoE) стэйблкойны хязгаарлалтуудаа эргэн харж, илүү уян хатан шаардлага тавихаар судалж байна. Хил дамнасан гүйлгээ нь стэйблкойныг амьдрал дээр ашиглах хамгийн ашигтай кейс мөн гэдгийг талууд онцлов.

💹 Trade professionally!

🌐 https://www.ovgocorp.com/en

Дэлхийн хамгийн том агаарын тээврийн компаниудын нэг Emirates нислэгийн тийзийн төлбөрт Биткойн болон бусад криптовалюты...
05/08/2026

Дэлхийн хамгийн том агаарын тээврийн компаниудын нэг Emirates нислэгийн тийзийн төлбөрт Биткойн болон бусад криптовалютыг албан ёсоор хүлээн авч эхэллээ.

Тухайлбал, тус компани Crypto​.com платформтой хамтран ажиллаж байгаа бөгөөд үйлчлүүлэгчид криптовалютаар нислэгийн тийзээ шууд худалдан авах боломжтой болж байна.

Дубайн эрх баригчид энэхүү хамтын ажиллагааг бэлэн бус гүйлгээг дэмжих, технологийн компаниуд болон крипто хөрөнгө оруулагчдыг татах, мөн тус хотыг крипто, блокчэйн инновацын дэлхийн тэргүүлэх төв болгох урт хугацааны стратегийн нэг хэсэг хэмээн онцолжээ.

Одоогоор энэхүү крипто төлбөрийн үйлчилгээ зөвхөн Арабын Нэгдсэн Эмират Улсын оршин суугчдад нээлттэй байгаа аж.

🌍 ДЭЛХИЙН ТОМООХОН БИРЖҮҮДДэлхийн эдийн засгийн хөдөлгөгч хүч болсон хөрөнгийн биржүүдэд өдөр бүр их наяд ам.долларын ар...
04/08/2026

🌍 ДЭЛХИЙН ТОМООХОН БИРЖҮҮД

Дэлхийн эдийн засгийн хөдөлгөгч хүч болсон хөрөнгийн биржүүдэд өдөр бүр их наяд ам.долларын арилжаа хийгдэж, дэлхийн хамгийн үнэ цэнтэй компаниудын хувьцаа энд арилжаалагддаг.

📈 Хамгийн том биржүүд:
🇺🇸 New York Stock Exchange (NYSE)
🇺🇸 Nasdaq
🇨🇳 Shanghai Stock Exchange
🇯🇵 Tokyo Stock Exchange (JPX)
🇪🇺 Euronext
🇭🇰 Hong Kong Stock Exchange
🇨🇳 Shenzhen Stock Exchange
🇬🇧 London Stock Exchange
🇨🇦 Toronto Stock Exchange
🇮🇳 National Stock Exchange of India
🇮🇳 Bombay Stock Exchange
🇦🇺 Australian Securities Exchange

Эдгээр биржүүд нь:
✔️ Дэлхийн томоохон компаниудыг хөрөнгөөр хангадаг
✔️ Олон улсын хөрөнгө оруулалтын урсгалыг чиглүүлдэг
✔️ Дэлхийн эдийн засгийн төлөвийг тодорхойлдог
✔️ Инноваци, технологийн хөгжлийг санхүүжүүлдэг

Өнөөдөр зөвхөн хөрөнгө оруулагчид бус бизнес эрхлэгчид, удирдлагууд ч дэлхийн санхүүгийн зах зээлийн чиг хандлагыг ойлгох нь өрсөлдөх чадварын нэг хэсэг болж байна.

OVGO CAPITAL нь бизнесийн стратеги, хөрөнгө оруулалт, хиймэл оюун ухаан, менежментийн зөвлөх үйлчилгээний хүрээнд дэлхийн чиг хандлага, санхүүгийн мэдлэгийг Монголын бизнесүүдэд хүргэхийг зорьдог.Таны амьдралын стратегийн түнш

OVGO CAPITAL
Strategy • Investment • AI • Management Consulting

Amazon 2028 оноос эхлэн гар утасны сүлжээнд зориулсан 5,000 орчим хиймэл дагуул хөөргөх төслөө саяхан албан ёсоор танилц...
04/08/2026

Amazon 2028 оноос эхлэн гар утасны сүлжээнд зориулсан 5,000 орчим хиймэл дагуул хөөргөх төслөө саяхан албан ёсоор танилцууллаа.

Тухайлбал, эдгээр хиймэл дагуулууд нь дэлхийн аль ч өнцөг булангаас дуудлага хийх, мессеж бичих болон дата сүлжээнд холбогдох боломжийг хэрэглэгчдэд олгох аж.

Сонирхолтой нь, шинжээчид энэхүү төслийг Жефф Безос болон Элон Маск нарын хоорондох “хувийн тулаан” хэмээн харж байгаа бөгөөд Безосын сансрын амбиц, хиймэл дагуулын шинэ сүлжээ нь SpaceX болон Starlink-тай шууд өрсөлдөх болж байна.

Цаашлаад, Amazon-ийн хувьцааны ханш ердөө хоёрхон өдрийн арилжаагаар 20 орчим хувиар огцом өсөж, зах зээлийн үнэлгээ нь түүхэндээ анх удаа 3 наяд долларыг давлаа. Хөрөнгө оруулагчид тус компанийн AWS үүлэн технологи, хиймэл оюун ухаан болон сансрын технологийн бизнесийн урт хугацааны өсөлтөд өндөр хүлээлт тавьж байна.

АНУ-ын Холбооны Нөөцийн Сангийн (ХНС) бодлогын хүүний ээлжит шийдвэр Улаанбаатарын цагаар маргааш шөнө 02:00 цагт гарах ...
30/07/2026

АНУ-ын Холбооны Нөөцийн Сангийн (ХНС) бодлогын хүүний ээлжит шийдвэр Улаанбаатарын цагаар маргааш шөнө 02:00 цагт гарах гэж байна.

Өмнөх хурлаар зорилтот хүүний түвшинг 3.50-3.75 хувьд хэвээр үлдээсэн бөгөөд хөрөнгө оруулагчдын дийлэнх нь энэ удаад ч мөн адил өөрчлөхгүй, хэвээр үлдээнэ хэмээн таамаглаж байна.

Шинжээчдийн зүгээс хүүг хэвээр үлдээх гол шалтгааныг 6 сарын инфляцын үзүүлэлт хүлээлтээс доогуур гарсантай холбон тайлбарлаж байна. Тухайлбал, АНУ-ын инфляцын түвшин 5 сард 4.2 хувьтай байсан бол 6 сард 3.5 хувь болж буурсан нь ХНС-ийг хүүг өөрчлөхөөсөө өмнө түр 'харзнах' хандлага баримтлахад нөлөөлөх төлөвтэй байна.

Нөгөөтээгүүр, Ираны дайн болон эрчим хүчний үнийн өсөлтөөс шалтгаалан бодлогын хүүг зайлшгүй өсгөхөд хүрч болзошгүйг зарим эдийн засагч анхааруулж байна.

ОХУ-ын парламент өнгөрсөн долоо хоногт криптовалютын эрх зүйн орчныг бүрдүүлэх цогц хуулийн төслийг баталлаа. Энэхүү хуу...
29/07/2026

ОХУ-ын парламент өнгөрсөн долоо хоногт криптовалютын эрх зүйн орчныг бүрдүүлэх цогц хуулийн төслийг баталлаа.

Энэхүү хууль нь олон улсын төлбөр тооцооны уян хатан байдлыг нэмэгдүүлэх, барууны санхүүгийн систем болон хориг арга хэмжээнээс зайлсхийх зорилготой тус улсын мөнгөний бодлогод гарч буй томоохон өөрчлөлт болж байна.

Шинэ хуулиар ОХУ-ын иргэд крипто арилжих эрхтэй хэвээр үлдэх боловч гүйлгээний дээд хязгаар, хатуу хяналт шалгалт болон гадаадын крипто үйлчилгээг хориглох зэрэг илүү чанд зохицуулалтад захирагдах аж.

ОХУ-ын Ерөнхийлөгч Владимир Путин энэхүү шинэ хуулийг ил тод дэмжиж ирсэн бөгөөд өмнө нь “крипто болон блокчэйн технологийг ашиглан барууны санхүүгийн системээс хараат бус олон улсын худалдааны шинэ тогтолцоог бий болгох бүрэн боломжтой” хэмээн онцолж байжээ.

Элон Маск саяхан 2030 он гэхэд SpaceX-ийн жилийн орлого 1 их наяд долларт хүрнэ хэмээн мэдэгдлээ. Түүний энэхүү томоохон...
03/07/2026

Элон Маск саяхан 2030 он гэхэд SpaceX-ийн жилийн орлого 1 их наяд долларт хүрнэ хэмээн мэдэгдлээ.

Түүний энэхүү томоохон зорилт нь Уолл Стритийн шинжээчдийн таамаглалаас хоёр дахин өндөр буюу хагас их наяд доллароор давсан үзүүлэлт болж байна.

Тухайлбал, SpaceX дэлхийн тойрог замд хиймэл оюуны дата төвүүд байгуулах төслөө ирээдүйн нийт орлогынх нь 70 гаруй хувийг дангаараа бүрдүүлэх орлогын гол эх үүсвэр хэмээн онцолжээ. Үүний зэрэгцээ, Starlink хиймэл дагуулын интернэтийн сүлжээ онгоцны авиа компаниуд, батлан хамгаалах болон дэлхийн логистикийн салбарт илүү өргөнөөр нэвтрэх аж.

Хэдийгээр зарим хөрөнгө оруулагчид SpaceX-ийн одоогийн бага орлого, өндөр зардал болон асар их хөрөнгө оруулалт шаардлагатай байгаа зэргийг дурдаж дээрх зорилтод эргэлзэж байгаа ч, нөгөө хэсэг нь Маскийн алсын хараанд “бооцоо тавьж”, тус компанийн хувьцааг идэвхтэй худалдан авсаар байна.

Address

Great Place
Ulaanbaatar
13384

Website

Alerts

Be the first to know and let us send you an email when OVGO capital Financial Group posts news and promotions. Your email address will not be used for any other purpose, and you can unsubscribe at any time.

Shortcuts

Share

Category