07/09/2024
14-р далай лам Бакула Ренбучи 21-р зуун гарахад буюу шинэ мянганы эхэнд хүн төрөлхтөнд хандаж хэлсэн сургааль үгнээс...
🌍Алдаа хийснээ мэдсэн даруйдаа засах алхмыг хийж эхэл.🌍
Энэхүү сургааль үг нь амьдралдаа мөрдвөл зохих зарчим гэж би ойлгодог.
Энэ гайхалтай зарчмыг амьдралдаа мөрдөхийг хичээгээрэй.
Энэ зарчмыг өөрийнхөөрөө тайлбарлахыг хичээе. Бүх зүйлд давуу болон сул тал байгаа тул олон талаас нь тайлбарлахыг хичээе.
Ажил хийсэн хүн алдаа гаргадаг гэж ярьдаг. Одоогийн монголчууд энэ үгтэй маргахгүй бараг 💯 хүлээн зөвшөөрнө. Ихэнхдээ алдаагаа хүлээн зөвшөөрөхөөс зайлсхийхэд л энэ үгийг ашиглаж байх шиг. За яахав орхиё. Гол сэдэв рүүгээ оръё. Хүн аливаа зүйлийг сайн хийхийг, төгс хийхийг хичээх хэрэгтэй. Товчоор нүд хуурахгүй байх хэрэгтэй. Ядаж л зөв, сайн хийхийг хичээж байж сайн сайхан амьдрах учиртай. Өнөөдөр бидний сайн хийчлээ, үүнээс сайн гэж юу байхав гэж бодсон зүйл ямар хурдан үгүйсгэгдэж байгааг та бүхэн харж байгаа, төгс зүйл гэж байхгүй, төгсд хүрнэ гэдэг хүн төрөлхтөний мөрөөдөл байсаар байх болно.
Хүн энэ зарчмыг мөрдсөнөөр ямар давуу тал, илүү боломж эсвэл амьдралдаа тохиолдох саад бэрхшээлийг багасгадаг, бусдад саад хохирол, төвөг учруулахаас сэргийлдэг вэ❓️ Жишээ авъя.
Жишээ 1: Өөрийн мэргэжилд ойр жишээ авъя.
Нэг бизнесийн шийдвэр гаргах хэмжээний менежерийн гаргасан алдаатай шийдвэрийн улмаас тус бизнес ихээхэн хохирол амсаж эхлэв, тухайн шийдвэр буруу байснаас ийм зүйл тохиолдож байгааг менежер мэдсэн байна. Бусад ажилтнууд ч ойлгож шийдвэр гаргагчийг буруутгаж эхлэв. Үнэндээ менежер муу шийдвэр гаргаагүй боловч гадны нөлөөллийг дутуу тооцож алдаа гаргажээ. Захирал нөхцөл байдлыг бүрэн ойлгох хэмжээний эдийн засгийн мэдлэггүй ба менежерээ ихэд үнэлдэг, түүний шийдвэр хамгийн сайн нь гэдэгт итгэж байв.
"Алдаа хийснээ мэдсэн даруйдаа засах алхмыг хийж эхэл." зарчмыг хэрэгжүүлэхийн тулд юуны өмнө алдаагаа мэдсэн, ойлгосон байж хэрхэн яаж засах эсэхээ шийднэ. Менежер алдаагаа засахдаа дараах 2 аргаар хэрэгжүүлж болох юм. 1-рт: Бусдын өмнө алдаа хийснээ шууд хүлээн зөвшөөрөлгүйгээр алдааг залруулах өөрийн хийж чадах алхмуудыг хийж эхэлнэ. Ингэснээр алдаа удаан ч гэсэн залруулагдана эсвэл хохирлыг өөрийн хэмжээнд боломжит бага түвшинд хүргэж чадна. 2-рт: Алдаа хийснээ бусдын өмнө шууд хүлээн зөвшөөрч шийдвэртээ эрс өөрчлөлт оруулна. Гэвч алдаагаа хүлээн зөвшөөрснөөр шийдвэрээ залруулах боломж олдохгүй ч байх магадлалтай. Алдаан дээр тань дөрөөлөх хэн нэгний олз болж ч болно. Нөгөөтэйгүүр алдаагаа олох чадвартай, засах чадвартай, илүү чадвартай, цаашдын шийдвэрүүд нь илүү үнэ цэнэтэй байх болно гэж хүлээн зөвшөөрөгдөж болно.
3-р зам байгаа тэр бол хамгийн муу зам нэгэнт алдаа гаргачихсан, гаргасан алдаа өнгөрсөн цагтаа үлддэг гэж ойлгодог, эсвэл зүгээр л шууд сүйрэл гэж хүлээж авах эсрэгээрээ ажил хийсэн хүн л алдаа гаргадаг гэдэг үгийг буруугаар ашиглаж алдаагаа засахын оронд хаацайлах. Бүр муу нь алдаа гаргаснаа ч мэдэхгүй, мэдсэн ч үр дагаврын талаар бодох ч үгүй, ухаарахгүй байх явдал.
1-р аргаар алдаагаа засах алхмыг хийхэд өөрт хохирол бага ч бусдад (бизнест) хохирол ихтэй л юм бн. 2-р аргаар алдаагаа засах алхмыг хийхэд өөрт хохирол (таагүй зүйлтэй учрах эрсдэл их) их боловч бусдад хохирол багатай юм.
Дээрх 2-ын аль ч арга замаар явсан алдаагаа засах гэж оролдохгүй орхих 3-р замаас бага хохирол ирээдүйд хүлээх болно. Алдаагаа бүрэн засах боломж бараг байхгүй ч засахыг хичээх нь ирээдүйн муу үр дагаврыг багасгаад тогтохгүй сайн үр нөлөөг үзүүлнэ.
Энэ жишээ томчуудад зориулсан сериозни жишээ болчлоо. Багачуудад зориулсан жишээ бодож байгаад бичнэ ээ.
