Myo Hein - MES, Yangon (2026)

30/09/2026

The Executive Brief (30/9/2026)
**************************************

MSME ချေးငွေ ကျပ် ၈.၉၇ ထရီလီယံ — ကိန်းဂဏန်းကြီးပေမယ့် SME တကယ်လက်လှမ်းမီသလား?

၂၀၂၅–၂၀၂၆ ဘဏ္ဍာနှစ်အကုန်အထိ ပုဂ္ဂလိကဘဏ် ၁၉ ဘဏ်နဲ့ မြန်မာ့စီးပွားရေးဘဏ်တို့က MSME ချေးငွေစုစုပေါင်း ကျပ် ၈,၉၇၄.၂၂ ဘီလီယံ—ကျပ် ၈.၉၇ ထရီလီယံခန့် ထုတ်ချေးခဲ့တယ်လို့ ပြီးခဲ့တဲ့ရက်ပိုင်းကလွှတ်တော်မှာ တင်ပြထားပါတယ်။

ဘဏ် ၂၀ ခုမှ MSME ချေးငွေစုစုပေါင်း - 8,974.22 billion
အစိုးရ MSME Fund မှ တိုက်ရိုက်ချေးရန် ခွဲဝေထားငွေ - K150 billion
၂၀၂၆ ဇူလိုင် ၃၁ အထိ လျှောက်ထားသူ
650 ဦး လျှောက်ထား
အတည်ပြုခဲ့သူ 281 ဦး သာရှိသေး
အတည်ပြုချေးငွေ - K10.64 billion
လျှောက်ထားသူအပေါ် Approval Rate
43.2% သာရှိပါသည်။ ဒါကြောင့် အတည်ပြုသူတစ်ဦးလျှင် ပျမ်းမျှချေးငွေ
K37.9 million ရရှိပါသည်။

အဲ့ထဲမှာမှ Dedicated MSME Fund မှ တိုက်ရိုက်ချေးရန် ခွဲဝေထားတဲ့ K150 billion အနက် ဇူလိုင် ၃၁ ရက်အထိ အတည်ပြုထားတာ K10.64 billion ဖြစ်တဲ့အတွက် 7.1% ခန့်သာ အတည်ပြုအသုံးချထားခြင်း ဖြစ်ပါတယ်။ သို့သော် ကျန်လျှောက်လွှာများ စိစစ်ဆဲဖြစ်တယ်လို့ သိရပါတယ်။

SME တွေ ဘာကြောင့် ငွေမရသေးတာလဲ
===========================
ပြဿနာက ချေးငွေရန်ပုံငွေ မရှိလို့လည်း မဟုတ်ပါဘူး။ SME အများစုမှာ—
၁. Audited financial statements မရှိခြင်း
အခွန်တင်ပြချက်နဲ့ စာရင်းဇယား မကိုက်ညီခြင်း
၂. Formal cash-flow records အားနည်းခြင်း
၃. ချေးငွေပြန်ဆပ်နိုင်မှုကို သက်သေမပြနိုင်ခြင်း
၄. ပိုင်ဆိုင်မှုအာမခံပေးနိုင်မှု အားနည်းခြင်း
Company၊ licence နဲ့ regulatory compliance မပြည့်စုံခြင်း
၅. Loan proposal နဲ့ fund-utilisation plan မခိုင်မာခြင်း
တို့ကြောင့် Credit Assessment မကျော်နိုင်တာ အဓိကလို့ အကြောင်းတွေ ဖြစ်ပါတယ်။

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

28/09/2026

The Executive Brief (28/9/2026)
**************************************

စက်တင်ဘာ ၁ ရက်မှစ၍ အိမ်၊ ခြံ၊ မြေ၊ ကွန်ဒိုစတဲ့ ပိုင်ဆိုင်မှုလွှဲပြောင်းမှုမှာ ရောင်းသူဘက်က Capital Gains Tax အခြေအနေကို ဖြေရှင်းပြီး သက်ဆိုင်ရာ Tax Clearance ရယူရမယ့် လုပ်ထုံးလုပ်နည်းအသစ် ရှိလာပါတယ်။

ဒီလုပ်ထုံးလုပ်နည်းက ယခင်ကလို မြို့နယ် အခွန်ရုံးနဲ့တင် မပြီးပဲ အချို့ Case တွေမှာ စ ထိ စိစစ်မှုခံယူရတာတွေ ဖြစ်လာပါတယ်။ စ မှာ စိစစ်မှုခံယူရတဲ့အခါမှာ အခွန်က သတ်မှတ်ထားတဲ့ ကာလပေါက်စျေးထက် ပိုမိုများပြားသော နှုန်းထားတွေနဲ့ အခွန်စည်းကြပ်တာမျိုးတွေ စျေးကွက်ပေါက်စျေးနီးနီးဖြစ်လာတာမျိုးတွေ ကြားနေရပါတယ်။

Case တစ်ခုမှာဆို ပေ ၂၀ x ၆၀ ကို ၇၀၀၀ နဲ့ ဖြတ်လိုက်တာမို့ အခွန်တင် သိန်း ၇၀၀ ကျော် ပေးဆောင်လိုက်ရပါတယ်တဲ့။

ဒါကြောင့်လည်း စျေးကွက်မှာ အရောင်းအဝယ်တွေ သိသိသာသာလျော့ကျသွားတာ ဖြစ်နိုင်ပါတယ်။

နိုင်ငံတော်အတွက် အခွန်ငွေ ပိုမိုရရှိနိုင်တာမို့ တစ်ဖက်က ကြည့်ရင် ကောင်းပါတယ်။

တစ်ဖက်မှာလည်း သိတဲ့အတိုင်း မြန်မာ့နည်း မြန်မာ့ဟန်တွေလည်းရှိနေတာမို့ စောင့်တော့ကြည့်ရဦးမယ် 🤔

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

27/09/2026

The Executive Brief (27/9/2026)
*************************************

မြန်မာနိုင်ငံ၏ အိမ်ခြံမြေဈေးကွက်အတွင်း အရောင်းအဝယ်လုပ်ငန်းစဉ်များမှာ သိသာထင်ရှားစွာ ကျဆင်းလာနေကြောင်း Global New Light of Myanmar သတင်းစာက ဖော်ပြလာခဲ့ပါတယ်။

• ဈေးကွက်အခြေအနေ – ယခင်က ငွေကြေးဖောင်းပွမှုနှင့် ငွေကြေးတန်ဖိုး ကျဆင်းချိန်များတွင် ပိုင်ဆိုင်မှုလုံခြုံရန်အတွက် အိမ်ခြံမြေပေါ်သို့ ရင်းနှီးမြှုပ်နှံမှု အစုအပြုံလိုက် ဝင်ရောက်လာခဲ့သော်လည်း၊ လက်ရှိတွင် ငွေဖြစ်လွယ်မှု (Liquidity Risk) နှင့် စီးပွားရေး မသေချာမရေရာမှုများကြောင့် အရောင်းအဝယ်ပမာဏမှာ သိသိသာသာ နည်းပါးသွားပြီး ဈေးကွက်မှာ အေးစက်နေကြောင်း အိမ်ခြံမြေ အကျိုးဆောင်များနှင့် ဈေးကွက်သုံးသပ်ချက်များအရ သိရသည်။
• ၂၀၂၀ မတိုင်မီကထက် အိမ်ခြံမြေဈေးတွေ အလွန်မြင့်တက်နေတယ်။ ဒါပေမယ့် အရောင်းအဝယ်အရေအတွက် သိသိသာသာ လျော့နည်းသွားတယ်။
• ဈေးကြီးတဲ့ပိုင်ဆိုင်မှုတွေ ရောင်းထွက်ဖို့ ပိုကြာလာတယ်။
• ရောင်းသူတွေက လက်ရှိပေါက်ဈေးလိုချင်ပေမယ့် ဝယ်သူတွေက ဈေးညှိချင်ကြတယ်။
• အမှန်တကယ်လိုအပ်လို့ဝယ်သူနဲ့ အရေးပေါ်ရောင်းလိုသူတွေကြားမှာသာ Transaction ပိုဖြစ်နေတယ်။

အဓိကအကြောင်းတစ်ချက်က အခွန်နဲ့ လွှဲပြောင်းစရိတ်တွေကလည်း ဆုံးဖြတ်ချက်အပေါ် သက်ရောက်နေတယ် လို့ဆိုထားပါတယ်။

အခွန်စည်းမျဉ်းကြောင့် Transaction Friction ပိုတက်လာတာလည်း ဖြစ်ပါတယ်။
၂၀၂၆ စက်တင်ဘာ ၁ ရက်မှစ၍ အိမ်၊ မြေ၊ ကွန်ဒိုစတဲ့ ပိုင်ဆိုင်မှုလွှဲပြောင်းမှုမှာ ရောင်းသူဘက်က Capital Gains Tax အခြေအနေကို ဖြေရှင်းပြီး သက်ဆိုင်ရာ Tax Clearance Certificate ရယူရမယ့် လုပ်ထုံးလုပ်နည်းအသစ် ရှိလာပါတယ်။ ဒါကြောင့် ဝယ်သူ–ရောင်းသူ ဈေးညှိနိုင်ရုံနဲ့ Transaction ပိတ်လို့မရဘဲ Tax documentation နဲ့ title records တွေလည်း အဆင်သင့်ရှိဖို့ လိုလာပါတယ်။ ဒီအချက်တွေက လျော့ကျလာစေတဲ့ အဓိကအချက်ဖြစ်ပါတယ်။

လူကြီးမင်းတို့ရော ဘယ်လိုထင်လဲ ?

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

26/09/2026

The Executive Brief (26/9/2026)
**************************************

လက်ရှိဘဏ်တွေရဲ့ ပေါ်လစီနဲ့ လက်ရှိ ကျင့်သုံးနေတဲ့ အခြေအနေတွေပါ။

1️⃣Export Earning Policy
၂၀၂၅ ခုနှစ်အတွင်း Export Earnings ၏—
25% ကို CBM Reference Rate ဖြင့် MMK သို့ လဲလှယ်ရသည်။
ကျန် 75% ကို Online Trading Rate ဖြင့် လဲလှယ်နိုင်သည်။

၂၀၂၆ ဇန်နဝါရီ ၁ ရက်မှစပြီး—
Mandatory Conversion ကို 25% မှ 15% သို့ လျှော့ချခဲ့သည်။
Online Trading Rate ဖြင့် လဲလှယ်နိုင်သည့်ပမာဏကို 75% မှ 85% သို့ တိုးမြှင့်ခဲ့သည်။

Exporter များသည် Export Proceeds ကို သတ်မှတ်ကာလအတွင်း မြန်မာနိုင်ငံရှိ မိမိတို့၏ Bank Account ထဲသို့ ပြန်လည်လွှဲပို့ရမည်။

Asian/ASEAN countries သို့ Export လုပ်ပါက ရက် ၃၀ အတွင်း
အခြားနိုင်ငံများသို့ Export လုပ်ပါက ရက် ၆၀ အတွင်း

၂၀၂၅ ဇွန်လတွင် ၂၀၁၆–၂၀၂၀ Export Proceeds ပြန်မသွင်းခဲ့သည့် ကုမ္ပဏီပေါင်း ၁၉၇ ခု ကို Blacklist ပြုလုပ်ခဲ့ခြင်းက Enforcement ကို နောက်ကြောင်းပြန်ပြီး အရေးယူနိုင်ကြောင်းပြသခဲ့သည်။

2️⃣ Exchange Rate ကို CBM က တိုက်ရိုက်သတ်မှတ်နေသေးလား?
Online Trading Platform ပေါ်ရှိ Exchange Rate ကို CBM က တိုက်ရိုက်သတ်မှတ်ခြင်းမပြုတော့ဘဲ AD Bank များ၏ Bid နှင့် Offer အပေါ်အခြေခံပြီး Market Participants က သတ်မှတ်သည့်စနစ် ဆက်လက်အသုံးပြုနေပါတယ်။

3️⃣ ဘဏ် Reserve Requirement တိုးလာသလား လျော့သွားလား?
၂၀၂၅ မတ်လမှာ CBM က Minimum Reserve Requirement Ratio ကို 3.75% မှ 6% သို့
သိသိသာသာ တိုးမြှင့်ခဲ့ပါတယ်။

ထို့အပြင် Average Excess Reserve အပေါ် ပေးသည့် IOER ကို ၂၀၂၅ အောက်တိုဘာတွင် 8% သို့ တိုးမြှင့်ခဲ့ပါတယ်။

4️⃣ အတိုးနှုန်းဆိုင်ရာ အခြေအနေ

လက်ရှိအသုံးပြုနေသည့် အတိုးနှုန်း အမျိုးအစား
နှုန်း
Central Bank Rate 9%
Minimum Deposit Rate 7%
Maximum Lending Rate 15%
Interest on Average Excess Reserve 8%

ဘဏ်များက Risk နှင့် Profitability အပေါ်အခြေခံပြီး Deposit နှင့် Lending Rate ကို 7%–15% အတွင်း သတ်မှတ်နိုင်ပါတယ်။
5️⃣ Digital Payment နှင့် Cashless Economy
P2P တစ်ကြိမ် - MMK 1 million
P2P တစ်ရက် - MMK 5 million
Mobile Money Balance - MMK 10 million
CBM-NET P2P/Government Payment - MMK 10 million
MMK 10 million နှင့်အထက် ကို CBM-NET B2B မှ ဆောင်ရွက်ရန် သတ်မှတ်ထားသည်။

MMQR ကို ၂၀၂၅ ဖေဖော်ဝါရီ ၂၈ ရက်မှ ၂၀၂၆ ဇန်နဝါရီကုန် အထိ
Transaction - သန်း ၃၀ ကျော်
Transaction Value - MMK 12.7 trillion ကျော်
Merchant 420,000 ကျော်
User 24 million ကျော် အသုံးပြုနေတာဖြစ်ပါတယ်။

ကျန်နေတာမျိုး ရှိခဲ့ရင် မျှဝေပေးသွားပါ၊ ထပ်သိချင်တာမျိုး ရှိရင် Comment ချန်ထားခဲ့ပါ။

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

25/09/2026

The Executive Brief (25/9/2026)
**************************************

ADB ရဲ့ စက်တင်ဘာ ၂၃ ရက် နောက်ဆုံးခန့်မှန်းချက်အရ မြန်မာနိုင်ငံရဲ့ ၂၀၂၆ ဘဏ္ဍာနှစ် GDP တိုးတက်မှုကို 2.4% မှ 2.2% သို့ လျှော့ချလိုက်ပါတယ်။ ငွေကြေးဖောင်းပွမှုကတော့ 24% ဝန်းကျင် ဆက်ရှိမယ်လို့ ခန့်မှန်းထားပါတယ်။

အဓိကပြဿနာက GDP တိုးနှုန်းထက် ကုန်ဈေးနှုန်းတက်နှုန်းက အဆများစွာ မြင့်နေခြင်းပါ။ Supply chain ပြတ်တောက်မှု၊ သွင်းကုန်ကန့်သတ်ချက်၊ နိုင်ငံခြားငွေရရှိရန်ခက်ခဲမှုနဲ့ ထုတ်လုပ်မှုကုန်ကျစရိတ်တက်ခြင်းတို့က ပြန်လည်နာလန်ထူမှုကို နှေးကွေးစေတဲ့ အဓိက အချက်တွေလို့ ထောက်ပြထားပါတယ်။

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

24/09/2026

The Executive Brief (24/9/2026)
*************************************

"မြန်မာနိုင်ငံရဲ့ ဝမ်းနည်းဖွယ်အဖြစ်ဆိုးဟာ တိုင်းပြည် မီးလောင်ကျွမ်းနေရုံတင်မကဘဲ သက်ဆိုင်သူတိုင်းက မီးကို ပိုလောင်အောင် လောင်စာပုံပေးနေကြပြီး ပြာပုံဘဝကနေ တိုင်းပြည်ကို ပြန်လည်တည်ဆောက်ပေးနိုင်မယ့်သူ တစ်ယောက်မှ မရှိတာပဲ ဖြစ်ပါတယ်"
Charlie Campbell

"ပေးလာတဲ့လောင်စာကို မီးထဲမထည့်ဘဲ၊ နိုင်ငံပြန်တည်ဆောက်မယ့် အင်ဂျင်ထဲ ငါတို့ ကိုယ်တိုင် ထည့်ကြတာပေါ့"
Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

19/09/2026

The Executive Brief (19/9/2026)
**************************************

SCO Development Bank: Myanmar အတွက် ငွေကြေးအရင်းအမြစ်အသစ်လား?

ဘဏ္ဍာရေးနှင့်အခွန်ဝန်ကြီးဌာန ဒုတိယဝန်ကြီး ဒေါ်သန်းသန်းလင်းသည် စက်တင်ဘာ 14–16 ရက်အတွင်း တရုတ်နိုင်ငံ Hangzhou မြို့မှာ ကျင်းပခဲ့တဲ့ Shanghai Cooperation Organization Development Bank—SCOB တည်ထောင်ရေး ပဉ္စမအကြိမ်ဆွေးနွေးပွဲကို တက်ရောက်ခဲ့ပါတယ်။

ဆွေးနွေးခဲ့တဲ့အချက်တွေထဲမှာ—
1️⃣ဘဏ်တည်ထောင်ရေး MoU မူကြမ်း
2️⃣အဖွဲ့ဝင်နိုင်ငံများ၏ ရှယ်ယာခွဲဝေမှု
3️⃣မဲပေးပိုင်ခွင့်
4️⃣ဆုံးဖြတ်ချက်ချမှတ်ပုံ
5️⃣Capital contribution
6️⃣Concessional financing window
7️⃣ဘဏ်ရဲ့အနာဂတ်လုပ်ငန်းစဉ်
တို့ပါဝင်ပါတယ်။

Myanmar၊ Cambodia၊ Laos၊ Indonesia နဲ့ Vietnam အပါအဝင် နိုင်ငံ 29 နိုင်ငံမှ ဘဏ္ဍာရေးနှင့်ဗဟိုဘဏ်တာဝန်ရှိသူများ ပါဝင်ခဲ့ပါတယ်။

အထူးသဖြင့် မြန်မာနိုင်ငံအနေနဲ့ ကမ္ဘာ့ဘဏ်၊ ADB နဲ့ Western financing channels အကန့်အသတ်ရှိနေချိန်မှာ တရုတ်နဲ့ SCO အခြေပြု development finance ဟာ alternative source ဖြစ်လာနိုင်ပါတယ်။

ဒါပေမယ့် လက်ရှိမှာ SCO Development Bank ဟာ ချေးငွေထုတ်ပေးနေပြီဖြစ်တဲ့ဘဏ်မဟုတ်သေးပါဘူး။ တည်ထောင်ဖို့ စည်းမျဉ်းနဲ့ ပိုင်ဆိုင်မှုဖွဲ့စည်းပုံ ဆွေးနွေးနေဆဲဖြစ်ပါတယ်။

ဒါကြောင့် “မြန်မာ က SCO Bank ကနေ ချေးငွေရတော့မယ်” လို့ ပြောဖို့တော့ စောနေပါသေးတယ်။

ဒါပေမယ့် SCOB အကောင်အထည်ပေါ်လာပါက မြန်မာ အတွက်—

1. Infrastructure financing
2. Energy and electricity projects
3. Transport corridors
4. Digital infrastructure
5. Agriculture and industrial development
6. Regional trade connectivity

တို့အတွက် multilateral financing channel အသစ်ဖြစ်လာနိုင်တာမို့ ပြီးတော့ CNY နဲ့ ချေးငွေရနိုင်ဖို့ မျှော်လင့်လို့ရမှာပါ။

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

18/09/2026

The Executive Brief (16/9/2026)
*************************************

မြန်မာ–အမေရိကန် ချစ်ကြည်ရေးကို ထောက်ထား၍ ပြန်လွှတ်ပေးခဲ့တဲ့
Adam Castillo ဟာ AMCHAM Myanmar ရဲ့ ဥက္ကဋ္ဌဟောင်းတစ်ဦးဖြစ်ပါတယ်။ သူတာဝန်ယူနေစဉ်အတွင်းမှာ အမေရိကန်နဲ့ မြန်မာကြား စီးပွားရေးဆက်ဆံမှုမြှင့်တင်ဖို့ U.S.–Burma Economic Forum ဆိုတဲ့အစီအစဉ်ကို အကောင်အထည်ဖော်ခဲ့ပါတယ်။

အဲဒီအစီအစဉ်အတွက် အမေရိကန်နိုင်ငံက PR ကုမ္ပဏီတစ်ခုနဲ့ အမေရိကန်ဒေါ်လာ 300,000 ဝန်းကျင်တန်ဖိုးရှိ စာချုပ်တစ်ခု ချုပ်ဆိုခဲ့တယ်လို့ သတင်းတွေမှာ တွေ့ရတယ်။ ငွေကို AMCHAM Myanmar ရဲ့ ဘဏ်စာရင်းကနေ ပေးခဲ့တာမဟုတ်ဘဲ အပြင်က Sponsor က PR ကုမ္ပဏီကို တိုက်ရိုက်ပေးခဲ့တယ်လို့လည်း ဆိုပါတယ်။ ဒါက မြန်မာနိုင်ငံထဲ နိုင်ငံခြားငွေဝင်ဖို့ခက်လို့ တိုက်ရိုက်ပေးချေတာလို့ သိရတယ်။

နောက်ပိုင်းမှာ အဲဒီစာချုပ်ကို Board က တကယ်အတည်ပြုခဲ့သလား၊ Adam Castillo မှာ AMCHAM ကိုယ်စား လက်မှတ်ရေးထိုးပိုင်ခွင့်ရှိသလား၊ ငွေပေးချေမှုနဲ့ စာချုပ်အကြောင်းကို စာရင်းနဲ့ auditor ထံ မှန်မှန်ကန်ကန်ဖော်ပြခဲ့သလားဆိုတာ အငြင်းပွားမှုဖြစ်လာပါတယ်။

AMCHAM ဘက်က Board approval မရှိဘူးလို့ ဆိုပါတယ်။ တခြားတစ်ဖက်မှာတော့ အစီအစဉ်ကို Board နဲ့ members တွေ သိရှိအတည်ပြုထားကြောင်း ပြသတဲ့ resolution နဲ့ meeting minutes တွေရှိတယ်လို့ ဆိုပါတယ်။

ဒီအငြင်းပွားမှုနောက်ပိုင်းမှာ AMCHAM Myanmar ဘက်က တိုင်ကြားခဲ့တယ်လို့ သတင်းတွေက ဖော်ပြပြီး Adam Castillo ကို 2026 ခုနှစ် ဇွန်လမှာ ဖမ်းဆီးထိန်းသိမ်းခဲ့ပါတယ်။ သုံးလခန့်အကြာ စက်တင်ဘာ 16 ရက်မှာတော့ ပြန်လွှတ်ပေးပြီး မြန်မာနိုင်ငံပြင်ပကို ပို့ဆောင်ခဲ့ပါတယ်။

လက်ရှိအထိ ဘယ်သူမှန်တယ်၊ ဘယ်သူမှားတယ်ဆိုတာ တရားရုံးက အပြီးသတ်ဆုံးဖြတ်ထားကြောင်း ရှင်းလင်းတဲ့အချက်အလက် မတွေ့ရသေးပါဘူး။

ဒါကြောင့် ဒီနေရာမှာ ဘယ်ဘက်ကမှန်တယ်၊ မှားတယ်ဆိုတာ မဆုံးဖြတ်ဘဲ လုပ်ငန်းတိုင်းအတွက် သင်ခန်းစာယူကြည့်ရအောင်ပါ။

အစည်းအဝေးမှာ “လုပ်လိုက်ပါ” လို့ ပြောထားတာနဲ့ လုပ်ပိုင်ခွင့်အပြည့်အဝရပြီလို့ မယူဆသင့်ပါဘူး။

လုပ်ငန်းကြီးတစ်ခု၊ စာချုပ်ကြီးတစ်ခု ဆောင်ရွက်မယ်ဆိုရင်—

- ဘာလုပ်မှာလဲ
- ဘယ်လောက်သုံးမှာလဲ
- ငွေကို ဘယ်သူပေးမှာလဲ
- ဘယ်သူ့ကို ပေးမှာလဲ
- ဘယ်သူက လက်မှတ်ထိုးမှာလဲ
- ဘယ်သူက စောင့်ကြည့်မှာလဲ

ဆိုတာတွေကို စာနဲ့ရှင်းရှင်းလင်းလင်း ရေးထားဖို့လိုပါမယ်။

တခြားသူတစ်ယောက်က ကုမ္ပဏီကိုယ်စား ငွေပေးလိုက်တာ၊ ကုမ္ပဏီဘဏ်စာရင်းထဲ ငွေမဝင်တာနဲ့ “ကုမ္ပဏီနဲ့မဆိုင်ဘူး” လို့လည်း မယူဆသင့်ပါဘူး။

ကုမ္ပဏီနာမည်ကို သုံးထားသလား၊ ကုမ္ပဏီက အကျိုးခံစားခွင့်ရသလား၊ ကုမ္ပဏီကိုယ်စား ကတိပေးထားသလားဆိုတာတွေကို ပြန်စစ်ရပါမယ်။ ပြီးတော့ စာရင်းကိုင်၊ auditor နဲ့ Board ကို အသိပေးထားရပါမယ်။ Off the Balance Sheet လုပ်လို့မရပါဘူး။

အရေးကြီးတဲ့ဆုံးဖြတ်ချက်တွေမှာ -

“အဲဒီနေ့က ပြောပြီးသားပဲ”
“အားလုံးသိပါတယ်”
“Board က သဘောတူထားပါတယ်”
ဆိုတဲ့ အထောက်အထား မရှိတဲ့ လေထဲကစကားတွေဟာ ပြဿနာတက်လာတဲ့အခါ သက်သေမဖြစ်နိုင်တော့ပါဘူး။

Corporate Governance ဆိုတာ ယုံကြည်ရတဲ့သူတွေကို မယုံကြည်တာမဟုတ်ပါဘူး။ ယုံကြည်မှုရှိနေရင်တောင် လူတိုင်းကို ကာကွယ်ပေးနိုင်အောင် စည်းမျဉ်းနဲ့ မှတ်တမ်းထားခြင်းဖြစ်ပါတယ်။

ဒါကြောင့် လုပ်ငန်းတိုင်းမှာ အနည်းဆုံး—

1. ဘယ်သူက ဘယ်လောက်အထိ ဆုံးဖြတ်နိုင်သလဲဆိုတဲ့ လုပ်ပိုင်ခွင့်စာရင်း Financial Authority
2. တိကျရှင်းလင်းတဲ့ Board Resolution
3. စာချုပ်အားလုံးမှတ်တမ်းတင်ထားတဲ့ Contract Register
4. ပြင်ပလူတစ်ဦးက ငွေပေးချေပါက လိုက်နာရမယ့်စည်းမျဉ်း
5. Auditor နဲ့ Board ကို မဖြစ်မနေအသိပေးရမယ့်စနစ် စတာတွေ ရှိထားသင့်ပါတယ်။

စာရွက်စာတမ်းထားခြင်းက အချင်းချင်းမယုံလို့ မဟုတ်ပါဘူး။

ဒီနေ့ သဘောတူထားတာကို နောင်တစ်နေ့မှာ လူတိုင်းတစ်မျိုးစီ ပြန်မပြောနိုင်အောင် ကာကွယ်ထားခြင်းဖြစ်ပါတယ်။

ဘာရယ်မဟုတ်ဘူး သူဘာလို့ထောင်ကျသွားတာလဲ သူကို့ ဘာလို့ ပြန်လာခေါ်သွားတာလည်း စပ်စုရင်း သိလာရတာလေး မျှဝေပေးတာပါ အကြောင်းအရင်းမှန်ကတော့ သက်ဆိုင်သူတွေပဲ သိရမှာပါ။

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

16/09/2026

The Executive Brief (16/9/2026)
*************************************

Control မရှိတဲ့ ယုံကြည်မှုက စီမံခန့်ခွဲမှုမဟုတ်ဘူး အန္တရာယ်ကို မမြင်ချင်ယောင်ဆောင်ထားခြင်းပဲ။

မမြင်ချင်ယောင်ဆောင်ထားတဲ့ ပြဿနာတွေက အလိုလိုပျောက်မသွားဘူး။ ပြန်ပြင်ဖို့ မတတ်နိုင်လောက်တဲ့ ဆုံးရှုံးမှုဖြစ်တဲ့အထိ
တိတ်တိတ်လေး ကြီးလာတတ်တယ်။

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

15/09/2026

The Executive Brief (15/9/2026)
*************************************

မြန်မာနဲ့ ကမ္ဘောဒီးယားတို့ဟာ နှစ်နိုင်ငံကြား အရေးကြီးတဲ့ကဏ္ဍတွေမှာ ပူးပေါင်းဆောင်ရွက်မှုတွေ ပိုမိုအားကောင်းလာစေဖို့ သဘောတူညီချက် လေးခုကို လက်မှတ်ရေးထိုးခဲ့ကြပါတယ်။
လက်မှတ်ရေးထိုးပွဲကို ဖနွမ်းပင်မြို့က ငြိမ်းချမ်းရေးနန်းတော်မှာ သောကြာနေ့ မွန်းလွဲပိုင်းက ကျင်းပခဲ့တာပါ။ နှစ်နိုင်ငံခေါင်းဆောင်တွေ တွေ့ဆုံဆွေးနွေးပြီးနောက် လက်မှတ်ရေးထိုးခဲ့ကြတာ ဖြစ်ပါတယ်။
လက်မှတ်ရေးထိုးခဲ့တဲ့ သဘောတူညီချက် လေးခုကတော့—
၁။ ဝင်ငွေခွန်ကို နှစ်နိုင်ငံစလုံးမှာ နှစ်ထပ်မပေးရအောင် ကာကွယ်ပေးမယ့်အပြင် အခွန်တိမ်းရှောင်တာနဲ့ အခွန်ရှောင်လွှဲတာတွေကို တားဆီးနိုင်ဖို့အတွက် ချုပ်ဆိုတဲ့ နှစ်ထပ်အခွန်ရှောင်ရှားရေး သဘောတူစာချုပ်။

၂။ နှစ်နိုင်ငံအကြား ရင်းနှီးမြှုပ်နှံမှုတွေ ပိုမိုတိုးတက်လာစေဖို့နဲ့ ရင်းနှီးမြှုပ်နှံသူတွေကို အပြန်အလှန် အကာအကွယ်ပေးနိုင်ဖို့ ချုပ်ဆိုတဲ့ ရင်းနှီးမြှုပ်နှံမှု မြှင့်တင်ရေးနှင့် အကာအကွယ်ပေးရေး သဘောတူစာချုပ်။

၃။ မြန်မာနဲ့ ကမ္ဘောဒီးယားတို့အကြား ရှိပြီးသား ယဉ်ကျေးမှုဆိုင်ရာ ပူးပေါင်းဆောင်ရွက်ရေး သဘောတူညီချက်ကို ပြင်ဆင်ဖြည့်စွက်တဲ့ သဘောတူညီချက်။

၄။ မီဒီယာနဲ့ သတင်းအချက်အလက်ကဏ္ဍတွေမှာ နှစ်နိုင်ငံ ပိုမိုပူးပေါင်းဆောင်ရွက်နိုင်ဖို့ ချုပ်ဆိုတဲ့ နားလည်မှုစာချွန်လွှာတို့ပဲ ဖြစ်ပါတယ်။

ဒီအထဲမှာ ကျွန်တော် စိတ်အဝင်စားဆုံးက Double Taxation Agreement လို့ခေါ်တဲ့ DTA အခွန် နှစ်ထပ်မကျသင့်စေရေး သဘောတူ စာချုပ်ဖြစ်ပါတယ်။ ဒီစာချုပ်မှာ ဘယ်လို အချက်တွေပါဝင်လဲ...?

1️⃣ဝင်ငွေတစ်ခုတည်းအပေါ် နှစ်နိုင်ငံလုံးက ထပ်ဆင့်အခွန်ကောက်ခံမှု လျှော့ချရန်
2️⃣Cross-border trade နှင့် investment အတွက် tax certainty တိုးမြှင့်ရန်
3️⃣Tax evasion နှင့် avoidance ကို ထိန်းချုပ်ရန်
4️⃣Tax authorities နှစ်ဖက်ကြား information exchange ပြုလုပ်ရန် တို့ဖြစ်ပါတယ်။

Myo Hein - MES
𝑨𝒍𝒘𝒂𝒚𝒔 𝑳𝒆𝒂𝒓𝒏𝒊𝒏𝒈 ၊ အမြဲတမ်းသင်ယူပါ

Myo Hein - MES

30/09/2026

28/09/2026

27/09/2026

26/09/2026

25/09/2026

24/09/2026

19/09/2026

18/09/2026

16/09/2026

15/09/2026

Address

Website

Alerts

Shortcuts

Share

Category

Listing takedown request